Post: #1
Title: أي واحد عندو فكرة عن البزنس يدخل هنا؟؟
Author: mehairah
Date: 12-02-2008, 08:53 AM
يا جماعة الخير الموضوع ده تاني جبتو بي جاي لامن القي واحد من بتاعين البزنس يديني رايو ..
الاخوة الافاضل
الشغلانية إنو عمكم عندو أجهزة الكترونية( سكندهاند) ذي تلفزيونات و ديفيديز وفديوز وكمبيوترز و أجهزة اخري متنوعة ..
عندي كمية كبيرة من هذه الاجهزة وهي بصورة ممتازة وكالجديدة ( استعمال نيوزلندي ) فكرت في شحنها في كونتنر إلي السودان لتسويقها هناك ..
الخدمة الدايره منكم إنو تنصحو عمكم قبل ما يتورط وتضيع قريشاتو ساكت .. باقي عمكم من ذوي الدخل المحدود..
إنتو كدي في البداية ادرسو الموضوع كويس وادوني رايكم ..مشفوع بالنصيحة ..
1- هل يمكن تسويق او تصريف هذه الاجهزة في السوق السوداني؟
2- الجمارك .. كم النسبة وكيف تحسب وهل هم في الاساس يسمحون بدخول أجهزة سكندهاند؟
3- اذا قمت بشحن الكمية التي سأبينها لاحقا..ففي تقديركم اذا تم تصريف كل الاجهزة فهل يمكن لمردودها ان يغطي تكاليفها؟
بيان تقديري:
100 ديفيديز
150 فيديوز
50 فيديو+ديفيدي ( في جهاز واحد)
5 تلفزيونات ل سي د 42 بوصة
3 تلفزيونات ل سي د 34 بوصة
10 تلفزيونات عادية ( فلات اسكرين ) سلفر 29 بوصة
10 تلفزيونات سلفر 14 بوصة
50 جهاز استريو 5 و3 سي ديز
50 بورتبال سي دي
10 كومبيوتر بنتيوم فور ( كمبليت سيستم) ل سي د مونيتورز
10 لابتوبز
50 أجهزة مختلفة
هذه صورة افتراضية وقد تزيد هذه الارقام ..
دي الشغلانية العمكم داير رايكم ونصيحتكم فيها ..
وكمان كان ما لقيتو لها حل وروني اوديها وين ..
شكرا ليكم مقدما,,,,,,,,,,,,
|
Post: #2
Title: Re: أي واحد عندو فكرة عن البزنس يدخل هنا؟؟
Author: انتصار محمد صالخ بشير
Date: 12-02-2008, 11:43 AM
Parent: #1
الاخ الكريم
السلام عليكم ورحمة الله
انصحك نصيحة اخت لها خبرة طويلة فى العمل مع السودان بحكم عمل زوجى رجل اعمال
لا تستعجل وتضيع قريشاتك
اليك النصيحة رقم واحد ان ترسل صورة من مستندات البضاعة للمواصفات والمقايسين عشان تزيح واحدة من العراقيل التى ستواجهها
ومن هذا الجانب استطيع ان اعطيك تلفون مدير المواصفات بورتسودان وهو استاذى وزميلى ,
وكان شرحت ليك باقى العراقيل راسك بشيب ابدا بالاولى وراسلنى على بريدى اللكترونى
[email protected]
انتصار
|
Post: #14
Title: Re: أي واحد عندو فكرة عن البزنس يدخل هنا؟؟
Author: mehairah
Date: 12-03-2008, 01:07 AM
Parent: #2
الإبنة الفاضلة انتصار
جزاكي الله خيرا علي نصيحتك ..وتشكري علي مساعدتك ,,
سوف اتواصل معك بالاميل ,, انشاء الله ,,
سلمتي ...
عمك عبدالرحمن
|
Post: #3
Title: Re: أي واحد عندو فكرة عن البزنس يدخل هنا؟؟
Author: Mahir Mohammed Salih
Date: 12-02-2008, 11:51 AM
Parent: #1
الأخت مهيرة ،، تحية طيبة وبعد
فى البدء عمك ده لازماَ ولا بد أن يكون لديه سجل تجارى فى السودان وأن يكون من ضمن أنشطته إستيراد أجهزة كهربائية ( شريطة أن لا يكون لماركات هذه الأجهزة وكيل رسمى فى السودان ) وكذلك أن يكون لديه كرت ضريبى خالى من الإلتزامات ،، وفوق هذا وذاك عليه أن يتأكد سريان قانون ال ( Nill Value ) وهو القانون الذى يخول لك إستيراد بضائع بدون تحويل قيمتها من السودان .
أما فيما يخص الجمارك ورغم أن أجهزة الكمبيوتر ( الشخصى ) معفى من الجمارك تماماَ إلا أن كميات عمك هذا هى كميات تجارية لذا ينطبق عليها قانون جمارك الأجهزة الكهربائية ،، والذى يتراوح بين 15 إلى 20% حسب مزاج ضابط الجمارك وحرفنة من يقوم له بالتخليص ،، لأن فى إستطاعة أى ضابط جمارك أن يكتب ما يشاء ،، يعنى حاجة جديدة ممكن يكتبو ليك مستعملة ،، أو حاجة 20 بوصة ممكن يكتبو ليك 5 بوصة .......... وهكذا .
أها لو ماعندو سجل تجارى فى الخرطوم ممكن له أن يبحث عن أى شخص فى السودان لديه سجل تجارى يتوفق مع ما ذكر أعلاه ولكن طبعاَ لازم يطلع بحقو ،، هذا إذا لم يهبر الموضوع برمته لحسابه ،، ففى السودان يمكن أن تجد العجائب فى عالم البزنس .
أها ده كله كوم والسؤال الذى أريد طرحه كوم آخر ،، إنتى بتقولى عمك ده دخله محدود ،، طيب جاب الحاجات دى كيف ؟؟ بالله ورونا ضرورى عشان برضو دخلنا محدود وعاوزين نعمل كده وندى الإغتراب ضهرنا ( وجه متعجب وينقلب ضاحكاَ فى الآخر )
ماهر محمد صالح
|
Post: #15
Title: Re: أي واحد عندو فكرة عن البزنس يدخل هنا؟؟
Author: mehairah
Date: 12-03-2008, 01:30 AM
Parent: #3
الإبن ماهر ,,
تحيات طيبات ,,
طمأنتني الله يطمئنك ,, ( وجه باسم)
(أها ده كله كوم والسؤال الذى أريد طرحه كوم آخر ،، إنتى بتقولى عمك ده دخله محدود ،، طيب جاب الحاجات دى كيف ؟؟ بالله) (وجه ضاحك)
اقوا لك كيف ..
عمك عندو محل بتاع تصليح الكترونيات وعندنا في البلد دي الناس بقت ما بتصلح بتشتري جديد وعمك يقوم يتبالا بالاجهزة دي ..
بشتري بعض الاجهزة بأسعار رخيصة وهي ممتازة جدا ولكن عرضها للبيع هنا لا يأتي بمردود جيد ..
اها لمن الأجهزة كترت عمك فكر ليه ما يرسلها أوفرسيس يمكن يكون العائد اكبر ,, وطبعا عمك ماسح في حكاية التجارة دي وقايل العملية ساهلة وما فيها تعقيدات ,,
المهم نشوف راي الجماعة الباقين وبرجع ليك ,,
تسلم ,,
|
Post: #4
Title: Re: أي واحد عندو فكرة عن البزنس يدخل هنا؟؟
Author: انتصار محمد صالخ بشير
Date: 12-02-2008, 12:08 PM
Parent: #1
الاخ ماهر
السلام عليكم
لاحظ اخى الكريم ان البضاعة هى
| Quote: عندو أجهزة الكترونية( سكندهاند) |
اليخرج من المطب دا اولا بشهادة موافقة المواصفات والمقاييس
انتصار
|
Post: #5
Title: Re: أي واحد عندو فكرة عن البزنس يدخل هنا؟؟
Author: Dr. Ahmed Amin
Date: 12-02-2008, 12:11 PM
Parent: #1
يا عمك غايتو نصيحتي ليك ابعد بعيييييد
والله سوق السودان ده مليااااان صقور ..
يطقوق طقة يودوك ام طجوك ..
بنصحك بالإتجاه للشارقة فهناك سوق رائج ومربح وخالي من التعقيدات
ولو احتجت لمساعدة او لزول يساعدك بصورة مباشرة ايميلي تحت:
[email protected]
وربنا يوفقك
|
Post: #6
Title: Re: أي واحد عندو فكرة عن البزنس يدخل هنا؟؟
Author: معاوية الأرباب
Date: 12-02-2008, 12:26 PM
Parent: #5
الموضوع بسييييييط وفي غاية البساطه
شارك ليك جبهجي بس يكون مؤتمر وطني .
|
Post: #7
Title: Re: أي واحد عندو فكرة عن البزنس يدخل هنا؟؟
Author: Abureesh
Date: 12-02-2008, 01:17 PM
Parent: #6
لو فى سـرفت ستور فى الســودان، جايز يكون معفى من كل الإجراءات دى.
لكن برضـو إقتراح توديها للسالفيشن ارمى.
|
Post: #18
Title: Re: أي واحد عندو فكرة عن البزنس يدخل هنا؟؟
Author: mehairah
Date: 12-03-2008, 01:53 AM
Parent: #7
كيفك أبو الريش ,,
يا زول أقول ليك عمك من ذوي الدخل المحدود تقولي وديها
السولفيشن ارمي ؟ (وجه باسم )
تشكر علي المرور وعلي النصيحة ,,
|
Post: #17
Title: Re: أي واحد عندو فكرة عن البزنس يدخل هنا؟؟
Author: mehairah
Date: 12-03-2008, 01:49 AM
Parent: #6
مرحب بيك ود الأرباب ,,,
المصيبة أنو الجماعة ديل شامني ,,وخاصة جماعة المؤتمر ,,
إنت قبل كده ما قريت جريدة مهيرة والله شنو ..؟
مهيرة
كدي شوف العدد ده وتعال قولي بيشاركوني والله بيشابكوني ,,؟
شكرا علي المرور,,
عمك عبدالرحمن
|
Post: #16
Title: Re: أي واحد عندو فكرة عن البزنس يدخل هنا؟؟
Author: mehairah
Date: 12-03-2008, 01:38 AM
Parent: #5
أهلا بيك يا دكتور,,
معقول الأمور وصلت لهذا السوء ..؟ ربنا يجازي الكان السبب !!!
بالمناسبة فكرة الشارقة دي ذي العجبتني كده ,,وأكيك حأتواصل معاك بالاميل ,,
بشوف الجماعة وبرجع ليك ,,
تشكر يا دكتور ,,
عبدالرحمن
|
Post: #8
Title: Re: أي واحد عندو فكرة عن البزنس يدخل هنا؟؟
Author: Tabaldina
Date: 12-02-2008, 01:33 PM
Parent: #1
..
.
سلام يا .. يا منو 
اولاً : موضوع الصلاحية والمواصفات اتفق تماماً مع الاخت انتصار لابد من ارسال نوع الشحنة
متضمن تاريخ الانتاج او المستندات التى تثيت انتاجيتها وصلاحيتها .. الخ
الى المواصفات والمقاييس ,, للحصول على موافقة معتمدة ومكتوبة ..
ودا احتمال يتطلب ارسال عينة كمان ..
ثانيا : موضوع الجماركـ والتخليص مقدور عليهو البلد دى لو اوراقك مكتملة او لديك
بعض العلاقات والتسهيلات كلو بتم ولذا اعطيك تلفون اخ عزيز فى بورتسودان اسمو
اسامة خضر الرضى سيوقوم باللازم فى التخليص والجمارك
249912310155+
ثالثا : موضوع التسويق .. دا بقي شغلنا .. بما انو الكميات كبيرة وعلى ما يبدو قابلة للزيادة
بتحتاج لعلاقات فى السوق او مراكز تسويق او معرض .. بالاضافة للدعاية واكتساب زبائن
يعنى بزنس بزنس .. اها اخوك بوفر المعرض واسم العمل لو ما عندك .. ماعليك غير تجهز محاميك
ومستنداتك ووكيلك هنا .. ونتفق فى النسبة من الارباح .. مع مراعاة انك مشارك براس المال
ونحنا بالاستلام بالتوزيع والادارة .. وبرضو تدينا تلفون او ايميل .. هنا
249912397336+ -
[email protected]
رابعا : الشغل لمن يمشى لقدام انا شايف ضرورة حضورك فى زيارة خاطفة حتى تقف على
الامور بنفسك عشان حقك ما يروح شمار ساى .. وكدا
______________
اها قلت لى اسم الكريم منو ؟؟
|
Post: #24
Title: Re: أي واحد عندو فكرة عن البزنس يدخل هنا؟؟
Author: mehairah
Date: 12-03-2008, 07:03 AM
Parent: #8
سلام تبلدينا
كلامك سمح ,, وزين ,,
ارسلت لك إميل بخصوص الموضوع ,,
شكرا يا حبيب ,,
|
Post: #9
Title: Re: أي واحد عندو فكرة عن البزنس يدخل هنا؟؟
Author: انتصار محمد صالخ بشير
Date: 12-02-2008, 01:45 PM
Parent: #1
الاخ تبلدينا
السلام عليكم
يا زول انت الظاهر عليك ما ساهل بتعرف تجيه الشغل بس برضو انصح اخينا صاحب المشروع ان لا يتعامل مع اى جهة الا بمستندات بنكية
بخطابات اعتماد اذا وجد جهة حبت ان تشترى منه . اما اذا اراد ان يشارك جهه ما هذا يتوقف على شكل الاتفاق بين الطرفيين
وان اراد النجاح الحقيقى لعمله هذا يتجه الى دول غرب افريقيا فيها اسواق ممتازة لبيع الاشياء المستعملة بمختلف انواعها بدا من الاجهزة الكهربائية الى اطارات
السيارات
نتمنى له التوفيق
انتصار
|
Post: #10
Title: Re: أي واحد عندو فكرة عن البزنس يدخل هنا؟؟
Author: Tabaldina
Date: 12-02-2008, 01:59 PM
Parent: #9
..
.
سلام يا مدام
| Quote: يا زول انت الظاهر عليك ما ساهل بتعرف تجيه الشغل |
نحن كما يقول صديقى ناذر اصحاب الشئ زاتاااااا
برضو الظاهر عليك شاربه شغل البيه شراب ..
طبعا الاعتماد البنكى وغيره مطلوب من الجهة التى تنوى الشراء
وعليه ان يتا:د من انها جهة ثقة واسم عمل معروف يمكن التعامل معه
ويضمن المقدم او النسبة الاول قبل التسليم والتسلم.
وبما اننا عايز مصلحة الزول دا .. سمعت باسواق دول غرب افريقيا
بس ما عندنا ليها أكسس Access غير زول واحد فى زنجبار لو تنفع او انت تشوفى ليهو زول.
___________
بالمناسبة دا مدخل ياخى انا اسمى صالح
وصالخ حقتك ( بالخاء ) دى غايظانى .. دى غلطة
ولا جدك دا كان صلاخ
صلحنا الغلط دا .. يا ماهر
مش قلت ليك عندى رجفة من اشوف بوست أها يا دينا دا طرفى ..
انا اطرافى بترجف .. التقول جانى شلل رعاش
|
Post: #42
Title: Re: أي واحد عندو فكرة عن البزنس يدخل هنا؟؟
Author: انتصار محمد صالخ بشير
Date: 12-04-2008, 10:29 AM
Parent: #10
الاخ الكريم صالح (تبلدينا)
السلام عليكم
| Quote: شاربه شغل البيه شراب |
طبعا يا زول لما المدير يكون مسافر بمشى الشغل لكن شهادتك دى خلتنى ممكن انجح لو اشتغلت لوحدى
Quote: الاعتماد البنكى وغيره مطلوب من الجهة التى تنوى الشراء
وعليه ان يتا:د من انها جهة ثقة واسم عمل معروف يمكن التعامل معه
ويضمن المقدم او النسبة الاول قبل التسليم والتسلم. |
يا اخوى الشغل مع السودان لازم من الاعتمادات البنكية مهما كانت درجة الثقة وامكانيات الجهة التى تعمل معها لسبب بسيط
نحن فى السودان لا نحترم المواعيد المبرمة فى العقود مما يسبب كتير من المتاعب مع الجهات التى تتعامل معها
اما عن دول غرب افريقيا هى سوق ممتازة جدا ان شاء الله سنحاول نجد له مدخل (شفت نحاول دى كيف خلاص اختك دخلت دور المدير )
| Quote: وصالخ حقتك ( بالخاء ) دى غايظانى .. دى غلطة |
وانا اكتر منك بس نعمل شنو خطأ فى الكتابة
انتصار
|
Post: #26
Title: Re: أي واحد عندو فكرة عن البزنس يدخل هنا؟؟
Author: mehairah
Date: 12-03-2008, 07:41 AM
Parent: #9
الابنة انتصار
شايفك قلتي (بخطابات اعتماد اذا وجد جهة حبت ان تشترى منه)
أها عمك عاوز ذي الجهة دي تشتري البضاعة وانا أشحنها والمشتري يتكفل بالدخول وبقية الاجراءات ,,
وبعدين للعاوز يشتريها سوف احسب اسعارها بسعر التكلفة ,, يعني ما حتكون غالية عليهو ,,
بالنسبة للاجهزة ممكن ارسل كل الإنفورميشن المطلوب مشفوع بالصور ,,
رأيك شنو؟ مافي واحد يدق صدرو ..؟
تسلمي
|
Post: #43
Title: Re: أي واحد عندو فكرة عن البزنس يدخل هنا؟؟
Author: انتصار محمد صالخ بشير
Date: 12-04-2008, 10:54 AM
Parent: #26
الاخ عبد الرحمن
السلام عليكم
انصحك ان يكون بيعك مع اى جهة عبر البنوك واليك عمل الاتى :
ان تتصل بشركات النقل البحرى من بلدك وان تسال عن قيمة الشحن تسليم البضاعة (حاوية ) الى الميناء الذى يحدده المشترى اذا كان للسودان مثلا ( بورتسودان - سوبا - كوستى )
ان تضيف قيمة الشحن الى قيمة البضاعة .
ما دمت تعمل فى مجال صيانة هذه الاجهزة اكيد تملك اسم تجارى لمزوالة العمل باسمك مما يساعدك فى الاجراءات البنكية فى بلدك
ان ترسل الفاتورة للجهة التى تريد الشراء فيها تفاصيل اسم العمل وتلفونات واسم البنك ورقم الحساب البنكى
نوع البضاعة واى شروط تم التفاق عليها مثل تاجيل الدفع الى عدد من الشهور او الدفع فورا بعد استلام المستندات ( المستندات عادتا ترسل ب الدى اتش ال )
او الدفع بعد استلام البضاعة او الدفع المقدم 30 الى 50 % من قيمة البضاعة قبل الشحن دى كلها مسائل فنية حسب الاتفاق
يا زول ماتجوط راسك الحاجات دى انا بعملها ليك بس خلينا نجد المشترى الجاد
وساتواصل معك عبر البريد والتلفون
|
Post: #11
Title: Re: أي واحد عندو فكرة عن البزنس يدخل هنا؟؟
Author: النذير بيرو
Date: 12-02-2008, 02:02 PM
Parent: #1
الاخ الكريم
بحكم وظيفتي كضابط مشتروات خارجية وداخلية علي مدي 12 سنة ومنهن سنة في نيجريا- لاغوس انصحك بالاتي
اولا السوق غرقان لمن طافح بالمنتجات الصينية
ثانيا اصبح شراء التلفزيونات والثلاجات والكمبيوترات عن طريق الاقساط تقوم الشركات المحلية بالطواف علي كل العاملين في اي موقع وتسجل اسمو وتسلموا طوالي مرات القسط بكون لايؤثر علي المرتب اطلاقا.
انصحك بان تجلب فقط كمبيوترات لاب توب لانها الحاجة الوحيدة هسي مرغوبة في اوساط الشباب والمثقفين والموظفين لان اماكن العمل لايمكن ان تدي الواحد راحتو يتصفح حاجاتو من منتديات ومسنجرات وخلافه.
لك ودي اذا احتجت اي استشارة من اصغر منتج لاكبر منتج اتصل بي.
النذير
|
Post: #27
Title: Re: أي واحد عندو فكرة عن البزنس يدخل هنا؟؟
Author: mehairah
Date: 12-03-2008, 07:53 AM
Parent: #11
تشكر ابني النذير (بالمناسبة لي أبن واحد فوق اربعة بنات واسمو النذير )
المشكلة ان الأجهزة متنوعة .. تلفزيونات .. استريوهات .. ديفيديز وفيديوز .. مايكرويفات ,,
وكمبيوترات دسك تب اند لابتوبز..وأجهزة كتيرة مختلفة ,,
عاوز اشحنها في كونتنر وارسلها لمن يستطيع تصريفها ويقوم بالاجراءات ,, فأنا لا افقه شيئا فيها,,
حاشية: يا زول انا لا اكبر منتج ولا حاجة ,,(وجه باسم )
طبعا اكيد حاحتاج ليك ,, وبجيك راجع ,,
تشكر يا ابني ,,
|
Post: #12
Title: Re: أي واحد عندو فكرة عن البزنس يدخل هنا؟؟
Author: Mahir Mohammed Salih
Date: 12-02-2008, 03:21 PM
Parent: #1
سِكَك ،، تصليح وكده
ماهر
|
Post: #13
Title: Re: أي واحد عندو فكرة عن البزنس يدخل هنا؟؟
Author: Hamza Abdelghani
Date: 12-02-2008, 05:54 PM
Parent: #12
يا شباب
بمناسبة السكندهاند اللساتك المستعملة سوقها كيف
طيب معدات طبية استحدام خفيف وكده
افتونا بالله
|
Post: #35
Title: Re: أي واحد عندو فكرة عن البزنس يدخل هنا؟؟
Author: Tabaldina
Date: 12-03-2008, 11:47 AM
Parent: #12
..
.
Quote: سِكَك ،، تصليح وكده
ماهر |
اكسس Access يا عالم
ياخى انتو والله بتقؤروها سطر سطر
_________
شكرا يا ماهر .. ايد فى ايد
البزنس بمشى قلت شنو ؟؟
|
Post: #19
Title: Re: أي واحد عندو فكرة عن البزنس يدخل هنا؟؟
Author: عبد المنعم سليمان
Date: 12-03-2008, 02:11 AM
Parent: #1
Quote: الخدمة الدايره منكم إنو تنصحو عمكم قبل ما يتورط وتضيع قريشاتو ساكت .. باقي عمكم من ذوي الدخل المحدود..
إنتو كدي في البداية ادرسو الموضوع كويس وادوني رايكم ..مشفوع بالنصيحة ..
1- هل يمكن تسويق او تصريف هذه الاجهزة في السوق السوداني؟
2- الجمارك .. كم النسبة وكيف تحسب وهل هم في الاساس يسمحون بدخول أجهزة سكندهاند؟
3- اذا قمت بشحن الكمية التي سأبينها لاحقا..ففي تقديركم اذا تم تصريف كل الاجهزة فهل يمكن لمردودها ان يغطي تكاليفها؟
بيان تقديري:
100 ديفيديز
150 فيديوز
50 فيديو+ديفيدي ( في جهاز واحد)
5 تلفزيونات ل سي د 42 بوصة
3 تلفزيونات ل سي د 34 بوصة
10 تلفزيونات عادية ( فلات اسكرين ) سلفر 29 بوصة
10 تلفزيونات سلفر 14 بوصة
50 جهاز استريو 5 و3 سي ديز
50 بورتبال سي دي
10 كومبيوتر بنتيوم فور ( كمبليت سيستم) ل سي د مونيتورز
10 لابتوبز
50 أجهزة مختلفة
هذه صورة افتراضية وقد تزيد هذه الارقام .. |
نصيحتي ليك لله في الله
لوكنت كوز بلقوا ليك طريقة تدخلها بيها جمعية خيرية او اي حاجة بدون جمارك لكن اتذكر انك حتدمر الاقتصاد زي ما دمروه الله يدمرهم
ولو ما كنت كوز حيعدموك لو جبتهم
|
Post: #20
Title: Re: أي واحد عندو فكرة عن البزنس يدخل هنا؟؟
Author: mehairah
Date: 12-03-2008, 02:28 AM
Parent: #19
أخوي عبدالمنعم ,,كيفك ,,
تعرف ياها التانية (الإعدام ) لأنو الجماعة ديل من زمان بفتشو في طريقة
تلمهم فيني ,,
مخروبة تب بيني وبينهم ,,
ديل دمروا البلد كلها مش الاقتصاد براهو ,, !! داء ربنا يشفينا منه !!!!
تشكر ,,
مهيرة
|
Post: #21
Title: Re: أي واحد عندو فكرة عن البزنس يدخل هنا؟؟
Author: Abdelmuhsin Said
Date: 12-03-2008, 02:31 AM
Parent: #1
l لشغل الصاح الايامات دى فى جنوب السودان البلد لسع خصبه .
من رأي تصرف النظر عن باقى الدول الافريقيه والخيار متروك ليك .
انا شغل اجهزتك ده مابفهم فيه بس أسأل اسياد الشى زاتا .
ودملاح
|
Post: #28
Title: Re: أي واحد عندو فكرة عن البزنس يدخل هنا؟؟
Author: mehairah
Date: 12-03-2008, 07:58 AM
Parent: #21
الإبن عبدالمحسن تحياتي
المشكلة في إنو يدخلوها الجنوب كيف ؟
عندك أي اقتراح ؟
تشكر يا حبيب ,,
|
Post: #22
Title: Re: أي واحد عندو فكرة عن البزنس يدخل هنا؟؟
Author: عبد المنعم سليمان
Date: 12-03-2008, 03:42 AM
Parent: #1
| Quote: فى جنوب السودان البلد لسع خصبه |
سلامات يا مهيره
صح 100 المائه
اشحني طوالي يا مهيره لكينيا او يوغندا وحتدخليهم الجنوب باسرع مما تصوري
كما ان الجمارك سهلة وميسرة والسوق ممتاز خاصة للاجهزة الكهربائية
حقيقة امشي في الطريق دا
دي نصيحيتي النهائية
|
Post: #29
Title: Re: أي واحد عندو فكرة عن البزنس يدخل هنا؟؟
Author: mehairah
Date: 12-03-2008, 08:06 AM
Parent: #22
إبني عبدالمنعم ,, تحياتي ,,
أولا انا عمك عبدالرحمن عثمان ومهيرة دي صحيفة اكتبهافي النت ,,
حاولت اغير النك نيم عشان الناس ما تتلخيط ولكني لم اعرف كيف يمكن تغييره
استنجدت بي سيد الحوش وما نجدني .. دحين انت كان بتعرف تغيرو غيرو عشان تاني ما تتلخبط ,,
طيب تقدر تساعد والله تعرف واحد يقدر في كينيا أو يوغندا ,,
تشكر
|
Post: #23
Title: Re: أي واحد عندو فكرة عن البزنس يدخل هنا؟؟
Author: Abdelmuhsin Said
Date: 12-03-2008, 04:31 AM
Parent: #1
شكرا عبدالمنعم .
الحذر ثم الحذر ان تشحن عن طريق كينيا وفى النهايه الخيار متروك ليكم ...
أسلم و أضمن طريقه الشحن عن طريق يوغندا ...
ودملاح
|
Post: #31
Title: Re: أي واحد عندو فكرة عن البزنس يدخل هنا؟؟
Author: أحمد الشايقي
Date: 12-03-2008, 08:15 AM
Parent: #23
أخي الكريم
شكرا لطرح الفكرة
شخصياً أهتم بمكائن التصوير ماركة ريكـو,
ويمكنني ربطكم بعلاقات تعاقدية مع جهات قادرة على التسويق
alshaigi35(at)hotmail.com
خالص التقديـر
أحمـد
|
Post: #50
Title: Re: أي واحد عندو فكرة عن البزنس يدخل هنا؟؟
Author: ibrahim fadlalla
Date: 12-23-2008, 12:42 PM
Parent: #31
الأخ ..أحمد الشايقي ...تحية وسلام ...بخصوص ماكينات الريكو ...أخوك مهتم برضو ...ممكن نتفاكر أكتر ..؟؟؟ راجع ايميلك ..مشكوراً ..
أخوك / إبراهيم فضل الله
|
Post: #25
Title: Re: أي واحد عندو فكرة عن البزنس يدخل هنا؟؟
Author: الطاهر عثمان
Date: 12-03-2008, 07:41 AM
Parent: #1
مع انو الواحد لاعندو في التور ولا في الطحين
لكن بوست جميل ومفيد لاصحاب المجال
وبيدي فكرة كبيرة عن التعقيدات الحاصلة في السودان في مجال البزنس
في كل البلاد المسالة ساهلة ومعروفة
لكن عندنا كل شئ في علم الغيب
وحتة البضائع الصينية دي معلومة مهمة جدا يا اخ مهيرة
وبرضو تقديرات الجمارك المزاجية
وبعدين البيع والمنافذ وتخزين البضاعة ونقلها
واي زول عايز حقو ده غير البشيل ليهو حاجه من البضاعة هدية
--
بلد فيها كمية تماسيح
|
Post: #33
Title: Re: أي واحد عندو فكرة عن البزنس يدخل هنا؟؟
Author: mehairah
Date: 12-03-2008, 08:50 AM
Parent: #25
الابن الطاهر ,,
الشغلة خربانة من كباره ,,
( إذا كان رب البيت بالدف ضارب فشيمة اهل البيت كلهم الرقص )
بس الواحد بعيد من البلد وليهو سنين ما شافها ,, وما كنا قايلين انو البلد وصل لهذا الدرك
الاسفل,,
ربنا يكون في العون ,,
تشكر,,,,,,,,,,,
|
Post: #30
Title: Re: أي واحد عندو فكرة عن البزنس يدخل هنا؟؟
Author: ALZOLZATOO
Date: 12-03-2008, 08:07 AM
Parent: #1
ياحبيبنا ،،
ناس البيزنس بيقولوا
the best time to buy an umbrella is when the sun still shining
بغض النظر عن اجراءات الاستيراد والتكلفة ارى انه ليست هنالك امطار شديدة في السودان عشان تشتري ليها شمسية ( مطرية) من قبل الخريف لوووول عشان كده invest in the best وخلي قروشك في جيبك وخير مالك مادخل بطنك لووووووووووووووول يكه
تحياتي ،،،
زاتوووو
|
Post: #32
Title: Re: أي واحد عندو فكرة عن البزنس يدخل هنا؟؟
Author: فيصل محمد خليل
Date: 12-03-2008, 08:49 AM
Parent: #30
مسكاقنا
حاول رسل لي التفاصيل هنا يمكن نلقى ليك سوق
في هنغاريا
[email protected]
|
Post: #37
Title: Re: أي واحد عندو فكرة عن البزنس يدخل هنا؟؟
Author: mehairah
Date: 12-03-2008, 12:11 PM
Parent: #32
الاخ الكريم فيصل ,,
مسكاقنا,,
شكرا علي المرور ,,
بليز جك يور إميل ..
|
Post: #36
Title: Re: أي واحد عندو فكرة عن البزنس يدخل هنا؟؟
Author: mehairah
Date: 12-03-2008, 12:06 PM
Parent: #30
الزول ذاتو .. كيفنك ,,
ازول ناس البزنس يقولو اليقولو ,, وكلامك 100% صاح( وخير مالك مادخل بطنك )
ولكن دي لسع ما بقت مال .. اسويها مال كيف دي المسألة !!
شكرا علي المرور والنصيحة ,,,
سلمت يا إبني ,,,,,
|
Post: #34
Title: Re: أي واحد عندو فكرة عن البزنس يدخل هنا؟؟
Author: Safia Mohamed
Date: 12-03-2008, 11:33 AM
Parent: #1
على الرغم
اننا لا عندنا لا في الطور ولا الطحين
لكن بوست لذيذ ومفيد
والله يا تبلدينا طلعت ماك هين
ومنكم نستفيد راسلني عندي مشيريع بزينيس كدي على قدر الحال
|
Post: #38
Title: Re: أي واحد عندو فكرة عن البزنس يدخل هنا؟؟
Author: mehairah
Date: 12-03-2008, 12:19 PM
Parent: #34
الابنة صافية الصافية ,,
سلام
شكرا علي المرور,,
اصبري شوية خليني ابيع حاجاتي دي واقبض قريشاتي ,, طبعا بعد داك
حتكون عندي خبرة ,, وبجي اساعدك في مشيريع البزينيس بتاعك,,( وجه باسم )
تبلدينامنو القاليك هين ؟ كلنا راجنو ,,
تسلمي ,,
|
Post: #39
Title: Re: أي واحد عندو فكرة عن البزنس يدخل هنا؟؟
Author: Tabaldina
Date: 12-03-2008, 12:29 PM
Parent: #34
..
.
طيب ..جينا تانى
اولا التحية للعم / عبدالرحمن
طبعا قصدى اوضح ابتسامتى واللبس الحاصل يعنى انا من البداية
الاسم غلبنى وما عرفت انا بخاطب عمك ولا بت عمك ..
فاعذرنا يا عم على النيك نيم بتاع ( مهيرة ) .. بالجد
خفت اقول مهيرة وتطلع عم وداالحصل ..
اقول يا عم عبدالرحمن
ولدك الحاجة لمن ينوى عليها بحاول يوصلها النهاية ..
| Quote: رأيك شنو؟ مافي واحد يدق صدرو ..؟ |
اها انا دقيت صديرى الا لو ماهر ولا انتصار عايزين الشغلة دى
اولا موضوع الجمارك والبضاعة والتخليص عن طريق بورتسودان دا اتحسم
عن طريق مومباسا ( كينيا) منتظر لى رد ساعتين وانت عارف السودانيين
رمتالة وكسلانين ياخد يوم عشان يديك نتيجة صغيرة .. المهم الخبر بكره بالكتير
عشان نعرف السوق فى جوبا ومنو البستلم ؟؟ وسرعة السداد والتسويق ؟؟
خلينا بس نفرفر ناس الحركة الشعبية ديل .. بدونا الاكيدة ..
المهم ترسل لينا صورة بالايميل .. تشمل الاوراق الرسمية
نوع البضاعة
والكمية واصنافها
وجهة تصنيعها ( نيوزيلندا ولا اماكن اخرى )
وتاريخ التصنيع
حتى طريقة التعبئة
تاريخ وصول الشحنة من ولينجتون الى بورتسودان او مماباسا ( دى طبعا لو انت فى العاصمة )
لاحقا بنحتاج مقاس الكونتينر ( بعتد على الكمية طبعا)
طبعا عندنا الدنيا قبايل عيد يعنى حتى توقيتنا حيجى فى الكساد
لو كان الشغل دا بدا قبل 3 شهور كان نجض واخدت قروشك .. وحسي دا موسم
حصاد وعيدوالحج كمل القريشات غايتو نديها صنه تانى 3 شهور .. على بال ما نحسم الشغلة ماشى لقدام ولا
تسافر بشحنتك دى جنوب افريقيا .. وفى فبراير بديك خبر اكيد من هناك ..
والتفاصيل الاوفى والادق فى الايميل ..
وشكرا ليك وربنا يديم المعرفة والمعروف
____________
صفية راس مالك كم..؟؟
ما يكون بضاعة مجمدة .. دايرين سيولة
وشدى سلك بس
|
Post: #40
Title: Re: أي واحد عندو فكرة عن البزنس يدخل هنا؟؟
Author: mehairah
Date: 12-03-2008, 09:44 PM
Parent: #39
بجيك راجع ,,,,,,,,,
|
Post: #41
Title: Re: أي واحد عندو فكرة عن البزنس يدخل هنا؟؟
Author: mehairah
Date: 12-04-2008, 01:37 AM
Parent: #40
فوق
|
Post: #44
Title: Re: أي واحد عندو فكرة عن البزنس يدخل هنا؟؟
Author: انتصار محمد صالخ بشير
Date: 12-04-2008, 11:11 AM
Parent: #39
الاخ الفاضل صالح
السلام عليكم
| Quote: اها انا دقيت صديرى الا لو ماهر ولا انتصار عايزين الشغلة دى |
ابدا اخى الكريم نحن كل همنا ان ينجح اخونا عبد الرحمن وان يبدا عمل مؤسس وجيد ويمكن يفتح ليه ابواب وربك رزاق
انا منى عينى ان يكون اى شغل مع السودان بس يا تبلدينا انتو فى السودان وعارفيين الحاصل شنو انت كدى دقيت صدرك
جيب المشترى وكمل الشغلانية ونحن معاك خطوة بخطوة وان شاء الله ينحج وتكون دى بداية لعمل كبير
|
Post: #45
Title: Re: أي واحد عندو فكرة عن البزنس يدخل هنا؟؟
Author: mehairah
Date: 12-05-2008, 02:38 AM
Parent: #44
Dear Tabaldina and Intsar
I will be back soon,,,
Thanks
|
Post: #46
Title: Re: أي واحد عندو فكرة عن البزنس يدخل هنا؟؟
Author: mehairah
Date: 12-07-2008, 11:21 PM
Parent: #1
up
|
Post: #47
Title: Re: أي واحد عندو فكرة عن البزنس يدخل هنا؟؟
Author: mehairah
Date: 12-23-2008, 09:41 AM
Parent: #1
up
|
Post: #48
Title: Re: أي واحد عندو فكرة عن البزنس يدخل هنا؟؟
Author: حامد محمد حامد
Date: 12-23-2008, 12:09 PM
Parent: #47
كل تمنياتى بالتوفيق لعبد الرحمن
تبلدينا.. خليك قريب
|
Post: #49
Title: Re: أي واحد عندو فكرة عن البزنس يدخل هنا؟؟
Author: ibrahim fadlalla
Date: 12-23-2008, 12:35 PM
Parent: #48
شكراً عبد الرحمن على فتح هذه النافذة الجميلة ...وشكراً للجميع ..على الدروس الخصوصية ( مدفوعة الثمن ...من خالص الود ..) حول البيزنيس ...واسواق السودان..ولا شك ..لو ربنا يسر حالنا..وبقينا من أصحاب الدخل المحدود ..زي أخونا عبد الرحمن ..( ما زلنا من أصحاب الدخل المكدود ..والشكر لله من قبل ومن بعد ) حنطرق أبوابكم ...يا تبلدينا ويا انتصار ..ويا بقية العقد الفريد ...
شاكرين حسن الاستجابة ...مسبقاً ...
تقديري المتواصل ...
|
Post: #51
Title: Re: أي واحد عندو فكرة عن البزنس يدخل هنا؟؟
Author: saif addawla
Date: 12-24-2008, 05:51 AM
Parent: #49
نتابع يا ابو نذير وبالتوفيق ، بوستك طلب نصيحة لكنه افرز شيئ رائع وداخلات لطيفة ومفيدة
سيف الدولة
|
|