Post: #1
Title: مع تفاقم الازمة الاقتصاديه بالولايات المتحده اوصي كل اخوتي بالحذر فالموت صار يمشي على قدمين!
Author: Tragie Mustafa
Date: 11-25-2008, 04:36 PM
البارحه فجعنا باغتيال سوداني شاب بكنتكي
له زوجة وطفل ربنا يتقبله بمغفرته ومحبته
ويصبر اسرته ولن اكتب اسمه لان اسرته لم تبلغ بعد.
وقبل يومين اصابوا زميلنا عضو المنبر عثمان موسى وربنا ستر
ولازال بيينا بحمد الله وفضله .
عشرات الحوادث تقيد يوميا يرتكبها مجرمين
ضد سائقي التكاسي في لحظة انتهاء دوامهم
ويعرفونهم عائدين بايراد اليوم .... فيتم الاعتداء.
احذروا اخوتي وربنا يغطي عليكم جميعا.
بلادكم الجديدة تمر بمنعطف خطير
قلوبنا معكم وربنا يستر غربتكم.
|
Post: #2
Title: Re: مع تفاقم الازمة الاقتصاديه بالولايات المتحده اوصي كل اخوتي بالحذر فالموت صار يمشي على قدمين
Author: Tragie Mustafa
Date: 11-25-2008, 04:45 PM
Parent: #1
اتحصنوا يا شباب
وانتبهوا للاماكن الخطرة واياكم و المقاومة.
اهلكم منتظرنكم.
ولا رغبة لنا في رؤية مزيد من النعوش المحمولة كفانا احزان.
ربنا يستر.
|
Post: #3
Title: Re: مع تفاقم الازمة الاقتصاديه بالولايات المتحده اوصي كل اخوتي بالحذر فالموت صار يمشي على قدمين
Author: Osman Musa
Date: 11-25-2008, 04:49 PM
Parent: #2
الاخت تراجى
سلامات
تلك الحادثة التى حدثت لنا كانت فى سنة2005
تحياتى وشكرى
|
Post: #4
Title: Re: مع تفاقم الازمة الاقتصاديه بالولايات المتحده اوصي كل اخوتي بالحذر فالموت صار يمشي على قدمين
Author: Tragie Mustafa
Date: 11-25-2008, 04:55 PM
Parent: #3
عثمان موسى تتجازى
معقول تخلنا كده؟؟؟؟
Quote:
الاخت تراجى
سلامات
تلك الحادثة التى حدثت لنا كانت فى سنة2005
تحياتى وشكرى |
اها انت سلامة لكن ولدنا ده وحاتك اغتيل
والحوادث الايام دي على ودنه اعمل حسابك.
وكن بخير.
|
Post: #5
Title: Re: مع تفاقم الازمة الاقتصاديه بالولايات المتحده اوصي كل اخوتي بالحذر فالموت صار يمشي على قدمين
Author: jini
Date: 11-25-2008, 04:58 PM
Parent: #1
| Quote: مع تفاقم الازمة الاقتصاديه بالولايات المتحده اوصي كل اخوتي بالحذر فالموت صار يمشي على قدمين |
لاكين بالطريقة دى أوباما يلحق منو ويخلى منو!
اصلو هو سيدى الحسن!
يلحق الامريكان ويلحق الدارفوريين!
جنى
|
Post: #6
Title: Re: مع تفاقم الازمة الاقتصاديه بالولايات المتحده اوصي كل اخوتي بالحذر فالموت صار يمشي على قدمين
Author: Tragie Mustafa
Date: 11-25-2008, 05:02 PM
Parent: #5
جني يازول انت اوباما ده ضرتك؟؟؟
الزول لسه ما استلم رئيس وانت واقف له على الحرف؟؟؟
Quote:
لاكين بالطريقة دى أوباما يلحق منو ويخلى منو!
اصلو هو سيدى الحسن!
يلحق الامريكان ويلحق الدارفوريين!
جنى |
انت اصبر له ولدنا ده وحياتك ما يقصر مع الجميع بل يظبط العالم كله وحتشوف.
|
Post: #8
Title: Re: مع تفاقم الازمة الاقتصاديه بالولايات المتحده اوصي كل اخوتي بالحذر فالموت صار يمشي على قدمين
Author: jini
Date: 11-25-2008, 05:21 PM
Parent: #6
| Quote: انت اصبر له ولدنا ده وحياتك ما يقصر مع الجميع بل يظبط العالم كله وحتشوف. |
زولنا دا ما داير ليهو أوباما أو اوماما!
براهو بعولق رقبتو!
جنى
|
Post: #7
Title: Re: مع تفاقم الازمة الاقتصاديه بالولايات المتحده اوصي كل اخوتي بالحذر فالموت صار يمشي على قدمين
Author: ناصر النعمان البدوي
Date: 11-25-2008, 05:20 PM
Parent: #1
يا حاجة اكتبي براحة الاستعجال ما كويس
|
Post: #9
Title: Re: مع تفاقم الازمة الاقتصاديه بالولايات المتحده اوصي كل اخوتي بالحذر فالموت صار يمشي على قدمين
Author: Tragie Mustafa
Date: 11-25-2008, 05:21 PM
Parent: #7
شكرا يا اخي
| Quote: يا حاجة اكتبي براحة الاستعجال ما كويس |
|
Post: #10
Title: Re: مع تفاقم الازمة الاقتصاديه بالولايات المتحده اوصي كل اخوتي بالحذر فالموت صار يمشي على قدمين
Author: khalid fahmi
Date: 11-26-2008, 02:59 AM
Parent: #1
الله يحفظ كل سوداني وسودانية في بلد الإجرام دي ..
ويصرف عنهم شر كل ذي شر ..
|
Post: #11
Title: Re: مع تفاقم الازمة الاقتصاديه بالولايات المتحده اوصي كل اخوتي بالحذر فالموت صار يمشي على قدمين
Author: Tragie Mustafa
Date: 11-26-2008, 03:07 AM
Parent: #10
Quote: الله يحفظ كل سوداني وسودانية في بلد الإجرام دي ..
ويصرف عنهم شر كل ذي شر .. |
آمين.
|
Post: #13
Title: Re: مع تفاقم الازمة الاقتصاديه بالولايات المتحده اوصي كل اخوتي بالحذر فالموت صار يمشي على قدمين
Author: mahmed alhassan
Date: 11-26-2008, 03:45 AM
Parent: #12
الاخت تراجـــي
بــل الوصيــة للجميع للعودة للوطـــن السودان الذي يسع الجميع
بلدي أمان وناســه حنــان يكفكفوا دمعـة المحزون يقسموا اللقمة بيناتن
حتي ان كان مصيرهم جوع 0
نسـال الله أن يحفظ المغتربين في حلهم وترحالهم 0 ويعيدهم سالمين غانمين لاوطانهم 0
|
Post: #14
Title: Re: مع تفاقم الازمة الاقتصاديه بالولايات المتحده اوصي كل اخوتي بالحذر فالموت صار يمشي على قدمين
Author: Tragie Mustafa
Date: 11-26-2008, 03:51 AM
Parent: #13
لا يا محمد الحسن
بلادنا لا آمان لا يحزنون
بلادنا يحصد الموتى بالرصاص الحكومي فيها الناس بالملايين.
والباقي يموتون فقرا وعدم علاج.
Quote: الاخت تراجـــي
بــل الوصيــة للجميع للعودة للوطـــن السودان الذي يسع الجميع
بلدي أمان وناســه حنــان يكفكفوا دمعـة المحزون يقسموا اللقمة بيناتن
حتي ان كان مصيرهم جوع 0
نسـال الله أن يحفظ المغتربين في حلهم وترحالهم 0 ويعيدهم سالمين غانمين لاوطانهم 0 |
بيان حول إعتقال ناشطين في مجال حقوق الإنسان ... حملة تضامن
وبالله ما تنسى عثمان حميده العائد من بريطانيا في المعتقل منذ البارحه
وياسر المصري احد ضحايا التعذيب بنجمع له في تبرعات عشان يتعالج من السرطان!!
|
Post: #17
Title: Re: مع تفاقم الازمة الاقتصاديه بالولايات المتحده اوصي كل اخوتي بالحذر فالموت صار يمشي على قدمين
Author: Al-Shaygi
Date: 11-26-2008, 04:41 AM
Parent: #1
Quote: وقبل يومين اصابوا زميلنا عضو المنبر عثمان موسى وربنا ستر
ولازال بيينا بحمد الله وفضله .
|
Quote: الاخت تراجى
سلامات
تلك الحادثة التى حدثت لنا كانت فى سنة2005
تحياتى وشكرى
|
زمان سمعنا قصة الصعيدي الوصف مكان لواحد غريب عن البلد ولما سأله عن المسافة قال له (فركة كعب) ولكن صاحبنا سار معه وطال المسير فلما تعب سأله (هو فركة الكعب في بلدكم كام كيلو؟؟؟؟)..
وأهه كدي نسألك هو فركة اليومين عندك كم سنة؟؟؟
يعني الشاهد أن الجريمة في الغرب ليست وليدة الأزمة الإقتصادية ولكن المجرم مجرم وود الناس ود ناس!!!
بس أتفق معاك أنه الأزمة الإقتصادية ستؤدي إلى تسونامي جريمة حمانا الله وإياكم.
وكله من الأهبل بوش دمر العالم ودمر بلاده.
وأخيراً شوفي البوست ده ( مرة أخرى.ومرات عديدة. (البرنامج الخيري لجراحة القلب من مستشفى سعد التخصصي) ) يمكن تكوني بتعرفي زول محتاج لعملية قلب وما عنده القدرة يستفيد من هذا البرنامج الخيري وبالمره ربنا يرضى عليك في الدنيا وتلقي ليك أجر في الآخرة.
وبالمناسبة البرنامج لا يقتصر على المقيمين بالمملكة فقط بل يقبل المرضى من الخارج ويتولون عمل التأشيرات اللآزمة ويفرون الإقامة للمريض ومرافق له، والمسألة مجربة ولو تتذكر (مع أنه عارفك ما بتهوبي ناحية بوستاتي كنت عملت بوست عن طفلة سودانية بالرياض مريضة بالقلب وقد تمكنا من الحصول على موافقة البرنامج لعلاجها ولكن إرادة الله سبقت وصولها للمستشفى وتوفيت بعد يوم أو يومين من وصول الموافقة على دخولها للمستشفى).
________________________
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #18
Title: Re: مع تفاقم الازمة الاقتصاديه بالولايات المتحده اوصي كل اخوتي بالحذر فالموت صار يمشي على قدمين
Author: Tragie Mustafa
Date: 11-26-2008, 05:52 PM
Parent: #17
الشايقي كثر خيرك على البوست
وشفته فعلا وشفت غيره حول نفس الامر
اتمنى ان يكون في ميزان حسناتكم.
|
Post: #19
Title: Re: مع تفاقم الازمة الاقتصاديه بالولايات المتحده اوصي كل اخوتي بالحذر فالموت صار يمشي على قدمين
Author: Tragie Mustafa
Date: 11-28-2008, 03:31 PM
Parent: #18
.
|
Post: #20
Title: Re: مع تفاقم الازمة الاقتصاديه بالولايات المتحده اوصي كل اخوتي بالحذر فالموت صار يمشي على قدمين
Author: مزمل التريكى
Date: 11-28-2008, 05:07 PM
Parent: #1
تحياتى للجميع
وشكرا للتنبيه يا تراجى
يا ريت بعد ما يتم تبليغ اسرة الشاب السودانى ده
تورينا الاسم
عندى عدد كبير من الاصدقاء فى امريكا وبعضهم اخبارهم شبه مقطوعه
كل الود و ربنا يحفظ جميع اخوانا السودانيين فى امريكا وخارجها
و التكاسه وغير التكاسه
|
Post: #21
Title: Re: مع تفاقم الازمة الاقتصاديه بالولايات المتحده اوصي كل اخوتي بالحذر فالموت صار يمشي على قدمين
Author: adam khatir
Date: 11-28-2008, 05:13 PM
Parent: #20
الاستاذة تراجى سلام
احمد لك التنيه ، ويبدو ان الامور فى هذه البلدان ماضية فى التراجع ليس على مستوى العقائد النظرية التى باتت تتكشف بفعل الازمة المالية ، حتى على صعيد القيم وسلامة الانسان وضمان الحياة الكريمة له ، فبات الجريمة لها وكرها فى اعرق البلدان وارقاها تقدما والارهاب هو الارهاب لا وطن له ولا دين ولا عرق ....
|
Post: #22
Title: Re: مع تفاقم الازمة الاقتصاديه بالولايات المتحده اوصي كل اخوتي بالحذر فالموت صار يمشي على قدمين
Author: بكري الصايغ
Date: 11-28-2008, 06:44 PM
Parent: #1
الأخـت الـحبيبة الـحـبوبة،
تـراجـي مـصـطـفي،
تـحياتي ومودتي،
*** - واللـه ياأخـتـي الـحبيبة الـموت جايينا جايينا، وربنا سبـحانه وتعالـي يقول في كتابه الكريـم "أَيْنَمَا تَكُونُواْ يُدْرِككُّمُ الْمَوْتُ وَلَوْ كُنتُمْ فِي بُرُوجٍ مُّشَيَّدَةٍ " سورة النساء "،
*** - السوداني في بلده كان ما مات بالـملاريا ولابالايـذر مات برصاص القوات الـمسلحة او الشرطة او بـمطاوي الـمتطرفيـن ...وفي احسـن الحالات بـموت مـغبون،
*** - السوداني في ليبيا بـموت في الســجـن او في الصـحراء القاحلة،
***- فـي مـصـر السوداني كان مامات في مسـتشفي اثناء عملية نقل كلي، بـموت علي الحـدود الـمصرية- الأسرائيلية،
*** - السوداني في مخـيمات الللاجـئييـن علي الحدود التشادية لاهـو حـي ولاهـو ميـت، هـو مـجـرد رقم فـي دفتـر توزيع الأغـذية،
*** - الحلفاوي فـي السودان كان مامات بالغرق في مياة سـد مروي، مات بالسرطان بـخشـم القربة،
*** - الدارفوري مصـيـره يايـموت بقـذائف الجـيش او بسـكاكيـن الجـنجـويد،
*** - 700 سوداني منذ عام 1989 بسـجون لبنان ينتظـرون الـموت ولايـصـلهم عزرائيل،
*** - في الجـنوب السوداني اكتـر من 75 ألف مواطن ماتوا علي ايـدي متـمردي " جيش الرب اليوغندي " والساقية لسه مدورة،
*** - السوداني الـمريض وماعنده فلوس بيـموت بالأدوية الفاسدة صـناعـة الـهند، وكان مامات بالادوية دي بـموت علي ايدي الاطـبء الخـرجـييـن الـجـدد،
*** - والسوداني الذي لايلقي حـتفه علي الارض، يـموت علي طائرات الخـطوط الجـوية السودانية،
*** - احـصائية سـودانية صـغيـرة تقول ان اغلب الوفيات في السودان سـببـها حوادث السيارات،
*** - توقفـت وفيات الناس الفوق بعـد اسـتغناء الحكومة عـن طائرات "الانتينـوف"!!!
لك مودتي.
|
Post: #23
Title: Re: مع تفاقم الازمة الاقتصاديه بالولايات المتحده اوصي كل اخوتي بالحذر فالموت صار يمشي على قدمين
Author: Tragie Mustafa
Date: 11-29-2008, 03:26 AM
Parent: #22
ليبقى عاليا لحين عودة.
|
|