بكري طيب ممكن تعمل لينا سله مهملات؟

؟؟
يعني البوستات البتمشي الخور دي بدل ما تمشي ساكت كدا، خلينا نديها نظرة وداع.

حلوة نظرة الوداع دي
شكلك رايق يا حبيب

Quote: حلوة نظرة الوداع دي شكلك رايق يا حبيب

سلامات حسين
والله مارواقة، لكن عليك الله ما حاجة تجيب الغثيان. تمشي وترجع تلقي البوست بتاعك اتشات وما عشان انك اتلفظت ولا شيء من هذا القبيل. ولكن عشان البعض اتداخل في البوست المعني مداخلات لا تروق للحكومة.
يبدو ان نحن في معسكر مجاهدين.
"الخير يخص والشر يعم"
.
.
.
علي اي حال شكرا علي المرور
ودي
راني السماني

راني العزيز
اثني بشده



كيفنك يا صديق؟؟؟؟

عساك كما تود وتشتهي صديقي نعيم.
.
.
.
شكرا للحضور
ودي وكل ما تيسر من قرآن الوجد
.
.
.
راني السماني

العزيز راني
نستأذن للعبور
بس اسم البوست يستححق الوقوف.
من كل الشرفاء المشاركين في المنتدى!!!!!!!
لك التحية عليه.
المنتدى محتاج لحفرة كبيرة واكيد سوف تصيب كل المجاورين بالعفن...
دا طبعا لو سلموا وعاشوا..
حقيقي في المنتدي في زبالة...
ومحتاج فرقة طوراي لتعمل على تنظيفة
منتدي بهذا الاسم وهذا الكم من السودانين يكون بهذا المستوى من العفن؟؟؟
حرام والله
الوحد مستغرب كيف الاخ بكري يسمح بكل هذا الوسخ في منتدى باسم السودان

سلام حسن

والله فعلا البورد دا داير نظافة ونظافة شديد.

غايتو ربك يسهل

الغريبة ان الاخ بكري كانوا نسى الوجع والتعب التعبو يوم انضرب المنتدى
المنتدي لو استمر بالصورة دي يستاهل ينضرب بالنار يعني هكر يكون مليان غبينة وعندو زخيرة حره وينزل على كل الوسخ البيتكلم باسم السودان..
المنتدى دي اصبح هو اهم اسم للسودان في عالم الانترنت فحرام يكون بهذه الصورة
صحيح اننا ليسو بنفس العظمة الزمان لكن هل وصلنا لهذا المستوي العفن دا

الهكر ما فكيناهو نحن البننضرب صباح ومسى جايت تحرض الهكر؟؟
بعدين هكركم ده ما فعلا قال جعلي؟؟!!

Quote: المنتدي لو استمر بالصورة دي يستاهل ينضرب بالنار يعني هكر يكون مليان غبينة وعندو زخيرة حره وينزل على كل الوسخ البيتكلم باسم السودان..

خلاص يا جماعة

يا بكري لو ما بتقدر تنضف البوست المضمونو مفيد من التعليقات الشينة والملغومة

كرفسو في ملف مضغوط ورسلو لصاحب البوست بالإيميل

في ناس بتتعمّد تلّغم بوستات المختلف معهم عشان تجي تحذفو

وصاحب البوست "قد" يكون بريئ من الخلافات القائمة وقصده طيب ونيته حسنة

يعني الواحد ما ممكن يقعد يحرس بوستو 24 ساعة

اديهو فرصة يعرف الحصل لبوستو شنو وحذف ليه

بعدين في ناس بيكونو كتبو كلام كويس بين الألغام وبينتظرو صاحب البوست يقرأ ليهم

دي بتديهو فرصة يفتح بوست جديد على الأقل يشكرهم فيه على مداخلتهم وتعليقهم

ولا شنو؟؟

Quote: في ناس بتتعمّد تلّغم بوستات المختلف معهم عشان تجي تحذفو

ده كلام صح ميه في الميه..
وزي ديل لازم تتطبق عليهم اللائحه ويتعاقبوا..
بس مسح المداخلات بس ما عملي وما بيحل القضيه...

سلام..

Quote: ده كلام صح ميه في الميه.. وزي ديل لازم تتطبق عليهم اللائحه ويتعاقبوا.. بس مسح المداخلات بس ما عملي وما بيحل القضيه... سلام..

فعلا مني عمرو ما حيكون عملي "مسح المداخلات"، وايضاً(مسح البوستات) كما يفعل السيد بكري.
بل يساعد المنحطيين "اونلاين" لممارسة المزيد من الانحطاط تجلياً،
وتسجيل نقطة بيضاء اللون في سجلهم الزايف والذي سوف يثبت يوما ما "زيفا"ً انو لا يوجد لهم سوابق ويكاد ان يكون سجلهم نظيف في الارشيف، من المهاترات جراء لممارسة بكري الهوجا ايضاً.
.
.
.
مني... عساكك كما تودي وتشتهي.
سلام لكل الاهل.
.
.
.
راني السماني

يلا يا شاطرة ورينا حتمعلي شنو؟؟؟؟

Quote: ده كلام صح ميه في الميه.. وزي ديل لازم تتطبق عليهم اللائحه ويتعاقبوا.. بس مسح المداخلات بس ما عملي وما بيحل القضيه... سلام..

Quote: خلاص يا جماعة يا بكري لو ما بتقدر تنضف البوست المضمونو مفيد من التعليقات الشينة والملغومة كرفسو في ملف مضغوط ورسلو لصاحب البوست بالإيميل في ناس بتتعمّد تلّغم بوستات المختلف معهم عشان تجي تحذفو وصاحب البوست "قد" يكون بريئ من الخلافات القائمة وقصده طيب ونيته حسنة يعني الواحد ما ممكن يقعد يحرس بوستو 24 ساعة اديهو فرصة يعرف الحصل لبوستو شنو وحذف ليه بعدين في ناس بيكونو كتبو كلام كويس بين الألغام وبينتظرو صاحب البوست يقرأ ليهم دي بتديهو فرصة يفتح بوست جديد على الأقل يشكرهم فيه على مداخلتهم وتعليقهم ولا شنو؟؟

والله كلامك عين الراس
وفعلاً في ناس بتفتعل من العدم مشكلة لتطليع الاخر من طورو الاول ويضيع معاه محتوي البوست وبالتالي يذهب للمزبلة.
وفعلا يافرانكي احياناً صاحب البوست يكون ما عندو ضلع في الموضوع "ات اول"، وممكن ما يهببو للمشاترين بالمرة محاولة للحفاظ علي جهد ربما بذل في الكثير من الزمن واحيانا مال" بكري انت عارف في ناس بتقطع من قودها اليومي للمشاركة هنا"؟ فيكم كم واحد بيمشي يقعد في محل نت كافي عشان يوصل فكرة عبر هذا الموقع؟
يصح صباح اليوم التاني ليكتشف انو امبارح كان بيضيع في زمن في الفاضي، ضريبة لناس تبرجت ملامح ذواتهم الجوانية.
.
.
.
بكري: حصل جربت عضة زول ملان مغصة؟
.
.
.
ودي
راني السماني

Quote: الغريبة ان الاخ بكري كانوا نسى الوجع والتعب التعبو يوم انضرب المنتدى المنتدي لو استمر بالصورة دي يستاهل ينضرب بالنار يعني هكر يكون مليان غبينة وعندو زخيرة حره وينزل على كل الوسخ البيتكلم باسم السودان.. المنتدى دي اصبح هو اهم اسم للسودان في عالم الانترنت فحرام يكون بهذه الصورة صحيح اننا ليسو بنفس العظمة الزمان لكن هل وصلنا لهذا المستوي العفن دا

والله فعلا اصبح اهم اسم للسودان، ولكن للاسف...
.
.
كان صديقي عزت الماهري يطلق عليه فيما معناه " قد اصبح البورد وطن لمن لم يكن له وطن.
ولكن اين عزت اليوم؟
اين خالد الحاج، رجاء العباسي، ايمان احمد، اشرف سعد، نورالدين عطاء السيد، هاجر سيد احمد، الناصري، امير واميره سعد الشيخ
اين الليندي، ابو عبيده الماحي، المسافة، المسافر، اين محمد صالح، طلال عفيفي، محمد شبشة، عثمان البشري، ابكر ادم اسماعيل،بنت الاحفاد، اللهام، سكينة كمبال، عاصم شريف، خالد توتي، امير مساعد، علاء السنهوري، ودسلفاب، بنبن، مانديلا، قصي، نايل1"الزاكي"، تماضر شيخ الدين، يوسف الموصلي، ووين، ووين، ووين. انا لو واصلت كدا شكلي حاكمل الباندوث.
هنا السؤال اين ذهبت كل تلك الاقلام، ما الذي يجعلهم جميعا يشتركون في عدم المشاركة هنا؟
ما الخلل، وما هو الحل؟
.
.
بكري والجميع، اعتبروها دعوة للوقوف جنبا الي جنب والتفكير بصوت عالي من اجل بورد افضل من واقعنا البليد.
.
.

من الشارع بنتكلم ** من الشارع بنتعلم
ونسال برضو في الشارع **عن الاحسن وعن الافضل
ونحلم حلمنا الاول
نتلملم عشان نسلم ** عشان نسلم بنتلملم
_______

ودي
راني السماني

الأخوة الاعزاء جميعا
هذا المنتدى اصبح واحة لكل السودانيين واصبح اهم منبر للجميع من كل الطوائف الجنسيات وكتب عليه وبه تاريخ السودان ووصف اهله بكل صورهم واللوانهم...
واجمل ما سمعت عنه انه جوجل السودانيين...
فكيف نسمع لمنتدى بهذه العظمة ان يكون بالوعة للعفن والعنصرية والمهاترات؟؟؟؟؟
الست تراجي اعتقدت انني اهدد بضربة مرة ثانية الله يكملها بعقلها.....
انا اعتقد ان السبب في الاساس كان هو هذه المهاترات والعنصرية البغيضة...
لذا نطالب القائمين على هذا المنتدى جميعا بتغيير الصورة لتصبح لائقة بالسودان السودانيين...
لنعيده كما كان بعيدا عن السب واللعن والعكننه الما ليها لازم...
ولنجعل منه صورة ناصة تشبه اهل السودان....
ولكم التحية

Quote: لذا نطالب القائمين على هذا المنتدى جميعا بتغيير الصورة لتصبح لائقة بالسودان السودانيين... لنعيده كما كان بعيدا عن السب واللعن والعكننه الما ليها لازم... ولنجعل منه صورة ناصة تشبه اهل السودان.... ولكم التحية

ولك التحية، حسن

صباح الخير يا راني
وشكرا لتواصلك
وانا صاحيه وموجوده لو عندك زمن.

Quote: صباح الخير يا راني وشكرا لتواصلك وانا صاحيه وموجوده لو عندك زمن.

Right away

راني

Quote: ودي وكل ما تيسر من قرآن الوجد

ونرتل الاشواق ترتيل يا صديق

العزيز راني
شنو دا يعني؟؟؟؟؟
شربت ورويت ونمت ونسيت موضوعك ولا شنو؟؟؟
اعتقد احسن حاجة الناس تترك المنتدى دا وما اكثرها المنتديات السودانية

رانى

ازيك

Quote: من الشارع بنتكلم ** من الشارع بنتعلم ونسال برضو في الشارع **عن الاحسن وعن الافضل ونحلم حلمنا الاول نتلملم عشان نسلم ** عشان نسلم بنتلملم

مرحب بالشارع الاستاذ الاول (اجمل ماقيل)

Quote: اعتقد احسن حاجة الناس تترك المنتدى دا وما اكثرها المنتديات السودانية

عمر الهروب ماكان الحل النقاش ثم النقاش

مع كامل احترامى لرائك اخى حسن عبدالله

Quote: مرحب بالشارع الاستاذ الاول (اجمل ماقيل)

ومرحب بوجودك بيننا، كم انا ممتليء الان!
.
.
حبي اخي بابكر التوم
.
.
.
راني السماني

سلامات اخي حسن

Quote: العزيز راني شنو دا يعني؟؟؟؟؟ شربت ورويت ونمت ونسيت موضوعك ولا شنو؟؟؟

لا والله ياصديق ما كدا ولا حاجة، بس كنت في سفر ولا زلت حارجع بعد يومين.
وبعداك نجي نقعد لبكري دا بالرغم من علي انو هو " ســـــامعنا ومــــــــا بيرد"

Quote: اعتقد احسن حاجة الناس تترك المنتدى دا وما اكثرها المنتديات السودانية

.
.
اما النقطة دي برجع ليك ليها.
.
.
فتك بعافية وابقي قريب
.
.
ودي
راني السماني

وبكري ســــــــــامعنا وما بيرد...