جني وجن جليط (من جلط) الوش بالوان (معقوله بس) جيبو الالوان والصور وتعالوا

تلوين الوجهه حاجه كده مربوط بي طقوس و عادات افريقيا ضاربة الجزور والالوان من الطبيعه من طحن احجار ملون الخ ... بس ده ما الموضوع.

وايام الصبا وش الكرتون باشكال والوان مختلفه وبعضها يخوف ويرمي قلبك في الواطه ( وزي ما بيعملوا الغربين في الهلاوين) وبرضو ده ما الموضوع



الموضوع والحكايه موضة التجميل بس الاصح التبشيع الطالعين بيهو ناس الجنس الناعم انو الزوله كده تقوم تجلط وجهه بطبقات من شنو كده ما عارف بالوان غير لون البشره وترسم شفايف وحواجب باللوان مزعجه وصناعيه لابعد الحدود وفوقه رشة قلترز تتطلع باللون اقصد الوجهه الصناعي المصطنع في عز الحر والغبار ورسم شديد زي لوحه بشعه .... تذكري بقصص الخيال والكرتون

ده جزء

بس الجزء الاهم انو العمل ده عباره عن تدمير بطي للبشره والوانه الحلوه من موكا وابنوس وشاي بي لبن وقمحي ولون وهلمدر ...... والا رايكم شنو يا ناس الصحه

والمصيبه الوجه يبقي زي القزاز خالي من التعابير ... والواحده ما تقدر تاكل ولا تشرب ....... خوفا من تخريب اللوحه المرسوم

وياربي الحكايه دي بتتسبب في تجاعيد الوجه السطحية في وقت مبكر وكده

ونقوم ندخل في عملية شد الوجه وتقنية شد الوجه المختلفه وكده........ دي موضوع طويل ومتشعب بيداء بمكياج لمناسبه وينتهي بشد الوجه برضو لمناسبه

الشوره شنو والعيد قرب

ازيك يا وليم

لا دي قوية
بما انني من المولعين بموضه الازياء النسائية والرجالية الا انني ضد المساحيق والعولاق بجلطوه في الوشوش كان رجال ولا نسوان.
عندي سؤال:
الكلب ده متخصص مكياج ولا بيفتش على حاجه تاية؟

ابو مهند ....... شكرا علي المرور والمشاركه ..... جد ما احلي اللون الطبيعي عندنا هنا .... لانو وفي الغالب بيكون لون واحد في البشره ..... غير الناس ديك محتاجين رقع وكده ...... احتراماتي





تحت تحت ... ما قلته ليك .... جني وجن الكلاب الهجين