Post: #1
Title: اتذكري يا آسيا..
Author: Muna Khugali
Date: 12-06-2008, 03:14 AM
Parent: #0
آسيا ربيع ياجميله كالدنيا عندما تبتسم..
في الخرطوم أرض المحبه والفرح والتواصل..
الخرطوم قبلتنا السودانية..
الخرطوم المتمرد’ والوديعة..
ظاهرها السكون وباطنها الفوران..
اتذكري حاجات كتيرة...
.......
.......
|
Post: #2
Title: Re: اتذكري يا آسيا..
Author: Muna Khugali
Date: 12-06-2008, 05:14 AM
اتذكري اننا سوا لازم نزور جبايب وهبونا الفرح وذهبوا من دنيانا فجأه!
نزور في يوم الحزن واللقاء به من جديد..
منازل الآخره..
حسن ساتي
عثمان حسبن..
ابراهيم عوض
..............
..............
|
Post: #3
Title: Re: اتذكري يا آسيا..
Author: Muna Khugali
Date: 12-06-2008, 05:36 AM
Parent: #2
تذكري دائما يا آسيا انه الحياه قصيره جدا..وانه الاجازه قصيره جدا جدا..
لازم نرمي الحزن ورا ضهرنا لأننا تعبنا منه ونفتش علي الفرحّ..ونغني زي زمان
شوف كام زمن ما شلنا هم..ولا عشت ياقلبي العذاب
والحب طريق قاسي وصعيب من أوله
ولأنك تعرفين مكان الفرح وكيف نجده..فانك تلتزمين معي ببرنامج نسجت بعض منه في خيالي معك,,وبعضه اتفقنا عليه واقعا..
أزور وأقابل معك بعض ممن أحبهم كثيرا حتي يكتمل الفرح..
محمد ميرغني..
زيدان ابراهيم..
محمديه
كما انك وعدتيني بلقاء بدر الدين "شنا"
..وآخرون...
.......
.......
|
Post: #4
Title: Re: اتذكري يا آسيا..
Author: ismeil abbas
Date: 12-06-2008, 09:03 AM
Quote: اتذكري اننا سوا لازم نزور جبايب وهبونا الفرح وذهبوا من دنيانا فجأه!
نزور في يوم الحزن واللقاء به من جديد..
منازل الآخره..
حسن ساتي
عثمان حسبن..
ابراهيم عوض
..............
|
يا رائعة ياوفية..لك التحايا ولآسيا ربيع......خالص مودتى لكم جميعآ
إسماعيل محمد احمد عباس.........
|
Post: #6
Title: Re: اتذكري يا آسيا..
Author: Muna Khugali
Date: 12-06-2008, 01:53 PM
Parent: #4
Quote: يا رائعة ياوفية..لك التحايا ولآسيا ربيع......خالص مودتى لكم جميعآ
إسماعيل محمد احمد عباس......... |
لعلكم ايضا تذكروني بعد موتي..
كل عام وانت واسرتك بخير..رحلة سعيدة للوطن وعيونه..
...........
...........
لازم برنامج كبير يا آسيا..
زي ما بيهدونا سعاده عند وصولنا وأثناء اقامتنا..
لازم احنا كمان تحتفل بيهم..
أذكرك كلامنا؟؟
سمح بذكرك..
|
Post: #5
Title: Re: اتذكري يا آسيا..
Author: tarig almakki
Date: 12-06-2008, 09:23 AM
أهم شي وسط الفرح ده كلو تسوقيني معاك
والحجل بالرجل يا حبيب سوقني معاك
كل سنة وإنتي طيبة
|
Post: #7
Title: Re: اتذكري يا آسيا..
Author: Muna Khugali
Date: 12-06-2008, 02:16 PM
Parent: #5
Quote: أهم شي وسط الفرح ده كلو تسوقيني معاك
والحجل بالرجل يا حبيب سوقني معاك
كل سنة وإنتي طيبة |
كل سنه وانت طيب ولدي حبيبي
انت الفرح ذاته كيف اخليك؟؟
..........
..........
انتي عارفه يا آسيا في كم زول لازم نحتفل بيه؟؟
ناس خطبت..وناس اتزوجت..
عايزين مع البوراب نحتفل بيهم؟؟
تتذكري لما قلنا لازم يعرفوا اننا بنحبهم كلهم؟؟
واننا من بعيد كنا متابعين معاهم أفراحهم؟؟
خلاص احنا جايين نحتفل بيهم ..
يللا نستعد..
ألاقيك يا طروقي في المطار...
|
Post: #8
Title: Re: اتذكري يا آسيا..
Author: Muna Khugali
Date: 12-07-2008, 05:15 PM
Parent: #7
يا آسيا..
يوم رأس السنه حتي ولو عندك برنامج لازم تجي في برنامجنا..
وبرنامجنا مع العزيز مصطفي السني..
وعندنا يوم رحله..
لازم كل الناس تكون فيها..وعليك وعليا مع انعام وبورداب الخرطوم نجيب الغايب..
الرحله وين؟؟
نشوف لما نجي..
أها لقيتي عم ربيع كيف؟؟
|
Post: #9
Title: Re: اتذكري يا آسيا..
Author: Muna Khugali
Date: 12-07-2008, 05:42 PM
Parent: #8
والجميل الأنا فرحانه بيه شديد يا آسيا..
اني عازماك يوم في الصالحه عند شاذلي جعفر...
وطارق لازم يكون معانا..
ان مشيتي السودان وما قابلتي شاذلي اجازتك يتكون ناقصه..
شاذلي ممكن يوريك القمريه وقصتها..
وممكن يقرا ليك أشعاره..
وفي حوشهم الواسع داك ممكن نقعد قعده حلوه شديد نشرب فيهاالجبنه..
انت مش عارفه القهوه سمحه كيف في الحوش مع شمس الشتا الحلوه؟؟
وموش كده بس..كمان ممكن يخلونا احنا نحمص البن ونعمل الجبنه برانا..
وامكن نجيب معانا وداعيه..ولا واحده فينا تعمل وداعيه!
ولا أقول ليك..نخلي انعام حيموره تبقي الوداعيه..
لكن يا رب بس يكون شاذلي موجود بالعاصمه
كل سنه وانت طيب يا شاذلي..
|
Post: #10
Title: Re: اتذكري يا آسيا..
Author: Elmuez
Date: 12-07-2008, 07:28 PM
و بعدين يا آسيا ما تنسي تسلمي لي على "حنان إبراهيم" و تعرفيها بمنى خوجلي و تخليها تحتفل
بيكم و بالبورداب بمشاركة "عماد" و "خالد" و "سعد الطيب" زاااتو ! .. دي خليها ليهم مفاجأة الإجازة ..
.
.
بعدين يا منى بوست الحندكة ده لزومه شنو ?!
كل سنة و الأسرة جميعها بخير.
|
Post: #11
Title: Re: اتذكري يا آسيا..
Author: Muna Khugali
Date: 12-07-2008, 07:59 PM
Parent: #10
Quote: و بعدين يا آسيا ما تنسي تسلمي لي على "حنان إبراهيم" و تعرفيها بمنى خوجلي و تخليها تحتفل
بيكم و بالبورداب بمشاركة "عماد" و "خالد" و "سعد الطيب" زاااتو ! .. دي خليها ليهم مفاجأة الإجازة |
..
آآآي بالله ذكرها..
لازم نقابل الناس دي ضروري ويكونوا جزء من فرح كبير..
والله اسه يا معز أنا في راسي في برامج كتيره..ماعارفه ألقي ليها وقت وين!
أسه عليك الله في أجمل من انك تقع وسط ناسك المشتاق ليهم؟
أن كان فوق كراسي جنبها سراير مفرشه في الحوش..
ولا في شارع النيل علي النجيله؟؟
ولا في أحسن من انك تاكل معاهم سمك الصباح بدري ولا المساء في المورده؟؟
والله غايتو لمات الخرطوم دي سمحه خلاص
وبعدين لاحظ معاي من ناس الضحكه الحلوة ساكت الفنانين من البورد ماشي منو؟؟
أها عندك السني دفع الله ود عوض خوجلي..
انت اكان قعدت ساكت جنبه اجازتك بتكون فريده في فرحها..
أما آسيا..
يا زول أسكت ساكت..بس الدنيا دي كلها بتكون مشرقه..
وشوفت الفنانين الفوق يلك كلهم وأكتر منهم؟؟
أها آسيا مودياني أزورهم!
وعندك ابراهيم كوجان..جراح كبير وفنان عسل جدا..
واساسا هناك في بر الين شنا..
وفي أنور عقد الجلاد..
وفي مصطفي السني..
وفي سيف الجتمعهو..
واقول ليك شنو..عماد عبدالله بيكون معانا في كل حاجه وكل مكان..
شوفت كيف؟؟
ولسه اللسته طويله!
.
.
Quote: بعدين يا منى بوست الحندكة ده لزومه شنو ?!
كل سنة و الأسرة جميعها بخير. |
أها انت ما بتقدر تجي ولا شنو؟؟
غايتو ما حندكه لكن والله فايتاك اجازه استثنائيه!
البركه في أصحابك..
كل سنه وانت وكل من تحب بألف خير..
|
Post: #12
Title: Re: اتذكري يا آسيا..
Author: Ishraga Mustafa
Date: 12-07-2008, 08:01 PM
Parent: #11
كل سنة وانتى طيبة يامنو
وأسيا طيبة والاتنين جميلات حد الجمال مايقيف
------
بختك ماشة السودان
|
Post: #17
Title: Re: اتذكري يا آسيا..
Author: Muna Khugali
Date: 12-12-2008, 05:38 PM
Parent: #12
Quote: كل سنة وانتى طيبة يامنو
وأسيا طيبة والاتنين جميلات حد الجمال مايقيف
------
بختك ماشة السودان |
يا ريتك كنتي تقدري تجي يا شروقه..
أولا كنت بتفرحينا..
ثانيا كنا بنفرحج..
ثالثا كاموا كلهم بيفرجوا بينا زي ما نحنا يتفرح بيهم..
يعني زي توب نفيسه نشف داك..
البرنامج اصله يا اشراقه صعب نحه بقه..
لكن جوهره قائم علي اسعا الذات زاسعا الآخرين..
يعني زيارات..غنا..صحك..نكت..محاصرات في شكل ونسه
وبعدين ابراهيم ماشي يكوجن قلوب الناس..يعني ماشي يساعد طبيا..
المشاريع كتيره شديد..
الليله سالت صديق من باب اغراءه يسرع بالحجز..
سالته..أعد ليك كام زول في الخرطوم في الفتره البنكون فيها هناك؟؟
قال لي آآآي عدي لي..
أها عديت ليه المتأكده منهم..
معتصم الطاهر
السني ..
كوجان..
آسيا..
طه الزين وآسيا..
أميره ..
محمد حيدر والامل برضه حيدر (التاني) يجي..
كمال سالم
أبو ساندرا..
طارق ولدي..
بهاء..
ماجده..
والشبه مؤكدين علي جيتهم برضه كتار وحلوين لكن أحسن نصبر لما يأكدو جيتهم..
ده غير البورداب المقيمين في البلد..
أها في طريقه تجي حتي ولو عشره يوم؟؟
علشان حلاوة الأوقات تزيد..حاولي تجي..
وطبعا بختي ماشيه الخرطوم..
ونسه وصجك وشوفة ناس عزاز..
زياره للنيل وقعاد علي كورنيشه..
وأهم حاجه انوم في الحوش..واسرح في النجوم لامن انعس وأنوم..
وألقي أي دكان قامه ناس بياكلوا فول..
أستأذنهم وآكل معاهم..
وبعدين عادي اشحت أي واح فيهم يشتري لي قزازه بيبسي واقول ليهم السلام عليكم وأمشي!
المره الفاتت عملت مده في دكان جنب بيت ناس منال في الرياض..
الشباب كانوا قاعين يصلحوا في فول بمزاج..ونفسي دخلت فيه لما ختوه فوق الأرض وقعوا ياكلوا...
مشيت سلمت عليهم وقلت ليهم ممكن آكل معاكم؟؟
كبعا رحبوا بي وعايزين يجيبوا لي كرسي..
قلت ليهم كفاني كده لقمتين..انا بس النفيسه جات في صحنكم..
المهم أكلت وسلمت عليهم ومشيت!
منال وأولادها دايرين يموتوا من الاستغراب وبهم بعض من غيظ!
يعني كيف تاكلي في الشارع وكمان قدام دكان ومع ناس ما بتعرفيهم , الخ!
مش مهم..وزمان ما كنت ممكن أعملها..
لكن البيجرب الغربه والشوق للوطن ولانسان الوطن بيعملها عادي
ولو جيتي..بعزمك كاروا في سوق مايو
|
Post: #13
Title: Re: اتذكري يا آسيا..
Author: شكرى سليمان ماطوس
Date: 12-07-2008, 08:03 PM
ش
|
Post: #14
Title: Re: اتذكري يا آسيا..
Author: ibrahim kojan
Date: 12-11-2008, 10:06 AM
Parent: #13
طبعا يا دوب لقيت البوست دا .. واسيا ربيع قاعده جواهو ومتحكره زي البيت بيتها (واصلو البيت بيتا لامن تقتحو مني)
المهم لامن امشي السودان واقعد كدا بي مزاج في حفلة السني راس السنه بيتقلب لي كرعين سنه واخر احتفال بي زيادة عام لعمرنا البيتلاشي قدامنا زي جليد لندن..
زمان حضرت حفله وكنت قاعد مع اسيا الزوله فطستني بالضحك .. والظرافه
المهم قالت لي بعد كم نكته كده والله اتاري عضامك هشه يا ابراهيم ؟؟؟ ما فهمت النكته الا بعد ما شرحتا لي سلمي الشيخ بعد عشره سنين
هسع والله عضام سلمي هشه ولسع زوله ملايانه حب للعالمين ديل بلا فرز وانا من هسي متحزم وجاهز لتكسير عضامي الهشه بي كم نكته كده من اسيا وود السني والله من هسع انا حاجز في الصف الاول وجنب اسيا للتعليق والقفشات والجن الما حصل
ويا اسيا لو قريتي البوست دا ما عايز المدرسات بتوعني في كلية الطب يكونن جنبنا اصلوبيعملو للواحد كاروشه وانتي فاهمه والباقي بي بقولو ليك في اضان التلفون!!
وتسلمي وربنا يديك كل شي جميل في ايام العيد دي
|
Post: #15
Title: Re: اتذكري يا آسيا..
Author: nourelhadi awad
Date: 12-11-2008, 11:57 AM
Parent: #14
ياسلااااااااام
لو بإيدي...........
دا كرنفال السماحة زاتا
هي جنس حسادة هي!
كل سنة وانتم الجمال
|
Post: #16
Title: Re: اتذكري يا آسيا..
Author: nourelhadi awad
Date: 12-11-2008, 11:57 AM
Parent: #14
ياسلااااااااام
لو بإيدي...........
دا كرنفال السماحة زاتا
هي جنس حسادة هي!
كل سنة وانتم الجمال
|
Post: #18
Title: Re: اتذكري يا آسيا..
Author: ibrahim kojan
Date: 12-12-2008, 07:02 PM
Parent: #16
اسيا ربيع تلفونك بيكون وقع في جك شربوت ولا شنو...
ردي .. بضرب ليك بكره لامن يخلص الشربوت؟؟؟
ولا بعد ما تعملي للتلفون غسيل معده؟؟
|
Post: #19
Title: Re: اتذكري يا آسيا..
Author: حبيب نورة
Date: 12-12-2008, 07:22 PM
Parent: #18
بت خوجلي
كل سنة وانتي طيبة
أتمني ليك أقامة طيبة
|
Post: #20
Title: Re: اتذكري يا آسيا..
Author: tayseer alnworani
Date: 12-12-2008, 07:52 PM
Parent: #19
يا بختنا ديل كلهم مفرحننا بى حضورهم الانيق يا سلام عليكم البلد حتنور وتبقى تمام التمام
ده حيكون اجمل راس سنة فى الدنيا حيزيد ايامنا فرح
منو كل سنة وانت طيبة منتظراك على احر من الجمر .
|
Post: #21
Title: Re: اتذكري يا آسيا..
Author: Muna Khugali
Date: 12-22-2008, 10:13 PM
Parent: #18
Quote: اسيا ربيع تلفونك بيكون وقع في جك شربوت ولا شنو...
ردي .. بضرب ليك بكره لامن يخلص الشربوت؟؟؟
ولا بعد ما تعملي للتلفون غسيل معده؟؟ |
انت ذاتك با ابراهيم تلاقيك لحقت باقي الشربوت ووقعت فيه..
كيف لقيت الخرطوم؟؟
محضره ليك لسته عيانين تشوفهم
|
|