Post: #1
Title: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 11-30-2008, 02:56 PM
Parent: #0
عندما مات شقيقي الشاب الجميل أبو القاسم في عام الحزن ذاك ( إستلفنا) بعد جهد في البحث ( عنقريب) من الجيران لكي يرقد شقيقي عليه ويُحمل الى مثواه الآخير .. وكذلك فعلنا عند وفاة والدتي الحبيبة !!
كان لدينا في منزلنا ( عناقريب) كثيرة ولكن مع تطور الحياة ومانظنه مواكبة للعصر أعدمنا كل عناقريبنا الحنينة وإستبدلناها بأحدث صيحات السراير المذهبة من نوع ( دهباية) و( الجرتك) وغيرها من السراير المبرقشة والمطلية والمزركشة التي لا تصلح لحمل موتانا في رحلة سفرهم الآبدية !!
وفي ساعات البحث عند الجيران على عنقريب يكون الميت منتظراً وفوق رأسه صوت النائحات وقد يستعجل الذهاب حتى لا تلهبه دموعهن الحارة !!
إذن فلنحتفظ في بيوتنا بعدد وأحد (عنقريب وبرش) فليس سواه من نعش لحمل الغني والفقير في بلادنا .. وليس من تابوت أحن منه بأرجله الأربعة التي يتشبث فيها الأحباء وكأنها ضريح للتبريكات في لحظات وداع فقيدهم العزيز !!
في مصر يحملون الموتى في صناديق ضيقة وخانقة وفي عناقريبنا يكون الميت في براح الهواء والشمس قبل أن تحتضنه تربته بأمر الله !!
لا تدري نفس بأي أرض تموت ولكني أتمنى على الله أن أموت في بلدي وأحمل على عنقريب معتبر وأُدفن بطريقة دفن شرعية ويًحفر لي ( ود اللحد) وليس كما أرى في مصر حيث يرصون الموتى داخل ما يسمونه بـ ( الفسقية) وبعد أن تأكل التربة لحم الميت يجمعون العظام على جانب القبر ليضعوا ميتاً آخر في ذات المكان !!
آخرتها كوم تراب !!!
رحم الله جميع موتانا يارب
|
Post: #2
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 11-30-2008, 03:07 PM
Parent: #1
هل حمل الميت على عنقريب ثقافة سائدة في كل ربوع السودان من أقصاه الى أقصاه ؟
|
Post: #5
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 11-30-2008, 03:12 PM
Parent: #2
الرؤساء والزعماء في بلادنا هل يحملون بداخل توابيت أم مثلنا على عناقريب حبل ؟!!
|
Post: #6
Title: Re: عندكم ( عنقريب) في بيتكم .. مٌت مطمئناً !!!!
Author: حسن طه محمد
Date: 11-30-2008, 03:13 PM
Parent: #2
| Quote: لا تدري نفس بأي أرض تموت ولكني أتمنى على الله أن أموت في بلدي وأحمل على عنقريب معتبر وأُدفن بطريقة دفن شرعية |
بعد طول عمر ان شاء الله
ونسال الله ان يرحم جميع موتي المسلمين.
|
Post: #9
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 11-30-2008, 03:42 PM
Parent: #6
قريبي وشقيقي الغالي المستشار حسن طه محمد
مرورك بعث في نفسي تمام الفرحة رغماً عن مقام الموت الذي نحن بصدده هنا فلا تحرمني إطلالتك البهية سمح ؟
والموت علينا حق .. أحسن الله خاتمتنا يارب
كن بألف خير ياأنقي وانمبانسي تود 
|
Post: #3
Title: Re: عندكم ( عنقريب) في بيتكم .. مٌت مطمئناً !!!!
Author: عمران حسن صالح
Date: 11-30-2008, 03:10 PM
Parent: #1
| Quote: آخرتها كوم تراب !!! |
وبهذه البساطة في الجملة وتركيبها (جُمِعت) كل المعاني ...
آخرها كوم تراب ..
ننسى وينسون هذا ..
نثير حولنا وعلينا كل التهم والسباب ..
داخل أقواس وتحته خط ..ونميِز الحرف بالـ BOLD لمزيد من التوضيح ..
لشكل (الشتيمة) النهائي .. وننسى ...
آخره كوم تراب .. !!!!
يموت حولنا .. جوعى ..ولا نتذكر
ويولد حولنا أطفال بلا عنوان .. ولا نتذكر
ويسرق فينا الضعيف .. نحاسبه .. ولا نتذكر ..
يسرق القوي .. نهلل له .. ولا نتذكر ..
آخره كوم تراب ..
.
.
.
تسلمي يا نادية عثمان مختار ....
جميلة الوطن والحوش
|
Post: #7
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 11-30-2008, 03:34 PM
Parent: #3
عُمران حسن صالح ياصديقي الوفي في زمان الغدر وطعنات الخناجر العمياء التي لا تفرق بين ضعيف وقوي ولا طيب وشرير !!
Quote: وبهذه البساطة في الجملة وتركيبها (جُمِعت) كل المعاني ...
آخرها كوم تراب ..
ننسى وينسون هذا ..
نثير حولنا وعلينا كل التهم والسباب ..
داخل أقواس وتحته خط ..ونميِز الحرف بالـ BOLD لمزيد من التوضيح ..
لشكل (الشتيمة) النهائي .. وننسى ...
آخره كوم تراب .. !!!!
يموت حولنا .. جوعى ..ولا نتذكر
ويولد حولنا أطفال بلا عنوان .. ولا نتذكر
ويسرق فينا الضعيف .. نحاسبه .. ولا نتذكر ..
يسرق القوي .. نهلل له .. ولا نتذكر ..
آخره كوم تراب ..
. |
هو ذا ياصديقي
والله كلما نظرت في داخل نفسي في لحظات الفرح والحزن معا يمنعني (كوم التراب) هذا من ردة الفعل الضخمة فلا الحزن باقٍ ولا الفرح باقٍ ولا يفيد المرء سوى ذكرى عاطرة وبعض محبة وتقدير في قلوب من عرفوه علهم يترحمون عليه في حياته وعند مماته فالمرء لا يحتاح سوى الدعاء برحمة رب العدل العظيم حياً وميتاً!!
أحسن الله خاتمتنا ياصديقي الجميل
Quote: تسلمي يا نادية عثمان مختار ....
جميلة الوطن والحوش |
طالما ان رب العدل العظيم قد حباني بمثلك أخ لم تلده أمي وصديق يعرف حقوق ووأجبات الصداقة ويحفظ عهودها ومواثيق شرفها .. فلا محالة بأنني سأكون بخير وأسلم باذن الله دوماً !
وأنت كذلك كن بألف خير أبو محمد الجميل ..
|
Post: #4
Title: Re: عندكم ( عنقريب) في بيتكم .. مٌت مطمئناً !!!!
Author: AMNA MUKHTAR
Date: 11-30-2008, 03:11 PM
Parent: #1
Quote: لا تدري نفس بأي أرض تموت ولكني أتمنى على الله أن أموت في بلدي وأحمل على عنقريب معتبر وأُدفن بطريقة دفن شرعية ويًحفر لي ( ود اللحد) وليس كما أرى في مصر حيث يرصون الموتى داخل ما يسمونه بـ ( الفسقية) وبعد أن تأكل التربة لحم الميت يجمعون العظام على جانب القبر ليضعوا ميتاً آخر في ذات المكان !!
آخرتها كوم تراب !!! |
الجميلة ندوية..
غايتو طريقة دفن المصريين دى الوارثنها من الفراعنة
عامله لى نفسيات عديل كده .
قلت لى حتى العناقريب اتعدمت..!!
|
Post: #8
Title: Re: عندكم ( عنقريب) في بيتكم .. مٌت مطمئناً !!!!
Author: الطيب شيقوق
Date: 11-30-2008, 03:41 PM
Parent: #4
ندوية
انشاء الله بعد خرف
ومع السلامة انا جنى وجن بوستات الموت
بس عايز اشوفك شاطرة اها البروش نفسها خشم بيوت ممكن تورينا اجمل البروش التي تفرش على عنقريب الميت؟
اوعاك تقولي لي الاحمر لان الاصل فيه انه احمر ولكن البروشالحمر نفسها انواع فما اجودها؟
|
Post: #10
Title: Re: عندكم ( عنقريب) في بيتكم .. مٌت مطمئناً !!!!
Author: هاشم نوريت
Date: 11-30-2008, 03:45 PM
Parent: #8
نادية
دبايتو
قلت لى العنقريب عشان الطراوة وكدا وايه يضر الميت كان اتختا فى عنقريب ولا تابوت وقدامو وداللحد
ماسمعتى قصةالحلفاوى
الشال الكفن من الميت فى يوم البرد فى المقابر عشان يتغطى بيه ولما نهروه الناس قال ليهم قايلينو حا تجيهوه نزلة
|
Post: #11
Title: Re: عندكم ( عنقريب) في بيتكم .. مٌت مطمئناً !!!!
Author: عمر عثمان
Date: 11-30-2008, 03:53 PM
Parent: #10
Quote: في مصر يحملون الموتى في صناديق ضيقة وخانقة وفي عناقريبنا يكون الميت في براح الهواء والشمس قبل أن تحتضنه تربته بأمر الله !!
|
العنقريب عبورنا من حال الى حال
لك طولت العمر يا بت الشعبيه
|
Post: #15
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 11-30-2008, 04:49 PM
Parent: #11
عمر عثمان
| Quote: العنقريب عبورنا من حال الى حال |
صدقت والله ..
| Quote: لك طولت العمر يا بت الشعبيه |
إنت ود جيرانا ولا شنو ؟
|
Post: #14
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 11-30-2008, 04:09 PM
Parent: #10
هاشم نوريت دبايوا
| Quote: قلت لى العنقريب عشان الطراوة وكدا وايه يضر الميت كان اتختا فى عنقريب ولا تابوت وقدامو وداللحد |
ياهاشم برضو ياخ الزول يشم الهمبريب وهواء الله ده للمرة الآخيرة في دنياه 
Quote: ماسمعتى قصةالحلفاوى
الشال الكفن من الميت فى يوم البرد فى المقابر عشان يتغطى بيه ولما نهروه الناس قال ليهم قايلينو حا تجيهوه نزلة
|
بالجد بالغت فوكا
|
Post: #13
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 11-30-2008, 04:04 PM
Parent: #8
ود شيقوق الطيب
| Quote: اوعاك تقولي لي الاحمر لان الاصل فيه انه احمر ولكن البروشالحمر نفسها انواع فما اجودها؟ |
والله ماعارفة الصراحة لي الله .. لكن دايرة أسالك سؤال هل في فرق بين برش عنقريب العرس وبرش الموت ؟!!
|
Post: #12
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 11-30-2008, 03:57 PM
Parent: #4
أمونة الحنونة
Quote: غايتو طريقة دفن المصريين دى الوارثنها من الفراعنة
عامله لى نفسيات عديل كده . |
لكن ياحبيبة الفراعنة كانوا بحنطوا ناسهم يعني مافي طريقة اللحم ينتهي تحت التراب ويفضل العضم يجدعوه بالجنبة ويختوا بدلو مرحوم جديد لكن الناس العاديين الهسي ديل مساكين دفنة زي الناس مابلقوها .. غايتو الله كريم علينا ياآمنة كان متنا هنا نتدفن في بلدنا يازولة !!
| Quote: قلت لى حتى العناقريب اتعدمت..!! |
غايتو في الخرتوم بقت نااااادرة وتفتشيها تفتيش .. اها الوضع (العنقريبي) عندكم في بورتسودان كيف 
|
Post: #16
Title: Re: عندكم ( عنقريب) في بيتكم .. مٌت مطمئناً !!!!
Author: baha eassa
Date: 11-30-2008, 05:02 PM
Parent: #12
| Quote: الرؤساء والزعماء في بلادنا هل يحملون بداخل توابيت أم مثلنا على عناقريب حبل ؟!! |
اخر مرة شفت نعش المرغني رحمه الله علي عنقريب وحبل قديم والعنقريب ذاته مكسر
حسب ماجاء في بروفايل تراجي .. ماعارف جايبة الصورة من وين الشقية دي ؟
|
Post: #17
Title: Re: عندكم ( عنقريب) في بيتكم .. مٌت مطمئناً !!!!
Author: هاشم نوريت
Date: 11-30-2008, 05:07 PM
Parent: #16
Quote: اخر مرة شفت نعش المرغني رحمه الله علي عنقريب وحبل قديم والعنقريب ذاته مكسر
حسب ماجاء في بروفايل تراجي . |
الله يرحمك ياعبدالنبى عملوك ميرغنى
|
Post: #18
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 11-30-2008, 05:13 PM
Parent: #17
قلت الحق أرسل لبهاء يصلح مداخلتو قبل زول يلحظها لكن ( يد) القدر وهاشم كانت أقرب !!
مافرقت ياهاشم برضو السيد أحمد الميرغني شالوه في عنقريب حصل خير سمح ؟
|
Post: #19
Title: Re: عندكم ( عنقريب) في بيتكم .. مٌت مطمئناً !!!!
Author: baha eassa
Date: 11-30-2008, 05:14 PM
Parent: #17
عفوا اخي هاشم .. فقد اختلط علي العنقريب واعذرني الذاكرة
اختلط عليها الامر لان موت المشاهير في فترات متقاربة جدا
الايام دي والله يستر ..
والقصد والاساس هو العنقريب مش الميت عشان كدة ماتفرق
|
Post: #20
Title: Re: عندكم ( عنقريب) في بيتكم .. مٌت مطمئناً !!!!
Author: هاشم نوريت
Date: 11-30-2008, 05:20 PM
Parent: #19
baha eassa
دبايوا
الواحد اليوم لافى فى المنبر وهاك ياصواطة وعارفك قاصدة عبد النبى ولكن الخطوط اتشابكت عندك وكذلك الاستعجال وقبل ما تحصلك نادية انا خطفت مداخلتك
يانادية العنقريب للغلابة من عبد النبى وانت نازلة الاسياد يبروا ويستبروا من شيلهم فى العناقريب ديل جنازتهم بعساكرهاومدافعها وتابوتها المصرى
|
Post: #22
Title: Re: عندكم ( عنقريب) في بيتكم .. مٌت مطمئناً !!!!
Author: Muna Khugali
Date: 11-30-2008, 05:24 PM
Parent: #20
احنا شكلنا ناس صناديق يا ناديه!
|
Post: #24
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 11-30-2008, 05:40 PM
Parent: #22
منى الحبيبة
| Quote: احنا شكلنا ناس صناديق يا ناديه! |
يازولة تبري وتستبري إن شاء الله .. وربنا يديك طولة العمر والصحة
وترجعي لي بلدك وتعيشي لمن تزهجي من طول العمر ذاتو .. ربي يحفظك ياغالية ..
|
Post: #23
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 11-30-2008, 05:28 PM
Parent: #20
Quote: يانادية العنقريب للغلابة من عبد النبى وانت نازلة الاسياد يبروا ويستبروا من شيلهم فى العناقريب ديل جنازتهم بعساكرهاومدافعها وتابوتها المصرى
|
ياهاشم الزول الحكم عليهو ربنا يموت برة بلدو ويتدفن جواها بجيبوا جثمانه في الطيارة في تابوت طبعاً.. وماشفت لي ميت بجيبوه من بلد لي بلد بالعنقريب !!
ثم إنو مافي عناقريب في مصر ذاتو .. صاح ؟!!
|
Post: #21
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 11-30-2008, 05:21 PM
Parent: #16
بهاء
Quote: اخر مرة شفت نعش المرغني رحمه الله علي عنقريب وحبل قديم والعنقريب ذاته مكسر
حسب ماجاء في بروفايل تراجي .. ماعارف جايبة الصورة من وين الشقية دي ؟
|
بهاء إختلفت العناقريب والموت وأحد !!
للدكتور عبد النبي القيادي البارز بحزب الأمة واسع الرحمة وللسيد أحمد الميرغي والأستاذ حسن ساتي وكل موتانا وأسع الرحمة والغفران باذن الله ..
|
Post: #25
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 11-30-2008, 05:46 PM
Parent: #21
الغريبة إن النساء لا يغادرن بيت البكاء إلا بعد أن يرجع الرجال حاملين العنقريب ( فاضي) ولا أدري ماسر هذه العادة ؟!!!
|
Post: #29
Title: Re: عندكم ( عنقريب) في بيتكم .. مٌت مطمئناً !!!!
Author: الطيب شيقوق
Date: 11-30-2008, 06:22 PM
Parent: #25
| Quote: والله ماعارفة الصراحة لي الله .. لكن دايرة أسالك سؤال هل في فرق بين برش عنقريب العرس وبرش الموت ؟!! |
ايوا ده سؤال جيد ومحتاج احكل كراع في كراع واجاوبك عليهو بس ارخي اضانك واسمعي الحكي :
اول العناقريب ذاتها خشم بيوت في زماااااااان ما يسمى بعنقريب المخرتة وهو عنقريب كبير ومهول مخصص ينسج بجلود الابقار عادة للزوج والزوجة يعني الان بسمهو عندكم يا الرطانة وناس البندر بالسرير الدبل . عنقريب المخرتة معاهو حاجات زى ال accsessories وهي الطقطاقة ( تربيزة صغيرة بختوا فيها الشاى والجبنة وعندها حواف تمنع دحرجة الكباية اذا انتكت بهبشة ملامسة عند انطفاء ام طليس ( ام طليس لمبة عبارة عن علبة فيها حبل قطن مغموس داخل كايروسين) بسبب انتهاء الكايروسين او هبيّب الرشاشية( الرشاشية هي موسم بدايات نزول المطر وعادة تكثر فيها الاعاصير ) ومن توابع العنقريب ده فنيجين حق زيت سمسم لمسوحة الراجل ده زمن الزوجات بريدن رجالهن ريدة من جوووة لدرجة تغسل ليهو رجليهو من الطين اكان راجع من الزراعة مطين. ومن لوازم العنقريب ده صحين بتكون فيهو حاجة معجونة كدا بجيها راجع اكان عايزين حكيها. والاكسيسرس دى بتكون كلها بالنهار جوة السحارة ما بطلعوها علا بالليل ومفتاح السحارة ذاتو تكون ستو الفالحة رابطاهو في طرف توبا بتاع الزراق.
اها العنقريب ده بيكون مفروش عليهو برش ومن ال quality بتاعة البرش بتعرف قيمة سيد البيت الاجتماعية اكان غنيان او عمدة او مولانا زي خالك حسن طه يا نادية . اجود واغلى انواع البروش هو ما يسمى بالدقة يعنى دقة دقاااااااااقة ( بضم الدال) تستغرق صناعته اكثر من شهر وناعم الملمس وفي الغالب هذا هو البرش الذى يفرش للجنازة وهو البرش الذى يعكس اعزاز النسيبة لزوج بنتها.
والخلاصة هي ان برش عنقريب العرس وبرش الموت هي نفس الشيئ . يعني ممكن يكون العريس مسترخي ونائم في برشو ويجهو اهل الجنازة يسحبهو من تحتو يخلوهو مدور على عجل الحديد شفتوا كيف؟
وانواع البروش برضو وجدت نصيبها في شعر الدوبيت عندما قال الشاعر:-
رقاد المراتب والبرش الضفيرتو العلجة
منو ابعدنا للكباشي بلد ام فلجة
والفلجة اسعلي منها منى خوجلي سبق وان حكت عنها في مجموعة بوستات
فاصل ونواصل
|
Post: #33
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 11-30-2008, 07:06 PM
Parent: #29
ود شيقوق ياموسوعة
شكلك قديم يازول تقولي لي خالك حسن طه ؟!!
حسن طه القدرو لسا بدرسوا في الجامعة ياخ 
| Quote: تكون ستو الفالحة رابطاهو في طرف توبا بتاع الزراق. |
توب الزراق ده بتاع الحداد الأبيض داك ؟!!
| Quote: اها العنقريب ده بيكون مفروش عليهو برش ومن ال quality بتاعة البرش بتعرف قيمة سيد البيت الاجتماعية اكان غنيان او عمدة او مولانا زي خالك حسن طه يا نادية |
بالله حتى البرش فيهو كواليتي سمح ووحش ؟!!
كان كده نحنا كنا برجوازيين عديل لأنو أبوي كان بجيب لأمي الله يرحمها أجود أنواع البروش وأسأل سعادة المستشار كمان وحسن طه بالمناسبة كانوا أكتر ناس مروقين في الشعبية ومازالوا .. ماشاء الله وعيني باااااردة
|
Post: #26
Title: Re: عندكم ( عنقريب) في بيتكم .. مٌت مطمئناً !!!!
Author: سناء عبد السيد
Date: 11-30-2008, 06:05 PM
Parent: #1
على قولك يا ندوية مدافن المصريين دي تخوف
اهلنا المولودين و مقيمين في مصر عندهم مدفن خاص بيهم في مرة الحكومة المصرية اخدت المدفن و عوضتم في مكان تاني
المهم قالوا لي اهلنا يجوا يستلموا جثث موتاهم
عندنا واحدة منهم مشت تستلم ابوها قاموا ادوها العضام بتاعته في كيس قالت ليهم اي ده ؟؟ ده هو ابوي ؟؟ ابويا كان طول بعرض تدوهوني في كيس؟؟؟
|
Post: #30
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 11-30-2008, 06:26 PM
Parent: #26
سناء عبد السيد تسلمي ياحبيبة والف مرحب بمرورك الطيب
Quote: اهلنا المولودين و مقيمين في مصر عندهم مدفن خاص بيهم في مرة الحكومة المصرية اخدت المدفن و عوضتم في مكان تاني
المهم قالوا لي اهلنا يجوا يستلموا جثث موتاهم
عندنا واحدة منهم مشت تستلم ابوها قاموا ادوها العضام بتاعته في كيس قالت ليهم اي ده ؟؟ ده هو ابوي ؟؟ ابويا كان طول بعرض تدوهوني في كيس؟؟؟ |
أها شفتي جنس الحالة دي .. يعني الزول يموت محترم وتبقى نهايتو حبة عضم في كيس يسلموه للورثة ؟!!
سلام قول من رب رحيم !!
|
Post: #27
Title: Re: عندكم ( عنقريب) في بيتكم .. مٌت مطمئناً !!!!
Author: أشرف البنا
Date: 11-30-2008, 06:08 PM
Parent: #1
الأستاذة نادية ..
سلام و إحترام ...
العنقريب المقصود بتاع الحبال و لا المنسوج من حبال النايلون البلاستيكية ...
لماذا لم يحتفظ السودانيون بالآلة الحدباء التي قال عتها الشاعر :
كل ابن أنثى و إن طالت سلامته
يوماً على آلة حدباء محمول
فلسفة سودانية بأن الميت ليس سوى نائم حتى حين ...
كثير إحترامي ...
|
Post: #37
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 11-30-2008, 07:36 PM
Parent: #27
المحترم أشرف البنا
سعيدة بمرورك الطيب
Quote: كل ابن أنثى و إن طالت سلامته
يوماً على آلة حدباء محمول |
كم إستوقفتني هذه الأبيات منذ أول يوم قراتها في زمان بعيد وكنت أسأل نفسي ذات السؤال .. هل المقصود العنقريب ؟!!
العنقريب حنين فكيف يكون آلة حدباء ؟!!
| Quote: فلسفة سودانية بأن الميت ليس سوى نائم حتى حين ... |
بمثل هذه الفلسفة العميقة كنت ومازلت دوماً أصبّر نفسي على فراق الأحباء .. وياموت كن برداً وسلاماً على قلوبنا !!
|
Post: #28
Title: Re: عندكم ( عنقريب) في بيتكم .. مٌت مطمئناً !!!!
Author: omer abdelsalam
Date: 11-30-2008, 06:14 PM
Parent: #1
الأخت / نادية عثمان
عندنا هنا في بلاد المغرب ، العنقريب اسمه { سداري } يعني هنا لوفسرنا الكلمة بقاموسنا السوداني ، فالموت على السرير هنا ليس مريحا ومطمئنا ، اشبه بركوب العجلة
وفيه شوية عجلة يعني طالما انت على هذا { السداري } حيا او ميتا فعليك الا تجلس اوتستلقي على راحتك
|
Post: #38
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 11-30-2008, 07:54 PM
Parent: #28
المحترم omer abdelsalam
| Quote: عندنا هنا في بلاد المغرب ، العنقريب اسمه { سداري |
السداري ده عنقريب حبل عديل زي عنقريبنا الواحد ده ؟!!
|
Post: #31
Title: Re: عندكم ( عنقريب) في بيتكم .. مٌت مطمئناً !!!!
Author: ismeil abbas
Date: 11-30-2008, 06:38 PM
Parent: #1
Quote: لا تدري نفس بأي أرض تموت ولكني أتمنى على الله أن أموت في بلدي وأحمل على عنقريب معتبر وأُدفن بطريقة دفن شرعية ويًحفر لي ( ود اللحد) وليس كما أرى في مصر حيث يرصون الموتى داخل ما يسمونه بـ ( الفسقية) وبعد أن تأكل التربة لحم الميت يجمعون العظام على جانب القبر ليضعوا ميتاً آخر في ذات المكان !!
آخرتها كوم تراب !!!
|
أألأخت الرائعة/نادية عثمان
ألسلام عليكم..ولك التحية.وانت تاتينا بالجديد دائمآ وأبدآ...الموت حق علينا جميعآ ونسأل الله ان يحسن خاتمتنا... ...
ده تمنى وللا إشتهاء..فعلآ هذه حقيقة أحياناآ لايوجد عنقريب عند اهل المتوفى..ويجب علينا ألأستعداد لمثل هذا اليوم لنا ولغيرنا.أضف لآمنياتك حين الموت ونسأل الله بعد طول عمر صالح ومبارك..أن يكون الباب الذى تخرج منه جنازتى أن يكون واسعآ ألم تلاحظين أن هناك ضيق حين خروج الجنازة عند ألأبواب أو عند نزولها بالنسبة لسكان العمارات ؟.نسأل الله الستر والعافية.
خالص مودتى.......إسماعيل محمد احمد عباس....
|
Post: #32
Title: Re: عندكم ( عنقريب) في بيتكم .. مٌت مطمئناً !!!!
Author: الطيب شيقوق
Date: 11-30-2008, 06:50 PM
Parent: #31
راجعي الاجابة على سؤالك فوق يا نادية
|
Post: #35
Title: Re: عندكم ( عنقريب) في بيتكم .. مٌت مطمئناً !!!!
Author: الطيب شيقوق
Date: 11-30-2008, 07:18 PM
Parent: #32
| Quote: بالله حتى البرش فيهو كواليتي سمح ووحش ؟!! |
كيييييييييييف يا بتي كمان فيها old & new versions
| Quote: كان كده نحنا كنا برجوازيين عديل لأنو أبوي كان بجيب لأمي الله يرحمها أجود أنواع البروش |
واكان كده بيكون بحبها مووووت بس اخشى يكون البرش الابيض او السباتة بتاعة افطار رمضان .
| Quote: وأسأل سعادة المستشار كمان وحسن طه بالمناسبة كانوا أكتر ناس مروقين في الشعبية ومازالوا .. ماشاء الله وعيني باااااردة |
يعني هسع خالي حسن طه بيكون ضاق التكية في البرش المذركش احمر اصفر ابيض زى شفق المغارب ؟
|
Post: #42
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 11-30-2008, 08:35 PM
Parent: #35
ود شيقوق
| Quote: كيييييييييييف يا بتي كمان فيها old & new versions |
ياخ ده أصلو برش ولا لابتوب
Quote: يعني هسع خالي حسن طه بيكون ضاق التكية في البرش المذركش احمر اصفر ابيض زى شفق المغارب ؟
|
وعلى أرقى وأفخم مستوى من البروش كمان .. أصفر وموف واورانج وتركواز
|
Post: #40
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 11-30-2008, 08:16 PM
Parent: #31
الإنسان النبيل والرجل سمح الإطلالة إسماعيل محمد أحمد عباس
تسلم يارب من كل شر
| Quote: أن يكون الباب الذى تخرج منه جنازتى أن يكون واسعآ ألم تلاحظين أن هناك ضيق حين خروج الجنازة عند ألأبواب أو عند نزولها بالنسبة لسكان العمارات |
وهذه من الأشياء التي تؤرقني جداً أيضاً ووالله إني أشفق على جسد الميت من الإحتكاك بجدار السلم وأخشى أن يسقط من على نعشه أرضاً !!
وكمان عندما يكون المنزل في الأدوار العليا وليس من سبيل سوى الأسانسير كيف يكون الامر في رأيك ؟!!
|
Post: #34
Title: Re: عندكم ( عنقريب) في بيتكم .. مٌت مطمئناً !!!!
Author: الطاهر عثمان
Date: 11-30-2008, 07:09 PM
Parent: #1
كفى بالموت واعظاً
امس والله انا كنت بفكر ليه الناس ما بتكتب وصيتها
او ما بتهتم بكتابة الوصية - هل هو خوف من هذه الحقيقة
يعني انا متاكد انو في اشياء كثيرة بتكون عالقة
فليه ما تنتشر الثقافة دي وكل زول يكتب وصيتو كاملة
حتى فكرته اعمل موقع يهتم بالموضوع ده
يعني انته تسلم وصيتك للموقع ده او الشخص ده
وفي حالة الوفاة يقوم بتسليم الوصية للاهل
نفس فكرة المحامي عند الاسر الكبيرة
المهم
في اخر اجازة لي حضرت وفاة عمتي بكل تفاصيلها
من حملها من المستشفى في اسعاف ولحين حملها من البيت للمقبرة في الصحافة
لحظات فيها عظة كبيرة جدا ولو تفكرنا فيهاجيدا لتغيرت الكثير من الاشياء
لا تتخيلي مقابر الصحافة اتملت قدر شنو من اخر مرة مشيت فيها
من الصلاة يلزمك سيارة للوصول لاخر المقابر ....
اخرها كوم تراب
اسال الله بفضل هذه الايام المباركة ان يغفر لنا وان يرحمنا
وان يتقبلنا قبولا حسنا
شكرا يا نادية
|
Post: #41
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 11-30-2008, 08:29 PM
Parent: #34
الطاهر عثمان حبابك
Quote: امس والله انا كنت بفكر ليه الناس ما بتكتب وصيتها
او ما بتهتم بكتابة الوصية - هل هو خوف من هذه الحقيقة
يعني انا متاكد انو في اشياء كثيرة بتكون عالقة
فليه ما تنتشر الثقافة دي وكل زول يكتب وصيتو كاملة
حتى فكرته اعمل موقع يهتم بالموضوع ده
يعني انته تسلم وصيتك للموقع ده او الشخص ده
وفي حالة الوفاة يقوم بتسليم الوصية للاهل
نفس فكرة المحامي عند الاسر الكبيرة |
والله موضوع الوصية ده بالجد مهم جدا .. وأنا غايتو وصيتي ليكم في المنبر ده أدفن في تراب وتربة بلدي وفوق عنقريب بي برش ملون جميل !!
وفي شئ تاني بالمناسبة مهم .. الزول لازم يكون محدث أهلو لو في زول داير منو قروش وهو حي لأنو مافي أصعب من حق الناس في الآخرة والعياذ بالله .. !!
ربنا يحسن خاتمتنا يارب ..
|
Post: #36
Title: Re: عندكم ( عنقريب) في بيتكم .. مٌت مطمئناً !!!!
Author: انعام حيمورة
Date: 11-30-2008, 07:29 PM
Parent: #1
الغريبة إن النساء لا يغادرن بيت البكاء إلا بعد أن يرجع الرجال حاملين العنقريب ( فاضي) ولا أدري ماسر هذه العادة ؟!!!
----------
والله يا ندوية الا يطول في عمرك - بعد خرف يارب
ثانيا
امس القريبة دي حصل بكا عند جيرانا كان معاهم مرة عيانة اتوفت وسمعنا البكى سالنا قالوا قريبتهم وجنازة في البيت ..
طوالي مشينا كلنا ..
وبرضو ما تنسي التوب الابيض للغطاء لازم !!
اها بعد شالوا الجنازة قلت للحاجة يلا .. قالت لي نتظر العنقريب ..
وقعدنا رجينا العنقريب لي الساعة واحدة صباحا ..
وعلى الرغم من اختفاء العصير (الشربات) الذي يقدم للرجال بعد حضورهم من المقابر الا انه بالامس عملوا ليهم العصير ..
وكان يقدم العصير للمشقة التي يلاقوها في تحضير القبر الا ان الان اصبح القبر جاهز !!
حتى بعد شراب العصير جينا راجعين !!
رحم الله جميع موتانا
وأحياءنا ..
|
Post: #43
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 11-30-2008, 08:45 PM
Parent: #36
نعوم يا أروع الصديقات في زمن إنعدمت فيه الصداقة الحقيقية وساد الخبث والشر واللانسانية !!
Quote: اها بعد شالوا الجنازة قلت للحاجة يلا .. قالت لي نتظر العنقريب ..
وقعدنا رجينا العنقريب لي الساعة واحدة صباحا .. |
حنانة أمي طول عمرها بتاعة وأجب ربي يخليها لينا يارب .. لكن بالله أسأليها السر شنو في قصة إنتظار العنقريب الفاضي دي سمح ؟
| Quote: الا انه بالامس عملوا ليهم العصير .. |
عصير في بيت البكاء ؟!!
بالغتواااااا ياناس الصحافة وسمح في العرس بتشربوا شنو
|
Post: #45
Title: Re: عندكم ( عنقريب) في بيتكم .. مٌت مطمئناً !!!!
Author: انعام حيمورة
Date: 11-30-2008, 08:56 PM
Parent: #43
عصير في بيت البكاء ؟!!
بالغتواااااا ياناس الصحافة وسمح في العرس بتشربوا شنو
----------------
لآ والله دي عادة سودانية قديمة تمارس في بيت البكاء ..
وتلاشت الا انو امس لقيتها ..
لما البكى يكون حااااار ما بعملوا العصير دا على فكرة !!!!
وغايتو نحن في الاسرة تركناها منذ زمن بعيد !!
|
Post: #49
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-01-2008, 01:25 AM
Parent: #45
نعوم ؟؟
| Quote: لآ والله دي عادة سودانية قديمة تمارس في بيت البكاء .. |
يابت العادة دي عندكم في الصحافة بس ولا شنو أغايتو يطرشني ماسمعت بعصير يدوه الرجال بعد يجيبوا العنقريب ده الا في بكاء جيرانكم ديل !!
بكاء ولا عقد أصلو ؟!!
| Quote: لما البكى يكون حااااار ما بعملوا العصير دا على فكرة !!!! |
وهو في بكاء بااااااااااارد ماكلو حار يافوجا
|
Post: #44
Title: Re: عندكم ( عنقريب) في بيتكم .. مٌت مطمئناً !!!!
Author: الطيب شيقوق
Date: 11-30-2008, 08:49 PM
Parent: #39
| Quote: ياخ ده أصلو برش ولا لابتوب |
المسنوحة وممسوخة ضحكتيني لما وقعت من العنقريب اردلب
|
Post: #50
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-01-2008, 01:49 AM
Parent: #44
المنسوحة ومنسوخة دي شني كمان حاجة سمحة ؟
| Quote: ضحكتيني لما وقعت من العنقريب |
بالجد عندكم عنقريب .. إنت بيتكم وين ياشيقوق ؟
على زمنا نحنا كانت ( بردلب ) غيروها ولا شنو ؟
|
Post: #46
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 11-30-2008, 08:57 PM
Parent: #39
أستاذنا وصديقنا إسماعيل
شكراً على الرابط لكن فيهو شنو رفض يفتح لي ؟!!
|
Post: #47
Title: Re: عندكم ( عنقريب) في بيتكم .. مٌت مطمئناً !!!!
Author: noon
Date: 11-30-2008, 09:20 PM
Parent: #46
ناديه كيفك
جارنا زول ميسور جدا جدا
مات في حادث حرخ
شالو في عنقريب الغفير
من اللحظه ديك عرفت إنو الدنيا فانيه
|
Post: #51
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-01-2008, 02:08 AM
Parent: #47
نون ياصاحبة الإسم الجميل حبابك مليون
Quote: جارنا زول ميسور جدا جدا
مات في حادث حرخ
شالو في عنقريب الغفير
من اللحظه ديك عرفت إنو الدنيا فانيه
|
شفتي يانون الدنيا دي كيف وشفتي المفارقات العجيبة دي بالله .. عشان كده ياريت الناس تعرف بس إنو آخرتها كوم ترااااب .. وربنا يحسن ختامنا ياحبيبة !!
|
Post: #48
Title: Re: عندكم ( عنقريب) في بيتكم .. مٌت مطمئناً !!!!
Author: ناهد بشير الطيب
Date: 11-30-2008, 11:43 PM
Parent: #46
وفي شئ تاني بالمناسبة مهم .. الزول لازم يكون محدث أهلو لو في زول داير منو قروش وهو حي لأنو مافي أصعب من حق الناس في الآخرة والعياذ بالله .. !!
عارفة يانادية
دى من اهم الاشياء لتبرئة الذمة من ناحية انك ترجع قروش الناس. دى ...
ومن الناحية الاخرى ياريت لو كل واحد يكلم زوجته
عن قروشه... عند منو وقدر كم ..اوقروشه فى ياتو بنك ...لانه
كتير بيموتوا ...وبيخلوااولادهم محتاجين ...
شكرا ندو للموضوع الطيب ...
نحن غايتوا شكلنا حيدفنونا فى مكة ...
بالقليل كده مقابر امنا حواء...
الله يكتبها لينا بس ....
|
Post: #52
Title: Re: عندكم ( عنقريب) في بيتكم .. مٌت مطمئناً !!!!
Author: عاطف محمد أحمد زكريا
Date: 12-01-2008, 03:08 AM
Parent: #48
نادية حمدالله على السلامة بعودتك للمنبر
البموت بشيلوه فى العنقريب وكمان الحنة والجرتق برضو فى العنقريب يمكن عشان سهل فى الشيل والتحريك من مكان لآخر ويمكن لانه ارتبط بتراث اهلنا منذ قديم الزمان ...جميل هذا العنقريب البشارك الناس فى افراحهم واتراحهم
ودمتى
|
Post: #53
Title: Re: عندكم ( عنقريب) في بيتكم .. مٌت مطمئناً !!!!
Author: حسن طه محمد
Date: 12-01-2008, 06:44 AM
Parent: #52
| Quote: حسن طه القدرو لسا بدرسوا في الجامعة ياخ |
شفت يا صديقي العزيز يا ود شيقوق
الأصيلة بت الأصيل نادية بت عمنا عثمان مختار.
تاني عندك كلام.
|
Post: #66
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-01-2008, 12:39 PM
Parent: #53
سعادة المستشار قريبي الغالي حسن طه محمد
سيبك من ود شيقوق ده حاسد ساي وفي رواية بغران
هل الحاسد والبغران بتدي نفس المعنى ياسعادة المستشار ؟
|
Post: #62
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-01-2008, 11:13 AM
Parent: #52
عاطف محمد أحمد زكريا
سلامات وحمد لله على سلامة العودة للمنبر انت برضو
| Quote: البموت بشيلوه فى العنقريب وكمان الحنة والجرتق برضو فى العنقريب يمكن عشان سهل فى الشيل والتحريك من مكان لآخر ويمكن لانه ارتبط بتراث اهلنا منذ قديم الزمان ...جميل هذا العنقريب البشارك الناس فى افراحهم واتراحهم |
جميل جدا والله العنقريب البشارك الناس أفراحهم واتراحهم لكن للأسف بقى عملة نادرة وماموجود كتير على الأقل في بيوت الخرطوم !!
إنت في بيتكم في عنقريب ؟!!
|
Post: #60
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-01-2008, 10:42 AM
Parent: #48
ناهد بشير الحبيبة
Quote: عارفة يانادية
دى من اهم الاشياء لتبرئة الذمة من ناحية انك ترجع قروش الناس. دى ...
ومن الناحية الاخرى ياريت لو كل واحد يكلم زوجته
عن قروشه... عند منو وقدر كم ..اوقروشه فى ياتو بنك ...لانه
كتير بيموتوا ...وبيخلوااولادهم محتاجين ... |
عارفة ياحبيبة ؟؟
بالجد كده بعرف نسوان كتار بشتكوا من إنهم مابعرفوا رجالهم عندهم كم ولا شنو من الأملاك
تلاقي الواحد فيهم مدكن ملايين ومشتري قطع أرض في الصالحة وأركويت وداسي الموضوع من زوجته وناسي إنو الموت مابجي بمواعيد !!
ماعارفة الحركة بتاعة الدسدسة دي بعض الرجال بعملوها قاصدين بيها شنو غايتو !!
إنتي راجلك مكلمك بالعندو من أملاك ياصديقة ؟ شفتي التحريش ده كيف ؟
ربنا يديك ويديهو طولة العمر ويفرحو بعياله يارب
|
Post: #65
Title: Re: عندكم ( عنقريب) في بيتكم .. مٌت مطمئناً !!!!
Author: ناهد بشير الطيب
Date: 12-01-2008, 12:22 PM
Parent: #60
Quote: إنتي راجلك مكلمك بالعندو من أملاك ياصديقة ؟ شفتي التحريش ده كيف ؟
|
:p
انا المدسدسة العدة تحت السراير وفى المخازن بتاعة الدواليب
حقوا بعد كلامك ده الواحد يجيب الاسرة ويقعدها ويوريهم عتدهم
كم طقم وكم كاسة وكم جك وكم طقم للشاى ....وكم ملاية ...الدنيا مامعروفة
عارفة يانادية امى الله يطول فى عمرها...مخزنها فيه 24 ابريق صلاة
ومثلهم سجاجيد صلاة مختلفة ..حديث وقديم ..وعنقريب مكفى على حيطة المخزن
وفى علبة لبن قديمة مقفولة فيها حنوط الجنازة وكيس كبير فيه القماش الابيض
ماشاءالله عليها من نحن صغار وبحكم فقدنا للوالد بدرى وهى خايفة انها تلحقه
والناس بى وراها مايلقوا شىء يدفنوه بيها فكل مرة تفتح المخزن
ترتبه تنادينا... انه يابتى ده قاعد هنا وداك قاعد هناك عشان ماتجهجهوا بعدين
...(ونعم التذكرة)...
___________
قال عدة وطقوم شاى قال (معاهم وش خجلان ذيادة )
|
Post: #68
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-01-2008, 01:25 PM
Parent: #65
ناهد ؟؟
يازولة إنتي بتبالغي ولا شنو ؟!!
Quote: انا المدسدسة العدة تحت السراير وفى المخازن بتاعة الدواليب
حقوا بعد كلامك ده الواحد يجيب الاسرة ويقعدها ويوريهم عتدهم
كم طقم وكم كاسة وكم جك وكم طقم للشاى ....وكم ملاية ...الدنيا مامعروفة |
يابت اقول ليك ملايين الجنيهات وأراضي في المعمورة والصالحة والشقلة وأركويت تقولي لي طقوم شاي وجكوكا ( جمع جك ) وملايات وصحون عشاء ؟!!
يازولة والله إنتي من النوع الطيييييييب المريح راجلو داك ظنيتك لا تسالي عندو كم ولا شنو .. غايتو بختو بيك المحظوظ
Quote: عارفة يانادية امى الله يطول فى عمرها...مخزنها فيه 24 ابريق صلاة
ومثلهم سجاجيد صلاة مختلفة ..حديث وقديم ..وعنقريب مكفى على حيطة المخزن
وفى علبة لبن قديمة مقفولة فيها حنوط الجنازة وكيس كبير فيه القماش الابيض
ماشاءالله عليها من نحن صغار وبحكم فقدنا للوالد بدرى وهى خايفة انها تلحقه
والناس بى وراها مايلقوا شىء يدفنوه بيها فكل مرة تفتح المخزن
ترتبه تنادينا... انه يابتى ده قاعد هنا وداك قاعد هناك عشان ماتجهجهوا بعدين
...(ونعم التذكرة)... |
أمك حبيبتي الله يديها العافية يارب وطولة العمر .. لكن صدقي الهي بتعملوا ده صاح لأنو والله في ناس لما يجيهم الموت وهم مامستعدين بتبشتنوا ويجروا يشحدوا كل الحاجات من الجيران ..عشان كده أخير الإستعداد يابتي ونحنا ربنا بس يسامحنا في الدنيا دي ويغفر ذنوبنا ويحسن خاتمتنا ياااااارب
آل ملايات وجكوكا آل
|
Post: #54
Title: Re: عندكم ( عنقريب) في بيتكم .. مٌت مطمئناً !!!!
Author: المر
Date: 12-01-2008, 07:11 AM
Parent: #1
نادية العنقريب فى لكن (مهتوك)
وين بتاعن صيانة العناقريب
عناقريب.....صلح العناقريب....
من السبعينيات اختفت
|
Post: #67
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-01-2008, 01:12 PM
Parent: #54
المر أخوي سلامات وحبابك مليون
Quote: نادية العنقريب فى لكن (مهتوك)
وين بتاعن صيانة العناقريب
عناقريب.....صلح العناقريب....
من السبعينيات اختفت |
بتاعين صلح عناقريب إختفوا في التسعينات إيمكن لكن مااظن من السبعينات لأنو في سنة سبعين دي رغم انو ماكنت مولودة بس مابكون في سراير حديد ولا دهباية والجرتك الزمن داك غايتو !
|
Post: #55
Title: Re: عندكم ( عنقريب) في بيتكم .. مٌت مطمئناً !!!!
Author: العوض المسلمي
Date: 12-01-2008, 07:54 AM
Parent: #1
صبركي الله علي فقدكم لابوالقاسم والوالده ,,
ويا عزيزتي نقول الموت حق ولا ملجا منه ,,
ولكن نقول : انشاء الله بعد طول عمر وحسن عمل ,,,
ويقول الشاعر
كل ابن انثي وان طالت سلامته يوما علي الة حدباء محمول
قال المفسرون ان الاله الحدباء هي العنقريب ,,,
ناديه سلام وود خاص ,,
|
Post: #70
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-01-2008, 01:32 PM
Parent: #55
المسلمي حبابك ياصديقي الجميل
| Quote: قال المفسرون ان الاله الحدباء هي العنقريب ,,, |
المفسرون ديل ناس منو ؟!!
هات الرابط
شفت اللياقة والشبك دي كيف قبل تمشي الحج
|
Post: #79
Title: Re: عندكم ( عنقريب) في بيتكم .. مٌت مطمئناً !!!!
Author: العوض المسلمي
Date: 12-01-2008, 02:59 PM
Parent: #70
ناديه سلام
Quote: المفسرون ديل ناس منو ؟!!
هات الرابط
شفت اللياقة والشبك دي كيف قبل تمشي الحج |
ديل المفسرون يااستاذه امثال ود شيقوق ,,,
ومنهم امحمد ود كابس الحركه ,,
وكذلك الباحث ود درب الناقه ,,
واتلايقي علي كيفك ,,,نحن لاقين زيك علشان نتداخل معاه,,,
وتسلمي علي الرد
|
Post: #128
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-02-2008, 03:03 PM
Parent: #79
Quote: ديل المفسرون يااستاذه امثال ود شيقوق ,,,
ومنهم امحمد ود كابس الحركه ,,
وكذلك الباحث ود درب الناقه ,, |
ووين ود البشرى وحمودي الباحثين الجهابذة ياخ
|
Post: #56
Title: Re: عندكم ( عنقريب) في بيتكم .. مٌت مطمئناً !!!!
Author: almulaomar
Date: 12-01-2008, 08:03 AM
Parent: #1
الأخت نادية
نسأل الله لنا ولكم حسن الخاتمه والتي أصبحت بفضل المدنية والتطور الذي سلب الموتى أدواتهم والموت هيبته وعظمته مؤسسة خيرية تقوم مقام الأهل والجيران في التشييع والتكفين وجميع مراسم الدفن ونحمد الله كثيرا أنهم لم يوظفوا نائحات يقمن مقام أصحاب الوجعة ونتمنى أن لا يفعلوا.
العناقريب زاتها خشم بيوت فهناك العنقريب الهبابي والعنقريب ذو الأرجل المخروطه والعنقريب التعبان بتاع القهاوي أب كرعين مكلوجات وكراب مرخي وعناقريب الخفراء وعناقريب السوق والعنقريب البغسلو فيهو العدة وعنقريب كماسرة اللواري السفرية ، وحتى البروش التي تفرش عليها هناك برش يحاكي لوحات دافنشي وهناك بروش بالكاد تجوز فيها الصلاة ناهيك عن الفرش الوثير القطيفه والسجاد المخمل والغطاء الأخضر وكله في النهاية محصل بعضه لأن ما أن يفارقك القوم إلا وتبدأ حياة جديدة يكون عمادها عملك وما قدمت. أعظم شئ أننا نتساوي جميعاً أمام الله وبعدين يوزعوا الكتب وإنت وشطارتك وهناك ما في تحويل رصيد وخليك سوداني.
|
Post: #57
Title: Re: عندكم ( عنقريب) في بيتكم .. مٌت مطمئناً !!!!
Author: الطيب شيقوق
Date: 12-01-2008, 08:26 AM
Parent: #56
ندو
| Quote: المنسوحة ومنسوخة دي شني كمان حاجة سمحة ؟ |
راجعي الطالب المجتهد خالك حسن طه فله باع طويل في ادراك معاني مفردات ومصطلحات اهل البادية
لكن بالجد لقيتك بت بندر عديييييييل ويمكن في ناس البندر من الصنف البقول إزّاي
| Quote: بالجد عندكم عنقريب .. إنت بيتكم وين ياشيقوق ؟ |
very
وحياتك انا في اجازتي القريبة دى مشيت صنقرت يعني (جلست) مع امي في العنقريب الولدتني فيهو عااااااالي وقدر ما نجيب ليها سرير بندركم السمح تقول لينا حقي ده فيهو البركة ابعدوا منى عواليكم دى شفتي العولقة ذاتها بقت حاجة Very subjective بالمعنى العديل كل واحد فينا عاجبو الصارو ولا هيك؟
Quote: اردلب
| Quote: على زمنا نحنا كانت ( بردلب ) غيروها ولا شنو ؟ |
Yah, this is the last version my dear Nadia
ابني حسن طه
كيفك
Quote: شفت يا صديقي العزيز يا ود شيقوق
الأصيلة بت الأصيل نادية بت عمنا عثمان مختار.
تاني عندك كلام. |
انا فوق مش قلت ليكم اى واحد منا عاجبو الصارو يا خالي حسن ؟
انا فاهم البنية هولكم لحمة ودم وكمان معاكم في الشعبية بحري لكن قرت واتعلمت بالحيل وقتين تشوف تجدعها في القنوات الفضائية تقول انشاء الله ما تسكت وحياة ربي دى اكان عندنا اكان هسع قادلة مع الابل والضان ولابسة ليها طرحة في راسها وممسحة بزيت السمسم ويا دنيا ما فيك علا انا دى بس .
نادية بتعرفي السرحة؟
هيييييع
|
Post: #72
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-01-2008, 02:00 PM
Parent: #57
ود شيقوق
| Quote: راجعي الطالب المجتهد خالك حسن طه فله باع طويل في ادراك معاني مفردات ومصطلحات اهل البادية |
يازول سعادة المستشار ده طول عمرو ود عز وود مدن .. دنقلا القريبة دي مامشاها .. زول بنادر وود راحات موش زيك يامهمش
| Quote: نادية بتعرفي السرحة؟ |
السرحة بعرفها طبعا وبعملها كتييير .. لما أسرح في الملكوت وعجائب الدنيا وأستغرب ليه الناس بتنسى إنو آخرتها كوم تراااااب وتكون ساعية للشر بينها وبين بعض .. وأكون سرحانة في الموضوع جنس سرحة غايتو !!
|
Post: #58
Title: Re: عندكم ( عنقريب) في بيتكم .. مٌت مطمئناً !!!!
Author: المسافر
Date: 12-01-2008, 08:29 AM
Parent: #56
أهم شي الموت مطمئناً
والإطمئنان حقيقة غابت ..مع رحيل أصحاب النفوس المطمئنة..
الذين يعرفون ميعاد الرحيل..
وينبهون الآخرين .. بضرورة الثبات..وعدم الجري خلف المستشفيات
"" يا ربي تديني الثبوت عند مروق الروح يوم أموت"
والآن مع الوهن والإحن التي ألمت بالناس
ورحيل المروءة والإنسانية
لم يتبقى شيء يتطلب التأسي والتمسك بأهداب واهية..
فلتكن دعوة الإطمئنان " يا منصور أمت"
ويا أيتها النفس المطمئنة
أرجعي إلى ربك راضية مرضية..
|
Post: #74
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-01-2008, 02:11 PM
Parent: #58
المسافر اخوي سمح الكلام
Quote: يا ربي تديني الثبوت عند مروق الروح يوم أموت"
والآن مع الوهن والإحن التي ألمت بالناس
ورحيل المروءة والإنسانية
لم يتبقى شيء يتطلب التأسي والتمسك بأهداب واهية..
فلتكن دعوة الإطمئنان " يا منصور أمت"
ويا أيتها النفس المطمئنة
أرجعي إلى ربك راضية مرضية..
|
ياسلاااااااام
والله ده أروع كلام القلتو ده ولتكن الدعوة الصادقة لرب العدل العظيم وقتما جاءنا ملك الموت ( يا أيتها النفس المطمئنة أرجعي إلى ربك راضية مرضية)
وربنا يحسن خاتمتنا ياااااااارب
|
Post: #71
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-01-2008, 01:50 PM
Parent: #56
الملا عمر أيها الكاتب المبدع الجميل
| Quote: العناقريب زاتها خشم بيوت فهناك العنقريب الهبابي والعنقريب ذو الأرجل المخروطه والعنقريب التعبان بتاع القهاوي أب كرعين مكلوجات وكراب مرخي وعناقريب الخفراء وعناقريب السوق والعنقريب البغسلو فيهو العدة وعنقريب كماسرة اللواري السفرية ، وحتى البروش التي تفرش عليها هناك برش يحاكي لوحات دافنشي وهناك بروش بالكاد تجوز فيها الصلاة ناهيك عن الفرش الوثير القطيفه والسجاد المخمل والغطاء الأخضر وكله في النهاية محصل بعضه لأن ما أن يفارقك القوم إلا وتبدأ حياة جديدة يكون عمادها عملك وما قدمت. أعظم شئ أننا نتساوي جميعاً أمام الله وبعدين يوزعوا الكتب وإنت وشطارتك وهناك ما في تحويل رصيد وخليك سوداني. |
بالله دي كلهااااااااا أنواع عناقريب وبروش ؟!!
غايتو الله يدي العافية بس رغم انو والله زعلانة لانو العناقريب إختفت .. إنت سوق العناقريب في ولا لغوه في السودان ؟!!
ثم عن مسألة تحويل الرصيد ياسوداني موش في شفيع الأمة سيد البشر الأمين محمد رسول الله صلى الله عليه وسلم .. ماهي الشفاعة دي تحويل رصيد ولا شنو ؟
|
Post: #59
Title: Re: عندكم ( عنقريب) في بيتكم .. مٌت مطمئناً !!!!
Author: ismeil abbas
Date: 12-01-2008, 09:40 AM
Parent: #1
ألأخت/ألأستاذة/نادية عثمان
الرابط فيهو بعض الصور لقبور ووداللحد ..اتمنى ان يفتح عندك..سأحاول إنزال صورة هنا لوتمكنت مع جزيل شكرى وتقديرى
خالص تحياتى..إسماعيل محمد احمد عباس....
|
Post: #75
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-01-2008, 02:22 PM
Parent: #59
أستاذ إسماعيل
تسلم يارب ويطول عمرك ويعطيك العافية إن شاء الله .. قول آآآآآآآآمين ..
|
Post: #61
Title: Re: عندكم ( عنقريب) في بيتكم .. مٌت مطمئناً !!!!
Author: العوض المسلمي
Date: 12-01-2008, 11:05 AM
Parent: #1
|
Post: #76
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-01-2008, 02:39 PM
Parent: #61
المسلمي أذكر المصدر ياخ
العناقريب السمحة دي عندكم في الكباشي ولا في الصافية
|
Post: #80
Title: Re: عندكم ( عنقريب) في بيتكم .. مٌت مطمئناً !!!!
Author: العوض المسلمي
Date: 12-01-2008, 03:02 PM
Parent: #76
في الكباشي ممكن ,,
ولكن في الصافيه ؟؟؟ الله اعلم ,,
وبيني وبينك دي عناقريب سوق الناقه ,, يوم ضرب الجماعه الخلطه السااااااااااااقطه
وكمان ممكن تسالي بقال
كل الود
|
Post: #82
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-01-2008, 03:22 PM
Parent: #80
المسلمي
| Quote: وبيني وبينك دي عناقريب سوق الناقه ,, يوم ضرب الجماعه الخلطه السااااااااااااقطه |
ياخ مابتودوني الأماكن السياحية دي ليه لما بجي الخرطوم ياااخ
|
Post: #84
Title: Re: عندكم ( عنقريب) في بيتكم .. مٌت مطمئناً !!!!
Author: العوض المسلمي
Date: 12-01-2008, 03:35 PM
Parent: #82
ناديه
| Quote: ياخ مابتودوني الأماكن السياحية دي ليه لما بجي الخرطوم ياااخ |
بالجد اماكن تستاهل نزوريها ,,,,
خليها المره الجاية ,,, سمح؟
كل الود
|
Post: #85
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-01-2008, 03:45 PM
Parent: #84
المسلمي
سمح
بس لازم العنقريب ده يكون موجود والناقة جنبو
|
Post: #121
Title: Re: عندكم ( عنقريب) في بيتكم .. مٌت مطمئناً !!!!
Author: العوض المسلمي
Date: 12-02-2008, 01:34 PM
Parent: #85
سلام ناديه
| Quote: بس لازم العنقريب ده يكون موجود والناقة جنبو |
علشان سوق الناقه لازم تكون فيه ناقه.؟؟
تذكرت تلك النكته التي تقول ان احدهم وجد لافته مكتوب فيها فول باللحمه ,, فدخل المطعم فطلب
واحد فول باللحمه ,, وعندما احضر له الفول تسال اين اللحمه ؟؟ واحتج بشده علي الغش والخداع ,,
وهنا تدخل صاحب المطعم وقال : في صابونه اسمها ابو فيل ,, هل يوم اشتريت صابونه وادوك معاها فيل.؟؟!!
فضحك الرجل وذهب غضبه ,,
قلتي ناقه جنب العنقريب ,,,نشتري نبق ولا شنو ؟؟؟
كل الود
|
Post: #133
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-02-2008, 06:01 PM
Parent: #121
المسلمي
| Quote: علشان سوق الناقه لازم تكون فيه ناقه.؟؟ |
لازم طبعا والا يكون دي اشاعات وترويج يحاسب عليهو تجار النوق
ولازم يكون الفول باللحمة والناقة شايلة نبق
|
Post: #134
Title: Re: عندكم ( عنقريب) في بيتكم .. مٌت مطمئناً !!!!
Author: العوض المسلمي
Date: 12-03-2008, 07:30 AM
Parent: #133
ناديه سلام
Quote: لازم طبعا والا يكون دي اشاعات وترويج يحاسب عليهو تجار النوق
ولازم يكون الفول باللحمة والناقة شايلة نبق |
وطيب الشيه وين في الوضوع ده ,,,
ولا ما عندها مكان من القندهار
قندهار وان طال السفر ,, اخر تصريح للملا عبدالوهاب الحاج ,,
كل الود
|
Post: #135
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-03-2008, 10:27 AM
Parent: #134
انت يامسلمي تعال النسعلك
| Quote: ولا ما عندها مكان من القندهار |
تسمية قندهار دي شنو وجات من وين وهل سوق الناقة هو ذاتو القندهار ده ولا دي بلدا جنبو
|
Post: #63
Title: Re: عندكم ( عنقريب) في بيتكم .. مٌت مطمئناً !!!!
Author: elfadl abdellatif
Date: 12-01-2008, 11:36 AM
Parent: #1
Quote: ولكن مع تطور الحياة ومانظنه مواكبة للعصر أعدمنا كل عناقريبنا الحنينة وإستبدلناها بأحدث صيحات السراير المذهبة من نوع ( دهباية) و( الجرتك) وغيرها من السراير المبرقشة والمطلية والمزركشة التي لا تصلح لحمل موتانا في رحلة سفرهم الآبدية !!
|
الاستاذة الجميلة نادية
تحياتي لك ولكتاباتك
يا ستي المشكلة ما في العنقريب .. فتطور الحياة نفسه الذي جعل الناس ينتقلون من السجاجيد الى الكراسي في بيوت العزاء .. (الامر الذي كانوا يرونه بدعة حتى وقت قريب ويخصصون الكراسي لكبار السن فقط .. ثم لكبار السن والمقام .. ثم عم الامر الجميع) .. والذي ادى الى انقراض العناقريب من البيوت.. هذا التطور نفسه هو الذي سيجعل الموتى يحملون ويدفنون في الصناديق المغلقة .. او الاسرة المفروشة حسب مقام الميت ..
المهم العنقريب في والكفن جاهز .. لكن المعزين وين?! .. بالكتير تلقى 4 من اقرب الاقربين لحمل الجثمان .. ويمكن العولمة تجيب لينا الحانوتية الذين يقومون بكل العمل ..و يتولون حتى ترتيب مسألة المعزين..
والحمد لله اننا لن نعيش الى ان يحدث ذلك .. ونسأل الله حسن الختام .. وان يسترنا فوق الارض وتحت الارض ويوم العرض .. اللهم آآآمين
|
Post: #78
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-01-2008, 02:54 PM
Parent: #63
elfadl abdellatif
شكراً لمرورك الطيب وروحك السمحة
| Quote: المهم العنقريب في والكفن جاهز .. لكن المعزين وين?! .. بالكتير تلقى 4 من اقرب الاقربين لحمل الجثمان .. ويمكن العولمة تجيب لينا الحانوتية الذين يقومون بكل العمل ..و يتولون حتى ترتيب مسألة المعزين.. |
لا ماظنيت في السودان نحتاح نستأجر المعزيين لانو حسب معرفتي في ناس في الحلة بتكيفوا عديل من قصة البكيات دي لانها بتعمل ليهم برنامج ونسة عجيب خاصة فرش الرجال وونسة الكورة وبيكون مرات مافاضل الا يجيبوا الضمنة والكوشتينة عديل
|
Post: #64
Title: Re: عندكم ( عنقريب) في بيتكم .. مٌت مطمئناً !!!!
Author: elfadl abdellatif
Date: 12-01-2008, 12:05 PM
Parent: #1
اتذكرت قصتين داير امرق بيهم من السوداوية بتاعت البوست
الاولى قصة المرأة الشافت جنازة السيد علي المرغني او واحد من الاسياد ديل .. وطبعا كانت جنازة مهيبة (ورهيبة بتعريفات العصر) .. المرة من ذهولها خانها التعبير قالت: اريتا جنازة احمد ولدي
التانية بتاعت الجنوبي الترزي .. يوم جمعة وما في غيرو .. الجماعة جوهو عشان يخيط ليهم الكفن ووروهو الطريقة والمقاسات .. شال القماش ختاهو في الكرتونة جنبو قال ليهم يوم التلاتا كويس??
ربنا يديك الصحة وطولة العمر
ولو انو الطولة ما كويسة ..زي ما القصر كمان ماكويس.. (يعني ما شخطش اوي) .. والشاعر قال
سئمت تكاليف الحياة ومن يعش ثمانين حولا لا ابا لك يسأم
|
Post: #81
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-01-2008, 03:13 PM
Parent: #64
elfadl abdellatif
| Quote: اتذكرت قصتين داير امرق بيهم من السوداوية بتاعت البوست |
لا ياخ البوست رغم سيرة الموت لكنو في الأساس بوست إحتفاء بالعناقريب !!
انت ماشايف كم النكات الفوق دي ؟!
Quote: الاولى قصة المرأة الشافت جنازة السيد علي المرغني او واحد من الاسياد ديل .. وطبعا كانت جنازة مهيبة (ورهيبة بتعريفات العصر) .. المرة من ذهولها خانها التعبير قالت: اريتا جنازة احمد ولدي
التانية بتاعت الجنوبي الترزي .. يوم جمعة وما في غيرو .. الجماعة جوهو عشان يخيط ليهم الكفن ووروهو الطريقة والمقاسات .. شال القماش ختاهو في الكرتونة جنبو قال ليهم يوم التلاتا كويس?? |
وتقول لي سوداوية .. بالغت فوكا والله
|
Post: #69
Title: Re: عندكم ( عنقريب) في بيتكم .. مٌت مطمئناً !!!!
Author: عبود عبد الرحيم
Date: 12-01-2008, 01:27 PM
Parent: #1
يا نادية
قولي بسم الله ...
نعم
الموت حق علينا كلنا عباد الله
وكل ابن آدم وان طالت سلامته يوما علي آلة حدباء محمول
لكن بصراحة كدا سيرة الموت ما بتندار
ربنا يطول في عمركم جميعا
الوصية مهمة جدا بالذات الناس العليهم ديون ...
أصلو نحن ولله الحمد لا نملك أطيان ولا أموال نوصي بها
ولكني دائما أبلغ (أم محمد) بكافة ديوني المطلوبة مني لصالح الآخرين
خوفا من خروج من المنزل بدون عودة ....
نسأل الله السلامة والعمل الصالح ... وحسن الختام لنا ولكم
ـــــــــــ
تعديل ساي كده بس ... عشان بوست التعديلات داااااك
|
Post: #73
Title: Re: عندكم ( عنقريب) في بيتكم .. مٌت مطمئناً !!!!
Author: داليا حافظ
Date: 12-01-2008, 02:01 PM
Parent: #69
| Quote: عندكم ( عنقريب) في بيتكم .. مٌت مطمئناً !!!! |
كويس يانادية نقول شنو يعني ؟
الموت ..الذي يطرق الباب ولا ينتظر ..فكرة تناسب الأحزان الحالية ..ووووب علينا من موت الغربة ..بيكون عندنا عنقريب في بيتنا هناك
وبالعدم بتلقي عند الجيران ..كان متنا بعيد الصناديق راجيانا راجيانا ..حتى لوإندفنا هناك ..أها هسة نرسل نجيب عنقريب ولا نمشي نموت
جنب العناقريب ...حبيبتي نادية المهم نضافة القلوب وبعد نموت خليهم إتصرفوا وعافيين منهم .
|
Post: #77
Title: Re: عندكم ( عنقريب) في بيتكم .. مٌت مطمئناً !!!!
Author: السر عبدالله
Date: 12-01-2008, 02:46 PM
Parent: #73
QUOTE )في اخر اجازة لي حضرت وفاة عمتي بكل تفاصيلها
من حملها من المستشفى في اسعاف ولحين حملها من البيت للمقبرة في الصحافة
لحظات فيها عظة كبيرة جدا ولو تفكرنا فيهاجيدا لتغيرت الكثير من الاشياء
لا تتخيلي مقابر الصحافة اتملت قدر شنو من اخر مرة مشيت فيها
من الصلاة يلزمك سيارة للوصول لاخر المقابر ....
اخرها كوم تراب
اسال الله بفضل هذه الايام المباركة ان يغفر لنا وان يرحمنا
وان يتقبلنا قبولا حسنا
.............................
كل ابن وان طالت سلامته....يوما على الة حدباء محمول
او بالاصح على عنقريب باربع ارجل محمول
وعلى ذكر الموت والذى هو ملاقينا بكل تاكيد وان كنا فى بروج مشيدة دعونى استذكر معكم مقتطفات من احاديث
دكتور مصطفى محمود:
يلازمنى احساس منذ ان بدات اعى وادرك وجودى انى كنت موجوددائما وانى حقيقة ولست امرا طرأ بالميلاد.. وانى كنت هنا او هناك فى مكان او لا مكان لست ادرى.. انما هو احساس دائم..
يقول الله سبحانه وتعالى فى سورة غافر: "" ربنا امتنا اثنتين واحيينا اثنتين فاعترفنا بذنوبنا فهل الى خروج من سبيل""(11)
لماذا يقل المجرمون يوم انكشاف الحقائق ساعة البعث والحساب هذا القول؟؟ متى كانت هاتان الموتتان ونحن لا نعلم ولا نرى الى ميتة واحدة..
اذن هذا الكلام وثيقة مهمة تؤكد وجود حياتين وموتتين .. ومعنى الموت ليس الاعدام والملاشاة ولكن الانتقال من حال الى حال, فالله يسمى النقل من الحياة الدنيا الى الحياة البرزخية موتا واماتة.. وبهذا المعنى يمكن ان نفهم الاماتة الاولى المذكورة فى الاية الكريمة بانها كانت الاماتة عن الخلق الكامل فى احسن تقويم وانزال النفوس فى الاسر ... فى اسر الجبلة الطينية تعيش وتكابد بفروجها وسواتها فى اسفل سافلين:""لقد خلقنا الانسان فى احسن تقويم(4) ثم رددناه اسفل سافلين(5) الا الذين امنوا وعملوا الصالحات فلهم اجر غير ممنون(6) التين..
ثم تاتى الموتة الثانية بالنقل من هذا الحال من البلاء الى حال الحياة البرزخية فى القبور.. ثم يكون الاحياء الحق بالنفخ فى الصوروالبعث .. فتلك حياتان.. حياتنا الاولى فى احسن تقويم وحياتنا فى الاخرة.. ولا تحسب الحياة البرزخية فى القبور حياة لانها حياة ناقصة شبحية.. وكذلك حياتنا فى الدنيا .. لانها هى الاخرى ناقصة وفانية وزائلة ومعيبة.."" يا قوم انما هذه الحياة الدنيا متاع..."" (39) غافر..
""لقد خلقنا الانسان فى كبد""(4) البلد.. يحرمنا مما نحب ويحملنا ما نكره ليرى كيف يكون صبرنا واحتمالنا ولتظهر بذلك صفاتنا.. ويظهر الانسان على حقيقته اذا حرم مما يحب واذا حمل ما يكره .. ونحن بفطرتنا نحب الحياه ونكره الموت,,, ولكننا كلنا ساعون الى الله طوعا او كرها.. بالنار وبالالم والدروس القاسية .. او طوعا واختيارا وحبا وكرامة ولا يستطيع احد ان يخرج عن الصف .. فلا يوجد الا اتجاه واحد .. وهو السير الى الله.. زما علينا الا ان ندعو الله ان يهدينا اليه شوقا واختيارا لا قهرا واجبارا..
انا شفت النكات كترت .. قلت اقلبها ليكم هم شوية.. مع انو ذكر الموت ليس هما ولكن ذكرى تنفع المؤمنين...
|
Post: #91
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-01-2008, 04:34 PM
Parent: #77
السر عبد الله سلامات
Quote: انا شفت النكات كترت .. قلت اقلبها ليكم هم شوية.. مع انو ذكر الموت ليس هما ولكن ذكرى تنفع المؤمنين...
|
ياخ ماشايف في ناس اتجرسوا من سيرة الموت كيف تقوم تهجمهم وتجرسهم زيادة
ياجماعة البوست ده بتاع عناقريب مابتاع موووووت سمح ؟
|
Post: #87
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-01-2008, 04:03 PM
Parent: #73
داليا الجميلة
| Quote: أها هسة نرسل نجيب عنقريب ولا نمشي نموت |
يازولة بعد خرف ان شاء الله وربي يديك طولة العمر
ياصديقة تعالي إحتفي بعنقريب الجرتك وبرش بخ اللبن .. انتي قايلة العنقريب ده الا للجنازة ؟ ما للعرس برضو ياروعة ..!!
|
Post: #83
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-01-2008, 03:31 PM
Parent: #69
عبود الخليفة يازميلي وشقيقي وصديقي الجميل
ربنا يديك طولة العمر بس ماتقلق ده بوست احتفائي بالعناقريب .. صلح عناقرررررررريب
| Quote: ولكني دائما أبلغ (أم محمد) بكافة ديوني المطلوبة مني لصالح الآخرين |
يعني كلمتها بالتلاتة مليون الدايراهم انا منك
|
Post: #86
Title: Re: عندكم ( عنقريب) في بيتكم .. مٌت مطمئناً !!!!
Author: سناء عبد السيد
Date: 12-01-2008, 03:51 PM
Parent: #1
ندوية و الله عنقريبك ده عمل لينا النفسيات عديل كده
|
Post: #88
Title: Re: عندكم ( عنقريب) في بيتكم .. مٌت مطمئناً !!!!
Author: يسن ابوالمجد
Date: 12-01-2008, 04:10 PM
Parent: #86
الصديقة نادية
تحياتي لك
اطال الله عمرك واقاك علي دوام الصحة والعافية
لكي نحتكم بهذه العبارات الجمليةمنك
هذا كلام عين العقل و لايوجد اي فرد قد فكر في هذا الموضوع
لك دوام الصحة
خالص تحياتي
ابوالمجد
Quote: فلنحتفظ في بيوتنا بعدد وأحد (عنقريب وبرش) فليس سواه من نعش لحمل الغني والفقير في بلادنا ..
|
|
Post: #96
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-01-2008, 05:20 PM
Parent: #88
الكريم يسن أبو المجد
Quote: لكي نحتكم بهذه العبارات الجمليةمنك
هذا كلام عين العقل و لايوجد اي فرد قد فكر في هذا الموضوع |
تسلم من كل شر يارب
والسؤال هو العنقريب ذاتو عيبو شنو عشان نتخلص منو في بيوتنا ونخلي سراير الزان المزركشة بس ما العنقريب ذاتو عندو شكل جميل ولطيف وفوائدو كتيرة في الموت والفرح موش ؟!
|
Post: #90
Title: Re: عندكم ( عنقريب) في بيتكم .. مٌت مطمئناً !!!!
Author: الطيب شيقوق
Date: 12-01-2008, 04:17 PM
Parent: #86
| Quote: يازول سعادة المستشار ده طول عمرو ود عز وود مدن .. دنقلا القريبة دي مامشاها .. زول بنادر وود راحات موش زيك يامهمش |
آآآآآآآآآآآي والله عشان كدا لما اتصل فيني امبارح صوتو هادئي وجهور واكان سمعتيهو كيف بقعد الكلام عييييك والله بغرت منو عديل كده
| Quote: السرحة بعرفها طبعا وبعملها كتييير .. لما أسرح في الملكوت وعجائب الدنيا وأستغرب ليه الناس بتنسى إنو آخرتها كوم تراااااب وتكون ساعية للشر بينها وبين بعض .. وأكون سرحانة في الموضوع جنس سرحة غايتو !! |
ان شاء الله تسرحي بوووووووشك وما تقبّلي اكان السرحة عندك كدا
|
Post: #97
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-01-2008, 05:33 PM
Parent: #90
ود شيقوق
| Quote: آآآآآآآآآآآي والله عشان كدا لما اتصل فيني امبارح صوتو هادئي وجهور واكان سمعتيهو كيف بقعد الكلام عييييك والله بغرت منو عديل كده |
بالله قول ماشاء الله ماتسحر لينا الزول ياخ عارفة عينك الحارة دي أنا
|
Post: #95
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-01-2008, 04:54 PM
Parent: #86
سنوية
| Quote: ندوية و الله عنقريبك ده عمل لينا النفسيات عديل كده |
يازولة أنظري للجانب المشرق من العنقريب .. ياخ العنقريب ده موش بعملوا فيهو الجرتك ؟
وتيييب
|
Post: #89
Title: Re: عندكم ( عنقريب) في بيتكم .. مٌت مطمئناً !!!!
Author: خال فاطمة
Date: 12-01-2008, 04:10 PM
Parent: #1
هسي الدنيا قبااااااايل عيد في داعي لسيرة الداهي دا
اعمل ليك يا ام ايمان زي الزول الاحتجا على الأمام يوم العيد
الأمام في نهاية خطبة العيد .. قال .. اللهم اجعل الموت لنا راحة من كل شر ..
قام الزول قال ليو يا مولانا الموت يوم العيد
أم ايمان الله يديك طول العمر
|
Post: #93
Title: Re: عندكم ( عنقريب) في بيتكم .. مٌت مطمئناً !!!!
Author: محمد مختار جعفر
Date: 12-01-2008, 04:39 PM
Parent: #89
ولدتك امك يا ابن ادم باكيا والناس حولك يضحكون سرورا
فاحرص لنفسك ان تكون إذا بكوا في يوم موتك ضاحكا مسرورا
ــــــــــــــــــــ ...
سلام وتحيه ، أخت ناديه ..
ولكننا نستقبل عيدا وفرحة بعد أيام قلائل ، فالندعوا للجميع
وأنت معهم بطول العمر فى عمل نفرح به حين نلقى الله تعالى ، آملين فى مغفرته
ورضوانه ، فالموت حق وتذكره واجب ...
وكل عام والجميع بخير ..
محمد مختار جعفر
|
Post: #99
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-01-2008, 05:49 PM
Parent: #93
الأستاذ الكريم محمد مختار جعفر
Quote: ولكننا نستقبل عيدا وفرحة بعد أيام قلائل ، فالندعوا للجميع
وأنت معهم بطول العمر فى عمل نفرح به حين نلقى الله تعالى ، آملين فى مغفرته
ورضوانه ، فالموت حق وتذكره واجب ...
وكل عام والجميع بخير .. |
ربنا يعيد عليك وعلينا العيد بالخير واليمن والبركات يارب
وكل سنة وانت وأحبابك جميعهم بألف خير وسلامة وطول عمر وعافية يارب
|
Post: #98
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-01-2008, 05:39 PM
Parent: #89
خال فاطنة
سلامات والعيد مبارك عليك
| Quote: هسي الدنيا قبااااااايل عيد في داعي لسيرة الداهي دا |
ماعشان كده قلت ليكم اتعاملوا مع العنقريب بس كعنقريب فرح وجرتك وعرس لما العيد ينتهي على الأقل
|
Post: #92
Title: Re: عندكم ( عنقريب) في بيتكم .. مٌت مطمئناً !!!!
Author: ismeil abbas
Date: 12-01-2008, 04:38 PM
Parent: #1
center>
نسأل الله أن يوسع لنا فى قبرنا ويجعله روضة من رياض الجنة..إنه على ذلك قدير وبالسوؤال جدير.......آمين........
مودتى.............إسماعيل محمد احمد عباس...
|
Post: #94
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-01-2008, 04:48 PM
Parent: #92
أستاذ إسماعيل تسلم يارب
كده يادوووووب الناس حاتهرب من البوست ده لانو شايفة معظهم اتجرسوا من سيرة الموت والدنيا قبايل فرحة وعيد وجبنا صورة العنقريب ساي سناء السيد ودلال وخال فاطنة جاهم إكتئاب فما بالك بود اللحد ده حايعمل في الناس شنو ..
|
Post: #100
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-01-2008, 06:16 PM
Parent: #94
ياجماعة العنقريب ده ليهو إستخدامات تانية غير حمل الجنازة !!
فبما انو الدنيا عيد كلمونا عن عنقريب الجرتك وليه لازم العريس يجرتقوه في عنقريب وكده يعني سمح ؟!
|
Post: #120
Title: Re: عندكم ( عنقريب) في بيتكم .. مٌت مطمئناً !!!!
Author: جعفر محي الدين
Date: 12-02-2008, 12:44 PM
Parent: #100
قلت لي الجرتق
أها النبقى داخلين
سلام قولا من رب رحيم عليك استاذة نادية وكل المتداخلين
الموت لا شك هو سبيل الأولين والآخرين نسأل الله لنا ولكم ولجميع المسلمين حسن الخاتمة والفردوس الأعلى
العنقريب حاضر في الثقافة السودانية وأظنه كذلك لأنه النسخة الشعبية لكرسي السلطان أو عرش الملوك
يتوج الإنسان في حياته مرتين مرة حين إكمال نصف دينه ودخوله عالم أرباب الأسر .
والمرة الثانية في ختام حياته والتي نتمنى أن تكون عامرة بصالح الأعمال
كل عام وأنتم بخير
ومتعكم الله بالصحة وطولة العمر
|
Post: #130
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-02-2008, 03:18 PM
Parent: #120
المحترم جعفر محي الدين حبابك
Quote: العنقريب حاضر في الثقافة السودانية وأظنه كذلك لأنه النسخة الشعبية لكرسي السلطان أو عرش الملوك
يتوج الإنسان في حياته مرتين مرة حين إكمال نصف دينه ودخوله عالم أرباب الأسر .
والمرة الثانية في ختام حياته والتي نتمنى أن تكون عامرة بصالح الأعمال |
بالله العنقريب يوازي كرسي السلطان عديل وعرش الملوك كمان .. ياخ كان كده بكلم أبوي يرجع لينا عناقريبنا .. انا كان عندي عنقريب براي .. يعني ملكة زماني المتوجة شفت كيف ؟
|
Post: #129
Title: Re: عندكم ( عنقريب) في بيتكم .. مٌت مطمئناً !!!!
Author: يسن ابوالمجد
Date: 12-02-2008, 03:08 PM
Parent: #94
الغالية نادية
| Quote: صلح العناقرررررررريب |
السبب هو من الناس لانهم مع الموضه!!!
كلما ظهر شي جديد في السوق الناس تروح وتسأل ما هذا
دي شي جميل فبعد قليل تتلافه الناس وتركد وراء الموضه وتنسي العنقريب
الذي تظهر اهميته عندما يتوفي لك شخص في المنزل ......
اتمنى من كل شخص ان يمتلك عنقريب في المنزل وهذه هي تزكرة للناس
نشكر الاخت نادية علي هذه التذكرة....
خالص التحايا
ابوالمجد
|
Post: #131
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-02-2008, 03:37 PM
Parent: #129
يسن أبو المجد
Quote: السبب هو من الناس لانهم مع الموضه!!!
كلما ظهر شي جديد في السوق الناس تروح وتسأل ما هذا
دي شي جميل فبعد قليل تتلافه الناس وتركد وراء الموضه وتنسي العنقريب |
قاتل الله الموضة البتضيع مننا حاجاتنا الحنينة زي العنقريب !!
والله العنقريب ده كان أروع إختراع سوداني بس معظم الناس ماماخدة بالها منو للأسف !!
|
Post: #101
Title: Re: عندكم ( عنقريب) في بيتكم .. مٌت مطمئناً !!!!
Author: مؤيد شريف
Date: 12-01-2008, 06:36 PM
Parent: #1
| Quote: عندما مات شقيقي الشاب الجميل أبو القاسم في عام الحزن ذاك ( إستلفنا) بعد جهد في البحث ( عنقريب) من الجيران لكي يرقد شقيقي عليه ويُحمل الى مثواه الآخير .. وكذلك فعلنا عند وفاة والدتي الحبيبة !! |
صاحبة الدواخل الجمال
أظن أن الحزن يصنع النفوس الجميلة ويجلي عنها غبار الكبر وأوهام النفس ..
رحم الله أهلك ::ولم أذق طعم فراق الاحبة إلا في مرة واحدة :والدي...
هل تعلمي من شدة تعلقي بذاك الرجل أظنه اليوم بيننا وأكاد أسمع همسه الخفيف وألمس انفراجة وجهه وتبسمه الجميل..وقبل كل ذلك انسانيته الخالدة بحبه للناس جميعا واكرامه للمرأة وخوفه بل جزعه علي الصغار و و و و ماذا أحكي لك عنه .. كثيفة هي الذكريات وقصيرة هي الرحلة...
أكره العنقريب ولا أطيق منظره...
فهو يذكرني بيوم أن حملناه وحملته بيدي وعاد هو (العنقريب) ليحتل حيزا علي الحائط ...
رحم الله الاحبة ونحن نعيش بذكراهم الخالدة ...
ألم أقل أنك جميلة تقتلعين الذكريات اقتلاعا وتنزعين الاعترافات اتنزاعا..
ــــــــــــــــــــــــــــــــــــــــــ
الجمال عندي توصيف يحس ولا يرى
حتى لا نتهم بغزل
التعديل:ألف زائدة ونوايا حسنة
|
Post: #102
Title: Re: عندكم ( عنقريب) في بيتكم .. مٌت مطمئناً !!!!
Author: حبيب نورة
Date: 12-01-2008, 06:44 PM
Parent: #101
ندووية
شوقين
اخبارك أيه
أنتي عليك الله العناقريب دي القاعد يكسرا منو هسة؟
غايتو جنس محن
الله يستر
|
Post: #105
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-01-2008, 07:23 PM
Parent: #102
حبيب نورة ياحبيب البنيات
| Quote: أنتي عليك الله العناقريب دي القاعد يكسرا منو هسة؟ |
قعد نكسرها نحنا بغباءنا وظننا إنو العناقريب ضد المدنية والعصرية .. ووكت ولدنا عريس ولا أمنا تموت نجري نكوس للعناقريب المتخلفة دي ذاتها .. شفت المفارقة العجيبة ؟!!
|
Post: #103
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-01-2008, 07:15 PM
Parent: #101
مؤيد شريف أيها الخلوق المهذب .. يازميل المهنة وصديق الأسافير
Quote: أظن أن الحزن يصنع النفوس الجميلة ويجلي عنها غبار الكبر وأوهام النفس ..
رحم الله أهلك ::ولم أذق طعم فراق الاحبة إلا في مرة واحدة :والدي...
هل تعلمي من شدة تعلقي بذاك الرجل أظنه اليوم بيننا وأكاد أسمع همسه الخفيف وألمس انفراجة وجهه وتبسمه الجميل..وقبل كل ذلك انسانيته الخالدة بحبه للناس جميعا واكرامه للمرأة وخوفه بل جزعه علي الصغار و و و و ماذا أحكي لك عنه .. كثيفة هي الذكريات وقصيرة هي الرحلة... |
نعم .. ففي الحزن قمة النبل .. وفيه تطهير للنفس وتهذيب للروح ..!!
رحم الله والدك الحبيب وأسكنه فسيح الجنات بحق هذه الأيام المباركات .. وسعيدة أنا أن إستفز هذا المكتوب مخزون عاطر الذكريات في نفسك السمحة فحكيت عن الوالد الجميل ونقّبت مآثره وفضائله ودعوت له فهو قد مات وإنقطع عمله إلا من ثلاث إحداهما ( ولد صالح يدعو له ) وأنت هذا الولد الصالح تقبل الله دعواتك لوالدك الذي شابهته عزة وفخارا .. وحقا كما قيل ( الخلف مامات) فأنت شبل من ذاك الأسد الراحل .. له رحمة وعظيم غفران !!
Quote: أكره العنقريب ولا أطيق منظره...
فهو يذكرني بيوم أن حملناه وحملته بيدي وعاد هو (العنقريب) ليحتل حيزا علي الحائط ... |
وإن جلست فوق ذات العنقريب الذي حمل والدك الى داره الباقية.. وكنت أنت عريساً أو أحد أشقائك فسوف تحبه فهو رحيم وصديق في الأفراح والأتراح !!
Quote: الجمال عندي توصيف يحس ولا يرى
حتى لا نتهم بغزل |
لا تحتاج لمثل هذا التبرير فمثلك لا يرى جمال الوجوه وإنما جمال الروح وتهمني الآخيرة .. وأدري أنك تقصدها وأشكرك جزيلاً للثناء العاطر ياصديقي والمجاملة اللطيفة التي تفوق حجمي الإنساني كثيراً !!
كن بألف خير
|
Post: #104
Title: Re: عندكم ( عنقريب) في بيتكم .. مٌت مطمئناً !!!!
Author: الطيب شيقوق
Date: 12-01-2008, 07:22 PM
Parent: #103
| Quote: بالله قول ماشاء الله ماتسحر لينا الزول ياخ عارفة عينك الحارة دي أنا |
| Quote: بالله قول ماشاء الله ماتسحر لينا الزول ياخ عارفة عينك الحارة دي أنا |
على الحلف يا الرطانة فردتي ده ما بخليهو ساااااى لازم نديهو فليوة من إنديناعشان يحت فيها شيبو عديل كده.
|
Post: #107
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-01-2008, 08:47 PM
Parent: #104
ود شيقوق
| Quote: عشان يحت فيها شيبو عديل كده. |
يازول شن فهمك إنت في الـ ( نيو لوك) سعادة المستشار حسن طه ده قلت ليك متربي على العز واكل الوز مابشيب ذاتو وشعرو أبيض بمزاجو 
|
Post: #106
Title: Re: عندكم ( عنقريب) في بيتكم .. مٌت مطمئناً !!!!
Author: ismeil abbas
Date: 12-01-2008, 07:29 PM
Parent: #1
| Quote: كده يادوووووب الناس حاتهرب من البوست ده لانو شايفة معظهم اتجرسوا من سيرة الموت والدنيا قبايل فرحة وعيد وجبنا صورة العنقريب ساي سناء السيد ودلال وخال فاطنة جاهم إكتئاب فما بالك بود اللحد ده حايعمل في الناس شنو .. |
ألأخت/نادية ..يعنى نغير..خلاص شوفوا لينا بدل ود اللحد أغنية لأبوالأمين والرقيص إثنين إثنين وما تقولى الليلة يوم ألأثنين وهجيج للساعة إثنين بس بره السودان عشان هناك للساعى 11بس وللا قطيع ألأضنين كنت عايز أنزل ليك أكتر لكن عشان خاطر الناس الطيبين حانخليها بعدين..تسلمى يازولة يازين
مودتى........إسماعيل محمد احمد عباس...
|
Post: #108
Title: Re: عندكم ( عنقريب) في بيتكم .. مٌت مطمئناً !!!!
Author: الطيب شيقوق
Date: 12-01-2008, 08:58 PM
Parent: #106
ندوية
| Quote: يازول شن فهمك إنت في الـ ( نيو لوك) سعادة لمستشار حسن طه ده قلت ليك متربي على العز واكل الوز مابشيب ذاتو وشعرو أبيض بمزاجو |
بس زى ده عندنا بنقول Expired وعندكم (نيو لوك) اها اتهنوا بيهو طالما جابت ليها مساخة
ما تخافي نوع ديل غير مرافبين وغير متابعين لانو ادوات المتابعة ذاتها expired
|
Post: #110
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-01-2008, 09:28 PM
Parent: #108
الطيب شيقوق
| Quote: اها اتهنوا بيهو طالما جابت ليها مساخة |
سمح !!
|
Post: #109
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-01-2008, 09:09 PM
Parent: #106
إسماعيل عباس الراجل الملك
| Quote: يعنى نغير..خلاص شوفوا لينا بدل ود اللحد أغنية لأبوالأمين والرقيص إثنين إثنين وما تقولى الليلة يوم ألأثنين وهجيج للساعة إثنين بس بره السودان عشان هناك للساعى 11بس وللا قطيع ألأضنين |
هههههههههه
خلاص والله وممكن نحول مسار العنقريب ونخليهو عنقريب الجرتك وخلي زول ينزل لينا أغنية سيرة وبعد العيد الناس احرار لو عايزين يرجعوا لعنقريب الجنازة يرجعوا موش فكرة ؟!!
|
Post: #111
Title: Re: عندكم ( عنقريب) في بيتكم .. مٌت مطمئناً !!!!
Author: ismeil abbas
Date: 12-01-2008, 09:42 PM
Parent: #1
Quote: هههههههههه
خلاص والله وممكن نحول مسار العنقريب ونخليهو عنقريب الجرتك وخلي زول ينزل لينا أغنية سيرة وبعد العيد الناس احرار لو عايزين يرجعوا لعنقريب الجنازة يرجعوا موش فكرة ؟!! |
ألرائعة/نادية الفكرة جميلة..و بعد العيد البجيك ضارب شربوت والبجيك من الحج جديد لنج..كلهم عايزين يفتحوا فينا..يالله معانا معانا بالدرب الطويل
يعنى بأذن الله معيدين فى بوستيك ده يا ألأخت....بالجد ما بتفات بالساهل..تحياتى وكل عام وأنتم بخير..........إسماعيل محمد اجمد عباس...
|
Post: #112
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-01-2008, 09:57 PM
Parent: #111
إسماعيل يازول سمح الدواخل
Quote: ألرائعة/نادية الفكرة جميلة..و بعد العيد البجيك ضارب شربوت والبجيك من الحج جديد لنج..كلهم عايزين يفتحوا فينا..يالله معانا معانا بالدرب الطويل
يعنى بأذن الله معيدين فى بوستيك ده يا ألأخت....بالجد ما بتفات بالساهل |
خلاص جيب المسجل وغنية السيرة وعدتك وعتادك وخروفك وشيتك وضلعك وشربوتك ( غير المسكر) ومرارتك وام فتفتك وكمونيتك وتعال ..وأصلا ماتقول عيد مصر دي بايخ اهو نعمل لينا برنامج عيد حلو وسط العناقريب دي
|
Post: #113
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-01-2008, 10:04 PM
Parent: #112
بيان هام :
بهذا نعلن تحويل مسار العناقريب من عناقريب جنازة لعناقريب جوازة والعرض مستمر لما بعد العيد
أدفع حق عنقريب وشيل وأحد هدية .. مع تحيات تجار سوق العناقريب
|
Post: #114
Title: Re: عندكم ( عنقريب) في بيتكم .. مٌت مطمئناً !!!!
Author: الطيب شيقوق
Date: 12-01-2008, 10:06 PM
Parent: #112
الرطانة زعلتوا ولا شنو ؟
نادية العربي السمح ده اتعلمتيهو وين؟ كمان بنصبو وجرو وضمو وفتحتو وماضيهو ومضارعو وجمعو مثناهو و وهييييييييييييع
|
Post: #115
Title: Re: عندكم ( عنقريب) في بيتكم .. مٌت مطمئناً !!!!
Author: حسن طه محمد
Date: 12-02-2008, 08:30 AM
العزيزة الغالية نادية بت الشيخ
شكرا علي الدفاع عن شخصي الضعيف أمام هذا المكايد العريريب الذي يمنحنا وجوده اينما حل الأسر رغم مكايداته.
وبدفاعك كسرت القاعدة من " الهجوم خير وسائل الدفاع " الي " الدفاع خير وسائل الهجوم ".
أما يا زميلي وصديقي العزيز جد الحفيد الراقص في اريزونا فمعليش المعركة ( القضية ) خاسرة من أولها وانت القانوني الضليع.
وآخر دعوانا أن يجمعنا الله تحت شجرة ظليلة علي ضفاف الدندر مع الجبنةاو النيل مع البلح البركاوي.
| Quote: نادية العربي السمح ده اتعلمتيهو وين؟ كمان بنصبو وجرو وضمو وفتحتو وماضيهو ومضارعو وجمعو مثناهو و وهييييييييييييع |
يا العمدة
انت نسيت ان العرب والاسلام دخلوا السودان من دنقلا واستوطنوا بيها بعد توقيع الاتفاقية الشهيرة.
نادية .... ود شيقوق
اعذروني ان اكتفيت احيانا بالمتاوقة فقط علي البوست الجميل
|
Post: #116
Title: Re: عندكم ( عنقريب) في بيتكم .. مٌت مطمئناً !!!!
Author: الطيب شيقوق
Date: 12-02-2008, 09:25 AM
Parent: #115
الشاب الانيق حسن ود طه
| Quote: أما يا زميلي وصديقي العزيز جد الحفيد الراقص في اريزونا فمعليش المعركة ( القضية ) خاسرة من أولها وانت القانوني الضليع. |
يا العشاء شوف ليك فذع غير نادية بنتكم نادية ماك عارف شهادتها ليك مجروحة؟
اصلكم البرابرة بتتبادلوا الشهادة حتى امام المحاكم زى عربنا بس ناسنا انجح منكم الواحد ببيع الشهادة عديل اكان اسلط عليك كان بقيت صحابي بغطس حجرك .
|
Post: #117
Title: Re: عندكم ( عنقريب) في بيتكم .. مٌت مطمئناً !!!!
Author: الطيب شيقوق
Date: 12-02-2008, 09:25 AM
Parent: #115
الشاب الانيق حسن ود طه
| Quote: أما يا زميلي وصديقي العزيز جد الحفيد الراقص في اريزونا فمعليش المعركة ( القضية ) خاسرة من أولها وانت القانوني الضليع. |
يا العشاء شوف ليك فذع غير نادية بنتكم نادية ماك عارف شهادتها ليك مجروحة؟
اصلكم البرابرة بتتبادلوا الشهادة حتى امام المحاكم زى عربنا بس ناسنا انجح منكم الواحد ببيع الشهادة عديل اكان اسلط عليك كان بقيت صحابي بغطس حجرك .
|
Post: #124
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-02-2008, 02:33 PM
Parent: #117
ود شيقوق
| Quote: اصلكم البرابرة بتتبادلوا الشهادة حتى امام المحاكم زى عربنا |
اها عاد لو لما فيك زول من ناس محاربة العنصرية في المنبر الكلام ده بتنكروا عديل
|
Post: #122
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-02-2008, 02:09 PM
Parent: #115
قريبي الذي أفخر وأباهي به عين الشمس سعادة المستشار حسن طه
Quote: شكرا علي الدفاع عن شخصي الضعيف أمام هذا المكايد العريريب الذي يمنحنا وجوده اينما حل الأسر رغم مكايداته.
وبدفاعك كسرت القاعدة من " الهجوم خير وسائل الدفاع " الي " الدفاع خير وسائل الهجوم ".
أما يا زميلي وصديقي العزيز جد الحفيد الراقص في اريزونا فمعليش المعركة ( القضية ) خاسرة من أولها وانت القانوني الضليع.
وآخر دعوانا أن يجمعنا الله تحت شجرة ظليلة علي ضفاف الدندر مع الجبنةاو النيل مع البلح البركاوي. |
لن ينجح عشرة مثل صديقنا العرريب ود شيقوق في شن هجوم عليك وبالتأكيد ستكون كل قضاياه خاسرة وهو يدري ذلك ولكنه ( يتلايق) كما ( الجهد دسي) .. و ( الاووي ) وماتشرحها ليهو سمح
إطلالتك ياإبن عمي الغالي وخالتي الحبيبة حتى لو للإطلاع والقراءة فقط فهو مفرح فلا تحرمني منها سمح ؟
|
Post: #118
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-02-2008, 11:42 AM
ود شيقوق
Quote: نادية العربي السمح ده اتعلمتيهو وين؟ كمان بنصبو وجرو وضمو وفتحتو وماضيهو ومضارعو وجمعو مثناهو و وهييييييييييييع
|
العربي السمح البتقول عليهو ده إتعلمتو في دنقلا رأيك شنو ؟!
|
Post: #119
Title: Re: عندكم ( عنقريب) في بيتكم .. مٌت مطمئناً !!!!
Author: الطيب شيقوق
Date: 12-02-2008, 12:04 PM
Parent: #118
| Quote: العربي السمح البتقول عليهو ده إتعلمتو في دنقلا رأيك شنو ؟! |
بدعة و معجزة وتاني ما تزيدي
|
Post: #123
Title: Re: عندكم ( عنقريب) في بيتكم .. مٌت مطمئناً !!!!
Author: محي الدين جبريل
Date: 12-02-2008, 02:17 PM
Parent: #119
ودشيقوق خسمتك بالنبى ماتفرتق بويت ندوية دى
وبعدين انت يا نادية
انت ما عارفة شيقا ده زعيم شلة فرتيق الحفلات والبوستات
ادوه الشاى وجيبولو الكراس خلوهو يتلم
جاتك نيلا
|
Post: #125
Title: Re: عندكم ( عنقريب) في بيتكم .. مٌت مطمئناً !!!!
Author: الطيب شيقوق
Date: 12-02-2008, 02:36 PM
Parent: #123
محييييي
| Quote: ودشيقوق خسمتك بالنبى ماتفرتق بويت ندوية دى |
يا حليلك انت يا مسنوح نادية دى ما بتحكي عن بيت في الجريف او الكلاكلة او الطائف دى خلاص بدها توري الدنيا عرض اكتافها احسن تبعد قبال نكير ما ينيشك .
|
Post: #126
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-02-2008, 02:52 PM
Parent: #123
محي الدين جبريل أخوي الغالي
Quote: ادوه الشاى وجيبولو الكراس خلوهو يتلم
جاتك نيلا |
عملنا كده وبرضو مانفع .. عاد نسوي شنو مع ( اللياقة) الإسفيرية
|
Post: #127
Title: Re: عندكم ( عنقريب) في بيتكم .. مٌت مطمئناً !!!!
Author: محي الدين جبريل
Date: 12-02-2008, 03:01 PM
Parent: #126
| Quote: عملنا كده وبرضو مانفع .. عاد نسوي شنو مع ( اللياقة) الإسفيرية |
عارفة يا نادية
قبل كده فتحت بوست قلت أنا قش فيهو حكاية فرتيق البوستات المتخصصين فيه ممدوح أبارو وعمك شيقا
وبددينا فى تحليل أسباب الظاهرة ، واستعرضنا نماذج لبوستات منكوبة من قبل ...
المهم البوست مشى مشى شديد وكل الحضور كانوا من ضحايا المسانيح ديل ، وهم لابتيييييييين وقانصين
فجأة بررردولوب جو ناطين فى البوست ، عليك امان الله جابو خبر البوست 5 دقايق مافى واصبح فى خبر كان
لغاية الان انت كويسة لكن كان جاء ابارور واتلم على المسنوح ده ... اصبحت واطاتك
|
Post: #132
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-02-2008, 03:44 PM
Parent: #127
محي الدين جبريل
| Quote: لغاية الان انت كويسة لكن كان جاء ابارور واتلم على المسنوح ده ... اصبحت واطاتك |
آبارو عريس وفوقه الرايات البيضاء ومابجي بوست العناقريب ده لكن صحبك التاني ده الله يسترنا منو بس
|
Post: #136
Title: Re: عندكم ( عنقريب) في بيتكم .. مٌت مطمئناً !!!!
Author: نادية عثمان
Date: 12-12-2008, 03:20 AM
Parent: #132
عنقريب !!
|
Post: #137
Title: Re: عندكم ( عنقريب) في بيتكم .. مٌت مطمئناً !!!!
Author: الطيب شيقوق
Date: 12-12-2008, 07:46 AM
Parent: #136
| Quote: لكن صحبك التاني ده الله يسترنا منو بس |
مالو غسال جنائز ولا كسار عناقريب ؟
|
|