Post: #1
Title: محمد عبد الجليل يغادرنا الى السودان وداعا ابو التومات
Author: خالد المحرب
Date: 11-19-2008, 05:25 AM
غدا اودع صديقى العزيز الاستاذ محمد عبد الجليل الشفيع ماشى الحله النوبه شمال ام درمان بلد التومات يقضى الاجازه السنويه مخلى البلد وراه مسيخه صاحب ونديم مجلس وبقضى معاهو جل وقتى نتحاور ونتناقش ونتونس .. اتمنى لك اخى العزيز اجازه سعيده و كمان العيد مع الحاجه صفيه والمدام سميه والصادق والبنيات والى اللقاء وتجى راجع بى السلامه يارب .....
|
Post: #2
Title: Re: محمد عبد الجليل يغادرنا الى السودان وداعا ابو التومات
Author: سمية الحسن طلحة
Date: 11-19-2008, 05:39 AM
Parent: #1
إيدي الشداد من المفاصل ماتن
وكرعي بطّلن من الدرب يتخاتن
ياحليل الحظوظ والليالي الفاتن
عيني قرهدن فيهن دموعن باتن
ألزم الصبر ياخالد أخوي حار بالحيل فراق الزول بعد ما يوالف
تمشي وتجي بالسلامة يامحمد نتمنى لك إجازة سعيدة وسلامنا للأهل والوطن .
|
Post: #3
Title: Re: محمد عبد الجليل يغادرنا الى السودان وداعا ابو التومات
Author: الطيب شيقوق
Date: 11-19-2008, 06:45 AM
Parent: #2
هيييييييييييييع الليلة المنبر نور بالحيل وقيامتو قامت
من زمان نحن فاقدين القراعم البيملوا الساحة الاسفيريةبالنضمي السمح.
ألزم الصبر ياخالد أخوي حار بالحيل فراق الزول بعد ما يوالف
ود عبد الجليل فعلا من ربعاك البعرفو قرينك
كدى ارفع ايدك لا فوق وهاك الموليتة دي يا العشاء اب لبن
ربنا يعدل دربك يا امحمد اخوى
وان شاء الله ربنا يسويها لينا
|
Post: #4
Title: Re: محمد عبد الجليل يغادرنا الى السودان وداعا ابو التومات
Author: محمد عمر الفكي
Date: 11-19-2008, 06:47 AM
Parent: #2
شيخ خالد
حبابك عشرة وبركة الظهرت، والله سودانيز اون لاين بدون صورتك دي مسيخ مسيخ.
بنت الاكرمين
الواحد او ما اكل ولا شرب وقرا ليه بيتين من الدوبيت دا ما عنده مشكلة.
|
Post: #5
Title: Re: محمد عبد الجليل يغادرنا الى السودان وداعا ابو التومات
Author: حمزاوي
Date: 11-19-2008, 06:52 AM
Parent: #1
البطحاني يودع النوبي
ويشاركهم العرريب ود شيقوق
أن ما شاركت سمية اختي أنا ما كنت شاركت
تمشي وتجي بالسلامة حمادة مع السلامة
|
Post: #6
Title: Re: محمد عبد الجليل يغادرنا الى السودان وداعا ابو التومات
Author: عماد محمود علي
Date: 11-19-2008, 07:16 AM
Parent: #5
أمانة ما أتلومت معاااااي يامحمد أخوي ومادي المحرية فيك ... على العموم تمشي وترجع لينا بالسلامة وربنا يعدل طريقك ....
شكراً ود المحرب ... وليك وحشة ومشتاقين كثير ....
سلامي لاسرتك الكريمة .....
وحتماً سنلتقي بإذن الرحمن ....
ســـلام
|
Post: #7
Title: Re: محمد عبد الجليل يغادرنا الى السودان وداعا ابو التومات
Author: سمية الحسن طلحة
Date: 11-19-2008, 07:21 AM
Parent: #5
محمد عمر الفكي منور ياود الكرام
حمزاوي أخوي يعظم شأنك كتر خيرك كتير
ود المحرب أطمئنوا الوالدة بخير الحمد لله
بعدما أتجزمت وأتلزمت للسفر
الجماعة حلفوا يجيبوها لي هنا
يعني كنت صادفت ود عبد الجليل
الأرنب والعصا .
|
Post: #8
Title: Re: محمد عبد الجليل يغادرنا الى السودان وداعا ابو التومات
Author: Mohamed Abdelgaleel
Date: 11-19-2008, 01:04 PM
Parent: #7
المحرب/سمية/شيقوق/محمد عمر الفكي/حمزاوي/عماد محمود
يا أصدقاء اللحظة التي لا تنسى .. ليس لدي ما أقول
الصمت أحيانا (أروع من كل الذي يمكن أن يقال) ولكن
أدعو لي وأنا (ناوي العودة للماسكات عداد أيامي)
وسوف أخاطبكم عبر كل وسيلة متاحة من السودان (بلدي
يا بلد التاريخ ما دمنا حزانى.
أدعو لي فدعوة المغترب مستجابة
سلام أيها الأحباب حتى مطلع الفجر
|
Post: #9
Title: Re: محمد عبد الجليل يغادرنا الى السودان وداعا ابو التومات
Author: الطيب شيقوق
Date: 11-19-2008, 01:30 PM
Parent: #8
| Quote: أدعو لي وأنا (ناوي العودة للماسكات عداد أيامي) |
هييييييييييع النوا بالعودة والزول ابو عوارض لامن
انقلب الصناديد والضرير قدامن
عيذوا اب خمسة والماسكات عداد ايامن
باعافية يا امحمد اخوى
|
Post: #10
Title: Re: محمد عبد الجليل يغادرنا الى السودان وداعا ابو التومات
Author: Ishraga Haimoura
Date: 11-20-2008, 11:55 AM
Parent: #1
والله يا اخوانا أنا أمس عملت مداخلة في البوست دا وفجأة ما لقيتها
يا ود المحرب اليسمع جرستك دي يقول محمد عبد الجليل ماشي السودان نهائي
ونحن فرحنا وقلنا حينضم لبورداب الخرطوم
تطلع القصة إجازة بس.....
يا أستاذ محمد عبد الجليل ياريت المرة دي نلاقيك ما تبقى زي الإجازة الفاتت...
تعديها كلها في النوبة.
إجازة سعيدة
|
|