Post: #1
Title: /*/*/*/ إ تعــاطيتِــكـ /*/*/*/
Author: فاروق أبوحوه
Date: 11-30-2008, 08:56 PM
Parent: #0
أنا بحتاجلِكـ ..
وإنتِ مرافي الحرف الأخضر
بيك إتعافت كل الرؤيا ..
الساكنه مسام الجرح الأكبر
أنا جادلت الشوق الجامح ..
بى نور بكره الدافر وطامح
حزن الماضى الهاجر وسابِكـ ..
عشم الحاضر ونبضو الأسمر
أنا بحتاجلكـ ..
تقطعى صمت الليل الطوّل ..
إنتِ معايا .. وكايس عنكـ
قمر الريف .. ولون الفرحة
مدخل شارعكـ .. وحلم أطفالكـ
لفح الصيف .. ودفقة فالكـ
حلم الطيف .. وقول السمحة
كان الخاطر ..
كل الخاطر كان بندهلكـ ..
تبنى موانى الروح بى وصلكـ
تبقى الأول .. ونبض الآخر
ويبقى الخاطر فيكـ بتجول
أنا بحتاجلكـ ..
تبقى النشوه ..
وكل الغايب فينى وحاضر
تبقى المطره..
الصايمه..
ونايمه..
وحالاً صبّت
وحضن الأرض ..
البكره..
الصابره..
وليكـ ما صدّت
إتوكلت وقلت حبابِكـ ..
إتعاطيت الشوق القمره
إتوطيت النار الحمره
يوم ما بشّر مدخل بابِِكـ..
كم حاولت أفسِّر حلمكـ ..
حجوه ونخوه
وأكتب حسنكـ .. مقطع فجركـ
كم بحتاجلكـ .. وحبكـ مشهد
مسرح راقص وعالم تشهد
نص الشوق الطوّل غايب
جاب الريد مستغفر وتايب
بالأفراح والبهجه الرخوه
أنا بحتاجلكـ ..
يا نسمات النور إبتهجى
عدى زمان الحزن الحاجه
باكر نخمد جمر التوق الحارق ..
نلحق نجمكـ .. بيك نتناجه
والمشوار الفتَّر خطوكـ ..
بنمشى دروبو وحتماً نوصل ..
رغم الغربه ..
وكل الكربه ..
رغم الحرقه ..
وذُّل الحاجه..
للعينين الصادت وصابت
قلباً صادق ولابس تاجه
أنا بحتاجلكـ ..
تبقى ضميري ..
وفى الأعماق ترميها بذوركـ
وابقى أحسك فى وجدانى
نغمة صوتكـ ..
وبقّة نوركـ ..
تبقى معايا ونمشى الريده
وفى الإحساس تمتد جذوركـ ..
أنا ناديتكـ ..
تبقى الخرطه ..
وعمق الريف
تبقى القهوه..
وحسن الطيف
إتماديت فى ريدكـ..
راهــب..
وإتعاطيتـك ..
حـد الكيف ..
|
Post: #2
Title: Re: /*/*/*/ إ تعــاطيتِــكـ /*/*/*/
Author: فاروق أبوحوه
Date: 12-01-2008, 10:46 PM
Parent: #1
مواني الروح.!!
وما أدراك.
فما أقسي ..
المكان.
وما أمضي ..
الإحتياج.
|
Post: #3
Title: Re: /*/*/*/ إ تعــاطيتِــكـ /*/*/*/
Author: محمد سنى دفع الله
Date: 12-01-2008, 10:56 PM
Parent: #2
الظاهر
حندمن على حروفك قريب
ونتعاطاك كيف
مودتي ودام صفانا
|
Post: #6
Title: Re: /*/*/*/ إ تعــاطيتِــكـ /*/*/*/
Author: فاروق أبوحوه
Date: 12-02-2008, 01:06 PM
Parent: #3
Quote: الظاهر
حندمن على حروفك قريب
ونتعاطاك كيف
مودتي ودام صفانا |
بين النجمه..
وطاعم طلك..
سكه تودي لآخر شوقي..
يا مصقول ..
بي عطر الفُل..
ناعم ضُلك..
حايم فوقي..
السني الجميل..
إقترن (التعاطي)..لفظاً
بالمخدرات ..
وما نحا نحوها..
ولكن هل تجدي المحاولة..
لفك أسر هذه الكلمة..
من قيود الشبهة والإتهام.؟؟
فما أجمل ..
أن نتعاطي العشق..
الوطن..
الأمنيات..
ووقادم ..
الآمال.
وكذا الرائعين ..
مثلك يا صديقي الجميل.
كن بخير ..
____________________
السني أدمِّنا ياااااخ.
|
Post: #4
Title: Re: /*/*/*/ إ تعــاطيتِــكـ /*/*/*/
Author: مؤيد شريف
Date: 12-01-2008, 10:59 PM
Parent: #1
| Quote: إنتِ معايا .. وكايس عنكـ |
لو لم تقل بغيرها لكفتك...
جميل
جميل
جميل
جميل
|
Post: #5
Title: Re: /*/*/*/ إ تعــاطيتِــكـ /*/*/*/
Author: Muna Khugali
Date: 12-02-2008, 00:52 AM
Parent: #4
| Quote: فما أفسي المكان. وما أمضي الإحتياج |
وما أصعبه شوق!
.......
.......
انا كالسني..
أدمنت قراءة قصائدك..
أدمنت فرحك وحزنك وآمانيك..
ربنا يوفقك..
|
Post: #11
Title: Re: /*/*/*/ إ تعــاطيتِــكـ /*/*/*/
Author: فاروق أبوحوه
Date: 12-03-2008, 11:18 PM
Parent: #5
Quote: وما أصعبه شوق!
.......
.......
انا كالسني..
أدمنت قراءة قصائدك..
أدمنت فرحك وحزنك وآمانيك..
ربنا يوفقك.. |
الشوق..الشوك في الروح..
شقيش ما نقبل بارينــا..
نتناسي الدرب المجروح..
نلقاه معانا وراجيــنا..
.........
.....
..
.
ممتن جداً..
الجميله مني خوجلي..
علي مشاركتي حرفي..
وكذا أمنياتي..
كما كذا حزني..
ربنا يديك الصحه..
والعافية.
محبتي ..
وأشياء أخري..
|
Post: #7
Title: Re: /*/*/*/ إ تعــاطيتِــكـ /*/*/*/
Author: فاروق أبوحوه
Date: 12-02-2008, 02:01 PM
Parent: #4
Quote: لو لم تقل بغيرها لكفتك...
جميل
جميل
جميل
جميل |
الرائع مؤيد..
مرحبابك علي مرافئ التعاطي ..
تصدِّق.؟
في جوايا بناغم فيك..
وانا بستغرب ..
كيف سامعني.!!
محبتي ..
وأشياء أخري
|
Post: #8
Title: Re: /*/*/*/ إ تعــاطيتِــكـ /*/*/*/
Author: ابو جهينة
Date: 12-02-2008, 02:13 PM
Parent: #7
والمشوار الفتَّر خطوكـ ..
بنمشى دروبو وحتماً نوصل ..
رغم الغربه ..
وكل الكربه ..
رغم الحرقه ..
وذُّل الحاجه..
للعينين الصادت وصابت
قلباً صادق ولابس تاجه
أما بعد
فاروق ... القادم على صهوة الشعر الجميل
نصوصك أغاني ( ملحَّنة جاهزة ) عندما أقرؤها ...
لا تعليق أكثر من ( متعك الله ) بكل ما تتمناه
شكرا
|
Post: #9
Title: Re: /*/*/*/ إ تعــاطيتِــكـ /*/*/*/
Author: جمال السنوسي
Date: 12-02-2008, 04:50 PM
Parent: #8
Quote: بين النجمه..
وطاعم طلك..
سكه تودي لآخر شوقي..
يا مصقول ..
بي عطر الفُل..
ناعم ضُلك..
حايم فوقي.. |
يــا أبــو حـــــووووووووووووووووة
جنك كلكي
لابس ملكي
|
Post: #10
Title: Re: /*/*/*/ إ تعــاطيتِــكـ /*/*/*/
Author: نادية عثمان
Date: 12-02-2008, 05:03 PM
Parent: #9
Quote: تبقى القهوه..
وحسن الطيف
إتماديت فى ريدكـ..
راهــب..
وإتعاطيتـك ..
حـد الكيف .. |
بس خلاص !!
|
Post: #15
Title: Re: /*/*/*/ إ تعــاطيتِــكـ /*/*/*/
Author: فاروق أبوحوه
Date: 12-04-2008, 05:11 PM
Parent: #10
عينيك تبشر بالمطر..
لحظات هطولك عارفه..
حافظ رزازك وقبلتك..
من اليباس راقد قفا..
..
نادية مرحبابك..
كما صباح الوطن.
كما النيل.
مودتي..
وأشياء أخري
|
Post: #14
Title: Re: /*/*/*/ إ تعــاطيتِــكـ /*/*/*/
Author: فاروق أبوحوه
Date: 12-04-2008, 02:15 PM
Parent: #9
Quote: يــا أبــو حـــــووووووووووووووووة
جنك كلكي
لابس ملكي |
جنك تفتح مدخل جيتك..
شارع ..
سكه تهدِّم حيلنا..
منك نقدح نار الرجعة..
واسع شارعك..
وجامح خيلنا..
السنوسي أخوي:
الجن بِدَّاوي..
كعب الإندراوه..
ممتن علي شرف المرور..
والطلة الجميله.
محبتي ..
وأشياء أخري..
|
Post: #12
Title: Re: /*/*/*/ إ تعــاطيتِــكـ /*/*/*/
Author: فاروق أبوحوه
Date: 12-03-2008, 11:48 PM
Parent: #8
Quote: أما بعد
فاروق ... القادم على صهوة الشعر الجميل
نصوصك أغاني ( ملحَّنة جاهزة ) عندما أقرؤها ...
لا تعليق أكثر من ( متعك الله ) بكل ما تتمناه
شكرا |
قدامك..
درب الدهشه..
مفتوح الباب الخلفي..
وحياتك ليك بستني..
ياريتك تسمع حلفي..
ابو جهينه الحبوب..
الدوزنه في إحساسك الجميل..
وفرحة الحرف بك لا يخطئها الرحيق..
متعك الله بالصحة..
يافارس الحرف البهي.
مودتي..
وأشياء أخري
|
Post: #13
Title: Re: /*/*/*/ إ تعــاطيتِــكـ /*/*/*/
Author: هاشم أحمد خلف الله
Date: 12-04-2008, 07:10 AM
Parent: #12
ابو حوة يا ممتع حروفك زاهية ملونة
مكان ما توديها تكتب شعر رصين وجميل
واصل يا حبيب خلينا ننهل من معينك
شكراً جميلاً
|
Post: #16
Title: Re: /*/*/*/ إ تعــاطيتِــكـ /*/*/*/
Author: فاروق أبوحوه
Date: 12-05-2008, 02:51 PM
Parent: #13
ابو حوة يا ممتع حروفك زاهية ملونة
مكان ما توديها تكتب شعر رصين وجميل
واصل يا حبيب خلينا ننهل من معينك
شكراً جميلاً
|
Post: #17
Title: Re: /*/*/*/ إ تعــاطيتِــكـ /*/*/*/
Author: mohmed khalail
Date: 12-06-2008, 01:04 AM
Parent: #16
صديقي الجميل
ابو حوة يا فاروق
او هكذا يطيب لي مناداتك لا ادري لماذا؟
ولكننني ادري جيدا
انني تأخرت في العثور على هذه الدرة الجديدة
وهسي غرقت فوقها لي شوشتي
شكرا يا زول يا فنان
|
Post: #20
Title: Re: /*/*/*/ إ تعــاطيتِــكـ /*/*/*/
Author: فاروق أبوحوه
Date: 12-06-2008, 06:12 PM
كتب محمد خليل:
صديقي الجميل
ابو حوة يا فاروق
او هكذا يطيب لي مناداتك لا ادري لماذا؟
ولكننني ادري جيدا
انني تأخرت في العثور على هذه الدرة الجديدة
وهسي غرقت فوقها لي شوشتي
شكرا يا زول يا فنان.
.....
ما اتأخرت وحاتك..
عن ميعاد الحرف البشهق..
خابرك نابض ..
وحسنك قابض..
إيد القول البلحق..
...
محمد خليل الجميل..
سلام يا صديق..
تروقني تسميتك جداً..
تشعرني بالدوزنة..
لم أسأل عنك..
لأن الحرف هو من سأل عنك..
(السؤال يكون لمن أحتجب)..
ولكنك بين الحرف والنبض..حضور.
حضور..
حضور..
أتشرف به..
كل سنه وإنت طيب..
وربنا يحقق أمانيك..
محبتي ..
وأشياء أخري..
__________________
لوعندك أشواق للنيل (ستِّـفه) بوصله.
أخوك..مسافر بعد ساعتين.
|
Post: #18
Title: Re: /*/*/*/ إ تعــاطيتِــكـ /*/*/*/
Author: فاروق أبوحوه
Date: 12-06-2008, 12:13 PM
Parent: #16
الجميل هاشم..
ومحل ما أودي أشواقي..
ألقاهاعليك تتبوصل..
ياريت الدنيا تلاقي..
خطواتي إليك تتوصل.
.............
.............
عزيزي هاشم:
الجمال في حرفك الجميل..
وحضورك الزاهي..
وكل ما تراه في حرفي..
لا يعدو إلا أن يكون مرآه لدواخلك الرائعة.
محبتي ..
وأشياء أخري
______________
اليوم مسافر السودان
|
Post: #19
Title: Re: /*/*/*/ إ تعــاطيتِــكـ /*/*/*/
Author: هاشم أحمد خلف الله
Date: 12-06-2008, 12:31 PM
Parent: #18
Quote: ______________
اليوم مسافر السودان |
تمشي وتجي بالسلامة يا أبو حوة
أكيد موعودون بأشعار طازجة من السودان
كلمة حق لا بد ان اقولها ( كل قصائدك جميلة )
وأنا شخصياً معجب بها جداً .
|
Post: #21
Title: Re: /*/*/*/ إ تعــاطيتِــكـ /*/*/*/
Author: فاروق أبوحوه
Date: 12-06-2008, 06:26 PM
Parent: #19
كتب هاشم أحمد خلف الله:
تمشي وتجي بالسلامة يا أبو حوة
أكيد موعودون بأشعار طازجة من السودان
كلمة حق لا بد ان اقولها ( كل قصائدك جميلة )
وأنا شخصياً معجب بها جداً
................
موعود بالفرح الجاي..
من جيهة قلبك وسِكتكـ..
مفرود الحن الناي..
إيد الشروق ما فكَّتكـ..
..............
قريب الوجد..
هاشم..
لك أمنياتي العراض..
بقدر ما بقلبك من نقاء..
تغشاك وين ما تكون..
(ياريت عيدكـ عيدين)..
أنت يا ملك ملوك الجمال.
.........
.. وقول ياريت الحرف يطاوع..
لما الشوق الفيني يقالد..
أرضي وناسي..
وحن الوطن الزي الوالد..
كل سنه وإنت طيب..
وربنا يحقق أمانيك يارب..
تحياتي..
وأشياء أخري
|
Post: #22
Title: Re: /*/*/*/ إ تعــاطيتِــكـ /*/*/*/
Author: عواطف ادريس اسماعيل
Date: 12-07-2008, 01:08 PM
Parent: #21
أنا بحتاجلكـ ..
تبقى النشوه ..
وكل الغايب فينى وحاضر
تبقى المطره..
الصايمه..
ونايمه..
وحالاً صبّت
وحضن الأرض ..
البكره..
الصابره..
وليكـ ما صدّت
إتوكلت وقلت حبابِكـ ..
إتعاطيت الشوق القمره
إتوطيت النار الحمره
يوم ما بشّر مدخل بابِِكـ..
كم حاولت أفسِّر حلمكـ ..
حجوه ونخوه
وأكتب حسنكـ .. مقطع فجركـ
كم بحتاجلكـ .. وحبكـ مشهد
مسرح راقص وعالم تشهد
نص الشوق الطوّل غايب
جاب الريد مستغفر وتايب
بالأفراح والبهجه الرخوه
أنا بحتاجلكـ ..
رائع .. رائع ..
كل عام وأنت بخير ..
|
Post: #23
Title: Re: /*/*/*/ إ تعــاطيتِــكـ /*/*/*/
Author: فاروق أبوحوه
Date: 12-16-2008, 01:45 PM
Parent: #22
Quote: رائع .. رائع ..
كل عام وأنت بخير .. |
رائع حسك..
وحسنك دافر..
زايع صيتك..
وعشقك وافر..
الأستاذه عواطف..
جميل أن أقرأك والدنيا ( قبايل عيد)..
ليس هذا وحسب..
ولكن المكان ..
وطن..
..
.
كل سنه وأنتي بألف خير..
وخير...
.
__________
بالمناسبه النيل بسلم عليك
|
Post: #24
Title: Re: /*/*/*/ إ تعــاطيتِــكـ /*/*/*/
Author: فاروق أبوحوه
Date: 12-25-2008, 03:36 PM
Parent: #23
/*/
|
|