Post: #1
Title: ليه بنعمل حاجاتـنا كلها يوم الوقفــة .. ؟
Author: عبد الدائم سيد أحمد
Date: 12-03-2008, 07:56 AM
اولا" كل عام والجميع بخير وعيد سعيد وانشاء الله دايما" تامين ولامين
...
..
.
مع انو العيدين سلفا" بيكونو معروفين يوم كم الا اننا بننتظر لحدى يوم الوقفة
عشان ننجز حاجاتنا ....
* الجرى للاسواق
* النضافة بما فيها الغسيل والمكوة
* كنس قدام باب الحوش والشارع ( ده دايما" مرتبط بالعيد )
* الحلاقة للرجال
* الحناء للحريم
* تفصيل الجلابية وطق التـوب
* فريش الملايات يوم الوقفة بالليل
* ضرب السراير والكراسى بوهيه والحيط جير
* وناس بخبزو برضو فى اخر دقايق عشان ما لقو بيض وسمنة ....
*
*
*
* يا ربى نسيت شنو ؟ .... عشان ما يجى يوم الوقفة واكون واقف بتلــفت
* السفر خاص بناس الاقاليم
نشوفكم حضرتو شنو للعيد
|
Post: #2
Title: Re: ليه بنعمل حاجاتـنا كلها يوم الوقفــة .. ؟
Author: ابو جهينة
Date: 12-03-2008, 08:14 AM
Parent: #1
عبدالدائم
كل سنة و أنت و الأسرة بألف خير
كلامك دة كلو تمام ... إلا حاجتين في عيد الأضحى السودانيين بيجهزوها من بدري :
1. جردل الشربوت
2. جردل المخلل
ديل ما بيلعبوا فيهم كلو كلو ...
أمبارح بالليل ضربت تلفون لواحد قلت ليهو : فاضي نودي الأولاد سوا السوق؟
قال لي بالحرف الواحد : خليها بكرة ... قاعد أبِل الشربوت
( تخريمة : ود الصايم دة ما إنت ... التاني داك جارك )
|
Post: #4
Title: Re: ليه بنعمل حاجاتـنا كلها يوم الوقفــة .. ؟
Author: عبد الدائم سيد أحمد
Date: 12-03-2008, 08:44 AM
Parent: #2
كل سنة وانت والعائلة بخير يا ابوجهينة
باين ده شربوت مندكل ومعاهو مخلل ود الصايم ..... 
الاهم فصلت جلابية العيد ولا الترزى مواعدك يوم الوقفة بالليل
|
Post: #3
Title: Re: ليه بنعمل حاجاتـنا كلها يوم الوقفــة .. ؟
Author: إيمان صالح
Date: 12-03-2008, 08:39 AM
Parent: #1
ليه بنعمل حاجاتـنا كلها يوم الوقفــة .. ؟
عشان يوم القعدة ما في طريقة وقفة
كل سنة وانت طيب يا عبد الدائم ياخوي
وان شاء الله القابلة في عرفات
وكل سنة وانت طيب يا ابو جهينة ياخوي
ربنا ان شاء الله يحقق الفي مرادكم
|
Post: #5
Title: Re: ليه بنعمل حاجاتـنا كلها يوم الوقفــة .. ؟
Author: عبد الدائم سيد أحمد
Date: 12-03-2008, 08:52 AM
Parent: #3
ايمان
والله الصورة ( الكلها حنيه ) بتقول تعال عيد معانا بنستناك يوم الوقفة
كل سنة انتى وكل الامهات بالف خير
|
Post: #6
Title: Re: ليه بنعمل حاجاتـنا كلها يوم الوقفــة .. ؟
Author: ابو جهينة
Date: 12-03-2008, 10:23 AM
Parent: #3
كل سنة و إنت و الأسرة طيبين و سالمين يا إيمان
|
Post: #7
Title: Re: ليه بنعمل حاجاتـنا كلها يوم الوقفــة .. ؟
Author: Safia Mohamed
Date: 12-03-2008, 10:35 AM
Parent: #1
عبد الدايم
ازيك كل سنة وانت طيب
عشان نحن ما بندور او ما بنعرف نخطط
لاي حاجة
بما في ذلك تفاصيل الحاجات الذي دي
تحياتي
كل سنة وانت طيب
اناغايتو لحسع ما عملت ولا حاجة من الحاجات ديل عارف ليه
اولا كنا منتظرين المرتبات
بعد جات اها تكون مقرر الليلة تمشي اسوي كدة ولا كدي يجيك خبر بكاء طاير ولا زول رقدوه مستشفى يطرشق ليك البرنامج كله
ولا جوك ضيوف
ولا الجارات لاقنك في اشلارع وقعدن يتونسن وفتحن موضوع وجر والحكاية بقت قهوة وشاي وقصة
ولا الشفع ممتحنين
والليلة النتائج
كدي النمشي الورشة دي وبعد داك الندوة
غايتو
بس نقول شنو الزمن ممحوق والمهام كتيرة الله يدي العافية
لكن في الاخر يوم الوقفة يالليل كلو بكون تم بما في ذلك الستاير وطقم الجلوس الجديد وماتنسى الملايات ولعب الشفع
عيد سعيد
|
Post: #9
Title: Re: ليه بنعمل حاجاتـنا كلها يوم الوقفــة .. ؟
Author: عصام دهب
Date: 12-03-2008, 10:45 AM
Parent: #7
سلام يا نضيف ..
عارف أنا عندي قناعة راسخة إنو يوم الوقفة دة أحلى من يوم العيد ذاتو !!
و عشان كدة بتمنى إنو يطلع قرار ـ من أي جهة ـ يعملوا يوم الوقفة تلاتة يوم !!
ــ
أهة يوم الوقفة ـ الجد جد ـ إن شاء الله إنتا معانا ؟؟
عارفك حتزوغ .. ربنا يحلكم بالسلامة ..
كل سنة و إنتو طيبين ، و بالله و خلوا لي ( الشربوت ) بتاعي لحدي ما أرجع من الحج يكون بقى ( طاعم ) شوية ..
|
Post: #14
Title: Re: ليه بنعمل حاجاتـنا كلها يوم الوقفــة .. ؟
Author: عبد الدائم سيد أحمد
Date: 12-03-2008, 11:09 AM
Parent: #9
يا دهب الحجة مبروكة مقدما"
بس مالك عاوز تـتـبـظا من اول يوم
| Quote: كل سنة و إنتو طيبين ، و بالله و خلوا لي ( الشربوت ) بتاعي لحدي ما أرجع من الحج يكون بقى ( طاعم ) شوية |
كلو من صاحبك يا ابو جهينة
|
Post: #11
Title: Re: ليه بنعمل حاجاتـنا كلها يوم الوقفــة .. ؟
Author: عبد الدائم سيد أحمد
Date: 12-03-2008, 11:01 AM
Parent: #7
الضيوف والجارات الواقفات يتونسوا فى الشارع ديل
ما عارفين بكره العيد ..... يا صفيه
والعجب كان جاكم هواء نص الليل وخرب عليكم السويتوهو
الصباح تلقى العيون مورمات من التعب والسهر
والواحدة اول ما تشوفك وانت داخل عليهم بعد صلاة العيد
ترمى المقشاشة وتقوم جاريه
جارتنا بايركس كده بتقول حقو صلاه العيد يعملوها بعد الفطور
عشان ننظف نفسنا بعد التعب والسهر البنشوفو يوم الوقفة لانو
دى من الفرص الواحدة ممكن تلقى فيها عريس مما ممكن يجونا بدرى كده !!
|
Post: #8
Title: Re: ليه بنعمل حاجاتـنا كلها يوم الوقفــة .. ؟
Author: عبد الدائم سيد أحمد
Date: 12-03-2008, 10:38 AM
Parent: #1
صرف المهيــة يوم الوقفه والتأخير فى احضار الطلبات
وده بجيب المشاكل والنقة الكتيرة
وكلو منك يا الصراف ... ما ممكن قبالو بيوم يومين !
|
Post: #10
Title: Re: ليه بنعمل حاجاتـنا كلها يوم الوقفــة .. ؟
Author: الرفاعي عبدالعاطي حجر
Date: 12-03-2008, 10:57 AM
Parent: #1
عبدالدائم حبيبنا كل سنة و عناب في تقدم وجمال واخوانها واكيد ستهم (ست الحبايب).
تعرف زي ماقال فيصل محمد هو في الحقيقة عدم تخطيط , لكن برضو انت ملاحظ يوم الوقفة او قبليهو بي يوم يجئ هواء داحس والغبراء داكـ والدنيا تتملئ مقاشيش وجكسية .
اجمل ما في يوم الوقفة تشيل الخبيز توديهو الطابونة (الفرن) وتشوف فتاة الاحلام ياالله ياوقفت الوقفة, ياقعدت الصينية في تراب الله والرسول(بفعل رجفة الترزي يوم الوقفة برررررضو).
ويوم الوقفة دا عندنا مشوش يوم الوقفة هو يوم الوقفة بعرفة في عيد الأُضحية لكن ليه بنسمي اليوم قبل عيد الفطر وقفة (يبدو أننا بنحب الوقوف في المحطات كتير زي سائر وقفاتنا عليكـ الله نحن من 1/1/1956م مانا واقفين )؟؟؟؟؟؟
تعرف يوم الوقفة دا فيهو النكتة الشهيرة قالوا واحدة شايف ليهو واحدة واقفة في الشارع مدياهو(واقفة من قفاهادي احلى) ضهرا وعشم صاحبنا في معاكسة ومشاغلة لكن عندما إلتفتت اليه الواحدة لقاها ما قدر العشم قال ليها طواااالي اليشوف الوقفة يقول بكرة العيد .
والله الكتابة بالدارجي زي يوم الوقفة ياعبدالدائم.
تسلم .
................................................................حجر.
|
Post: #13
Title: Re: ليه بنعمل حاجاتـنا كلها يوم الوقفــة .. ؟
Author: عواطف ادريس اسماعيل
Date: 12-03-2008, 11:08 AM
Parent: #10
عشان نكون واقفين طول الوقت ونأكد لنفسنا إنه يوم الوقفة إسم على مسمى !
كل وقفة إنت قاعد وطيب ..
|
Post: #18
Title: Re: ليه بنعمل حاجاتـنا كلها يوم الوقفــة .. ؟
Author: عبد الدائم سيد أحمد
Date: 12-03-2008, 11:28 AM
Parent: #13
عواطف كل سنة وانتو اجمل
يوم الوقفة بيكون يوم حلو برغم تعبو الكتير
وخالى من : يا انا يا اهلك
|
Post: #16
Title: Re: ليه بنعمل حاجاتـنا كلها يوم الوقفــة .. ؟
Author: عبد الدائم سيد أحمد
Date: 12-03-2008, 11:19 AM
Parent: #10
الرفاعى العيد مبارك علينا وعليكم
| Quote: زي ماقال فيصل محمد |
انت قصدك صفية محمود ، اما فيصل الحلفاوى داك بكون فاكر ده وقفة رمضان ....
حاول اكتب بالدارجى كتير وسيبك من كتاحة الجالية ...
وباين عليك كنت مكتوى بشيل صوانى الخبيز
امووووت انا فى اللانكشير ....
|
Post: #12
Title: Re: ليه بنعمل حاجاتـنا كلها يوم الوقفــة .. ؟
Author: هاشم أحمد خلف الله
Date: 12-03-2008, 11:07 AM
Parent: #1
عبدالدائم سلام
هو العيد متين بالله ؟؟؟
وعلى كل حال كل عام وانتم بخير
وربنا يحقق الأماني
|
Post: #19
Title: Re: ليه بنعمل حاجاتـنا كلها يوم الوقفــة .. ؟
Author: عبد الدائم سيد أحمد
Date: 12-03-2008, 11:31 AM
Parent: #12
الوقفة يوم الاحد يا هاشم
يبقى العيد متين ؟؟
ما قلت جايينا ,, ونحن نشيل ونجهز قبال الوقفة
كل سنة وانت طيب مع الاولاد
|
Post: #15
Title: Re: ليه بنعمل حاجاتـنا كلها يوم الوقفــة .. ؟
Author: ناهد بشير الطيب
Date: 12-03-2008, 11:18 AM
Parent: #1
العيد يوم الاتنين ياهاشم
وكل انتوا والعام بخير ...
عبد الدايم
خالص التحايا
اناف فى العيد بحب تلاته حاجات
الخبيز
والجمعة
والسبت
|
Post: #17
Title: Re: ليه بنعمل حاجاتـنا كلها يوم الوقفــة .. ؟
Author: ناهد بشير الطيب
Date: 12-03-2008, 11:27 AM
Parent: #1
| Quote: حاول اكتب بالدارجى كتير وسيبك من كتاحة الجالية ... |
ده الكلام ....
لما قريت لاخونا حجر ...قلت الحمدلله خت طوبته
وجاب صوانيه وجاء ....شوية اشوفه ليك يكتب
نحن واقفين من سنة كم بعرفها ديك ...
حجر
دى وقفة عيد ...عيييييييييييييييييييد
|
Post: #20
Title: Re: ليه بنعمل حاجاتـنا كلها يوم الوقفــة .. ؟
Author: عبد الدائم سيد أحمد
Date: 12-03-2008, 11:40 AM
Parent: #17
ناهد بشير والله ليك وقفة خاصة
انتى عارفة فى الوقت الانا بتكلم مع الرفاعى بالتلفون
قلت ليهو البوست ده بيشبه ناهد ، جيت لقيت مداخلتك
يا رفاعى قالوا ليك الدنيا عييييييد ...
يعنى حاول نزل ليك بوست اغانى وبنجى نهجج معاك انشاء الله قيقم ..
جده زحمة الايام دى انشاء الله تكونو جهزتو وما منتظرين الوقفة
وخليك ذى اميمة سند شديدة جهزت كل شى من اسبوع
خالص الود
|
Post: #21
Title: Re: ليه بنعمل حاجاتـنا كلها يوم الوقفــة .. ؟
Author: جعفر محي الدين
Date: 12-03-2008, 12:00 PM
Parent: #17
كـــــل عيد والجميع بخير
وكل يوم وأنتو طيبين
الوقفة يوم الوقفة أحر من الوقفة يوم العيد
نحن شعب من أحب الأمثلة لأنفسنا : في العجلة الندامة وفي التأني السلامة
والعجلة من الشيطان
ياخي الناس لو جهزت أي حاجة قبل يوم الوقفة ...
مش حتلقى حاجة تعملها يوم الوقفة
وإن شاء الله كلكم كدا واقفين في جبل الرحمة يوم عرفة (أقصد يوم الوقفة)
|
Post: #22
Title: Re: ليه بنعمل حاجاتـنا كلها يوم الوقفــة .. ؟
Author: عبد الدائم سيد أحمد
Date: 12-03-2008, 12:15 PM
Parent: #21
ابو الجعافر كل سنة وانت طيب
مالو ما نجهز كل حاجة ونقيف مرتاحين
عندنا طبيب بيطرى فى حلتنا اعتاد السنين الفاتت يجيب
معاهو كمية من الضباحين من السلخانة ويفكهم فى الحلة
خمسة دقايق الخروف بيكون جاهز .
ابواتـنا كبرو والجيل الجديد ما بعرف يضبح
الدكتور السنة دى مسافر بره البلد
الجماعة كانو ملمومين عايزين يعرفو حيعملو شنو ، واحد قال
ليهم يا اخونا ربنا كريم يوم الوقفة يحلها الحلال .
|
Post: #23
Title: Re: ليه بنعمل حاجاتـنا كلها يوم الوقفــة .. ؟
Author: عبد الدائم سيد أحمد
Date: 12-04-2008, 07:10 AM
Parent: #1
يا ناس السودان الخرفان السنة دى اسعارها كيف
عشان نعمل حسابنا نحول القروش يوم الوقفة
وكمان يوم الوقفة يمكن ترخص
|
|