Post: #1 Title: قام الحجيج قطع ..طالب نور البقع Author: taha Date: 11-27-2008, 06:40 PM Parent: #0
من أجمل وابلغ القصائد التي جادت بها قرائح مادحي المصطفى عليه أفضل الصلاة والسلام ..نظمها شعرا وأبدعها لحنا الشيخ ابو كساوي ..بارك الله فيه وفي ذريته إلي يوم الدين إن شاء الله .. مهداة إلى جميع أعضاء المنبر بمناسبة موسم الحج وعيد الأضحى المبارك أعاده الله على الجميع بالخير واليمن والبركات ..
-------------------
قالوا الحجيج قطع …طالب نور البقع قلبي زاد وجع….حماني القيد منع
على عبدو قام شرع…متقاصر ما بتع جاب العسل نقع…كباهو في القرع ديوانه اجتمع…و أسقى لأهل السمع مجذوبهم تف تف وقع…كالمغشي الإنصرع في الدنيا انتفع…و الآخرة نال شفع ------------------ ثاني القصيد رجع…فوق بهجة المقع قمر القسوم طلع…الضوا ما انقطع في العرش لاح سطع…الذاكر ما إضجع حبو القلوب خلع…يوم النهار صقع لولاهو نروح جرع ------------------ دا العالي في القدر …ذو العز و الفخر لو طويل و لو قصر …لو غليد و لو نسر في حقه الصبر …حين ينزل الأمر شفيعنا في الحشر…ليلة عرقنا يخر التبعك للختر ..و الخالف من حالوا كر
--------------
دقوا النحاس ردف…جاء صاحب الوظف ركب الصديق وقف…إتيامن و حلف معلوم بحزم الصف …وما بعاين الطرف و ما بخلي الدم يجف…رقدهم كالعلف و العوق من عندو رف…قبض الملوك عنف كدي جر للخلف ---------------- دقوا النحاس ضرب…جاء صاحب العجب فاروق الإحتسب …القام الدين نصب سل سيفوا المو كعب…ياخي سادي العين جب سيبة اب هشب…من عندوا قام هرب رسلهم في السلب…للهاشمي العجب ----------- يا فمي قول السي..للنسبو من أمي فارساً بريد الدي..ضربو النجيض مو ني سيفو ما بفضل شي…الدبر الفيها وعي شقاها و خلف الكي…نصروا القديم الحي زوج أم كلثوم و رقيي ----------------- دقو النحاس و رز…ركب المضرغم و هز دخل المداين جز…خلى الرمام كالبز في الأرض ما هن نز…كل المشكل فز ود عمو الليث برز…نصر أب علامة و عز -------------- يا حي و يا مجيب …ندعوك ألفين جمل للمشهاد و اللين….ميتين للموية و الزاد تجفا البريد…ميتين لأحبابنا الجميع و البعيد…ميتين للفقراء البقروا في المسيد…جملي البدورو ما أظنه يتوجد ابيض لونه و على الدبلان يزيد…أفطس قدومو قلماً مبري بالإيد سمحات عيونو ختماً دق ود تبيد…شارفات رجلينو مكلوفاً ياالرشيد زمامو الفضة أربع تاواق و يزيد…خناقو الشولة غشيم ذهب العبيد رسنو حريراً بارد لمسك الإيد…إن قلت رقبتو كالروق الفي الحويض مكوكب زورو و الفدعة العند الإيد…ضامر حشاهو ماهو المتين عريض إن قلت ذنبو فوق الشبرين ما بزيد…مرخي عرقوبو شوتال مدقوق جديد سمحات سيقانو كاليد الهي حديد…مدور خفو في الوطية مو عريض شارف سنامو قبة سيدي العبيد …طبعو المؤدب لو عاصي لو عنيد كدي جيبو ملوحو يالعوض يا العبيد…سو فوقو سرجاً مكسي و مخشي جديد إن قلت مجدوراً كالفصلة الفي القصيد…إن جاكا ماشي كيف عفرة الصعيد يا أخوي أرتالوا من كونك ماك جديد…خنق للطارة طالب الرسول السيد ريس السفينة قال أهلاً مداح السيد…بلاش أدخلو إن شاء الله توافو العيد و دخلنا فيها و كدي قلنا يا مجيد…و في سروة واحدة و صلنا بقدرة السيد في جدة خروجنا ما فينا من مريض…و حلقنا شعورنا و رجمنا خصم السيد يا من كان منكم ألفين حورية تزيد…عيب الراوي الما رتب القصيد يوم لمة الوعيد يضمنا النبي السيد ----------------------- أحمد عليك قصد…في مدحه و اجتهد كان دايح بالبلد...لا اطامن لا قعد لا صام و لا عبد…القبر الفوقو السد بيك يسلم من نشد
----------------
صليت على العدل…في شرعو ما بخل ما صب سحاب نزل…كماهو و انعزل النبت الفي السهل…عن علم لم يزل تدخلو في أم قلل…و تواجهو بالعلل
Post: #2 Title: Re: قام الحجيج قطع ..طالب نور البقع Author: taha Date: 11-27-2008, 06:44 PM Parent: #1
لمحبي المدائح الاصيلة
Post: #3 Title: Re: قام الحجيج قطع ..طالب نور البقع Author: taha Date: 11-27-2008, 06:52 PM Parent: #2
Quote: قلبي زاد وجع….حماني القيد منع
فك الله قيود الجميع
Post: #4 Title: Re: قام الحجيج قطع ..طالب نور البقع Author: taha Date: 11-27-2008, 06:56 PM Parent: #1
وباداء الاستاذ/عبد الكريم الكابلي
Post: #5 Title: Re: قام الحجيج قطع ..طالب نور البقع Author: taha Date: 11-27-2008, 07:11 PM Parent: #1
وباداء رائع من فرقة سلاح النقل
Post: #6 Title: Re: قام الحجيج قطع ..طالب نور البقع Author: keiga2000 Date: 11-27-2008, 08:10 PM Parent: #5
حجا مبرورا ياطه انشاء الله مع الحجاج كان ما السنه دي السنه الجايه
Post: #15 Title: Re: قام الحجيج قطع ..طالب نور البقع Author: taha Date: 11-29-2008, 10:06 AM Parent: #1
مدحة سمح الوصوفو لحاج الماحي باداء اكثر من رائع للمبدع خالد الصحافة
Post: #16 Title: Re: قام الحجيج قطع ..طالب نور البقع Author: Hamza Abdelghani Date: 12-02-2008, 02:54 AM Parent: #15
العزيز طه
ربنا يحل القيود ويتقبل من الموودين بالسنة ده انشاء الله
Post: #17 Title: Re: قام الحجيج قطع ..طالب نور البقع Author: taha Date: 12-02-2008, 04:37 AM Parent: #16
Quote: ربنا يحل القيود ويتقبل من الموودين بالسنة ده انشاء الله
الاخ العزيز/حمزة اميييييييييييييييييييين وحقق الله جميع امانيك وكل عام وانت بالف خير
Post: #18 Title: Re: قام الحجيج قطع ..طالب نور البقع Author: najma Date: 12-02-2008, 10:46 AM Parent: #17
الاخ الكريم طه لى كم يوم لاتفارقنى هاتان المدحتان قام الحجيج طلع وياذاهبين الى منن بغيابى حيث نويت الحج ولم يكتب لى هذا العام لو عندك مدحت ياذاهبين الى منن بغيابى نزلة لينا كلمات ومديح ومن الواقفين بعرفة العام المقبل انشاءالله وكل عام والجميع بالف خير
Post: #19 Title: Re: قام الحجيج قطع ..طالب نور البقع Author: taha Date: 12-02-2008, 11:35 AM Parent: #18
الاخت العزيزة najma تحياتي
Quote: ولم يكتب لى هذا العام
الكلام على النية وان شاء الله تكوني من حجاج العام القادم ان شاء الله ونحن ايضا .
Quote: لو عندك مدحت ياذاهبين الى منن بغيابى نزلة لينا كلمات ومديح
سبق وان انزلتها بصوت حنان النيل راجعي البوست وسوف اورد كلماتها قريبا ان شاء الله .
Post: #20 Title: Re: قام الحجيج قطع ..طالب نور البقع Author: Hala Hassan Date: 12-02-2008, 12:04 PM Parent: #1
الأخ طه،
Quote: Quote: وباداء رائع من فرقة سلاح النقل
ينصر دينك يا طه اكثر من سنة بفتش علي التسجيل ده وكل الروابط في النت مقطوعة
و نقول مثل ما قالت نازك، و نزيد...
بارك الله فيك، و جزاك عنا كل خير،
أنا شخصيا لى أكتر من سنتين بفتش على النسخة دى،،
اللهم أجعلنا من حجيج العام القادم بأذن الله،،،
___________________________ ملحوظة: وصلة الحفظ تحتاج إلى إشتراك فى الموقع و لا تعمل معى،،
Post: #21 Title: Re: قام الحجيج قطع ..طالب نور البقع Author: أحمد طراوه Date: 12-02-2008, 03:13 PM Parent: #1
.. الف كتر خيرك يا طه
في المدحة (الكلاسيك) سمحة ضربة الكاس و المثلث
والينا من جميل هذا الضرب الفني - الادبي المثل احد مصادر غنائية السودان
Post: #22 Title: Re: قام الحجيج قطع ..طالب نور البقع Author: صلاح أبودية Date: 12-02-2008, 03:19 PM Parent: #21
