Post: #1
Title: المساخـــــــــــــة ( توجد نماذج )
Author: عمران حسن صالح
Date: 11-23-2008, 07:18 AM
Parent: #0
المساخــــة
تنزل عليكـ حاااااارة ... 
تجننكـ في راسكـ ده ، مرات بتكون بتعرف الزول ، ومعاشرو ليكـ سنين وخلاص تعودت على حاجاتو .. وبقيت تتجنب دائماً نوع الأسئلة وطريقته .
وعشان تأمن شر (مساختو) بتعمل فيها فاهم أي حاجة بيتكلم عنها ، ولو (دقست) وسألتو ببراءة يعني شنو ؟؟ بعد ما يكون كمل ليهو قصة من قصصو الما بتنتهي ، أعرف إنكـ أتورطت .
وفي نوع مساخة حقت السلام ، بتكون داخل ليكـ محل لشراء شي ما ، وتقوم ترسم ليكـ ابتسامة ترمي الغزالة من الشجرة وتقول بوضوح تام وصوت فيه شي من المرح السلاااااااام عليكم ..
يجيكـ الرد العجيب البارد وبقسمات وش صارمه ، تقول الزول طالبكـ دين هالك ليهو سنين ... وعليكم .... " بس" .... ده لو ما قال ليكـ:
" ما قلنا أهلاً "
وفي مساخة الدواوين الحكومية ، الموظف طبعاً عالم زمانو ، وعامل حساب إنو تجي تقرا ليهو عرضحال مدتو ساعة ، أو تكلفوا بي حاجة ، يقوم يرسم ليكـ وش العلم والمعرفة وانو مقطع أيِ حاجة ويرد عليكـ من طرف نخرتو ... لا حولا .. يطيِر الفي راسكـ كلو ...
وفي حقت ولاد الأهل ، ود أهلكـ عندو " شوية قراية زايدة " وشوية قروش ، تتصل عليهو وفي نيتكـ شوية دين لي آخر الشهر ، التقول عارفكـ ، تسمع رد السلام تنسى انكـ متصل عشان شنو ، أها تقوم تتطرطش الكلام وتسألو كيف خالتي ، وكيف الأولاد .... ومع السلامة .
ومساخة السياسين القاعدين فوق راسنا ديل ، خاصةً المشهورين شوية بي طول اللسان .
وهنالكـ المساخة الأشهر على مستوى المساخات وهي مساخة الحوش ده أو بصورة أكبر مساخة المنتديات لمن لايعرف التعامل معها ، ولأن الكتابة تأتي بارده دون تعابير واضحة (إلا لمن خبر الموضوع ويعرف كيف يكتب بمشاعر تصل للآخرين ) ..
دي طبعاً كوم براهو وهي من نوع المساخة اللاذعة جداً وتحس بيها جوه حشاكـ ... وهنالكـ أمثلة واضحة ويفتخر بعض الزملاء بها .. بل لا يحاولون مداراتها بأي نوع من أنواع الوجوه الضاحكة والمصنوعة خصيصاً للمنتديات حتى لا تعطي طابع ( المســــــــــاخة ) ...
|
Post: #2
Title: Re: المساخـــــــــــــة ( توجد نماذج )
Author: osman righeem
Date: 11-23-2008, 07:29 AM
Parent: #1
مساخة بكري لمن يحذف
بوست قبل تفش غبينتك
|
Post: #3
Title: Re: المساخـــــــــــــة ( توجد نماذج )
Author: عمران حسن صالح
Date: 11-23-2008, 07:39 AM
Parent: #2
Quote: مساخة بكري لمن يحذف
بوست قبل تفش غبينتك |
أها يا عثمان دي مساخة الشايقية كمان ..
الزول البيت بيتو والحوش حوشو نقول ليهو قفلت الباب ولا فتحتو مالكـ ..
|
Post: #5
Title: Re: المساخـــــــــــــة ( توجد نماذج )
Author: عماد محمود علي
Date: 11-23-2008, 07:57 AM
Parent: #3
مســـــــاخـــــــة الـطيـب شــيقـوق ( شــيقااااا )
مســـاخــــة ومعــاهـــا حموضــــــة كمــــــان !!! 
|
Post: #7
Title: Re: المساخـــــــــــــة ( توجد نماذج )
Author: عمران حسن صالح
Date: 11-23-2008, 08:02 AM
Parent: #5
| Quote: مســـاخــــة ومعــاهـــا حموضــــــة كمــــــان !!! |
الحموضة أنا كنت قايلة حقت حميدة بس يا عماد ..
طبعاً بما إنو رباطاطابي فمعذور ...
|
Post: #4
Title: Re: المساخـــــــــــــة ( توجد نماذج )
Author: osman righeem
Date: 11-23-2008, 07:44 AM
Parent: #1
مساخة مساعد الحكيم
عندما تصل المركز الصحي مع نهاية الدوام
طبعا ماب يقوليك تعال بكره
لكن فعلا كان خير تجي بكره
|
Post: #8
Title: Re: المساخـــــــــــــة ( توجد نماذج )
Author: Fathi Ali Mohammed
Date: 11-23-2008, 08:04 AM
Parent: #4
نموزج مساخه:
كان يحكي لي قصه شيقه
بكافتريا السوق الشعبي - جامعة الخرطوم
قاطعنا أحدهم بخصوص الكرسي القريب منا
- لو سمحتم, الكرسي دا بتاع زول؟
رد عليه صاحبي:
- أعتقد إنو بتاع ناس الكافتريا.
استدرك الضحيه قائلا:
- لا قصدي في زول قاعد فيهو؟
نظر صاحبي الي الكرسي من قريب ثم قام بتحسسه وقال بإستغراب:
- أعتقد إنو فاضي.
|
Post: #11
Title: Re: المساخـــــــــــــة ( توجد نماذج )
Author: عمران حسن صالح
Date: 11-23-2008, 08:17 AM
Parent: #8
Quote: قاطعنا أحدهم بخصوص الكرسي القريب منا
- لو سمحتم, الكرسي دا بتاع زول؟
رد عليه صاحبي:
- أعتقد إنو بتاع ناس الكافتريا.
استدرك الضحيه قائلا:
- لا قصدي في زول قاعد فيهو؟
نظر صاحبي الي الكرسي من قريب ثم قام بتحسسه وقال بإستغراب:
- أعتقد إنو فاضي. |
يقع فيكم العدو انت وصاحبكـ ...
|
Post: #6
Title: Re: المساخـــــــــــــة ( توجد نماذج )
Author: عمران حسن صالح
Date: 11-23-2008, 07:59 AM
Parent: #1
قبل يومين وفي وسط مدينة الرياض وأنا في كامل أناقتي وريحتي طاقة ، والكرفتة مولعة رقبتي من شدة إحكام الربطة دخلت أحد المحلات التابعة لشركة SONY بغرض السؤال عن جهاز ما ، وجدت الفلبيني الناس واقفه قدامو وكل واحد عندو شغلة ، وهو عارض أو بياع ، قلت له بإنجليزية أحسبها سلسة إنو ياخي بس عندي سؤال صغير ، لأني أحسست أن المسألة ستطول إن انتظرت حتى يأتيني الدور .
تفاجأت برده وبعربية أكثر من مكسرة وبوجه خالي من أيِ تعبير للمجاملة ..
((((((( سوية إنتظار .. )))))))
وطبعاً عملت خلف دور والزعل عايز يشقني ..
أها مساخة الرباطاب بلعناها وحقة الشايقية بلعناها ..
مساخة الفلبيني ده أبلعه كيفن ....
|
Post: #9
Title: Re: المساخـــــــــــــة ( توجد نماذج )
Author: عماد محمود علي
Date: 11-23-2008, 08:09 AM
Parent: #6
| Quote: مساخة الفلبيني ده أبلعه كيفن |
أشــرب لـيك عصـيـــر طمبــــل بتتبلـــع .. هيي قصـدي عصيـــر طمطم ..
|
Post: #10
Title: Re: المساخـــــــــــــة ( توجد نماذج )
Author: ابو جهينة
Date: 11-23-2008, 08:13 AM
Parent: #6
عمران
تحياتي أبو محمد
غايتو عنوان البوست كان يكون ( المساخة ... يوجد حميدة )
هناك علاقة قُرْبى و صلة دم بين المساخة و سرعة البديهة ...
أنظر لردود أهلنا الرباطاب التي نقول عنها أناها من شدة المساخة .. و لكنها كالعملة ذات وجهين ( مساخة بهنا و سرعة بديهة من هناك ) ...
واصل
|
Post: #12
Title: Re: المساخـــــــــــــة ( توجد نماذج )
Author: عمران حسن صالح
Date: 11-23-2008, 08:21 AM
Parent: #10
أبو جهينة الجميل
Quote: هناك علاقة قُرْبى و صلة دم بين المساخة و سرعة البديهة ...
أنظر لردود أهلنا الرباطاب التي نقول عنها أناها من شدة المساخة .. و لكنها كالعملة ذات وجهين ( مساخة بهنا و سرعة بديهة من هناك ) ... |
أها يا أبو جهينة الرد حق سرعة البديهة ومعاهو مساخة ده لو تم إلحاق إبتسامة معاهو ممكن يتبلع ..
مش مساخة وصرة وشي ...
|
Post: #13
Title: Re: المساخـــــــــــــة ( توجد نماذج )
Author: عمران حسن صالح
Date: 11-23-2008, 08:29 AM
Parent: #12
اتصل علي صديق عزيز جداً صباح اليوم من السودان بعد ما قرأ الدردشة الفوق دي .. 
قال لي شايفكـ تتراشق في سودانيز الليلة ..
مساخة عبر البحـــــــــار ...
|
Post: #14
Title: Re: المساخـــــــــــــة ( توجد نماذج )
Author: حمزاوي
Date: 11-23-2008, 08:47 AM
Parent: #1
عمران اخوي
مسكاقمي
Quote: الحموضة أنا كنت قايلة حقت حميدة بس يا عماد ..
طبعاً بما إنو رباطاطابي فمعذور ... |
لا صلح معلوماتك
انت من زمن حميدة رباطابي
خلاص صار محسي
وعينك ما تشوف الا النور
حنتلاقى يوم 23 ديسمبر
|
Post: #20
Title: Re: المساخـــــــــــــة ( توجد نماذج )
Author: عمران حسن صالح
Date: 11-23-2008, 01:30 PM
Parent: #14
الخال المحسي حمزاوي ..
يمكن يكون كلامكـ صاح لأنو الليلة اتصل وكان جميل في الحديث والرد ..
غريبة مش ؟؟؟؟
|
Post: #15
Title: Re: المساخـــــــــــــة ( توجد نماذج )
Author: ismeil abbas
Date: 11-23-2008, 09:04 AM
Parent: #1
عمران الحبيب
السلام عليكم...
لكن المساخة ماعندك يا عمران....
نحن شعب الغالبية منهم إنطباعيين..من النظرة ألأولى نحدد الشخصية ونبدو فى التعامل معها حسب مزاجنا الخاص..
كثير من الناس بعد فترة نغير تعاملنا معهم ظنآ مننا بأنهم ناس مسيخين وهم أظرف ناس..
إنت عندك مساخة بس بفهم..ما بتحب تمشى ألأمور إلا بعد ما تكون واضحة أمامك....وتهرى الزول أسئلة لحدى ما تتضح الرؤية..
خليك واضح ياجميل كلامى مش صاح..لك تحياتى وودى
عمران هل الشوايقة مسيخين حقآ.؟أم مجرد إنطباع؟
خالص مودتى وتقديرى..إسماعيل محمد احمد عباس...
|
Post: #16
Title: Re: المساخـــــــــــــة ( توجد نماذج )
Author: Hussein Mallasi
Date: 11-23-2008, 09:18 AM
Parent: #15
انت في دا و للا في السوداني الدخل محل في جدة و سأل البائع اللبناني: دي بكم؟
فنظر اليه البائع اللبناني من فوق لتحت و بالعكس ثم أجاب: غالية.
|
Post: #23
Title: Re: المساخـــــــــــــة ( توجد نماذج )
Author: عمران حسن صالح
Date: 11-23-2008, 02:27 PM
Parent: #16
Quote: انت في دا و للا في السوداني الدخل محل في جدة و سأل البائع اللبناني: دي بكم؟
فنظر اليه البائع اللبناني من فوق لتحت و بالعكس ثم أجاب: غالية. |
كضباً كاضب يا حسين .. بالذات اللبناني لا يمكن يعمل كده .. المصري ممكن جداً يتماسخ عليكـ ..
اللبناني ممكن يعمل حاجة واحدة بس (بما أنكـ دخلت وهندامكـ ما مرتب ) !!
إّذا دخل المحل في ذات الوقت شخص آخر وبمواصفات أخرى يمكن يخليكـ واقف ويمشي للتاني ..
وطبعاً ده نوع المساخة البخلينا بطننا طامة لي تاني يوم ولو اللبناني ده أدانا شي مجاني ما بناخذوا منو !!
على طاري المساخة يا حسين ... في رأيِ ( ودون أن يكون الموضوع شخصي ) لا أحد يعلو عليكـ في الردود المسيخة التي تدعو فعلاً للضحكـ من القلب ودون أن يرتد لكـ طرف .. بل حتى ودون أن تتأثر برد فعل الآخر الذي مسته المساخة في الصميم .
.
.
.
.
حسين لا تتماسخ علي الله يرضى عليكـ أنا قلت ليكـ دون شي شخصي ...
|
Post: #22
Title: Re: المساخـــــــــــــة ( توجد نماذج )
Author: عمران حسن صالح
Date: 11-23-2008, 02:17 PM
Parent: #15
| Quote: نحن شعب الغالبية منهم إنطباعيين..من النظرة ألأولى نحدد الشخصية ونبدو فى التعامل معها حسب مزاجنا الخاص.. |
| Quote: كثير من الناس بعد فترة نغير تعاملنا معهم ظنآ مننا بأنهم ناس مسيخين وهم أظرف ناس.. |
وديل نقطتين متشابهات يا أبو السباع ... مالكـ بتكرر في الكلام | Quote: عمران هل الشوايقة مسيخين حقآ.؟أم مجرد إنطباع؟ |
أهلي كان (شموكـ) تاني كان لسانكـ (قطَر) عسل ما (بهببوا) ليكـ ...وبتماسخوا عليكـ في الرد على أيِ شي
إنت طبعاً شخص غير وعن تجربة ..." كسير تلج " ( وش يعبر عن الإمتنان )
|
Post: #17
Title: Re: المساخـــــــــــــة ( توجد نماذج )
Author: محمد الباقر
Date: 11-23-2008, 09:52 AM
Parent: #1
الدنيا مولعه وآخر السنه الدراسيه الخامسه في الكـُليه.. طالعين من امتحان ..
(كٌـنا نظن انه سياتي سهلاً ) ليفاجئنا دكتور الماده بورقه صاعقه..
مصطفى صديقي يرسم على وجهه ابتسامه لا تكاد تراها..
جاءت احدى البرلومات.. وبلهفه شديده تسأل
- أها يا مصطفى.. الامتحان جا كيف..؟
- مطبوع... (بكل برود الدنيا)
في نفس اللحظه جيت سألتو
- اشتغلت كيف يا زول..؟
- بقلم جاف..!!
أها زي دا يسووا ليهو شنو...
تحياتي يا عمران
|
Post: #18
Title: Re: المساخـــــــــــــة ( توجد نماذج )
Author: محمد البشرى الخضر
Date: 11-23-2008, 01:00 PM
Parent: #17
ابراهيم وِتِّي الحلفاوي كامل الدسم
برضو في زنقة سمستر كدا و الجماعة عاملين قعدة كسر بركسية ليها ضل جا زميل من غرفة تانية قال يا شباب ممكن ورقة بيضا
ابراهيم بدون ما يتلفت قال ليه ما عندنا ورقة زايدة لكن هاك دي صورها و جيبها
|
Post: #19
Title: Re: المساخـــــــــــــة ( توجد نماذج )
Author: Shamael Elnoor
Date: 11-23-2008, 01:30 PM
Parent: #18
عمران
تحياتي
وبما انني من المتهمين بالمساخة سوف ابرر مساختي في النقاط التالية لعلك والقارئ الكريم تجدون لنا عذرا انا وبقية العقد المسيخ
- احيانا هناك اسئلة غبية جدا فبالتالي بديهي جدا اتماسخ (علاقة المساخة بسرعة البديهة) كما قال اديبنا ابوجهينة
- احيانا هناك اسئلة تقع فى وقت غير مناسب مما يحدو بنا ان نتماسخ وهنا المساخة تحمل رسالة ان السؤال فى غير وقته (علاقة المساخة بالعصبية)
- احيانا هناك ناس مابنحبهم لله كدا بس فبالتالي اى سؤال او عبارة خارجة من افواه هؤلاء تعتبرها غير مناسبة وتقوم كدا وتتماسخ (علاقة المساخة بالشفافية والوضوح)
احيانا انا وبعد ان اقوم باطلاق عبارة مسيخة مسخ الترمس ، شويا كدا اقوم اتحسس واسعف نفسي بابتسامة مفتعلة لكن دون جدوى ، فالشخص الآخر لما ما يقبل ابتسامتك دا سبب قوى يخليك تزيد من مساختك
وتاني بتماسخ (مافى اى وش مبتسم)
|
Post: #21
Title: Re: المساخـــــــــــــة ( توجد نماذج )
Author: Yassir Bainwi
Date: 11-23-2008, 01:57 PM
Parent: #19
شكرا عمران
وبالجد يا جماعة بعد مرات المساخة مطلوبة
وانا كرباطابي ( مركز ) يعني في اسئلة كدة بتزعلني شديييييييييييييييييييد
مثلا فجأه اللمبة تولع واحد يسألك الكهرباء جات
او انت لا مؤاخذه طالع من الحمام وبترجف من البرد يقوم يسألك لنت استحميت
في امثلة من العيار التقيل بجها صادي
خالص الود
|
Post: #30
Title: Re: المساخـــــــــــــة ( توجد نماذج )
Author: عمران حسن صالح
Date: 11-23-2008, 04:24 PM
Parent: #21
Yassir Bainwi| Quote: في امثلة من العيار التقيل بجها صادي |
يلا منتظرنكـ عشان نعرف الفرق بين مساخة (الكعوبية) ومساخة الرد الذكي ....
|
Post: #26
Title: Re: المساخـــــــــــــة ( توجد نماذج )
Author: عمران حسن صالح
Date: 11-23-2008, 04:06 PM
Parent: #19
Quote: وبما انني من المتهمين بالمساخة سوف ابرر مساختي في النقاط التالية لعلك والقارئ الكريم تجدون لنا عذرا انا وبقية العقد المسيخ
- احيانا هناك اسئلة غبية جدا فبالتالي بديهي جدا اتماسخ (علاقة المساخة بسرعة البديهة) كما قال اديبنا ابوجهينة
- احيانا هناك اسئلة تقع فى وقت غير مناسب مما يحدو بنا ان نتماسخ وهنا المساخة تحمل رسالة ان السؤال فى غير وقته (علاقة المساخة بالعصبية)
- احيانا هناك ناس مابنحبهم لله كدا بس فبالتالي اى سؤال او عبارة خارجة من افواه هؤلاء تعتبرها غير مناسبة وتقوم كدا وتتماسخ (علاقة المساخة بالشفافية والوضوح)
احيانا انا وبعد ان اقوم باطلاق عبارة مسيخة مسخ الترمس ، شويا كدا اقوم اتحسس واسعف نفسي بابتسامة مفتعلة لكن دون جدوى ، فالشخص الآخر لما ما يقبل ابتسامتك دا سبب قوى يخليك تزيد من مساختك
وتاني بتماسخ (مافى اى وش مبتسم) |
كفيتي ووفيتي ونديكـ الميدالية الفضية ...
|
Post: #24
Title: Re: المساخـــــــــــــة ( توجد نماذج )
Author: عمران حسن صالح
Date: 11-23-2008, 02:34 PM
Parent: #17
| Quote: أها زي دا يسووا ليهو شنو... |
يا محمد الباقر كامل تضامني مع المسكينة الأنا متأكد إنو لي هسه في غُصَة في قلبه ..
تحس بيها كلما اتذكرت رد صاحبكـ (الممسوخ) ده ...
ولكـ من التحيات أجملها ... مع ابتسامة بالتأكيد ...
|
Post: #25
Title: Re: المساخـــــــــــــة ( توجد نماذج )
Author: محمد عمر الفكي
Date: 11-23-2008, 02:56 PM
Parent: #24
قمة المساخة انك تكون بتشجع الهلال اما ذروة سنام المساخة انك تشجع فريق دافن ليه حمار ميت في ميدانه !!!!! اما التوب تن بتاعة المساخة انه بعد دا الفريق دا انجازاته صفر قدر الكتلة.
|
Post: #28
Title: Re: المساخـــــــــــــة ( توجد نماذج )
Author: عمران حسن صالح
Date: 11-23-2008, 04:17 PM
Parent: #25
| Quote: قمة المساخة انك تكون بتشجع الهلال اما ذروة سنام المساخة انك تشجع فريق دافن ليه حمار ميت في ميدانه !!!!! اما التوب تن بتاعة المساخة انه بعد دا الفريق دا انجازاته صفر قدر الكتلة. |
محمد عمر الفكي ..
إنت بعد (كبكبتكـ) بتاعة حجز المدام تاني ما عندكـ (نضم) ..
مساختكـ كلها طايرة ليكـ ساكت .. " وش أزرق باسم أخير من وشوش بكري الصفراء دي "
|
Post: #29
Title: Re: المساخـــــــــــــة ( توجد نماذج )
Author: محمد البشرى الخضر
Date: 11-23-2008, 04:23 PM
Parent: #1
| Quote: ياخي بس قول تحياتي يا رائع |
تحياتي يا رائع
أها..
|
Post: #31
Title: Re: المساخـــــــــــــة ( توجد نماذج )
Author: عمران حسن صالح
Date: 11-23-2008, 04:31 PM
Parent: #29
هاهاهاهاهاهاهاهاها
يا ود البشرى ..
جنس مسااااااااااااااخة ...
|
Post: #32
Title: Re: المساخـــــــــــــة ( توجد نماذج )
Author: عمران حسن صالح
Date: 11-23-2008, 04:39 PM
Parent: #1
في نوع جديد من المساخة ..
تطور من غير أن يقصد بتطور الحياة والتكنلوجيا من حولنا وهي المساخة الإسفيرية .. والتي تعتمد على (القتاتة) وده طبعاً موضوع آخر سنفرد له مساحة أخرى ......
يعني مثلاً يكون صاحبكـ .. صحوبية مؤقتة تعتمد على ظروف الزمان والمكان .. قاعد يقرأ ليكـ في واحد من مواضيعكـ .. الجاذبة والغير جاذبة .. فيها موضوع ونقاش جاد .. أو هترشة ساااااكت زي دي ..
أها يقوم الموضوع يقوم يحركـ فيهو حاجات ..
يا يتذكر كمية المساخة التي يمتلكها ويستخدمه من غير أن يدري .. يقوم موضوع زي ده يذكروا ..
يا كمان متأثر من مساخة البعض .. وبرضو يقوم الموضوع ده يذكروا ..
لكن مساخة منو سااااكت ما يجيكـ ساكت يقول ليكـ إزيكـ ... مساخة مغلفة بالقتاتة ..
ودي صعبة خلاااااااااااااص .....
|
Post: #33
Title: Re: المساخـــــــــــــة ( توجد نماذج )
Author: عبدالعزيز الفاضلابى
Date: 11-23-2008, 05:21 PM
Parent: #32
عمران
هسع فى مساخة اكتر من مساختك تطلب ايميلى وأديك ليها وماتعبرنى ?
تحياتى للأستاذ أحمد حيرالله وكل الأهل بودنوباوى والثورات
|
Post: #34
Title: Re: المساخـــــــــــــة ( توجد نماذج )
Author: عمران حسن صالح
Date: 11-24-2008, 06:18 AM
Parent: #33
| Quote: هسع فى مساخة اكتر من مساختك تطلب ايميلى وأديك ليها وماتعبرنى ? |
أها جانا حق الجعليين كمـــان ...
|
Post: #35
Title: Re: المساخـــــــــــــة ( توجد نماذج )
Author: عمران حسن صالح
Date: 11-26-2008, 06:13 PM
Parent: #34
والنتيجــــــــــــة :
المساخة أفضل من :
** الألفاظ السوقية التي تحوم وسطنا ..
** البوستات التي تدعو إلى الفرقة والشتات والنعرات المعفِنة
** المواضيع التي لا تحترم المرأة أياً كانت واعتبار بعض ردود الأفعال التي تبدر من البعض بمثابة مقصلة يتم صلب الأخريات بسببها ...
..
تماسخوا يرحمكم الله أفضل لكم من العراكـ اللفظي الذي يمس أعراضنا (ويوجع ) أكثر ..
..
المساخة أفضل ..
كان يمكن لهذا البوست أن يستمر أكثر ويكون حامل لرسالة افضل تقودنا إلى طريقة التعامل الإسفيري ونية الآخر عندما يكون مسيخاً في رده وتعامله مع الآخرين ولكن للأسف (غلبته) بوستات (الشكل) فاختفى ..
..
فدعوه يختفى ....
|
Post: #36
Title: Re: المساخـــــــــــــة ( توجد نماذج )
Author: عبدالعزيز الفاضلابى
Date: 11-26-2008, 08:25 PM
Parent: #35
فى مناسبة شافع رباطابى ماسك الإبريق بيغسل للناس الكبار جرى بينه وبين احدهم الحوار التالى :
الرجل: ود منو انت ياجنا?
الشافع: ود حرام.
الرجل : ومن وين?
الشافع: من ابحمد.
الرجل: ومن ابحمد الجابك كوستى شنو?
الشافع: جيت اكبّلك.
|
Post: #37
Title: Re: المساخـــــــــــــة ( توجد نماذج )
Author: نادية عثمان
Date: 11-27-2008, 02:13 AM
Parent: #36
عمران ياصديقي العزيز
شهوة أن تكون لطيفاً على الرغم من إن كل ماحولك يدعو للمساخة !!
كيفك يارائع 
|
Post: #42
Title: Re: المساخـــــــــــــة ( توجد نماذج )
Author: عمران حسن صالح
Date: 11-27-2008, 09:24 AM
Parent: #37
| Quote: شهوة أن تكون لطيفاً على الرغم من إن كل ماحولك يدعو للمساخة !! |
هل الكلمة المناسبة يا نادية (شهوة) أم إشتهاء .... وهي من الحلم أو التمني ...(في مساخة أكتر من كده ؟؟؟)
|
Post: #41
Title: Re: المساخـــــــــــــة ( توجد نماذج )
Author: عمران حسن صالح
Date: 11-27-2008, 09:19 AM
Parent: #36
عبد العزيز الفاضلابي ( نسيبي ) " وش خبيث " | Quote: الشافع: جيت اكبّلك. |
شكلكـ قاصد إنو الشافع شايقي ..مسيخ
|
Post: #38
Title: Re: المساخـــــــــــــة ( توجد نماذج )
Author: خالد العبيد
Date: 11-27-2008, 02:40 AM
Parent: #1
والدنيا مولعة في الخرطوم
مشينا نشتري بطيخة من لفة الرياض !
وقفنا قدام بتاع البطيخ
جاءت لاندكروزر تتهادى وقال سائقها المرتاح:
بالله ارفع بطيختين
فرفع صاحبنا بطيختين وقبض السعر
ثم جاء صاحب المرسيدس : بالله ارفع تلاتة بطيخات
ورفع صاحبنا البطيخات وقبض الثمن سريعا
سألناه : يابن العم البطيخة بي كم؟
فرد علينا بتجاهل :
جيتو يا ناس البطيخة بي كم ؟!!!
|
Post: #40
Title: Re: المساخـــــــــــــة ( توجد نماذج )
Author: Fathi Ali Mohammed
Date: 11-27-2008, 07:38 AM
Parent: #39
عسكري المرور يصرخ من بعيد
: يا بتاع البوكس
مخاطبا سائق البوكس القديم جدا الواقف بالقرب من علامة ممنوع الوقوف
بتاع البوكس ينظر اليه ولا يعيره اي اهتمام
العسكري يصرخ بصوت اعلى
: يا بتاع البوكس
بتاع البوكس ينظر اليه في برود ثم يتجاهله مرة أخرى
العسكري لايجد بدا فيأتي ثم يصرخ في هستريا
: يازول انا ما بتكلم معاك؟
: معاي أنا؟
: يا زول انت اطرش, انا من الصباح بكوركليك يا بتاع البوكس يا بتاع البوكس.
: بس أنا ما بتاع البوكس, أنا البوكس بتاعي.
|
Post: #45
Title: Re: المساخـــــــــــــة ( توجد نماذج )
Author: عمران حسن صالح
Date: 11-27-2008, 09:32 AM
Parent: #40
Fathi Ali Mohammed Quote: العسكري لايجد بدا فيأتي ثم يصرخ في هستريا
: يازول انا ما بتكلم معاك؟
: معاي أنا؟
: يا زول انت اطرش, انا من الصباح بكوركليك يا بتاع البوكس يا بتاع البوكس.
: بس أنا ما بتاع البوكس, أنا البوكس بتاعي. |
رجالة وحُمرة عين ... ومعاهــا مساخة
|
Post: #44
Title: Re: المساخـــــــــــــة ( توجد نماذج )
Author: عمران حسن صالح
Date: 11-27-2008, 09:30 AM
Parent: #39
Salahaldeen Nadir
مراحب
ديكـ ما مساخة .. فقط رد لأسئلة .. ( وش بري وخايف ) ....
|
Post: #43
Title: Re: المساخـــــــــــــة ( توجد نماذج )
Author: عمران حسن صالح
Date: 11-27-2008, 09:28 AM
Parent: #38
خالد العبيد | Quote: جيتو يا ناس البطيخة بي كم ؟!!! |
الذكاء والمساخة ... كأنهم في دمنـــا ...
|
Post: #46
Title: Re: المساخـــــــــــــة ( توجد نماذج )
Author: صديق الموج
Date: 11-27-2008, 09:44 AM
Parent: #1
عمران يا مسيخ مالك ما بتهنينى بفوز المريخ
عشان ما تتماسخ معاى بفوزه بالكاس
جماعة من اهلنا اشترو ليهم فول
واحد قال للتانى الفول ما تكسر فيه طعميه، عشان الطعمية بتشرب الزيت .
التانى قال ليه بكسرها،اها قول شربتو بتنط من الصحن والا بتقعد فيه ما بناكلها.
الغريبه لا رباطاب ولا شاقيه ولا حميداب كمان،،،
|
Post: #47
Title: Re: المساخـــــــــــــة ( توجد نماذج )
Author: عبدالرحمن الحلاوي
Date: 11-27-2008, 10:56 AM
Parent: #46
واحد جنو كسر ، شايل كيس رغيف ، سألو شحاد ، أداهو رغيفة بعد ما أخد منها قرمة ، أصحابو سالوا ليه قرمتها ، رد : عشان ما يكسرها.
دي مساخة ولا لأ؟
|
Post: #48
Title: Re: المساخـــــــــــــة ( توجد نماذج )
Author: Fathi Ali Mohammed
Date: 11-27-2008, 02:11 PM
ما فهمتها يا حلاوي
|
Post: #49
Title: Re: المساخـــــــــــــة ( توجد نماذج )
Author: Salahaldeen Nadir
Date: 11-27-2008, 04:25 PM
Parent: #48
عشان ما (يكسر ) الرغيفة في السوق
يعني ما يبيعها بالقروش
!
|
Post: #50
Title: Re: المساخـــــــــــــة ( توجد نماذج )
Author: Fathi Ali Mohammed
Date: 11-28-2008, 07:05 AM
Parent: #49
Quote: يعني ما يبيعها بالقروش
! |
صلاح الدين شكرا على التوضيح.
|
|
