نصيحة لعضو المنبر الأخ :.....

وأهلنا بقولوا ليك داير النصيحة ولا الجنبها.

والنصيحة بقولها للاخ العزيز المهندس/صلاح غريبة.

وهنا لا أفرض رأي عليك ؛مجرد نصيحة يمكنك ان تأخذ بها او تتركها ؛

اعتبره مجرد رأي لقارئ متابع لكتاباتك.

الشعب السوداني عموما اخي صلاح يكره تمجيد النفس والذات

ويكره كلمة أنا.

أكتب اخي صلاح دون الاشارة لمجهودكم في اي عمل عام تقوم به ؛

اترك ذلك للقارئ وفطنته.

تزييل جميع مشاركاتك بــ:

المهندس صلاح غريبة- جدة


تفقدك الكثير .

اكتب كل ذلك في بروفايلك ؛ومن يريد معرفة المزيد عنك يمكنه الذهاب هناك.

لاشئ شخصي نصيحة من اخ لاخيه.

الصديق بشير أحمد (أبوأحمد)

هناك أُناس خلقوا بمركبات جينيه معينه لا تقبل التشكيل لأن المواد المكونه لها غير قابله للتشكيل فدعهم يخرجون بالبِنِطال والطاقيه،
اليومين دي العِواسه في المنبر الحر بدون قرقريبه يعني تكشح بنص القرعه من غير ماتقرقب .

ليتهم يعلمون أن من قراءه المنبر كثيرون من غير السودانيون والأعضاء معاً نرسخ لهذا الفهم.

ونقبل النصيحه شكرا أبو أحمد البشير.

،،،،أبوقصي،،،،

الأخ أبو قصي

دي بالغت فيها عديييييييل كدا

Quote: اليومين دي العِواسه في المنبر الحر بدون قرقريبه يعني تكشح بنص القرعه من غير ماتقرقب .

لأنو دا فعلا حال البورد

إديك العافية

الاخ/مجدي (أبوقصي)

تحياتي؛؛؛

Quote: اليومين دي العِواسه في المنبر الحر بدون قرقريبه يعني تكشح بنص القرعه من غير ماتقرقب . ليتهم يعلمون أن من قراءه المنبر كثيرون من غير السودانيون والأعضاء معاً نرسخ لهذا الفهم.

عشان كده اخي ابوقصي ؛لازم الواحد يقرقب كتابته ؛عشان ما يضر بقضيته ؛

بعيدا عن نفخ النفس ؛

Quote: ونقبل النصيحه

وشكرا لتقبل النصيحة.

اخي بشير سلام

نصيحتك هذه التي قلتها

Quote: لاشئ شخصي نصيحة من اخ لاخيه.

اتمني ان يتقبلها الاخ غريبه كما هي بلا ادني حساسيه ,,,

كل الود

الاخ الكريم بشير احمد سلام من الله ورحمة منه و بركاته ، اخى الكريم دوما وانت سيد العارفين ان النصيحة على روؤس الاشهادة صعبة ، ليتك ارسلتها على على بريده الخاص ، او رسالة على هاتفة ، لانو كده بتكون احلى و احسن ، لانى اخشى ان يستغل البعض هذا البوست فى النيل من الاح صلاح .

ياسلام عليك ياهجو
ياراجل ياواعي

Quote: الاخ الكريم بشير احمد سلام من الله ورحمة منه و بركاته ، اخى الكريم دوما وانت سيد العارفين ان النصيحة على روؤس الاشهادة صعبة ، ليتك ارسلتها على على بريده الخاص ، او رسالة على هاتفة ، لانو كده بتكون احلى و احسن ، لانى اخشى ان يستغل البعض هذا البوست فى النيل من الاح صلاح .

Quote: ياسلام عليك ياهجو ياراجل ياواعي

تماماً

Quote: لانى اخشى ان يستغل البعض هذا البوست فى النيل من الاح صلاح .

الزول ده يا هجو قاعد ينال من نفسو براهو..ما محتاجلو لزول تاني.

الأحباب المتداخلين أعلاه مني لكم التحية

هذة الدلاله التي أشار لها أخونا بشير أحمد لا تقتصر علي حد بعينه إنما القصد منها حال المنبر هذة الأيام والسباب والشتم وكل واحد فاكر نفسوا قييم علي الكل وهو الصالح والغير الطالح ولذا يجب علينا كما أرتضينا أن نتواجد بالمنبر الحر فالتكن الكلمه مقياس التواجد لكم مجدداً محبتي .

،،،،أبوقصي،،،،

عزيزنا/ بشبش

لك التحية

و لكن يا بشير يا اخوي النصيحة ما عندك .

الاخ/برير اسماعيل

تحياتي؛؛؛

Quote: و لكن يا بشير يا اخوي النصيحة ما عندك

وبرضو النصيحة حارة.

الأخوان/
هارون دياب
حسن مكاوى

تحياتي؛؛؛

شكراً علي المرور.

الاخ/هجو الأقرع

وعليكم السلام ورحمة الله وبركاته؛؛؛

Quote: اخى الكريم دوما وانت سيد العارفين ان النصيحة على روؤس الاشهادة صعبة ، ليتك ارسلتها على على بريده الخاص ، او رسالة على هاتفة ، لانو كده بتكون احلى و احسن ، لانى اخشى ان يستغل البعض هذا البوست فى النيل من الاح صلاح .

نعم النصيحة حارة علي رؤوس الاشهاد ؛

ولكن صلاح غريبة اخ عزيز ؛وقد يكون اتجاهنا السياسى معه قريب الي حد ما؛ولكن هذا لايمنع
ان ننصحه ؛واتمني ان يتقبل النصح بصدر رحب.
وبشير احمد ايضا يحتاج الي النصح ووجود عددكبير من الاعضاء اكثر فهما وعلما مننا
نحتاجهم ان يناصحوننا.

ودمت بخير.

الاخ/الحاج العوض المسلمي

تحياتي؛؛؛

Quote: اتمني ان يتقبلها الاخ غريبه كما هي بلا ادني حساسيه ,,,

اتمني ذلك.


وحجا مبرورا وسعيا مشكورا.

دا اسمو توجيه مباشـر، والنفس لا تقبل توجيه مباشـر مهما كانت دوافعـه.. لذلك كان النبى
يقول ما بال أقوام يفعلون كذا وكذا، والأقوام ديل كانوا زول واحـد وكان فى المجلس، فيعرف
نفسـه ويصحح سيره.

ربما قصـد غريبـة إعلان لجزء يسير من سيرته الذاتية لغرض التوظيف، وله الحق فى ذلك.

يا ريت لو كتبت لبكرى وطلبت حذف هـذا البوست.

والله يا بشير يا اخوي يا ليت لو سمع كلامك ..

وتحديدا .. صلاح غريبة والاسرة . جدة . القاهرة .. الرياض .. وبالعكس ..

الله يفقع مرارتك يا غريبة ...



ود الباوقة

Quote: الاخ الكريم بشير احمد سلام من الله ورحمة منه و بركاته ، اخى الكريم دوما وانت سيد العارفين ان النصيحة على روؤس الاشهادة صعبة ، ليتك ارسلتها على على بريده الخاص ، او رسالة على هاتفة ، لانو كده بتكون احلى و احسن ، لانى اخشى ان يستغل البعض هذا البوست فى النيل من الاح صلاح .

ألأخ/بشير..السلام عليكم


ما أشار إليه ألأخ/هجو ألأقرع هو ألأسلوب ألأمثل..ولا أظن أن ألأمر كبير يا أخى لدرجة ان تفتح له بوست..ولكن فى النهاية يجب علينا أن نحترم وجهة نظرك ..ولك خالص مودتى وجميع المتداخلين..


خالص مودتى..........إسماعيل محمد احمد عباس..