نحيي الامام الصادق المهدي - رجل ذو حكمة

الصادق المهدي دا راجل حكيم..دي الحاجة الاكتشفتها من مدة
مع انو تصريحاتو دائماً بتكون غريبة..غريبة من ناحية الصياغة والتعبير وعادية من ناحية المعنى..
لكن من حكمتو وذكاؤه التعليقات دي بالذات تلصق في دماغك كدا وما تقدر تنساها بعباراتها الجديدة والغريبة.
لو بتتذكرو الكلام القالو دا..

المؤتمر الوطني أبو العفين

التصريح دا (لو صح التعبير) بيوصف حالة الصادق المهدي وقتها مع المؤتمر الوطني تماماً
يعني الراجل دا بقول انو المؤتمر الوطني زي ابو العفين حتى لو عجبك شكلو اول ما يحس بالخطر منك
يديك ريحته الجميلة ويخليك تزح منو.

مناسبة المقدمة دي كلام منقول عنو في الصحف يلخص فيه الوضع في دارفور وكلامو دا بشبه المنشيتات أو التصريحات..
وليس فيه حكمة ما ولا خبر جديد ، كلام عادي جداً يحتمل الصواب والخطأ..
لكن عندنا فيهو وقفة..

1- عدم استجابة حركات دارفور لمبادرات السلام لضعف الثقة أولاً ولروابطها مع جهات أجنبية
2- الراحل جون قرنق كان سبباً في علاقات حركات دارفور بالغرب
3- هناك حرب باردة بين الصين وامريكا وفرنسا حول دارفور - الصين تساعد الحكومة..امريكا تريد زحزحة الصين عن
بترول السودان..فرنسا متصلة بأمن تشاد

للكلام بقية

Quote: يديك ريحته الجميلة ويخليك تزح منو.

النخرة ما عندو لكن..
ولا يختلف عليها إثنان..
بس..

يا فدوى السيد الصادق قال كده بالحرف الواحد..

ولا عين الرضى كليلة..


كوني دائماً بألف خير..

عبدالرازق يا راجل يا حكيم..

اعتقد أنه هكذا..

عين الرضى كليل

ماذا لو أوك كل ملف دارفور الى الصادق المهدي
أو بعبارة أخرى أن يستثمر المؤتمر الوطني عزيمة الرجل وحسن نيته وهو يعمل الآن بالفعل بعد النجاح النسبي لمبادرة أهل السودان
هناك جوانب عديدة يمكن أن تجعل المؤتمر الوطني يعطي المزيد من الصلاحيات والدعم للصادق المهدي
أولاً شخصية معروفة للجميع ولو انحسرت شعبيته
ثانياً انتفاء اتفاقه الكلي مع المؤتمر الوطني فهو كما معلوم يقود حزباً معارضاً للحكومة
ثالثاً هناك قبول نسبي من العالم للرجل حتى لو انتهى ربيعه مع الغرب ولكن يظل احترامه قائماً من العرب مثلاً واتذكر مشاركته في مؤتمر بروكسل
حول حوار الشرق والغرب كمفكر وكيف انه سرق الأضواء ، وعلاقته جيدة كذلك بعدد من البلدان
رابعاً الرجل بالفعل يمكن أن يضيف شيئاً جديداً خاصة بين البسطاء من عامة الشعب حول دارفور


غايتو دي اقتراحات مع كباية الشاي القدامي

ـــــــ

Quote: ماذا لو أوك كل ملف دارفور الى الصادق المهدي أو بعبارة أخرى أن يستثمر المؤتمر الوطني عزيمة الرجل وحسن نيته وهو يعمل الآن بالفعل بعد النجاح النسبي لمبادرة أهل السودان

فدوي سلامات

هو في شيء المؤتمر اللأوطني ما إستثمره ؟!

وحيد اللي ما أستثمروه هو الوقت الذي لم يرجعوا فيه الديمقراطية

التي سرقوها بليلٍ من الذي تريدون أن نستثمروه لحل إزماتكم بدرافور ؟!

وكمان بكل قوة عين بقولها إستثمار

التعديل لإضافة الجمله الاخيرة دي........

يعني انت زعلتك كلمة الاستثمار دي؟
طيب ياخي ما يستثمر مش ماسك الحكومة؟ من حقو يستثمر
وكونو يدخل رجالات كبارات زي الصادق المهدي دا في اهم موضوع في السودان زي دارفور
يكون دا ما استثمار دا اسمو وطنية وكدا..

والكلمة زااااتها من بنات ام افكاري وكباية الشاي الكملت ولسة ريحة النعناع بتفوح منها قدامي دي


نسيت أهم تصريح للراجل في الموضوع دا..
السيد الصادق قال..

موقف الترابي من أزمة دارفور (انتقامي)

ـــــــــ

Quote: موقف الترابي من أزمة دارفور (انتقامي)

ومن بنات أفكار هاك تصريحي

حكومة الترابي والبشير, وحكومة البشير إنتقام من (الشعب السواداني)

Quote: مع انو تصريحاتو دائماً بتكون غريبة..غريبة من ناحية الصياغة والتعبير وعادية من ناحية المعنى

..
دي ما قدرت افهمها يا فدوي اختي

Quote

Quote: : مع انو تصريحاتو دائماً بتكون غريبة..غريبة من ناحية الصياغة والتعبير وعادية من ناحية المعنى .. دي ما قدرت افهمها يا فدوي اختي

و لا انا يا حمزاوي.