Post: #1
Title: تراجي تاني ما ترسلي إيميلات لاوباما
Author: Ashraf el-Halabi
Date: 11-21-2008, 05:42 AM
|
Post: #2
Title: Re: تراجي تاني ما ترسلي إيميلات لاوباما
Author: Tragie Mustafa
Date: 11-21-2008, 05:48 AM
Parent: #1
اشرف كيفنك؟؟
تسلم اخوي الطاريني.
| Quote: تراجي تاني ما ترسلي إيميلات لاوباما |
يازول انا عبيطه قال ايميل قال!!
اولا ميشيل عندها المفتاح اقصد الباس ورد
وما فاضيه تعمل لي قصة زي اوبرا
ثانيا:
ناس هكر وبكر ديل معقوله بس نغامر ونتعامل بالايميلات!!
يازول نحن ناس بلدي ومساكين
نتعامل زي اماتنا
ناس العين تشوف العين و الايد تسالمه. 
|
Post: #3
Title: Re: تراجي تاني ما ترسلي إيميلات لاوباما
Author: Ashraf el-Halabi
Date: 11-21-2008, 06:23 AM
Parent: #2
Quote: اولا ميشيل عندها المفتاح اقصد الباس ورد
وما فاضيه تعمل لي قصة زي اوبرا |
هو ود عمنا دا مالو غشيم كدا!!
في زول يدي مرتو الباسوورد!!
Quote: يازول نحن ناس بلدي ومساكين
نتعامل زي اماتنا
ناس العين تشوف العين و الايد تسالمه |
يا زولة ما هديتك
بداية الأسبوع زميلتنا في الشغل جات منخشمة وتنخنخ
قلت ليها مالك قالت لي كنا في بارتي عاملنه زملا الدراسة وتشاكلت مع وحدة (بلاك) أظنها كسرت لي عمود نخرتي
أها، أم ماليا دي بونيتها بتكون شطة بس
|
Post: #4
Title: Re: تراجي تاني ما ترسلي إيميلات لاوباما
Author: Tragie Mustafa
Date: 11-21-2008, 05:43 PM
Parent: #3
اشرف ود عمنا ما غشيم ود عمنا شاطر ومفتح ومصحصح
البقى في كلينتون ما بيبقى عليه ان شاء الله
وبعدين ميشيل تستاهل امينة سره وصديقته وامه
وابوه ربنا يخيلها ليه ويخيليه ليها.
Quote: هو ود عمنا دا مالو غشيم كدا!!
في زول يدي مرتو الباسوورد!!
|
نعم يا عزيزي لو كانت زوجتك هي تؤام روحك مثلهم.
Quote: يا زولة ما هديتك
بداية الأسبوع زميلتنا في الشغل جات منخشمة وتنخنخ
قلت ليها مالك قالت لي كنا في بارتي عاملنه زملا الدراسة وتشاكلت مع وحدة (بلاك) أظنها كسرت لي عمود نخرتي
أها، أم ماليا دي بونيتها بتكون شطة بس |
انا كان( للبلكنه) فانا بلاك
ثقافة اكثر من ميشيل وبقرش الاعداء قرش
وحتى بالاماره أسأل ناذر الخليفه.
|
Post: #5
Title: Re: تراجي تاني ما ترسلي إيميلات لاوباما
Author: Ashraf el-Halabi
Date: 11-22-2008, 06:35 AM
Parent: #4
Quote: وبعدين ميشيل تستاهل امينة سره وصديقته وامه
وابوه ربنا يخيلها ليه ويخيليه ليها. |
تصدقي يا تراجي طوال الحملة وأنا مركز على حكاية الحبكانة دي!!
مسميها "the romantic side of the campaign"
ود عمنا ما قصر
أي فرصة لقها أعلن عن حبه ليها
وهي تستاهل
واضح أنها زولة مرتبة وقوية
وقدرت تأمن ليه الجبهة الداخلية (البيت) فوفرت ليه طاقة زيادة قدر يحارب بيها في الجبهات الخارجية
جزء كبير من النجاح بتاعو دا كان من دعمها أكيد
أها لو قام ولدنا لعب بديلو مع المتدربات في البيت الأبيض حا أزعل منه
بعدين حكاية أنك بلاك دي ما تعولي عليها كتير
يا زولة البلاك خشم بيوت
ايش جاب بلكنتك لي بلكنة ناس ساوث سايد أوف شيكاقو!
|
|
