Post: #1
Title: قال ليك 15 فكي ...فكي ينطح فكي ...شي وارد مدني(ودا كبير الفقرأ) اسمه عوض حصحاصة لنصرة الهلال!
Author: سامى عبد الوهاب مكى
Date: 11-20-2008, 09:14 AM
Parent: #0
قال ليك 15 فكي ...فكي ينطح فكي ...شي وارد مدني(ودا كبير الفقرأ) اسمه عوض حصحاصة ماشفتو طمبل كل دقيقتين يدنقر ويجدع حصحاصة!!
فكي التقول مقاول اول شي طلب لوري خرصانة..قال ليك كبو الخرصانة الحمار في تربته قنت قال أؤه.
وكمان فكي وارد سنار ..دا سافر ليه نص مجلس الهلال بالله لمن دخلو الحلة النسوان زغردن قالوا المرغني زارنا!
دا عندو خطة تانية تصب في نفس الاتجاه لكن لها مفعول تاني..طلب حقو اول حاجة كاااااااااااش 10 مليون وقال ليهم (مهايات بس) جماعتك جوغرو اللعيبة لمن جاتهم دسنتاريا!
اما اكتر فكي حنكوش دا كلكم بتعرفوه بتاع ببسي وجكسي....جا بالعصاية لف في الميدان وصفق يديه وقال للهواء احرسوها!
عاد هي جنس حراسة.
يعني بالميت كدا كان في زي 15 فكي وكبير فقرأ.
11 في التشكيلة والباقي احتياطي ديل قالو يحوطو الزريبة من الخارج!
الهلال يا شباب كان عندو معسكرين واحد للاعبين وواحد للخبراء الاجانب أقصد الفقرا العقارب!
تقدير أولي لما تم صرفه على كنصولتو الفقرا..حوالي 45 مليون جنية!
قبل نهاية المباراة ابو حصحاصة فك البيرق ويا مدني جاك زول ..بتاع سنار قالو الجماعة كايسنو في أمبدة عند اولاد خالته وحالفين يسو ليه امبريبري هيبي!
كل الفقرا ديل نسوا حاجة واحدة!
انقرو شنو؟؟
مراقبة مرق!
والبقية في العدد القادم!
عاد دا كلاااااااام!
|
Post: #2
Title: Re: قال ليك 15 فكي ...فكي ينطح فكي ...شي وارد مدني(ودا كبير الفقرأ) اسمه عوض حصحاصة لنصرة الهلا
Author: osman abdala
Date: 11-20-2008, 11:30 AM
Parent: #1
|
|