Post: #1 Title: لا تقرأ ما أكتب، ولا عذر لمن إنذر! Author: Yassir Tayfour Date: 11-26-2008, 11:47 PM
بدايّة أي زول بيكتب في المنابر دي عارف نفسو بسوي في شنو وداير من المنابر دي شنو؛ وأنا دا- بدون عياذ من أنا- لا بكتب عشان قارئ، لا أنا صحفي ولا أديب ولا فنان ولا سياسي؛ وأي قارئ ولّ معقِب من يشوف تفتي علي يمينو، يتاكد من إنو هو أوvـر 18، والمداخلة الجاية عليهو دي قد يكون فيها حفر ودقداق، فليقلل من سرعته ورواشته، إن كان به رواشّة، لأنو مرات بكتب وبكون نايم، بشيلني حمار النوم، والنوم موت - ولكن الكلام الإتكتب في الأيام الفاتو، والجاب المحجبة شايلة الماشة موضة والعكس أصحّ وأصوّب، كان في قمة وعيي-؛ وسابقاً قد نوهت في غير ما مرة إنو أنا-والعياذ منكم- ماعندي جمهور خايفو يطش مني ولا عندي شيتاً خايف عليها ومنها، أي لغة يٌردُ لها بمثلها، و"الخشمو" ضيق ما يبلع اللالوب.
الأصحاب، وديل أجمل تحصيل ورصيد دخل حسابي، ممنون ليهم وسأظل حتى يسوِد بكري أبوبكر المنبر طاوياً باسوردي ولساني بنعيه المعهود، -إن كٌتب لي البقاء بين أعضاء منبره-؛ وهؤلاء الأصحاب أنا ممنون ليهم لأنهم تحملوا بذاءاتي وعنف مداخلاتي وقلة ذوقي وحياءي، وما بوعدهم مستقبلاً بعدم الإحراج، وأتقبل بصدر رحب تقريعاتهم إن وجدوني أتبوّلُ في بوست فلانة أو فلان، مستقصداً كان أو بفعل حمار النوم..
الأعداء، وديل أهم في حساباتي -الخاصة جداً- من جماعات " أكنت إحترمك" و "لا إحترمك" و "جماعات الشجب" -الغير حقانية- النشطة منها والخلايا النائمة يا قول محمد سليمان. they might not even exist in my scope, or barely exist as an ignored small fraction, whether added or subtracted؛ لأنهم -الأعداء- قليلي العدد والعدة والعتاد بغير ما يظنون، أو هكذا أراهم، ويشاركني الكثيرون عداءهم، لأنهم وضعوا أنفسهم في مواضع الشر، يعرفونني وأعرفهم، إلا من بعض خلاياهم المستكينة، والتى أحسبها في عداد الموتى، حتى يخرج بهم خارج..
Post: #2 Title: Re: لا تقرأ ما أكتب، ولا عذر لمن إنذر! Author: سارة علي Date: 11-27-2008, 00:44 AM Parent: #1
ياسر طيفور...
سلامات..
والله يا ياسر الزول كان متحير يغلط منو..انا غايتو بلقي ليك العذر لانو الغضب نتيجةالاستفزاز بيوصل لمرحلة صعبة..بس يا ريت تاني ما تكررا...عشان انتا عارف وانحنا عارفين انك ما كدة...
وبلاي تاني قبل ما تنوم ربط نفسك كوووووويس
Post: #3 Title: Re: لا تقرأ ما أكتب، ولا عذر لمن إنذر! Author: سارة علي Date: 11-27-2008, 02:05 AM Parent: #1
لكنك برضو مطالب بي اعتذار..
للاعضاء والمتصفحين...
ولتراجي برضو...
Post: #11 Title: Re: لا تقرأ ما أكتب، ولا عذر لمن إنذر! Author: Yassir Tayfour Date: 11-27-2008, 03:21 AM Parent: #3
يا سرو يا صاحب، أنا إعتذرت للأصحاب ولغيرهم من يستحق، في بوست علوني، على كلٍ نعيد ليهم الإعتذار تاني، أما الإعتذار للدكتورة تراجي سوف أتركه للخيرة وحمار النوم.. __ يا سروو بالجد كده أمسحيها في التفة، لأنو حلقتها..
Post: #4 Title: Re: لا تقرأ ما أكتب، ولا عذر لمن إنذر! Author: سناء عبد السيد Date: 11-27-2008, 02:12 AM Parent: #1
المداخلة التانية دي بالغتي فيها شوية يا سارة
Post: #14 Title: Re: لا تقرأ ما أكتب، ولا عذر لمن إنذر! Author: Yassir Tayfour Date: 11-27-2008, 03:29 AM Parent: #4
سنو يا بتنا
___ أحرجناكم شديد، لكن للضرورة أحكام..
Post: #5 Title: Re: لا تقرأ ما أكتب، ولا عذر لمن إنذر! Author: حنين للبلد Date: 11-27-2008, 02:28 AM Parent: #1
Quote: المداخلة التانية دي بالغتي فيها شوية يا سارة
سناء...مع احترامي ليك لكني تفهمت وجهة نظر سارة... وانحناياسر طيفور اخ ليناكلناوبقبل مننا النصح، وعشان انحنا زاملناه هنا وماوجدنا منه الا كل احترام وتقدير ولفظ مهذب، لذلك لم نرض اللغةالتي تعامل بها مع تراجي مهما بلغت درجة انفعاله، وده من عشمنا فيه. وانا من الناس القلت انه ياسر وتراجي الاتنين تمادوا في الخصومة وفي تبادل الكلمات الشينة، لكن برضه ياسناء ياسر "كترها" وتراجي في الاول والاخير سيدة وام ويجب احترام انه انحنا هنا زملاء ولازم نراعي حرمات بعض. ياسر الموضوع ده لموا...ومافي داعي للت والعجني فيه...
عموما ام حازم رغم اللهجة المتصاعدة الواجهتني بيها لاني فقط غلطتهم الاتنين، رغم ادانتي للغة الاستخدمها ياسر طيفور "ابتفة" لكن هذا لايمنعني من ان اوضح ليك ياسناء معلومة انت امكن مابتعرفيها ....
تراجي دي بالمناسبة بقدر انفعالها وحماقتها في الردود، بقدر ماهي قلبها طيب وبترجع سرعة ونية بيضاء. عشان كدة صدقيني امكن هي زاتها الليلة صبحت نست كل ماحدث من نقاش بيناتكم... نتمنى ان يهديء الله النفوس..
Post: #6 Title: Re: لا تقرأ ما أكتب، ولا عذر لمن إنذر! Author: عبد المنعم سليمان Date: 11-27-2008, 02:37 AM Parent: #1
داخلين للتصنيف وكده يا صحبي
Post: #15 Title: Re: لا تقرأ ما أكتب، ولا عذر لمن إنذر! Author: Yassir Tayfour Date: 11-27-2008, 03:39 AM Parent: #6
يا حنين
Quote: تراجي دي بالمناسبة بقدر انفعالها وحماقتها في الردود، بقدر ماهي قلبها طيب وبترجع سرعة ونية بيضاء. عشان كدة صدقيني امكن هي زاتها الليلة صبحت نست كل ماحدث من نقاش بيناتكم...
للدجاج ذاكرة خربة، الجدادة ينهروها وترج تاني، ينهروها، وترج تاني في متوالية عددية وعناد بليد، حتى ينسى الناهر أمر الدجاجة.. __ إنت بالذات أنا إعتذرت ليك تمانية وتمانين مرة
Post: #16 Title: Re: لا تقرأ ما أكتب، ولا عذر لمن إنذر! Author: Yassir Tayfour Date: 11-27-2008, 03:56 AM Parent: #6
منعم صاحبي
والله ما إعتذر ليك كلو كلو.. ___ أصحاب كـpackage / كوم طماطم، صاحب، ليمون، etc، سمه ما شئت، بس، الدايرو والمادايرو تشيلوا
Post: #7 Title: Re: لا تقرأ ما أكتب، ولا عذر لمن إنذر! Author: سناء عبد السيد Date: 11-27-2008, 02:51 AM Parent: #1
Quote: تراجي دي بالمناسبة بقدر انفعالها وحماقتها في الردود، بقدر ماهي قلبها طيب وبترجع سرعة ونية بيضاء.
الحبيبة حنين
شكراً على نصحك و كلامك الطيب بصراحة انا ما كنت ناوية اكتب او اتداخل في اي شي له صلة بالشخصية صاحبة الموضوع
اذا كنتي متابعة بوست تيسير انا كل القلت انه وقف الاساءات اللفظية يكون من الطرفين و لشعوري بالضيق الشديد
من عدم انصاف صاحبة البورد للطرفين جبت بعض الكلمات التي ذكرتها تراجي و لم اقل انها من قالتها كما فعل الكثيرين
و لم اتعرض لها في شخصها باي كلمة فماكان منها الا ان وصفتني بالكاذبة و العنصرية و الماعندها اخلاق
كان في امكانها توضيح وجهتة نظرها من غير اساءة و هي متناسية انه لمن هي كتبت هذة المداخلة سنة2006 و لا 2007
انه انا ما كنت عضوة لأني اخدت العضوية في هذا العام و لو كنت عضوة كنت لا شك لومت ياسر في رده على تاج الدين
لكل شي حدود ممكن تنفعل و كلنا بننفعل لكن لأن تصل المسألة حد الشتم و النبذ قسمااني اصل معها او مع غيرها مراحل
بعيدة و صدقيني انا لم اصل الى تلك المرحلة قبل كده سوى مع كوزات الجامعة و بعد ما يشتطوا في الاساءة شديد
و دايما لا ابدء بالاساءة لكن بتمها
Post: #8 Title: Re: لا تقرأ ما أكتب، ولا عذر لمن إنذر! Author: حنين للبلد Date: 11-27-2008, 02:57 AM Parent: #1
Quote: و دايما لا ابدء بالاساءة لكن بتمها
Post: #9 Title: Re: لا تقرأ ما أكتب، ولا عذر لمن إنذر! Author: سناء عبد السيد Date: 11-27-2008, 03:05 AM Parent: #1
و شي تاني يمكن هي او انتي لا تعرفيه اني أكتر من مرة تداخلت مع اشخاص لا اعرفهم معرفة شخيصية - عن طريق المسنجر
بأن يكفوا عن الاساءة لها , لم احمل لها اي شيئ في نفسي كنت اعاتبها احيانا ان ابدت رأياً غير لائق
و امازحها في احايين كثيرة مما يدل على انني لم احمل لها اي شيئ غير كل خير و لكن يبدو انها كانت تأخذ
معاتبتي لها في بعض الاراء بصفة شخصية
Post: #10 Title: Re: لا تقرأ ما أكتب، ولا عذر لمن إنذر! Author: حنين للبلد Date: 11-27-2008, 03:10 AM Parent: #1
Quote: و شي تاني يمكن هي او انتي لا تعرفيه
الاخت سناء انا شخص منفصل وقائم بذاته.. احترامي
Post: #12 Title: Re: لا تقرأ ما أكتب، ولا عذر لمن إنذر! Author: سناء عبد السيد Date: 11-27-2008, 03:24 AM Parent: #1
Quote: انا شخص منفصل وقائم بذاته..
و انا ما قلت شي غير كده بس حبيت اوضح ليكي الكلام الفوق ده عشان انتي قلتي انها شخصية طيبة القلب ..الخ الكلام
فحبيت اوضح ليكي اني برضو طيبة
كوني بخير
Post: #13 Title: Re: لا تقرأ ما أكتب، ولا عذر لمن إنذر! Author: حنين للبلد Date: 11-27-2008, 03:28 AM Parent: #1
Quote: فحبيت اوضح ليكي اني برضو طيبة
Post: #17 Title: Re: لا تقرأ ما أكتب، ولا عذر لمن إنذر! Author: Yassir Tayfour Date: 11-27-2008, 04:11 AM Parent: #13
سارة وسناء وحنين لو حصل مكروه -لا قدر الله- للبوست ده، تابعن مخرج الطوارئ/ the fire exit
___ منعم، آخد راحتك..
Post: #20 Title: Re: لا تقرأ ما أكتب، ولا عذر لمن إنذر! Author: عماد محمود علي Date: 11-27-2008, 06:18 AM Parent: #17
حبيبنا وتاج رأسنا صديقي ياسر طيفور .... لك المحبة التي تعرفها....
والله ياياسر أنا ما عارف الموضوع ولا الحكاية شنو ؟ بس أنا ما معاك في دي :
Quote: ماعندي جمهور خايفو يطش مني
منو القال ليك ؟ نحن أصحابك وجمهورك ياخي .....
أرقـد عافيــــة ....
تسحيبة : شـنو يافردة بقيت تغلط كمان ؟ لا لا حالتك دي أخير منها تعرس . إنتظر مكالمتي ....
Post: #25 Title: Re: لا تقرأ ما أكتب، ولا عذر لمن إنذر! Author: Yassir Tayfour Date: 11-27-2008, 04:15 PM Parent: #20
عمدة يا باسق.. الحمد لله إنك ما شفت شي
___ عمدة كيف صحتك يا صديق، أتمناك الخير والصحة الكاملة..
Post: #18 Title: Re: لا تقرأ ما أكتب، ولا عذر لمن إنذر! Author: osman righeem Date: 11-27-2008, 05:36 AM Parent: #1
تاني ما تنوم
عشان الاعتذار مر
وما زلت الحبيب والشقيق و اب تفه
لك التحية والموده
Post: #28 Title: Re: لا تقرأ ما أكتب، ولا عذر لمن إنذر! Author: Yassir Tayfour Date: 11-27-2008, 05:11 PM Parent: #18
الشقيق عتمان أي الإعتذار مر حلو لذلك، دعني أ"مرحلو" مر لمن قٌصد بالحديث، ولا نفعله.. وحلوٍ لمن لم يقصد، ونفعله بطيب خاطر.. (شفت اللولوة دي كيف) ____ واحد من بلدياتنا، أكتر زول إتقبض في مداهمات بيوت المرايس، ومشكلتو زول قليلون لا بيقدر يجري ولا بيقدر ينط حيطة، أها قدر ما يقبضوهو بيضرب لي عماً لينا، تعالوا فكوني أنا ما داير أبيت هنا، مرات يبيت ومرات يمرقوهو في يومو؛ عمنا زهج من الزول ده زهج شديد خلاص، وذات مرة علي بعد خطوتين من قسم الشرطة، عمنا قال ليهو: يا زول هوي أوعك تاني يقبضوك تضرب لي ولّ ترسل لي زول؛ قال ليهو خلاص وأنا ذاتي "القشيرة" دي ماني شاربها؛ أها تمر الساعات، اليوم الأول، اليوم التاني، اليوم التالت المرسال جاهو، فلان قال ليك تجيني هسي دي، عمنا لبس جلابيتو على مضض، وينقنق، "يا اخوانا المصيبة الوقعنا فيها دي شني دي"؛ وصل قسم الشرطة، قبل ما المتحري يفتح دفتر التحريات، بلدياتنا يكورك ليهو من داخل أسوار الحبس، "والله المرة دي ما شربت، والله المرة دي ما شربت"؛ المتحري: الزول ده جابهو ناس الكشة من بيت فلانة مربع كده الساعة كده؛ عمنا عمل اللازم، العسكري فتح الباب، بلدياتنا يجي مارق بسرعة الصاروخ، عمنا: يازول أنا قبل تلاتة يوم قلت ليك شنو؟؟؟ بلدياتنا: والله المرة دي ما شربت؛ عمنا: طيب جابوك ليه؟؟ بلدياتنا: جيت ماشي بي شارع الله والهجيرة قدت راسي، قلت أدخل علي ناس فلانة ديل أبرد شوية وأوصل مشواري، دخلتي، وقبال ما اسلم، فلانة ختت الجردل قدامي والعبار ماذال يتراقص، لسه ما ثبت، يقومو الجماعة ديل -وأشار للعساكر- يجو داخلينا فينا ____ أها يا شقيق، أنا قاعد أشرب مع المأمور في مانتي الله، المأمور راسو خفيف، عمل لي بلاغ شعبي،
Post: #19 Title: Re: لا تقرأ ما أكتب، ولا عذر لمن إنذر! Author: تيسير عووضة Date: 11-27-2008, 06:01 AM Parent: #1
Quote: وانا من الناس القلت انه ياسر وتراجي الاتنين تمادوا في الخصومة وفي تبادل الكلمات الشينة، لكن برضه ياسناء ياسر "كترها" وتراجي في الاول والاخير سيدة وام ويجب احترام انه انحنا هنا زملاء ولازم نراعي حرمات بعض.
شكراً حنين للبلد ..
Quote: اذا كنتي متابعة بوست تيسير انا كل القلت انه وقف الاساءات اللفظية يكون من الطرفين و لشعوري بالضيق الشديد
من عدم انصاف صاحبة البورد للطرفين جبت بعض الكلمات التي ذكرتها تراجي و لم اقل انها من قالتها كما فعل الكثيرين
و لم اتعرض لها في شخصها باي كلمة فماكان منها الا ان وصفتني بالكاذبة و العنصرية و الماعندها اخلاق
وإنتي يا المنصفة .. إيه رايك تتمي باقي الكلام وتقولي للناس إنتي رديتي بي شنو؟
Quote: أوعك تفتكري بكلامك البشبه تربيتك ده انك حتخوفيني
Quote: قال تربيتي احسن من تربيتك انتي ما متربية اصلا و ما عندك اهل ربوك و الا كنتي عملتي حساب لكلامك البتكتبيهو
يا سناء الإنتو بتعملوا فيهو دا إسمو: الأداك بالمعلقة أديهو بالكوريق أو البيشرط دمّورك أشرط حريرو
ودا غلط
دا لو دايرة الإنصاف الجد جد ..
Post: #21 Title: Re: لا تقرأ ما أكتب، ولا عذر لمن إنذر! Author: abookyassarra Date: 11-27-2008, 08:39 AM Parent: #1
ولدنا .. يا عيناوى
خاتيك اللوم ..
أبو السارة
Post: #29 Title: Re: لا تقرأ ما أكتب، ولا عذر لمن إنذر! Author: Yassir Tayfour Date: 11-27-2008, 05:37 PM Parent: #21
أبوك يا السارة
لو تعرف كم أشتاقها العين ودمعها الحار وجبل حفيت وإنسانها.. فكلما أقطع الأطلنطي أحجها، عابراً بهاً و مقيم ___ فسلامي لك وللرفاق بحضنها وهي أنيسةٌ لمن يريد نديم
Post: #22 Title: Re: لا تقرأ ما أكتب، ولا عذر لمن إنذر! Author: سارة علي Date: 11-27-2008, 03:08 PM Parent: #1
يا جماعة .. البوست دة حيجر لي سوء تفاهم تاني...
الحصل حصل..وكل واحد عارف نفسو اتهور ووين..
عليكم الله اعملو...
طنااااااااااااااااااااااااااااااااااااااااش...
Post: #32 Title: Re: لا تقرأ ما أكتب، ولا عذر لمن إنذر! Author: Yassir Tayfour Date: 11-27-2008, 09:49 PM Parent: #22
يا سروو سلام جاك، يا قول ناس فور أوول.. الطناش هو أحد وسائل الإغاظة من قديم الزمان، وما ذال فعّال جداً وفاعل في الأوساط المتحسِسة والرقيقة والعندها ضب؛ وغير فعال، البتة، في الاوساط التي نغيرها في مواسم تبلد الشعور وتخانة البشرة بتراكم طبقات "الكشوتة" الفكرية..
Post: #23 Title: Re: لا تقرأ ما أكتب، ولا عذر لمن إنذر! Author: سناء عبد السيد Date: 11-27-2008, 03:21 PM Parent: #1
Quote: وإنتي يا المنصفة .. إيه رايك تتمي باقي الكلام وتقولي للناس إنتي رديتي بي شنو؟
و انتي جايبة لي الاقتباس ده قايلاني خايفة منو ؟؟ امشي اقري ردي لي حنين و افهمي الكلام كويس
انا قلت ما ببدأ بالاساءة لكن بتمها و هي بدت و انا اكيد ما حسكت ليها
الشي التاني انتي اول واحدة مفروض تعتذري عن عدم انصافك للبعض فاتحة ليك بوست طول و عرض و تقولي فلانة و فلانة
اتعرضن لي ابشع انواع العنف اللفظي و طيب الفلانات ديل ما اتلفظوا و قالوا كلام ما بقولوا بشر
انا قلت ادين الطرفين وده عين العقل و للا انتي عايزة بس الرجال ما يسيؤا للنساء لكن النساء يتلفظن و يعملن العايزنوا
اذا انتي عايزة تنصفي النساء كنتي توجهيهن اولا بعدم الاساءة لغيرهن لأنه ده فيه حفظ لماء وجههن و ده كلامي
Post: #24 Title: Re: لا تقرأ ما أكتب، ولا عذر لمن إنذر! Author: Balla Musa Date: 11-27-2008, 04:00 PM Parent: #23
أترك تهديدك ياود طيفور خلينى أريدك
أترك تهديدك ياود طيفور خلينى أريدك
Post: #34 Title: Re: لا تقرأ ما أكتب، ولا عذر لمن إنذر! Author: Yassir Tayfour Date: 11-27-2008, 11:36 PM Parent: #24
دكتور بلة أسمعني نشيدك يا سلام عليك وعلي خضر ياخ ____ روقتو مزاجي والله
Post: #33 Title: Re: لا تقرأ ما أكتب، ولا عذر لمن إنذر! Author: Yassir Tayfour Date: 11-27-2008, 10:37 PM Parent: #23
يا سنو يا صديقة لا فضل لكيبورد مذكر علي كيبورد مؤنث، كلنا نكتب من وراء حجاب؛ في هذا المنبر رجال لو وزعنا حياءهم على كل نساء الدنيا لكفونهن، تعرضوا لإساءات من نساء؛ فيا صديقة من يحترم نفسه يُحترم، ذكراً كان أو أنثى؛ فالشجب المغروض والأعور، لا يزيدنا إلا قبحاً ولؤماً..
Post: #41 Title: Re: لا تقرأ ما أكتب، ولا عذر لمن إنذر! Author: تيسير عووضة Date: 11-28-2008, 08:17 AM Parent: #23
Quote: الشي التاني انتي اول واحدة مفروض تعتذري عن عدم انصافك للبعض فاتحة ليك بوست طول و عرض و تقولي فلانة و فلانة
اتعرضن لي ابشع انواع العنف اللفظي و طيب الفلانات ديل ما اتلفظوا و قالوا كلام ما بقولوا بشر
عارفة إنك كده بتاخدي ذنب الباقيات لما تاخديهم بجريرة واحدة ولا إتنين
Quote: ولطالما نادى الناس بإلتزام أدب الحوار والنقاش والبعد عن العنف اللفظي و شخصنة المواضيع ما أمكن .. سواء كانوا رجالاً أو نساءً لا فرق ! الإحترام لا نوع ولا عرق له هو حق للجميع وواجب على الجميع .. دا بصورة عامة ..
أما بصورة أكثر خصوصية نجد الطريقة التي يدار بها النقاش مع المرأة تحديداً تلجأ لإستخدام سلاح الإساءة الجنسية عند أول إختلاف !!
تكتب إحداهن عن حنينها وإحساسها بالغربة يأتي أحدهم ليعايرها بعدم الزواج وأنها قاعدة على "حل شعرها" في الغربة وحايمة مطلوقة ساي والمفروض إنها مبسوطة ودا إختيارها إذن فيم الحزن والحنين الجارف ؟!
تختلف إحداهن "فكرياً أو سياسياً" مع أحدهم فينعتها بـ (صعلوقة) كدا عديل التاني يجي يقول ليها إنتي ماعندك راجل يلمك إنتي مسبة في جبين أهلك ؟؟؟؟
واحد مخاطباً زميلة في البورد بقوله: إنتي بتوقفي قلم المابقيف (أو كما قال) ..
واحدة تكتب كتابة "أدبية" فيها رغبة وإشتهاء (أو حسب ما يقتضي النص) يجي يقول ليها أحسن ليك تعرسي بدل الهضربة دي !!
تصدقي يا سناء إنو ولا واحدة من الأمثلة أعلاه إتلفظت أو ردت بكلام ما بيقولوا بشر بالعكس كلهم ردودهم كانت قوية وغاية في الإحترام وبالمناسبة ولا واحدة فيهم ما من الفي بالك عشان كدا حاجة إنتي ماعارفاها ما تتكلمي فيها ساي أنا عارفة أنا بعمل وبقول في شنو وما إتكلمت إلا بعد تراكم طويل بتاع كم سنة للأشياء يمكن قبل ما تراجي تكون عضوة هنا أصلاً ..
Quote: قرأت هذا الكلام فشعرت بالذهول ..
ومرت أمام عيوني كل التحرشات اللفظية التي مرت بها نساء هذا المنبر سواء كانت من رجال أو من نساء
هل سكوتنا هو الذي جعلهم يتمادون؟
Quote: وأنا ما قلت إنو الرد جا من ياسر فقط وتراجي كانت ساكتة ساي واضح للجميع إنو كان في حوار وحوار عنيف جداً بينهم لكن ما لدرجة كلام ياسر دا
Quote: لا يا تراجي ..
النساء عامةً ونساء الهامش كوم واحد ما في فرق البيحصل معاهم بيحصل نفسو مع بقية النساء بل أزيدك من الشعر بيت: نساء الهامش أيضاً يمارسن نفس هذا التحرش اللفظي الذي نرفضه ضد نساء أخريات !!
ما يحدث هنا مؤلم فعلاً ..
Quote:
Quote: لكن اقول لك اشباه الرجال هؤلاء مكانهم تحت جزمتي فقط ولا يستحقون حتى الرد.
لا يا تراجي ..
النساء عامةً ونساء الهامش كوم واحد ما في فرق البيحصل معاهم بيحصل نفسو مع بقية النساء بل أزيدك من الشعر بيت: نساء الهامش أيضاً يمارسن نفس هذا التحرش اللفظي الذي نرفضه ضد نساء أخريات !!
ما يحدث هنا مؤلم فعلاً ..
شفتي القراية بعين واحدة بتعمل شنو؟ أتمنى يا سناء إنك ترجعي وتعايني للموضوع بصورة أشمل وبمعزل عن عدائك لتراجي أنا لما قلت الرأي دا قلتو بحياد ما كان عندي أي عداء مسبق مع طيفور وهو عارف الكلام دا وبالمقابل ما عندي أي مصلحة مشتركة مع تراجي أو خايفة منها ..
بس لازم يكون في حدود قالت ليهو يا صعلوق يرد بنفس الكلمة وخلاص "رغم إنو الإتنين غلط" وما في داعي للموشح الكتبو دا لا نحن حنقدر نغير طبع تراجي بعد دا ولا حنغير طبع ياسر بس لازم يكون في حدود
نبقى اليوم كلو في يا ود لا ويا بت عيب ؟
Post: #45 Title: Re: لا تقرأ ما أكتب، ولا عذر لمن إنذر! Author: Yassir Tayfour Date: 12-01-2008, 03:07 AM Parent: #41
Post: #26 Title: Re: لا تقرأ ما أكتب، ولا عذر لمن إنذر! Author: ismeil abbas Date: 11-27-2008, 04:43 PM Parent: #1
شكرآ يا بلة على النغم الجميل..والله حريف....كسرة جميلة..
الأخ ياسر..وين إنت يازول الله ييسر علينا وعليك
ألأخت/سارة على..ضيفى لهذا البوست لمحاتك الجميلة خلينا نكون مسرورين.
تيسير فى ألدعاء بنسأل الله التيسير..شفتى مهمتك صعبة كيف...خلونا نقرأ ليكم الجميل بدل هذه المناكفات التى لاتشفى غليلكم ولايستفيد منهاالمتصفح والعضو..
ألأخت سناء..ويالهذا السناء الذى يطل علنا بالجميل.سنا ء برقك مجهجهنا..خليك معانا فى هذه الروعة
أخواتى بنات حواء..الشى الشين ما شبهكم ..أنتم خلقتم رياحين فمن منا لايحب شم الرياحين..
لقيتها فرصة...وأعذرونى إذا أثقلت عليكم.شاركونا فى بوست ناهد عثمان هذه شهواتى..............خالص مودتى لكم جميعآ............إسماعيل محمد احمد عباس....
Post: #27 Title: Re: لا تقرأ ما أكتب، ولا عذر لمن إنذر! Author: Balla Musa Date: 11-27-2008, 05:10 PM Parent: #26
ياود طيفور ياعامل قجه أوعك تانى تزعل رجه
رجه الظاهر بتعزك وبتحب دايما تحرق رزك ياخ خليها تخرط وزك يعنى خلاص فى النار حاتلزك?
ود طيفور ياود يا اب تفه اوعك تانى تشاكل الالفه ياخ الناس التمو العرفه.. لما رجه تجيها القرفه, يجوا جارين شايلين القفه شان بس رجه تتف السفه.
إنت أظنك عقلك طار ياود ياحفيد الدفدردار ماشفت الناس النقروا الطار خلوا الركشه تكون دفار?
Post: #30 Title: Re: لا تقرأ ما أكتب، ولا عذر لمن إنذر! Author: Muna Khugali Date: 11-27-2008, 06:09 PM Parent: #27
كيفك يا ياسر.. الواحد بقي زاته ماعارف يكتب ايه!
اها لكلام التحت ده كيف؟؟ علما بأني لا انتظر كلمة ادين أو لا ادين..فهذه أصبحت كلمات مستهلكه وعلي الأغلب لا تدل علي راي مبدئي ثابت..
<a href="http://www.sudaneseonline.com/cgi-bin/sdb/2bb.cgi?seq=post&board=180&msg=1227556017&rn=23" target=_self>Re: نحن أبناء وبنات الختميه..
Quote: طظ كبيرة يا منى خوجلي لو افتركتي بتمرري نجاستك باسم الختميه
والختميه انا شخصيا عندي فيهم اكثر منك
ولعلمك لو حبيت لليوم يبسوا يدي في ناس مستعدين يعملوها.
لاني بت خلفاء.
الا صعلقة ابناء الختميه الشفناها في المنابر يبرأوا منها الختميه.
وانت قاصدة تدعمي الشردوح ياسر طيفور
طظ فيك وطظ وفي ياسر طيفور وطظ في الختميه كلهم لو بيسملوهم اشكالك واشكال ياسر طيفور.
حركاتك بتاعت يوم عامله لام الناس باسم الشايقيه ويوم باسم الختميه مشكوفة.
ويحتقرك كثيرين على كل الحركات النجسه ويتحدثون الي على فكرة عشان كده بطول لساني فيك وقلبي قوي.
بطلي نجاسه
وبطلي تحشري روحك في الما لك فيه.
واقعدي في الواطة دي وارجعي لبسوتات كفتتك ومحشيك ولم الرجال للونسه.
وارشيفك قاعد.
لما انفض السمار عنك وبارت بوستاتك و الناس مشوا على الناس البتكتب باسلوب جديد
وفهم جديد غلبك البستويه قلت اخير تلمي الناس باسم الختميه.
زمانك فات وغنائك مات...ده زمن ناس روزمن ياوهم
كان ما بتعرفي تكتبي زيه اخير تمشي المعاش بكرامتك
السياسه ما عندك ليها مواقف يوم من مركب عصام الخواض وثاني لمركب منو ما عارفه.
بوستك الامبارح حذفه بكري ثاني ولا شنو؟؟؟؟ ما شاف هضربتك.
Post: #36 Title: Re: لا تقرأ ما أكتب، ولا عذر لمن إنذر! Author: محمد الطيب يوسف Date: 11-28-2008, 00:05 AM Parent: #30
مابلغنا من كلام النبوة الأولي
إذا لم تستح فاصنع ماشئت
أمسحي لينا في وشنا يا بت خوجلي
Post: #50 Title: Re: لا تقرأ ما أكتب، ولا عذر لمن إنذر! Author: Muna Khugali Date: 12-01-2008, 07:36 PM Parent: #36
Quote: مابلغنا من كلام النبوة الأولي
إذا لم تستح فاصنع ماشئت
أمسحي لينا في وشنا يا بت خوجلي
ازيك يا محمد الطيب.. وشك الطيب ما بيستحق الا كل طيب..
شكرا ليك..
Post: #38 Title: Re: لا تقرأ ما أكتب، ولا عذر لمن إنذر! Author: Yassir Tayfour Date: 11-28-2008, 00:16 AM Parent: #30
الشقيقة منى
Quote: علما بأني لا انتظر كلمة ادين أو لا ادين..فهذه أصبحت كلمات مستهلكه وعلي الأغلب لا تدل علي راي مبدئي ثابت..
في بعض الناس شجبت وأدانت خايفة من "الجانية والمجني عليها"، وإنتي ما بتخوفي عشان يجوك بعض الخائفين، ولا كمان عندك Say علي بعض الخلايا المستنومة.. ___ النار تأكل بعضها حينما لم تجد من تأكله.. ونارها برداً وسلاماً عليك يا بت الخليفة..
Post: #40 Title: Re: لا تقرأ ما أكتب، ولا عذر لمن إنذر! Author: Muna Khugali Date: 11-28-2008, 01:55 AM Parent: #38
Quote: في بعض الناس شجبت وأدانت خايفة من "الجانية والمجني عليها"، وإنتي ما بتخوفي عشان يجوك بعض الخائفين، ولا كمان عندك Say علي بعض الخلايا المستنومة.. ___ النار تأكل بعضها حينما لم تجد من تأكله.. ونارها برداً وسلاماً عليك يا بت الخليفة..
واحسن حاجه انك تسعي تكون نفسك حتي ولو معاك قله من الناس..او تكون لوحدك.. اكون نفسي المسكينه دي ولا اكون مسخ لهيصه..شن فايدة الهيضه مادام ما بتخدم؟؟ المتعه انك ما تفقد احترامك لنفسك.. ولما تكون عارف نفسك بتقول في شنو وبتعمل في شنو..ما بتخاف.. واحترامك لنفسك بيكبر..
هو التصالح مع النفس ده كيفنه يعني؟؟
وشكرا ياسر..اللهم اجعلها بردا وسلاما دائما..
Post: #37 Title: Re: لا تقرأ ما أكتب، ولا عذر لمن إنذر! Author: Yassir Tayfour Date: 11-28-2008, 00:07 AM Parent: #27
Quote: إنت أظنك عقلك طار ياود ياحفيد الدفدردار ماشفت الناس النقروا الطار خلوا الركشه تكون دفار?
النقرو الطار لي ست الظار قايلنو هظار ده الجن مكار دايرلو Cigar والراكبو حمار وحتى بنيات الدفتردار إتلمن وحفرن حفرة ولعبن كار ____ والله يا بلة إنت كارثة
Post: #35 Title: Re: لا تقرأ ما أكتب، ولا عذر لمن إنذر! Author: Yassir Tayfour Date: 11-27-2008, 11:48 PM Parent: #26
الحبيب إسماعيل عباس آمين يا رب.. __ ابقى طيب يا سمعة
Post: #31 Title: Re: لا تقرأ ما أكتب، ولا عذر لمن إنذر! Author: شهاب الفاتح عثمان Date: 11-27-2008, 09:06 PM Parent: #1
Quote: يا سروو بالجد كده أمسحيها في التفة، لأنو حلقتها.. ..
نعيما يا غالي كل التحيه ..
حبابك
_______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال. د شهـاب الفاتح ـ كـوالالمبور
Post: #39 Title: Re: لا تقرأ ما أكتب، ولا عذر لمن إنذر! Author: Yassir Tayfour Date: 11-28-2008, 00:21 AM Parent: #31
دكتورنا شهاب أنعم الله عليك يا سيد الذوق
___ مبروك الكأس، لكن بين وبينك إنت وهارون دياب طلعتو صهاينة أكثر مما كنت أتصور
Post: #42 Title: Re: لا تقرأ ما أكتب، ولا عذر لمن إنذر! Author: دينا خالد Date: 11-28-2008, 04:31 PM Parent: #39
ياسر ؟
وانا ؟ ما عندك لى كلام ؟
ـــــــــــــ كلام عدييييل يا ياسر .. كلام المثقفاتية دا انا ما بفهموا
Post: #43 Title: Re: لا تقرأ ما أكتب، ولا عذر لمن إنذر! Author: Yassir Tayfour Date: 11-29-2008, 01:56 AM Parent: #42
Quote: كلام عدييييل يا ياسر .. كلام المثقفاتية دا انا ما بفهموا
Neither do I ya Dina, moreover, i don't even have what it takes to be one of them, am just a reader with a privilege to reply, anyways i apologized to people whom i think they deserve, but the person whom i meant, and others who stood on the other side deserve nothing but more of that..
___ Stay well Dina
Post: #44 Title: Re: لا تقرأ ما أكتب، ولا عذر لمن إنذر! Author: Yassir Tayfour Date: 11-29-2008, 05:56 AM Parent: #43
Quote: وانا ؟ ما عندك لى كلام ؟
بخصوص؟
____ الباسقة تراجي! no
Post: #46 Title: Re: لا تقرأ ما أكتب، ولا عذر لمن إنذر! Author: سناء عبد السيد Date: 12-01-2008, 03:40 AM Parent: #1
Quote: أتمنى يا سناء إنك ترجعي وتعايني للموضوع بصورة أشمل وبمعزل عن عدائك لتراجي أنا لما قلت الرأي دا قلتو بحياد
وحاة الله انا قايلة البوست ده اتسحب
يا تيسير يا عزيزتي اول شي انا اسفة على الحدة التكلمت بيها معاكي رغم انك ما قصرتي
اما من حيث انك محايدة و ما محايدة انا بقول ليكي انتي مااااا محايدةلأنك وجهتي عتابك كلو لياسر
و لأنك جبتي ليهو مداخلاته بالتحديد و ذكرتي فلانات فيهن من اكثر النساء بذاءة على وجه الارض و لم تأتي و لم تعلقي على ردودهن الجابوها ليكي بعض الناس
و على فكرة انا لا احمل اي عداء لأي احد في المنبر و تنتهي علاقتي بيهم بمجرد ما اعمل ساين اوت
Post: #47 Title: Re: لا تقرأ ما أكتب، ولا عذر لمن إنذر! Author: محمد عثمان ابراهيم Date: 12-01-2008, 06:01 AM Parent: #46
ياسر طيفور كلما نحاول نكتب كلمتين في بوست نلقاه إتسحب عشان كدة ما عايز أكتب و لا كلمة عن الموضوع ( في المداخلة دي فقط ) بس عايز أقول السلام عليكم مع مودتي
Post: #48 Title: Re: لا تقرأ ما أكتب، ولا عذر لمن إنذر! Author: Yassir Tayfour Date: 12-01-2008, 06:07 AM Parent: #47
محمد عثمان سلام يا شقيق.. ولا يهمك يا صديق this is my email, pass it to Imad hassan and pass me his phone number mcnimir(at)hotmail.com
وانا ايضاً سحب لي بوست قبل قليل ليس فيه ما يعيب، ولكن، ما برانا، فالتساوي في الظلم نوع من أنواع العدالة، ولّ رأيك شنو يا بكري
Post: #49 Title: Re: لا تقرأ ما أكتب، ولا عذر لمن إنذر! Author: haroon diyab Date: 12-01-2008, 06:28 AM Parent: #48
طيفور ياجميل صباحك منور شنو ياعمكـ شايفك متكيف من العجاجة دي....!!! قلنا البوست حيتحذف لكنه لسع قاعد لينا عملت كادوك لي عمك بكري ولا شنو.....؟ بالمناسبة..... عارفك رشاشة كبييييييييير مع ناس ود الصايم وود البشري اها....
Post: #61 Title: Re: لا تقرأ ما أكتب، ولا عذر لمن إنذر! Author: Yassir Tayfour Date: 12-04-2008, 02:48 AM Parent: #49
ود دياب يا صاحبي الصهيوني يتحذف ليه! ده بوست خارطة طريق
___ شعار المريخ بكرة ما تلبسو، أعملو كيس مخدة، وإتعوّذ، وأقرأ آية الكرسي ونوم، كان هلوست؟، راشينكم، كان ما هلوست برضو راشنكم
Post: #51 Title: Re: لا تقرأ ما أكتب، ولا عذر لمن إنذر! Author: عابدون محمد عابدون Date: 12-03-2008, 05:34 AM Parent: #1
عليك الله ياهارون الزول الجايب صورته دا لما كان بيلعب كان عندو شنو .. ياخى دا كرعينو الاتنين كانوا شمال ...
Post: #52 Title: Re: لا تقرأ ما أكتب، ولا عذر لمن إنذر! Author: عابدون محمد عابدون Date: 12-03-2008, 05:37 AM Parent: #1
على ياهارون عندكم حارس مرمى تحفة ... بالمناسبة دا موديل كم؟؟
Post: #53 Title: Re: لا تقرأ ما أكتب، ولا عذر لمن إنذر! Author: عابدون محمد عابدون Date: 12-03-2008, 05:39 AM Parent: #1
معليش ياياسر ... بعد كدة جرو رجعوا تانى محله ...
Post: #54 Title: Re: لا تقرأ ما أكتب، ولا عذر لمن إنذر! Author: عابدون محمد عابدون Date: 12-03-2008, 05:40 AM Parent: #1
جرو بالضمة ياياسر
Post: #55 Title: Re: لا تقرأ ما أكتب، ولا عذر لمن إنذر! Author: عابدون محمد عابدون Date: 12-03-2008, 08:13 AM Parent: #1
المديدة الحارة ....
Post: #56 Title: Re: لا تقرأ ما أكتب، ولا عذر لمن إنذر! Author: عمر التاج Date: 12-03-2008, 08:17 AM Parent: #1
Quote: لا فضل لكيبورد مذكر علي كيبورد مؤنث، كلنا نكتب من وراء حجاب؛ في هذا المنبر رجال لو وزعنا حياءهم على كل نساء الدنيا لكفونهن، تعرضوا لإساءات من نساء؛ فيا صديقة من يحترم نفسه يُحترم، ذكراً كان أو أنثى؛ فالشجب المغروض والأعور، لا يزيدنا إلا قبحاً ولؤماً..
سلم يراعك لا كما سلمت تفتك ..
Post: #63 Title: Re: لا تقرأ ما أكتب، ولا عذر لمن إنذر! Author: Yassir Tayfour Date: 12-04-2008, 03:14 AM Parent: #56
عمر التاج يا صاحب.. كل الأمر يا صاحب، الرجل والمرأة خلف حجاب، فبيننا الكلمة، كريمها ولئيمها. هنالك من يكتب لهن أبعالهن، وعشاقهن، وغيرهم من الزوار، وكذلك بعض الرجال؛ فما أي واحدة محبطة من رجلٍ ما، أو متشككة في أنوثتها تجينا تسوِق وتتسوّق في ما لا يُباع .. ____ لكل لغة لغة "تشبهها"، ولا عزاء لمبادِر..
Post: #64 Title: Re: لا تقرأ ما أكتب، ولا عذر لمن إنذر! Author: تيسير عووضة Date: 12-04-2008, 07:04 AM Parent: #63
Quote: فما أي واحدة محبطة من رجلٍ ما، أو متشككة في أنوثتها تجينا تسوِق وتتسوّق في ما لا يُباع ..
كان من الممكن أن أرد عليك بـ: وليس كل من أحبطته إمرأة ما أو تشكك في رجولته صار يرى النساء "عاهرات" وحاول النيل منهن في شخص واحدة أو إثنتين !!
مش كدا؟
لكن لا يا ياسر .. ليس كل من أدان موقف معين فهذا يعني أنه قد تعرض من قبل لنفس الموقف أنا أدين الإغتصاب "للجنسين" بشدة هل هذا يعني أنني قد أُغتصبت من قبل؟ أدين الخفاض وكل العادات الضارة وبشدة هل يجب أن أتعرض لهما لكي أدين؟ أدين العنف اللفظي والجسدي وبشدة هل هذا يعني أنني تعرضت لذلك من قبل؟
من تختلف معهم هم أناس حقيقيون وقد يتضرروا مما يكتب وليسوا مجرد نك نيمز أو باسووردات ! فلماذا تحاول إختزال هذه الحقيقة في أن طالما هو يكتب من وراء حجاب إذن فليتردم؟ أو هو بالضرورة شئ وهمي أو ترجيح إفتراضية أنه ليس هو الذي يكتب كثيرون هنا يكتبون وبأسمائهم الحقيقية ويعرفهم الناس معرفة شخصية هل تسقط كل هذه الإعتبارات أمام صخرة أنهم يتواصلون virtually وتصير أسمائهم مستباحة؟
أكذب لو قلت لك أن مستوى تأثر المرأة بما يقال هو نفس تأثر الرجل المرأة تتأثر أكثر لأنها وقبل كل شئ "أم" الأبناء قد يقبلون أن يتعاطى والدهم الخمر مثلاً هل يقبلون أن تفعل ذلك أمهم؟ قد يعرفون أن أباهم متعدد العلاقات خارج نطاق الزواج هل يقبلون لأمهم أن تفعل هذا؟ قد أشتم أحد الآباء بكونه عاهر هل هي مثلها عندما تكون لأم؟
هذا الكلام ليس إقرار بأن تفعل/تقول المرأة ما تريد بشكل عام أنا أدين اللغة القبيحة وأتمنى إيقافها على الفور سواء من رجل أو إمرأة لكن بخصوص ما يحدث حالياً فيجب أن يكون طقة بي طقة دون زيادة أو نقصان وإنت أديتا جردل مش كوز !
_________________ ياسر طيفور .. "التّابا خاف الله فيهو"
Post: #65 Title: Re: لا تقرأ ما أكتب، ولا عذر لمن إنذر! Author: Yassir Tayfour Date: 12-04-2008, 07:18 PM Parent: #64
it's just a hat
if it fits in, it is urs ___ happy Eid
Post: #57 Title: Re: لا تقرأ ما أكتب، ولا عذر لمن إنذر! Author: عابدون محمد عابدون Date: 12-03-2008, 01:19 PM Parent: #1
نعم للإختلاف الذى لايفسد للود قضية ... ياجماعة والله الدنيا دى مافيها حاجة تستحق النكد ....
Post: #62 Title: Re: لا تقرأ ما أكتب، ولا عذر لمن إنذر! Author: Yassir Tayfour Date: 12-04-2008, 02:54 AM Parent: #57
عابدون محمد عابدون.. إزيك يا زول القال ليك منو الإختلاف لا يفسد للود قضية، هو الود ذاتو وينو؟؟ تعرف لو في ود، الناس كان إختلفت بكل أدب وإحترام.. لذلك: الود/الإحترام يُجمل الإختلاف.. ___ النكد في الدنيا إبتلاءات، والمؤمن مُبتلى..
Post: #58 Title: Re: لا تقرأ ما أكتب، ولا عذر لمن إنذر! Author: Tabaldina Date: 12-03-2008, 01:29 PM Parent: #1
.. . والخلاصة !!؟
__________
عليك الله ختنى فى فرقة معاك
Post: #59 Title: Re: لا تقرأ ما أكتب، ولا عذر لمن إنذر! Author: عابدون محمد عابدون Date: 12-03-2008, 02:23 PM Parent: #1
أظن انو الخلاصة بتكون انو نختلف مع بعضنا لكن فى الآخر نكون حبايب .. ياخى مالك مخلصها انا لسة شايل المديدة الحارة يعنى اوديها وين ...
Post: #60 Title: Re: لا تقرأ ما أكتب، ولا عذر لمن إنذر! Author: Yassir Tayfour Date: 12-03-2008, 03:18 PM Parent: #59
just got to work so till i get "faraga", stay cool ___
Post: #66 Title: Re: لا تقرأ ما أكتب، ولا عذر لمن إنذر! Author: ممدوح أبارو Date: 12-04-2008, 07:34 PM Parent: #60
Quote: just got to work so till i get "faraga", stay cool ___
ود طيفور سلامات
بمناسبة الفرقه دي ياعمك
أخبار ناس أبشر وإبراهيم ومحمد شنو؟
تحياتنا ليهم وما تنسي
طارق بانقا وعلي بابكر سليمان
Post: #67 Title: Re: لا تقرأ ما أكتب، ولا عذر لمن إنذر! Author: Yassir Tayfour Date: 12-04-2008, 07:58 PM Parent: #66
Mamdooh holly molly damn it homie this is my e-mail mcnimir(at)hotmail.com drop me ur e-mail and will take it from there.. __ they're all fine like an old bottel of wine once i get home, i will get back to you, stay well Mamdooh
Post: #68 Title: Re: لا تقرأ ما أكتب، ولا عذر لمن إنذر! Author: ممدوح أبارو Date: 12-04-2008, 08:13 PM Parent: #67
Quote: Mamdooh holly molly damn it homie this is my e-mail mcnimir(at)hotmail.com drop me ur e-mail and will take it from there.. __ they're all fine like an old bottel of wine once i get home, i will get back to you, stay well Mamdooh
thats hors in in different color
go well gay
Post: #69 Title: Re: لا تقرأ ما أكتب، ولا عذر لمن إنذر! Author: Yassir Tayfour Date: 12-05-2008, 02:46 AM Parent: #66
مدوح الشباب ديل كلهم بخير وكل الأهل، الحمد لله.. رسل لي إميل على [email protected] __ عندي معاك حكي كتير..
Post: #70 Title: Re: لا تقرأ ما أكتب، ولا عذر لمن إنذر! Author: محمد البشرى الخضر Date: 12-05-2008, 03:00 AM Parent: #1
أبو اليا ... طبعا انا ما متفق معاك في موضوع البوست - و إن كنت عاذرك - عشان كدا ما داير اعلق عليه الجابني بعد السلام وكدا الـ a بتاعة ابارو الفوق دي
ابارو يا ولدي عارفك ما قاصد لكن كمان السرة و الفضيحة متباريات فـأقلبها u يا كمان شيل الغمزتين الله يرضى عليك
Post: #71 Title: Re: لا تقرأ ما أكتب، ولا عذر لمن إنذر! Author: Yassir Tayfour Date: 12-05-2008, 03:52 AM Parent: #70
بوحتوت.. أنا شفتها وعملت رايح، قلت بكرة قريبي بجي يعدلها، هسي الجعلي ده يقوم يركب راسو ويقول ليك أنا قاصده ___ ممدوح تعال سريع قبل ما يعملوا ليها prt scrn
Post: #72 Title: Re: لا تقرأ ما أكتب، ولا عذر لمن إنذر! Author: سارة علي Date: 12-05-2008, 03:58 AM Parent: #70
Post: #74 Title: Re: لا تقرأ ما أكتب، ولا عذر لمن إنذر! Author: Yassir Tayfour Date: 12-05-2008, 08:35 PM Parent: #72
Saro ya ana how is your "nafseyat" doing??? __ mine, too, but i can manage
Post: #73 Title: Re: لا تقرأ ما أكتب، ولا عذر لمن إنذر! Author: osman righeem Date: 12-05-2008, 04:35 AM Parent: #1
Quote: السرة و الفضيحة متباريات
وين؟ في السوق
يا عمك
بوستات ياسر كلها حقول الغام و نحن في الشهر الحرام
ياسر يا شقيق شنو رأيك راس السنه في دبي
Post: #75 Title: Re: لا تقرأ ما أكتب، ولا عذر لمن إنذر! Author: Yassir Tayfour Date: 12-05-2008, 09:02 PM Parent: #73
Osman ya shageeg I wish i can make it to dubai or even "the head of the tent" ras alkhaima ___ Happy Eid Ozy
Post: #76 Title: Re: لا تقرأ ما أكتب، ولا عذر لمن إنذر! Author: سارة علي Date: 12-05-2008, 09:39 PM Parent: #1
Quote: but i can manage
I wish if i can do
التعديل لحذف the ...ما عارفة ذاتا جات ناطة من وين؟؟
Post: #77 Title: Re: لا تقرأ ما أكتب، ولا عذر لمن إنذر! Author: Yassir Tayfour Date: 12-05-2008, 09:54 PM Parent: #76
Saroo Yes you can _____ Audacity of Hope
Post: #78 Title: Re: لا تقرأ ما أكتب، ولا عذر لمن إنذر! Author: محمد البشرى الخضر Date: 12-05-2008, 11:27 PM Parent: #1
أبو اليا.. شنو ؟ما شايف تعديل يا زول في البورد دا جاكة زي دي كان ركبت تاني ما بتنزل بالهين اتصرف اتصرف
سرورة .. شنو حكاية النفسيات دي عين وحاة النبي
Post: #84 Title: Re: لا تقرأ ما أكتب، ولا عذر لمن إنذر! Author: Yassir Tayfour Date: 12-14-2008, 03:26 AM Parent: #78
بوحتوت كيف عدى عيدك يا صاحب! __ مموح يا قول عمدة ما جانا يمحى ولّ يعدل الـa
Post: #79 Title: Re: لا تقرأ ما أكتب، ولا عذر لمن إنذر! Author: osman righeem Date: 12-06-2008, 04:14 AM Parent: #1
Quote: يا زول في البورد دا جاكة زي دي كان ركبت تاني ما بتنزل بالهين
اتصرف قبل ما تجي ما شايف ابوحتوت ما ثني الدعوه
بعدين يا عمك العريس ده يلقي ليكم U مع هدايا العيد وين وعنوان البوست لا تقرأ ما أكتب
Post: #80 Title: Re: لا تقرأ ما أكتب، ولا عذر لمن إنذر! Author: Emad Abdulla Date: 12-06-2008, 07:07 AM Parent: #79
Quote: لكن كمان السرةو الفضيحة متباريات
جا يكحلها .. عماها .. سُرة شنو يا برعي ؟؟ مموح يقول هناي .. و إنت تصلح " السراير " .. !!!
ياسر .. الباب فاتح قراش .. و الناس ماشة و جاية يا طرزانات .. فضحتونا الله لا كسبكم .
Post: #81 Title: Re: لا تقرأ ما أكتب، ولا عذر لمن إنذر! Author: محمد البشرى الخضر Date: 12-06-2008, 08:51 AM Parent: #80
Quote: سُرة شنو يا برعي ؟؟
أسأل منها
Quote: مموح
اها مموح عرفناه عرس و محبوس و انا مضايق و ياسر هناي إنت مالك يا عباس ؟
كل سنة و انت طيب
Post: #82 Title: Re: لا تقرأ ما أكتب، ولا عذر لمن إنذر! Author: Emad Abdulla Date: 12-06-2008, 09:55 AM Parent: #81
عيدك سعيد يا مواطن .. و بقيت تجلي يا ود البشرى .. إرادة ربنا عاد .
قالوا الحجة قديييمة .. و خرفت .. قاعدة مع ولدها و مرتو .. خرفها ( عجيب و غريب ) ما تشم ليها ريحة إلا و تقول داير الحاجة ست الريحة الشمتها دي : لحمة عند الجيران .. بلاعة مطفحة .. آبريه .. حريقة كوشة ، أي شي في غضب الله ،، تشم بي جاي و بس تنبح : دايرالي لحمة .. ديرالي آبريه .. البلاعة دايراها .. أدوني كوشة . ( و نحو ذلك ) .. من الإحن . أها يوم جايينهم ضيوف و مرة ولدها خايفة من الفضيحة ( عشان « السُرة » و الفضيحة متباريات .. زي ماك عارف ) .. قامت مرة الولد طمبجت أصابعها خُمرة ـ بضم الخاء - و جات جلطتها ليك في نخرة الحجة درءاً لأي ريحة تتسلل لأنفها و تجيب ليهم الفضيحة مع الضيوف ( باقي « السرة » القبيييييلك و الفضيحة متباريات ) .. و قالوا الخُمرة كانت مجيهة - أريتا خمرة « مموح » أبارو بعد ده الحال - إنتي يا الحجة الشليقة .. ريحة الخُمرة السمحة بي كَبَريتها دخلت نخرتك بي جاي .. و فكيتي اللعب بي جاي : دايرالي راجل .
........ تقول لي عباس ؟
Post: #83 Title: Re: لا تقرأ ما أكتب، ولا عذر لمن إنذر! Author: Ishraga Mustafa Date: 12-06-2008, 11:02 AM Parent: #82
Quote: دايرالي راجل .
الله يجازى محنك ياعماد
حسع الجيران يقولوا علىّ شنو؟ جنت المرة دى
مبااااااااااااااااااااالغة
----------
ياسر .. كل سنة وانت طيب وسمعت نصيحتك وماقريت
Post: #87 Title: Re: لا تقرأ ما أكتب، ولا عذر لمن إنذر! Author: Yassir Tayfour Date: 12-14-2008, 04:12 AM Parent: #83
وإنت طيبة يا إشراقة.. __ بركة الما قريتي، وما فاتك شيء، الموضوع وما فيه هو تنبيه لهواة الشجب، الضباحين ليلاًً والمسبحين نهاراً، أصحاب المظاهر المُمُكيجّة والدواخل المُبشتنة، ولبعض التوابع والنكرات؛ وفي متنه كلام مجدّع ساكت وطواقي طايرة، والبليد يلقى مقاسو
Post: #86 Title: Re: لا تقرأ ما أكتب، ولا عذر لمن إنذر! Author: Yassir Tayfour Date: 12-14-2008, 03:57 AM Parent: #82
عمدتنا كل سنة وإنت طيب يا فنان؛ أظنها الخُمرة ما خمرة نصاح، الرجعت الحاجة إلى ريعان شبابها؛ وبيني وبينك "مموح" بكون غاتس في الخمرة لي هنا- واشار إلى عنقه-؛ لا نحكم على غائب، فموعدنا معها-الخُمرة- السنة الجايّة، وحينها يحق لنا أن نحكم عن تجربة و"ضُواقة".. __ معللتي بالوصل والموت دونه إن مت قبل أن "أضوقها" فما نزلت الخُمَرُ، أوكما قال الحمداني
Post: #85 Title: Re: لا تقرأ ما أكتب، ولا عذر لمن إنذر! Author: Yassir Tayfour Date: 12-14-2008, 03:30 AM Parent: #81
Quote: ياسر هناي
إنت نسيت أيام معركة "هناية"؟؟ ___ ذكرتنا اوسلي ياخ؛ يا أوسلي كل سنة وإنت ومن تحب بخير وصحة تامة..
Post: #88 Title: Re: لا تقرأ ما أكتب، ولا عذر لمن إنذر! Author: خدر Date: 12-27-2008, 10:55 AM Parent: #85
- ماعندي جمهور خايفو يطش مني ولا عندي شيتاً خايف عليها ومنها، أي لغة يٌردُ لها بمثلها، و"الخشمو" ضيق ما يبلع اللالوب.
