Post: #1
Title: سودانير؟؟؟؟؟؟؟؟؟؟؟؟؟؟؟؟؟؟؟؟؟؟
Author: زول ساكت
Date: 12-06-2008, 07:30 AM
اعلم ان ماكتب عن سودانير يفوق ماقاله مالك في الخمر
ولكن ما حصل للمسافرين يوم امس الجمعة الخامس من ديسمبر 2008
يكفي للدعوة لتوقف هذه (الشركة) عن العمل ناهيك عن الكتابة عنها
سودانير تصر وتلح على اهانة المسافر طالما انه اختارها دون سواها
الخطوط الوحيدة التي تحتاج تأكيد حجزك المؤكد اصلاً بالحضور الى مكاتبها والانتظار في صف ابطأ من السلحفاة
انا شخصياً لم اسافر منذ العام 1994 على سودانير ولي موقف منها حتى لو الغي السفر
ولكن اضطراري لتسفير الوالدة المريضة والكبيرة في السن مع احد الاقارب اضطرني للحجز على سودانير
وكانت الحكاية
حسب تأكيد الحجز الحضور للمطار 7 صباحاً والاقلاع 10:40
مساء الخميس يرن الموبايل
معاك سودانير
الرحلة تأخرت والحضور الواحدة ظهراً والاقلاع الخامسة مساء
سألت المتصل ليه غيرتو رايكم ياخوي
رد بان الموضوع من هناك عشان موضوع جدولة الرحلات!!!!!!!!!!!!!
المضحك المبكي قريبي المسافر كان معي بالبيت
رن هاتفه وابلغ بالحضور الواحدة والنصف والاقلاع السادسة مساء
المهم
تحركنا عند الواحدة الى المطار
ووجدنا امة من الناس هناك كما ان الميزان لم يتم تشغيله بعد
وزادت اعداد المسافرين والمودعين وتعددت الصفوف ولاميزان
مما اضطر رجال الامن لاخراج المسافرين الى خارج المطار حتى يتم التنظيم من جديد
منظر مهين للغاية
وبعد ان فتح الميزان وصار الاول اخيرا والاخير اولا ولزم الجميع الصبر
نواصل
|
Post: #2
Title: Re: سودانير؟؟؟؟؟؟؟؟؟؟؟؟؟؟؟؟؟؟؟؟؟؟
Author: صديق عبد الجبار
Date: 12-06-2008, 07:43 AM
Parent: #1
عزيزي زول ساكت ...!!
أحييك من داخل غرفة القيادة وأتمنى لك رحلة سعيدة وموفقة ، ونيابة عن شركة الخطوط الجوية السودانية نتمنى أن نستضيفك مرة أخرى على متن إحدى رحلاتنا المتأخرة ...!!
عزيزي أنا كابتن طيار بسودانير منذ 1980 ، وأؤكد لك بأننا كعاملين داخل سودانير نعاني أكثر من ما يعانيه الركاب والمسافرين والمودعين والمستقبلين ...!!!
يا زول .... سودانير هي مرآة حقيقية .. أو بالأصح مرآة مقعرة بلغة الفيزياء لأنها تكبر الحقيقة والتي هي إنعكاس ممتاذ لما للسودان الوطن المختطف ...!!
فياعزيزي نحن كسودانيين لدينا سندروم يسمى سندروم التفريط في الحقوق وإهمال الواجبات ..!!
سودانير لن ينصلح حالها إن لم ينصلح حال السودان الكبير ...
وإن الله لا يغير ما بقوم حتى يغيروا ما بأنفسهم ............!!!!!!!!!!!
لك تحياتي ومودتي
كابتن / أبوفواز
|
Post: #3
Title: Re: سودانير؟؟؟؟؟؟؟؟؟؟؟؟؟؟؟؟؟؟؟؟؟؟
Author: زول ساكت
Date: 12-06-2008, 08:24 AM
Parent: #2
عزيزنا الكابتن ابوفواز
ياخي كدا نكون لقينا واسطة لو اجبرتنا ظروف على ركوب الصعب
وامس الواسطات تتطاكش
الزول القبلنا في الصف عفو ليهو 46 كيلو
ونحنا نهي نهي
الغريبة الموظف بنغالي
قربت اقول ليهو من علمك هذا
طبعا مواعيد الطائرة لاطلعت خمسة ولاستة
حداشر عديييييييييييل
الوالدة الله يحفظها طلعت من مطار الخرطوم خمسة صباحاً
وقالو في ناس لسه
Quote: فياعزيزي نحن كسودانيين لدينا سندروم يسمى سندروم التفريط في الحقوق وإهمال الواجبات ..!!
سودانير لن ينصلح حالها إن لم ينصلح حال السودان الكبير |
تعرف انا لما مشيت اقطع التذكرة ماعارف ليه صارحت الموظف
اني جابتني ليهم الظروف وحكيت له حكايتي مع سودانير عام 94
والتي ساحكيها لكم
اصر هذا الموظف ان هذا الكلام كان زمان
وان سودانير الان اصبحت شركة يملك اجانب جزء مقدر من اسهمها
وووووووووووووووووووووووووووووووووووووووووو باقي القصة
كنت اتمنى ان ارى ذلك الموظف امس في المطار
|
Post: #4
Title: Re: سودانير؟؟؟؟؟؟؟؟؟؟؟؟؟؟؟؟؟؟؟؟؟؟
Author: صديق عبد الجبار
Date: 12-06-2008, 09:21 AM
Parent: #3
وبالمناسبة ...يا زول !!
إنتي ليه مسمي نفسك زول (ســـــــــــــاكت)...!!!؟؟
ليه ما تسمي نفسك زول ( لديه صوت) !!؟
إنت وأنا وأي مواطن يتضرر ...ليه يسكت .. هنالك حقوق مضمنة في العقد الذي بين الشركة الناقلة والراكب ويسمى هذا العقد : تذكرة السفر !! وهو عقد دولي ليست لديه علاقة بقوانين جمهورية الإنقاذ.
أرجو أن تتاح لي الفرصة لشرح هذا الأمر بإسهاب !
و....
أبفى زول لديه صوت
و ....
ما تبقى زول ســــــــاكت !!!!!!!!!!!!
تحياتي
"أبوفواز"
|
Post: #5
Title: Re: سودانير؟؟؟؟؟؟؟؟؟؟؟؟؟؟؟؟؟؟؟؟؟؟
Author: baha eassa
Date: 12-06-2008, 10:45 AM
Parent: #4
سودانير .. .. الي متي تستمر المهزلة؟؟
الناقل الوطني الذي تم تخصيصه ليعود الي الوراء باحثا عن التخلف؟ كيف تم التخصيص
بهذه الصورة الغريبة التي تؤخر ولاتقدم من المسئول عن هذه الماساة؟
شكرا اخي زول ساكت علي هذا التجاوز الذي يتكرر يوميا في احدي محطات الناقل الوطني؟
|
|