Post: #1
Title: امطار غزيره الان بالدوحه
Author: ضحيه ابراهيم
Date: 12-06-2008, 12:46 PM
الان تهطل امطارا عزيره بالعاصمه القطريه الدوحه وغطت تقريبا كل انحاء المدينه مصحوبه بتساقط الثلج وخلقت جوا جميلا جعلها الله امطار خير وبركه على هذا البلد وهذا الشعب الطيب
|
Post: #2
Title: Re: امطار غزيره الان بالدوحه
Author: محمد سنى دفع الله
Date: 12-06-2008, 01:09 PM
Parent: #1
مــــــطــر مــــطــر مــــطـــر
الدوحـة الليلـة تسـتحم من مطر الشــاء ، تغسل ذكرياتها القديمة، وتستقبل مباهج العام الجدبد بندى المطر ....
الليلة الدنيا عندنا مطر وأنا بموت في المطر من ضغير بعشق مدني ما عشان اتولدت فيها .عشان خريفه والمطر البنهمر بي سبب وبدون سبب . من انا صغير وانا بحب المطر كل انواع المطر . النقناقه والشكشاكه والتقيله والخفبفةوالطرفة البكايه ومطر الليل والبتجي الدغش مع سيد اللبن ، ما عارف سيد اللبن ده بصل كيف ؟؟ هو حمارو ،،لابسين باتا ولاشنو ؟ ماعارف!!
بحب الطرفة البكاية تبكي طول الليل وفي الصباح تقش دموعه على الشجر وتفتح عيون سحابه ابيض زي اللبن أصلو السحاب الوحيد البببكي وعيونو ما بتحمر !!السحابة تلقاهاسود وبنية ومحمرة وبعد تبكي كل االمطره تنزل لألوان على الأرض افضل السما ماسك ليه في كم سحابه ممصوره وخفبفه
تلعب بيها الريح ,, ناس الخرطوم بخافوا المطر يوم السحاب اتلمه واعمل مظاهرة صغيره اتحوقلوا وانططوا لي فوق اهبوا الهوا عشان مظاهرة السحاب تتفرتق ، اقولو ليك المطر ببوظ لينا البلد ،ويوماالمطرة تنزل اكسروا ركبة والزموا بيوتهم وابطلو الشغل واقولوا ليك الجو جو فول ،ما عارف ليه بحب المطر ؟؟اجمل وقت بكتب فيهو المطر نازل وقطراتو بترقص
مع الأرض وترسم تيجان بنية والشجر برقص مع الريح والبيوت فرحانه من النضافه بحب المطر
مطرة واحده والناس تابى الطلعه والدخله ويابو الشغل ما عارف علاقة المطر بالشغل شنو،
عندي اصحابي مشو اليابان لي شغلة مهمة ولمن وصلو لقو المطرة شغاله المرافق قال ليهم
ارتاحو وبعد ساعة اركبو البص رقم كدة اوصلكم لينا وبعد ساعه جماعتك طلعو لقو المطر منهمر كأنو السحاب عايز افرغ موية السما كلها طوالي رجعوا لي ورا وقالو بعد المطره تقيف بنلقى الناس طلعت للشغل وكسرو ركبه في الغرفه نص ساعه والمرافق كان عندهم وبعتذر لانو ماوراهم محل المظلات . طلع من الدولاب شمسيتين واتحرك على الباب اصحابي قالوا ليه بصوت واحد يازول وينك مارق المطرة!!! دي مطرة نصاح !! انا بحب المطر وأجمل اعمالي عملتها ومعاي المطر ومن صغير كنت بلعب تحت المطر وبغني مع اصحابي ( يامطيرة صبي لينا في عينينا)وبمشي الشغل في المطر ولحدي الأن امارس جنوني برقص تحت المطر والأن اتيتكم بعد ان صاحت في زوجتي انت مجنون شنو ممشيك في المطرة ، قلت ليها انا برقص برقص ـ انت مجنون ادخل من المطر ، طبعا لم اسمع كلامه
بل واصلت الرقص تحت المطر .. ما عارف ليه بحب المطر ؟؟؟
|
Post: #3
Title: Re: امطار غزيره الان بالدوحه
Author: محمد سنى دفع الله
Date: 12-06-2008, 01:30 PM
Parent: #2
ايها الصديق
يا أخوي لون الحايط القدامك بي لون السحاب
وخلي مطر الفرح انزل
قاتل الله الشقق والقفله بدون سبب
يازول أطلع لي بره
أرقص مع المطره
وسوق معاك محمد وبرهوم وشهد ولمن اقولوا ليك يازول
جنيت !! قول ليهم بلعب الشفع
جنبق في المويه وواتزحلقوا على الطين
وتعال راجع ما تسأل في زول
اتمدد بي طينك وفرهد شجرة ..
|
Post: #4
Title: Re: امطار غزيره الان بالدوحه
Author: ضحيه ابراهيم
Date: 12-06-2008, 02:06 PM
Parent: #3
Quote: وسوق معاك محمد وبرهوم وشهد ولمن اقولوا ليك يازول
جنيت !! قول ليهم بلعب الشفع
جنبق في المويه وواتزحلقوا على الطين
وتعال راجع ما تسأل في زول
اتمدد بي طينك وفرهد شجرة .. |
حبيبنا واستاذنا السنى
قاتل الله الانفلونزا والالتهابات برهووووم وشهد وحمووووودى متوعكين ولو لا ذلك لاصطحبتهم فى هذا الجو الجميل وجمبغنا فى المويه وتزحلقنا لكن بينى بينك الجمبغه دابرنها نحنا الكباررر ديل مالنا ما طولنا منها وياحليل زمان والمطر والطين والرمال وبيوت الطين والعب البرىء
|
Post: #5
Title: Re: امطار غزيره الان بالدوحه
Author: شكرى سليمان ماطوس
Date: 12-06-2008, 06:17 PM
Parent: #1
| Quote: قاتل الله الانفلونزا والالتهابات برهووووم وشهد وحمووووودى متوعكين |
ربنـــا يحميهم و يبلغهم مرافىء الشفاء على براق من عنده و هو القدير العظيم...
ضحية و ود السنى
مبروك عليكم المطر
(زى ما ناس الخليج بقولواا)
وكل عام و أنتم بخير
تعديل لغوى
ش
|
Post: #11
Title: Re: امطار غزيره الان بالدوحه
Author: ضحيه ابراهيم
Date: 12-07-2008, 01:35 PM
Parent: #5
باشمهندس شكرى
جعلها الله امطار خير وبركه وكل سنه وانت طيب سلم الله اطفالك من كل شر يارجل
|
Post: #6
Title: Re: امطار غزيره الان بالدوحه
Author: أبو ساندرا
Date: 12-06-2008, 08:09 PM
Parent: #1
اليوم الدواخل إترشت
والروح مغسولة ومتمرة
زي القزاز ...
للتو ، أديت طقس المطر
والطواف الأخير
مع الرزاز...
|
Post: #12
Title: Re: امطار غزيره الان بالدوحه
Author: ضحيه ابراهيم
Date: 12-07-2008, 01:39 PM
Parent: #6
Quote: اليوم الدواخل إترشت
والروح مغسولة ومتمرة
زي القزاز ...
|
اننشاء الله دواخلك دايما مرشوشه وروحك مغسوله ومتمره وقزازك مليان ومعبأ
|
Post: #7
Title: Re: امطار غزيره الان بالدوحه
Author: Abuelgassim Gor
Date: 12-06-2008, 08:46 PM
Parent: #1
تحول مناخى
قد يؤدى الى اختفاء جزيرة الدوحة ...
|
Post: #8
Title: Re: امطار غزيره الان بالدوحه
Author: Abureesh
Date: 12-07-2008, 03:09 AM
Parent: #7
خبر جميل يا ضحيـة،
وأنا أفتح النت الأن من ترانزيت مطار دبى، فى الطريق الى الدوحـة.. كل أسفارى الى الدوحة منذ حوالى سنتين
لم أصادف غير الحرور والريح الصـرصـر العاتية,
وجدت دبى برضهـا مطرانا، ويظهـر الماء والندى على السيارات المتوقفـة.
|
Post: #9
Title: Re: امطار غزيره الان بالدوحه
Author: محمد سنى دفع الله
Date: 12-07-2008, 07:30 AM
Parent: #8
ابريش
كنا نمني النفس بحضورك لعرضنا
وما تقول لي ما دعوناك
لانو عادل التجاني فاتح دعوة في سودانيزاونلاين
اتمنى ان تكون حضورا عرضها الثاني الشهر القادم بمناسبة اعياد الأستقلال ورايس السنة
في عرض من رعاية رابطة المرأة ـ ســــوا ـ
مودتي ليك
|
Post: #10
Title: Re: امطار غزيره الان بالدوحه
Author: Abureesh
Date: 12-07-2008, 09:02 AM
Parent: #9
محمد السنى دفع الله،
سلام يا استاذنا وعيد مبارك..
وصلت الدوحـة، وشفت اثار المطر فى الجو بس.. يعنى فى الواطاة ولا قطرة.
بعدين شكـرا على الدعوة الواضحة التى لا لبس فيها ولا غموض، وحأطبعهـا وامشى بيها،
وأشوف كان واحد يوقفنى فى الباب.
|
Post: #15
Title: Re: امطار غزيره الان بالدوحه
Author: ضحيه ابراهيم
Date: 12-07-2008, 03:12 PM
Parent: #10
ابوالريش كل سنة وانت طيب
ياخوى ده منو ده دلع الله ده
Quote: محمد السنى دلع الله،
سلام يا استاذنا وعيد مبارك..
وصلت الدوحـة، وشفت اثار المطر فى الجو بس.. يعنى فى الواطاة ولا قطرة.
|
|
Post: #13
Title: Re: امطار غزيره الان بالدوحه
Author: ضحيه ابراهيم
Date: 12-07-2008, 01:45 PM
Parent: #7
يادكتور سلام وكل سنه وانت طيب
يازول مالك علينا؟ ربنا يسلمنا ويسلم الدوحه يارب
|
Post: #14
Title: Re: امطار غزيره الان بالدوحه
Author: محمد خليل ساني
Date: 12-07-2008, 02:05 PM
Parent: #13
أهاااااا يا ضحيه
ده جو شنو
ما تقول لي جو ملوحه
حسى يجيني عثمان دغيس ناطي
ويسجل هروووووب عديل كده
أقصد من جو الملوحه ده
كل سنه وإنت والعائله بألف خير
وربنا يسعدك بيهم ويبارك ليك فى كل خطواتك
مع عظيم التقدير والإمتنان.
|
|