Post: #1
Title: المثقفين كلام فارغ
Author: Abureesh
Date: 12-05-2008, 12:13 PM
عشرين سنــة؟
أقفلوا هـذه المنابر..
واجهـوا مسـؤولياتكم تجاه الوطن والمواطنين البسطـاء..
عودوا وأنهو الهروب..
أرجعوا لبلادكم.. ثوروا.. كســروا.. مزقوا.. موتوا.. إتسجنوا..
وأبنوا وطنـا يعيش فيه المواطن بكل العزة والكرامـة التى يستحقهـا.
|
Post: #2
Title: Re: المثقفين كلام فارغ
Author: محمد البشرى الخضر
Date: 12-05-2008, 12:29 PM
Parent: #1
وإنت ح ترجع معاهم يا ابوالريش
ولا كيف؟
|
Post: #3
Title: Re: المثقفين كلام فارغ
Author: الطاهر ساتي
Date: 12-05-2008, 12:40 PM
Parent: #1
ود البشرى البوست ده بيخاطب المثقفين ..
انت الجابك شنو ...؟
عيدك سعيد ياخى ..
وانت والاسرة بالف خير وعافية
..........................
ابو الريش كل سنة وانت طيب ..
مالك ..؟
المزعلك شنو الليلة ..؟
دفعوكم رسوم جديدة ولا الخروف غالي شوية ..؟
يازول الله يدى العافية .. وكن بخير
|
Post: #4
Title: Re: المثقفين كلام فارغ
Author: محمد البشرى الخضر
Date: 12-05-2008, 12:44 PM
Parent: #3
وانت بالف خير يا الطاهر
لو لاحظت انا ما قلت معانا قلت معاهم
و الفكرة اصلا لو عرفتهم راجعين متين عندي ادوية و حاجات داير ارسلها معاهم
اها انت الجابك شنو ؟
|
Post: #5
Title: Re: المثقفين كلام فارغ
Author: الطاهر ساتي
Date: 12-05-2008, 12:54 PM
Parent: #4
| Quote: اها انت الجابك شنو ؟ |
داير اشوف الحيرجعوا ديل لو فيهم واحد بيقدر يحجز لى مكانو المارق منو ..
نظام تبادل مواقع وكدة ..
هسة اخوناابو ريش مكتبو ده بيبدلو بمكتب تانى ..؟
خليك من انو يطالب المثقفين بتبديل مدينةعربية ولا غربية بى حقاتنا ديل ..
ساهم من اى مكان يا حبيب .. العالم قرية
تسلم
|
Post: #6
Title: Re: المثقفين كلام فارغ
Author: Abureesh
Date: 12-05-2008, 02:12 PM
Parent: #5
Quote: داير اشوف الحيرجعوا ديل لو فيهم واحد بيقدر يحجز لى مكانو المارق منو ..
نظام تبادل مواقع وكدة ..
هسة اخوناابو ريش مكتبو ده بيبدلو بمكتب تانى ..؟ |
الطاهـر،
شهرين بالكتيـر، وباقى السنـة المكتب دا مقفول، ولو داير حرم هـدى المفاتيح، تجى
تشتغل، ولا تبادل.
بس انا قلت الحمار دا لازم يشوفوه ناس شندى..
وزمان زمن الإنجليز، فى واحد عمدة من ولاية نهر النيل، زار صديقا له فى سنـار، والصديق
يعلم بمواعيد القطار، لم مجموعـة كبيرة من ناس سنار المدينة، ومشوا يلاقوا الزول فى
المحطة (سنار المحطـة)، وطبعـا جهزوا ليه حمار ريفاوى، والسـرج خشب أحمـر، والمخدة،
والبردعة فروة كثيفة الصوف متدلدلة بجاى وبجاى.. ولما إتحركوا من المحطـة، وهو راكب حماره
وصديقه بجانبه، والناس حوله، قال اللاااااه
ياريت ناس شندى شـافوا الحال الأنا فيها دى.. ولسـوء الحظ لم تكن فى ذلك الوقت كمرات دجتال وإنترنت
عشـان يرفع الصـور، ويخلى الناس تءامن..
بعدين يا اخوانا ما قلنا جميع من فى الأرض يرجع، فى ناس بتدرس وفى ناس عندها اسباب خاصة أخرى
وناس تتعالج، المهم النقاش العام بدون تخصيصه وشخصنته، بعد داك لما يكون العمل السياسى من
داخل السـودان هو الراى السائد والراى العام، عندها كل واحد بظروفه الخاصـة يقدر متى يعود.
يعنى لما أوباما يقرر الخروج من العراق، سـوف لا يامر الجيش، وإنما يترك الأمر للقادة المحليين
فى العراق ليحددوا تأريخ وطريقـة المغادرة.
وشكـرا لكم على المداخلـة.
|
Post: #7
Title: Re: المثقفين كلام فارغ
Author: Abureesh
Date: 12-06-2008, 07:06 AM
Parent: #6
فوق
|
Post: #9
Title: Re: المثقفين كلام فارغ
Author: Mohamed E. Seliaman
Date: 12-06-2008, 01:04 PM
Parent: #8
Quote: شهرين بالكتيـر، وباقى السنـة المكتب دا مقفول، ولو داير حرم هـدى المفاتيح، تجى
تشتغل، ولا تبادل. |
What Salary ?
|
Post: #10
Title: Re: المثقفين كلام فارغ
Author: Abureesh
Date: 12-10-2008, 04:35 PM
Parent: #9
محمد،
سلام وعيدك مبارك.. وهاك العيدية دى، وما تزعل بالله.
داير مكتب وكمان سلرى؟
ما برضو مرة واحدة نعين ليك سكرتيرة بسلريهـا، رايك شنو يا محمد؟
ما تقول لى "ارمو ارمو" (عارف دى معناها شنو؟)
كان فى واحد ما يفتش شغل.. داير وظيفة بس.. أهلو قالو يرموه البحر.. وهم شايلنو
فى العنقريب لما وصلوا نص البحر، جا واحد من هناك جارى.. قال ليهم يا جماعة استنو
عشـان انا عندى أردب قرقوش، ممكن أديهو زولكم دا، وبعد داك ما يحتاج يشتغل.. الزول
قال ليه: أها والقرقوش دا الببلو منو؟ قال ليه ياخ دى عملية بسيطـة.. بس تجيب كورة
فيها شوية موية وتختو فيها.. يتبل براه..
زولك من فوق العنقريب قال للجماعـة: أرمو أرمو!
|
|
