Post: #1
Title: الشوبار .....والمتشوبرين بلا حدود
Author: ناهد بشير الطيب
Date: 11-19-2008, 02:33 AM
Parent: #0
الشوبار هو ادعاء المعرفة بالشىء
ومحاولة اصلاحه ولكن تأتى النتائج( مى ياها)
والمتشوبر ده زول\ة حايم وسطنا وقاعد معانا
وممكن اكون انا او انت ...
فى الاجازة بالسودان
العربية حلفت كدة بى راس ابوها ماتقوم (وكانت ماشة فى امان الله)
(مع انها شابة وعاجباها روحها ومفتونة بلساتكها المدورة
وترخيصها المجدد وماعندهااى نية تكون فى الساحة الخضراء
فى يوم من الايام)
والسودانيين بطبعهم بجوا جاريين
للمساعدة لاى زول ...نويت انى اقفلها وامشى اجيب
ميكانيكى من اى حتة ...
لسة ماقفلت الكبود جونى تلاته على دفعات وماعندهم علاقة بى بعض
جانى اصغرهم وعامل فيها ولا اكبر ميكانيكى..وبتكشيرة قال لى
عارفة يابت الخال انتى عارفة العطل ده من الجربوكس...
التانى
لا ياخ جربوكس شنو العربية دى جديدة العطل ده من طارة الكلتش
التالت غلبه (الشوبير)...خت يده اليمين فى وسطه وصباعه الشمال فى خشمه
عارفين العربية دى من قبيل وانا ماشى قبال ماتقيف ماكانت عاجبانى ابدا.. و ...
لا ياخ عاجباك شنو وماعاجباك شنو ..غايتو البعرفو كان مافيها زيت معناها صلبت
صلبت بتاع شنو ...العربية دى فيها كركبة ماكنت سامع صوتها انت لما جات تركنها؟
واحد رابع انضم ليهم ( كان قاعد بيقرأ فى جريدة)...قال :
انتوا بتنظروا من قبيل فى شنو...العربيه دى فى الحقيقة... وزى عايز اقول
انه (بنزينها) ده ياقاطع ياوسخان ...يانوع بنزين قديم بيرو هسى يكونوا ردموها
اخر
اى والله يكون ده البنزين ...
جات موظفة حلات الدنيا عليها رقة ووداعة وتوب ابيض وقالت
يااخوانا ماتجوطوا كدة ...العارف يكشف على العربية ماتوقفوا الزولة دى ساى ...
الجوطة دى كلها وزول كدى كشف ولا شافها مافى
وكلامهم كله بقى لى (مكن...مكن)
خلاص فاض بى ...ومحاولة منى اكون لطيفة (الاخوان ماقصروا) ....
قلت ليهم .....
(العربية دى يااخوانا .... شغالة بالجاز بالجاز)
(القصة بها بعض البهار ... لزوم الحبكة فقط ...ليس الا ....)
__________________________
المثل بيقول
جاء يكحلها عماها
او
جاء يتفولح جاب ضقلها يتلولح
|
Post: #2
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-19-2008, 02:50 AM
Parent: #1
يلا نشوف كمان مدى الشوبار....
هنا
جماعةشايلين ليهم دولاب عايزين يدخلوه بالباب للاوضة الجوة ...
والباب النجار عملوا كبير وماظبط المقاس..
يلا هنا الحمالين كلهم حيبقوا نجارين من الدرجة الاولى
وكمان بنايين ...وحدادين
نخش الحوار
(الماسك الدولاب من فوق ...)
تعرف يامصطفى ارفع شوية على يمينك
ياخى احسن نفك الحلق ونخلص
نفكه كيف هسه... انت بس كان زحيت يمين بيخش
بيخش كيف ياخى كان انت زاتك داير تخش معاه
جاء واحد من برة
يااخوانا كدى براحة فهمونا الحاصل
يفهموك شنو ونحن شايلين انت مابتشوف
افهم بس ..........انتوا دايرين شنو..
دايرين( نلبس )دايرين...... ماشايف؟ مادايرين ندخل الدولاب ده
طيب ماتدخلوه الحاميكم هسى منو ؟
اخر
اسمع انت يالشايل من تحت خت الدولاب ده واقفل المفتاح لسانه بره
واحد قام من كرسيه بعد ماعض صباعه بسنونه
عارفين يااخوانا المشكلة وين ؟
اها وين
المشكلة فى (الباب البيجيب الريح احسن نسدو ونستريح)
ياخى خلينا من فلسفتك دى وقوم عتل معانا...بلا غلبة معاك
طيب جيبوا قطعة دلقانة ونجره بالقطعه ...يعنى نزحه زحيح
اها زحيناه ومادخل
زحوه تانى
ياخى انت كرهتنا عديل كده شابكنا نزحه زحيح ونجيبه شمين ونشيله يمان..
والله زول غيرك معصلج الموضوع ده مافى
هنا جاء النجار القام بالشغل داخل وقلم الرصاص فى اضانه...
والله حاجة غريبة خلاص دواليب الزمن ده اخير منها (دواليب العمل)
فى الاخر ظهر سيد الدولاب
يااخوانا يااخوانا الدولاب ده اساسا مكانه البرندة لانه كان قاعد فيها
|
Post: #3
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-19-2008, 03:11 AM
Parent: #2
شوبار تانى حقنا نحن النسوان...
نشوف
اسمعى ولدك ده مالو؟
ترد اخرى قبال الام....
طلعت ليه الملاريا فى راسو...ماشايفاه كيف عرقان..
وهى الملاريا بقت مطافىء
عليك الله خلينا من التنظير ده الولد ده حمته ذايدة شديدة
نطت اخرى
السبب فى ملاريته دى المطرة الاخيرة الغرقت الميادين دى
انتى عارفة ملارية الولد ده نوع من الملاريات المجهولة الوزير زاتو مابعرفها
اى بيعرفها المواطن بس.... صدقتى يعلم الله ....
نطت حبوبة من سريريها
هى يابتى موصى لولدك ده عرديب
وده كله والام مامدينها فرصة ...
عرديب شنو ياامى كدى نديه كينين ونشوف النتيجة
اخرى
لا دى ماملاريا ماتدوا الولد ده كينين ساكت ده تايفود
ماتايفود دى حمى قلاعية
يقلع عيونك الولد ده بيرجف تقولى لى ....قلاعية
هنا صرخت الام
يااخوانا ولدى عنده فكك فى كراعو ....وواداه هسى لبت بتى
|
Post: #96
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-22-2008, 11:50 PM
Parent: #3
*******************************
|
Post: #4
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-19-2008, 03:14 AM
Parent: #1
الشوبار بقى العلى اصولو بالجد ....
شوبار الناس الفى السودان لما يجى المغترب عايز
يعمل ليه مشروع يحفظ بيه حصاد غربته (المخستكة)اصلا...
حابة بالجد اعرف رأيكم ....
|
Post: #6
Title: Re: الشوبار .....والمتشوبرين بلا حدود
Author: osman righeem
Date: 11-19-2008, 03:33 AM
Parent: #4
اختنا ناهد
صبحك الله بالخير
الشوبار و فك العيار
بجيك راجع
عايني
جبت القصيدة من حردلو
ايملي في البروفايل
لكن الشوبار كنت فاكره
صناعة سودانية خالصه
لحدي ماجيت هنا
لقيت ليك النقله
الصاروخية من مسكة عصاية الراعي
لي الريموت كنترول
خلقت حاله ابداعية
منقطعت النظير
و جاي
|
Post: #5
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-19-2008, 03:27 AM
Parent: #1
اكيد صادفتوا الكتيرين من الاخوان من
(القبيلة الشوبارية)...
____________________
اما تشوبرى انا الاتشوبرتو فجاياكم بيه ....
|
Post: #7
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-19-2008, 03:42 AM
Parent: #1
الكاركتير رغم قصر كلماته الا ان الرسم الذى يصاحبه
يعطيه المعنى الفكاهى ....ومنه يمكننا اقتباس الفكرة
_______________________________
الحكاوى التى قد نوردها هنا ....
هى من كتابات راسخة فى الذاكرة ...قد تكون لنا
او لاخوة اعزاء ولكن لانعرفهم ....فقط قرأنا لهم يوما ما
نقوم بعمل التعديل اللازم لزوم الحبكة ...ليس الا ...
ومنعا ايضا لاحراج الاخرين (اللذين قد يكونوا تشوبروا فى حياتنا)
|
Post: #8
Title: Re: الشوبار .....والمتشوبرين بلا حدود
Author: Ali Sirelkhatim
Date: 11-19-2008, 03:59 AM
Parent: #7
بالله عليك يا استاذة ناهد احكى لينا واحدة من شوبيراتك وافتحى لبنا الطريق
على سرالختم
وايضا الدعوة موجهه ليك فى البوست ادناه اذا عندك اى قصة او نقد او طرفة عن الشرطة فمرحب بيك
دفتر احوال ضابط الشرطة المناوب
|
Post: #11
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-19-2008, 04:47 AM
Parent: #8
بالله عليك يا استاذة ناهد احكى لينا واحدة من شوبيراتك وافتحى لبنا الطريق
صاحبتى وبتها فى المطار ماشات السودان قابلتهم بالصدفة
اها شفت .....قاموا ....
ولا اقول ليك اخير
اقوى شخصيتى واجيك ...
|
Post: #9
Title: Re: الشوبار .....والمتشوبرين بلا حدود
Author: الزوول
Date: 11-19-2008, 04:10 AM
Parent: #1
السلام عليكم
ناهد ازيك
سمعتي بى نظرية فِنْقِلتْ
فِنْقِلتْ ده اسمو الحقيقي فضل المولى
وحكايتو باختصار
انو جاء ماري بالطريق لقى جماعة يسقفوا في أوضة
وجايبين .. مِرق "طويل" يقيسوا فيه عشان يقطعوا منه الزيادات
عشان ما يكون زائد كتير على الأوضة
وقيل "إن المرق كان من نوع جيد جداً وغالي جداً"
المهم عمك فِنْقِلتْ وقف وقاليهم ..انتو بتعملو شنو؟
كلموه
قام عاين ليهم كده باستفزاز وقال
بالله عليكم الله هي الحكاية محتاجة قياس
الموضوع بس نظرية ...
يا الزول الشايل الفاس ... تعال اقطع هني .. وأشار الى مكان على المرق
الجماعة المساكين قدر ما حاولوا يقنعوا فضل المولى انو احسن يقيسوه رفض مصراً
على ان الموضوع موضوع نظرية لبس الا
اكيد اتوقعتي الباقي
مرق الجن بعد ما قطعوه .. يختوه في الصفحة دي ..تاااااخ يقع من الصفحة التانية
واشتهرت بعدها
نظرية فِنْقِلتْ
دلالة على أي زول متشوبر لا يأخذ بالخطوات الصحيحة لإنجاز العمل
....
الترجمة متوفرة حسب الطلب
..
|
Post: #12
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-19-2008, 05:00 AM
Parent: #9
اكيد اتوقعتي الباقي
مرق الجن بعد ما قطعوه .. يختوه في الصفحة دي ..تاااااخ يقع من الصفحة التانية
واشتهرت بعدها
نظرية فِنْقِلتْ
دلالة على أي زول متشوبر لا يأخذ بالخطوات الصحيحة لإنجاز العمل
....
الترجمة متوفرة حسب الطلب
هو مرق الجن ده ...شقى حال بس ...بى غلاتو وسماحته دى ...
مالقى ليه راحة ....
كدى النديك قصة ارتجالية (لمرقك) ده وليدة لحظة .....يجيك كيف مابعرف
عارف يابرعى خت المرق ده هناك على الحيطة
نان المرق ده موتقيل
ماشغلتك بيه ارفعه بس وخته..
اقولك تقيل ...تقولى ماشغلتك بيه يازول انت ماك نصيح
هسى فى زمتك المرق ده تقيل كما انت زول فتران ساكت
انت هسى كان فوقك فايدة مالك ماشلته فوق راسك الغليد ده وختيته
راسى مالو غليد ...الغلدة التجيب اجلك
(يطنطن)
راس غليد بلافايدة خسارة الشاى البتشربوا فوقه ده ...
قلت شنو ؟
ولا شىء قلت ...نجيب معانا نفر نفرين شوية يابلال عليا يشيلوا معانا ...
يشيلوا معاك شنو انت بتغنى حقيبة....
جاء زول تانى
يازول المرق ده صغير على الفجة دى ...
اها ياللخو والعمل يعنى ...ماعارفين نحن انه صغير اها فهمك انت شنو
نهد الحيطة ونبنيها لا جوة شوية
اا زول انت ماك شديد ...هد شنو البنهدو
نان دايرين تسوو شنو....
عارف مافى طريقة غير نخت السقف بلامرق
قلت شنو؟
سقف بلامرق ...
تمرق من الجنة قول آمين ...
___________________
الزول شكرا
|
Post: #10
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-19-2008, 04:41 AM
Parent: #1
لكن الشوبار كنت فاكره
صناعة سودانية خالصه
اخونا عثمان رغيم
صباح النور...
هو صناعة سودانية اكييييييييييد ..
النهار كله ونحن ننظر ...كل زول ينظر للتانى
وكل زول فينا بيعمل فيها ابو العريف .....
(حقو تعمل وحقو تعمل ...وانت عارف المفروض انه الواحد
والحقيقة لازم نحن ...وعيييييييييييك ...قيس على كدة )
|
Post: #121
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-26-2008, 10:46 PM
Parent: #10
| Quote: الشوبار صناعة سودانية .... |
|
Post: #13
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-19-2008, 05:02 AM
Parent: #1
الشوبار بقى العلى اصولو بالجد ....
شوبار الناس الفى السودان لما يجى المغترب عايز
يعمل ليه مشروع يحفظ بيه حصاد غربته (المخستكة)اصلا...
حابة بالجد اعرف الحصل معاكم او مع غيركم شنو ....
|
Post: #14
Title: Re: الشوبار .....والمتشوبرين بلا حدود
Author: ماجدة عوض خوجلى
Date: 11-19-2008, 05:07 AM
Parent: #1
نهنهوه حبيبة عنك طيبة وبخير
اها احكى ليك عن الشوبار والمتشوبرين وده قصة حقيقية جد جد
والشوبارة كنت انا وضحية هذا التشوبر كانو الجيران وتحديدا الضحية كانت
بتهم العروس .
والحكايه كانت العروس الهى بت الجيران كانت بتستعد للزواج وقبل الزواج كنا بمشى ليهم امسيات
المهم قبل الزواج بيومين بدوا بتجهير الغرفه حقت اعروس اها من سوء حظهم اليوم ده واحنا قاعدين قامو جابو قماش الستاير للغرفة
وقالو عايزين واحدة تمشى لترزى محدد علشان تودى ليهو قماش الستاير يجهزا وكده
ولغايه هنا الموضوع كان ماشى تمام التمام ومافى اى مشكله فجاه وبدون اى سبب ولا اى مقدمات قمت
قلت ليهم ليه نوديها اساسا انا بعرف اعمل ستاير وبطريقة جميله جدا وانا متبرعة انى اخيط ليها الستاير
هدية منى ،
ولانو ربنا كان قاطع من القماش ده النصيب عمى بصيرتم واصلو مادخلو معاى فى اى تفاصيل يعنى ذى يقولو عليك الله بتتكلمى
صح او يسالونى اتعلمتها وين تصدقى واتامنى بالله مافى زوله فتح الله عليها بكلمة او سؤال احتمال كان يردعنى
والغريبو كانت فى علامات ومؤشرات كتيرة كلها كان ممكن تجنبم خسارة القماش والوقت لكن بس اليوم داك كان مقدر انو
ينتهى فيها امر قماش الستاير يعنى لو كان حاجه فيها روح كنت قلت يومو انتهى .
المهم مشو جابو ليك مكنه الخياطة من عند الجيران وهم راجعين مرو على بيتنا بس علشان يقوو للحجة انى شويه متاخره وبرضو بس لو كانو وضحو للحاجه سبب التاخير شنو اظن كانت الستاير ليوم الليله معلقة عندهم لكن الاقدار الاقدار لامفر منها .
بس اختك مسكت المقص وهاك ياقصقيص وهم يشيلو ويمسكو معاى ويساعدو فينى علشان اقص اكتر ولمن لقو انى تقريبا قصيت القماش
كلو اظن قلبهم حسسم وكده قامو سالونى من القص الكتير وحياتك اختك بدون اى تردد قلت ليهم علشان عايزة اعملا كلها فى شكل
كرانيش من البداية الى النهاية وطبعا بعد ماقمت قصيت القماش كلو وخليت اكبر قطعه فيه ماتعمل ليهم منديل سيبك من مفرش طربيزة
حتى ياحليلم ياخوانى ،اكتشفو انو ده كان شوبار منى وانى مابعرف اخيط لى زورارة سيبك من ستارة كبيرة عريضة
لكن عارفه حبيبة انا ماعارفه الشوبارين التانين لمن بيتشابرو بيكون على اى اساس لكن انا والله على مااقول شهيد كنت متاكده انى بعرف
التاكد ده كان على ياتو اساس مابعرف لكن ده كان الاحساس العندى ، بالمناسبه انا وقت حدوث التشوبر ده عمرى كان حوالى اربعتاشر سنه
عليك الله هم مش كان برضو المفروض كان يكون عندهم بعد نظر يعنى انا اتعلمت خياطة الستاير متين فى العمر ده
تسلمى حبيبه كتير يارب
|
Post: #15
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-19-2008, 05:21 AM
Parent: #1
اتين سيدات قابلن صاحبتهن وبتها فى المطار ....
ازيك يامنى انتى وبتك
اهلا يانسرين ومنال كيفكم سنة ما اتلاقينا ...
نسرين بعد ماعاينت للبت ::عارفة يامنى بتك دى احسن ماتدخليهاالجامعة الفوقها ناس على ديك
منال ::لا يانسرين الجامعة دى كويسة
نسرين ::ماكويسة ولاحاجة ..سيدها مابخلى زول يجى يجدد اقامته...فقرى خلاص ..وبيعيد للطالب المادة
منال ::عارفة يامنى احسن تودى بتك فيها صدقينى سمحة ........
نسرين ::اها قولى ..مشت ...تقعد وين ؟؟جامعة مافيها داخلية...ولا حاجة ...
منال :::تقعد مع عمتها فى برى ...
نسرين :::عمتها شغالة ...ثم انه زاتو القعاد مع الاهل بقى مشكلة
منال ::خلاص منى تودى بتها الجامعة بتاعة ناس شهد فيها داخلية محترمة
نسرين :: لا ...غايتو انا شايفة انو منى امها زاتو تمشى تقعد معاها هناك.. البنات دايرات المتابعة
منال::تمشى وين ؟؟؟ وتخلى الراجل هنا براه (هبو هبو لا ام لا ابو)؟
نسرين :وفيها شنو ؟؟ماكتار مشوا مع بناتهم وخلوا الرجال..
منال ::عارفة يا..........
هنا صرخت منى ....
يااخوانا بتى مابقت للجامعة ......بتى دى شايلها الطول ساكت ...
ثم نحن زاتو مامسافرين ...نحن مستنين امى جاية العمرة ...
|
Post: #16
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-19-2008, 05:32 AM
Parent: #1
ماجدة الماجدة ...تقديرى ليك ...
قصتك موتتنى من الضحك ...وديل كان عندهم قصر نظر رهيب ...
وياحليلهم ستارة العروس زاتا ...ناسنا زمان طيبين وبيثقوا فى الزول بسرعة
وكان فعلا لما يكون فى عرس الحلة كلها تقوم وتقدم وتساعد وبكل طيبة المفرش
على فلانه ...ملايات السرير بمخدات صباح الخير تطرزهم فلانه ..منديل العريس تعملوا فلانه
...هسى فى زمنا ده ..
الشيلة بيجيبوها مابوروك ليها .....
الكوفير الفيه العروسة مابوروك دربو ...واتغاتتوا عليك عشان ماتمشى معاهم للصورة
وكان ليهم مراد (العروس زاتا مايجيبوها لينا فى الكوشة )
زمن مؤلم .....مهلك لحياتنا البسيطة الحلوة ...هسى انتى كنتى 14 سنة ..ادوك القماش
عليك الله عاينى نحن اتغيرنا كيف ...يمين هسى لو بقيتى 61 سنة مايخلوك تجرتقى العرسان
اعمل ليك قصة ارتجالية ولا مافى داعى ؟؟
زى ماتحبى اوكى مافى داعى ....
|
Post: #17
Title: Re: الشوبار .....والمتشوبرين بلا حدود
Author: ماجدة عوض خوجلى
Date: 11-19-2008, 05:45 AM
Parent: #16
وتنجرى ليه عليكى الله ماحصل اصلو اتشوبرتى
وبمناسبه الجرتق ده تعالى ليه دايما بيقولو البتجرتق ماتكون ارمله ولا مطلقة
وماعندها مشاكل مع زوجها الحكمة فى كده شنو يعنى ..
بجيك راجعه علشان احكى ليك شوبير العصير حق الملح بالسكر ..
|
Post: #21
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-19-2008, 06:06 AM
Parent: #17
ماجدة الحبيبة
الجرتق ده الا للمرة المتزوجة ..عشان بيخافوا من الكبسة ...المطلقة
بتكبس والارملة كمان (اعتقادات) طبعا ...
ممكن تتغير الاعتقادات دى وتجى بدالها اعتقادات تانية اكثر قسوة ...
ويمنعوا حتى المرة المتزوجة تجرتق الا بشروط....
(1) ماتكون زوجة مغترب(بتكبس العروس ويقوم العريس يغترب هو كمان)
(2) ماتكون زوجة لراجل مرتين
(3) ماتكون زوجة لراجل شغال فى حتة تانية وبيجيها كل شهر مرتين
(4) ماتكون زوجة لراجل بياخد ليه يومين تلاته مع ناس امه
يعنى التجرتق دى ...لازم تكون طابة معاها الراجل فى يدها حتى تخت يدها فى الصينية ....
|
Post: #18
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-19-2008, 05:49 AM
Parent: #1
اديكم شوبيرة حصلت معاى ....
فى اجازة للسودان قبل طاشر سنة ...
بتى كانت صغيرة وطالعة بيها ونازلة بيها من زيارة للتانية ...
مرة انا نازلة زى 9 بالليل من مشوار وشايلاها فى يدى
غويشتى بتاعة الدهب (الويحيدة) ...وقعت منى مع تحريك البت
وعدة الاطفال الكتيرة ديك وكدة ...
المهم..
نزلت ودخلت البيت ...جيت اطلع (غويشة الغربة) لقيتها مافى
قلبى انقطع ...فتشتها مالقيتها...
نزلت الشارع.......
يلا نشوف الحصل
(انا بفتش بى كبريتة فى الشارع محل نزلت )وشارعنا رئيسى ...
جانى عم كدة كبير
مالك يابتى الرايح ليك شنو ؟؟
ابدا رايحة لى حاجة ..
زى شنو النفتشها معاك
لا بس حاجة بسيطة كدة
(فات خلانى)
جو اتنين ...
يااخت اى مساعدة
مارديت
قال للمعاه
شيل الكبريتة دى منها خلينا النشوف الوقع منها شنو
بيكون حاجة فارغة من البيلبسنها اليومين ديل
يازول ها عليك امان الله ده شيتا غالى ...البتفتشلو بالكبريتة ده
غالى شنو عارف هسى الحرامى زاتو ان لقى ليه دهبات فى الدولاب مابيشيلن
ليه .....مادهب...كيف مايشيلهم...
دهب انت ...كله فالصو ...
اها يابت العم الرايح ليك شنو ....خلصينا ...
رايحة (بزة) بتى (رضاعة)....
جدعوا لى الكبريتة وفاتو ...
_________________________________
فالحة مش؟ هسى ان قلت غويشة الشارع كلو يخلى شغلتوا
ويقعدوا الليل ده كله يفتشوا فيها ...ويلقوها ....ويحيروا (غربتى)
____________________
طبعا عايزين تعرفوا لقيتها ولا لأ....
لأ ..لأ ....للاسف ....
|
Post: #19
Title: Re: الشوبار .....والمتشوبرين بلا حدود
Author: طارق ميرغني
Date: 11-19-2008, 05:57 AM
Parent: #1
Quote: ولا شىء قلت ...نجيب معانا نفر نفرين شوية يابلال عليا يشيلوا معانا ...
يشيلوا معاك شنو انت بتغنى حقيبة.... |
والله يا ناهد احقو تخلي الشغله دي وتشتغلي سيناريست لانك وصافه وبتحبكي بامتياز.ما شاء الله.
بدري وقبل العيد كنا نفصل الجلاليب بزمن، وصديق متشوبر قال انو عمك الجمل ده في سوق بحري احسن من يفصل جلاليب بعدين لا مقاس لا حاجه بس يعاين ليك خاشي
يكون قرا المقاس " يعني حاسوب" . ولمن مشينا طبعا وشفت الراجل وعيونو الحمرا خفت اقول ليهو المقاس وكده وختينا القماش ومشينا وادانا نظرة اعجاب بانو
نحن فهمنا النظريه وبدون اي تعليق ادانا المواعيد" ولا عوض دكام" . المهم يوم الوقفه جيت استلم الجلابيه وطبعا ما ممكن اقيسا قدامو لانو سيرمقني بعيونو
الحمرا وشرارا ديك فاخذتها ومشيت البيت . وحاتك بس ميني جوب. والمشكله انو الرقعه ما بتنفع الوكت داك الا في "الشهاده".!!!
|
Post: #32
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-19-2008, 05:25 PM
Parent: #19
Quote: والله يا ناهد احقو تخلي الشغله دي وتشتغلي سيناريست
لانك وصافه وبتحبكي بامتياز.ما شاء الله.
|
طيب ماتكلم لى اسامة انور عكاشة ينولك ثواب :D
|
Post: #33
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-19-2008, 05:29 PM
Parent: #32
| Quote: والمشكله انو الرقعه ما بتنفع الوكت داك الا في "الشهاده".!!! |
اها فى احسن من سطرك ده هسة....
بس ياطارق يااخوى انت مغترب عليك امان الله
كان ماحكيت لينا تشبر من تشير الاهل لما تكون
داير نعمل ليك مشروع هناك ....
|
Post: #20
Title: Re: الشوبار .....والمتشوبرين بلا حدود
Author: Abuelgassim Gor
Date: 11-19-2008, 06:06 AM
Parent: #1
ها دى شوبيره واحده
المصريون ترجوا كلمة حبكة
لكن البعض فضل كلمةPlot عقدة
أما أرسطو طاليس يرى أن المسافة بين البداية فى الفعل حتى الذروة تسمى عقده
|
Post: #22
Title: Re: الشوبار .....والمتشوبرين بلا حدود
Author: عبدالكريم الامين احمد
Date: 11-19-2008, 06:25 AM
Parent: #20
الشوبار يا ناهد
بسمو احمد شوبير
ويقولو ليك الزول ده
احمد شوبير ياااااااااااخ
|
Post: #35
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-19-2008, 05:40 PM
Parent: #22
كيكى ازيك ...
وكمان لما كنت مع الاهل وحابة اطلع وماتتشبك فينى واحدة
من البنات....كانوا بيشيلوا البنات ويلفوا بيهم ويقولوا لى (اعملى زغبير)
وانا فللى على الشارع ...(بالله الواحد ربى عيالو ساى خوف )
وهسى هم بيربوا فينا (لا ياماما كدة غلط ) (وانتى مابتفهمى)
(وبالمنطق كدة ياماما ..اقنعينى ليه ...لأ ماامشى )
|
Post: #23
Title: Re: الشوبار .....والمتشوبرين بلا حدود
Author: الطيب شيقوق
Date: 11-19-2008, 06:29 AM
Parent: #20
ناهد صباحك
الليلة فتحت موضوع مولع نار
بس عندى ليك سؤال واحد بس
اكان انا طبيب او مهندس او محامي وجاني حد يطلب المشورة في مجال تخصصي وجالس جنبي واحد ما ليهو علاقة بذلك التخصص وراح ناطي يشارك في تقديم المشورة بسذاجة ده برضو متشوبر صاح؟
|
Post: #30
Title: Re: الشوبار .....والمتشوبرين بلا حدود
Author: عماد محمود علي
Date: 11-19-2008, 11:53 AM
Parent: #23
| Quote: بس عندى ليك سؤال واحد بس |
ياخي هسع دي أنت الجابك هنا تتشوبر شنو علشان كمان تسعل ؟ ناس أحمد شوبير سااااكت ...
|
Post: #64
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-20-2008, 09:00 PM
Parent: #30
ازيك ياعماد ....
تشوبر نصاح هو ...
(لكن مابنخليك احكى لينا تشبراية سغيرووووووونة كده)
واحدة جات من حفلة.... قلعت توبها....فى اول سرير فى الحوش
راجلها واخوانها بيلعبوا كوتشينة فى الحوش..
وجهت الكلام لاخوها ....
ماشفت ياأيمن الحفلة كانت حلوة كيف
بالله؟
مبااااااالغة عديل كده ياأيمونى.....
هنا يلتقط القفاز برعى راجلها ويتشوبر....
بالله كانت حلوة ياسناء.....
اى ......اريتو يايابا كان عرسى!!!!!
وعرسك مالو كمان ؟ ما كان بسرتيته ومحلبيته ومجموعه
يجمعوك يايابا فى دفار الكشة....
كدى دقيقة عرسك مالو ياسناء فهمينى ....
مالو؟ كمان جاى تتكلم (حننتنى) مريم الكلاكلة.... يايابا
ولا (رقصتنى) فايزة عيسى ولا (غنى) لى عاصم البنا ...
طيب.... ودحلتنا الغنى لينا مالو ؟ هداك هسى سوا ليه فرقة وبقى يتلولح
ثم تعالى هنا ؟ داخلة وبتنضمى وتوجهى الكلام لأخوك مالك عميانة منى ..
انت كان مازول متشوبر ساى ...وجهت ليك الكلام هسى انت ...كنت بتكلم مع ايمن اخوى ...
(هنا يطنطن الزوج برعى تحت تحت )....
ليهم حق الخليجين لما قالوا لينا (الله يعينكم ديل حريمكم)
|
Post: #36
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-19-2008, 05:50 PM
Parent: #23
| Quote: اكان انا طبيب او مهندس او محامي وجاني حد يطلب المشورة في مجال تخصصي وجالس جنبي واحد ما ليهو علاقة بذلك التخصص وراح ناطي يشارك في تقديم المشورة بسذاجة ده برضو متشوبر صاح؟ |
طبعا ياشيقة يااخوى
نعمل ليك حوار لحظوى لقصتك دى ....
بالله كنت عايز اعرف عن البيوت الجاهزة دى كيف
ينط المتشوبر
عارف انت اول شىء تشترى الواطة
طيب اها
انت عندك واطة ولا تقعد تبرينى ساى
لا عندى وامال انا جاى هنا لى شنو
خلاص ...مساحتها كم
500 متر
مسجلة الواطة دى...وخرطتها مصدقة؟
ياخى انت شغلتك شنو ؟ انت مهندس
لا ...لكن بنيت قبل كدة
ونفرض
ولاتفرض ولاحاجة ...بعد ماتمتر مع المساح واطاتك
اها
تشوف الحتة الداير تخت فيها البيت الجاهز ...على فكرة لقيت ال250 متر بى كم
ياخى انا داير اخته فى السطوح لانه مابقدر ابنى دور تانى
وطيب مابكلفك برضو ثم انه اقل هبوب بتطيروا ليك
ياخى عليك الله قوم لف كدة ولا كدة
وهنا يعتذر المسئول عن تمادى المتشوبر...
______________________
كنت دايرة اكملها ليك لكن نفسى قام
|
Post: #34
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-19-2008, 05:33 PM
Parent: #20
Quote: دى شوبيره واحده
المصريون ترجوا كلمة حبكة
لكن البعض فضل كلمةPlot عقدة
أما أرسطو طاليس يرى أن المسافة بين البداية فى الفعل حتى الذروة تسمى عقده |
ابو القاسم ازيك
والعقدة دى تكون بتاعة شنو ؟؟؟ولا عقد مختلفة
ولا عقدة اوديس سااااى ...
|
Post: #24
Title: Re: الشوبار .....والمتشوبرين بلا حدود
Author: ابراهيم قناوي
Date: 11-19-2008, 06:30 AM
Parent: #1
ناهد قريبتي
سلامات
ياخي والله عندك مقدرة على السرد الدرامي قوية جدا
أها أنديك واحدة:
شافع طالع من بيتو يبكي
لاقاهو واحد:
- يا ولد بتبكي مالك؟
- أبوي دقانيييييييييي
- ودقاك ليه؟؟؟
- دقاني بس
- يا ولد قول دقاك ليه؟؟؟
- ما في التحشر الجنس تحشرك ده
حباسة:
حبيت أتشوبر بس
|
Post: #26
Title: Re: الشوبار .....والمتشوبرين بلا حدود
Author: الطيب رحمه قريمان
Date: 11-19-2008, 06:52 AM
Parent: #24
الاخت الاستاذة ناهد
موضوعك كله شوبار
عليك الله انت لما فالحة و فاهمة فى الشوبار ده البخليكى تتشوبرى
و تكتبكى فى الموضوعات الاخرى شنو؟
يعنى انت حدك الشوبار ده و بس .
لكن موضوع الجرتق ده مهم جدا
Quote: وبمناسبه الجرتق ده تعالى ليه دايما بيقولو البتجرتق ماتكون ارمله ولا مطلقة
وماعندها مشاكل مع زوجها الحكمة فى كده شنو يعنى
|
يعنى الجرتق الا للجديدة لنج ؟ و الله ده كلام !!!!!!!
|
Post: #38
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-19-2008, 06:17 PM
Parent: #26
Quote: عليك الله انت لما فالحة و فاهمة فى الشوبار ده البخليكى تتشوبرى
و تكتبكى فى الموضوعات الاخرى شنو؟ |
تقول شنو يالطيب ياخوى ....شوبار بس ...ي
|
Post: #39
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-19-2008, 06:21 PM
Parent: #26
Quote: يعنى الجرتق الا للجديدة لنج ؟ و الله ده كلام !!!!!!! [/QUOTE
لا مش كدة يالطيب ...يعنى تكون مامطلقة ولا ارملة ...
اوالتجرتق تكون ... اكبر واحدة فى العيلة ...او الجيران ....
|
Post: #37
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-19-2008, 06:15 PM
Parent: #24
Quote:
يا ولد قول دقاك ليه؟؟؟
- ما في التحشر الجنس تحشرك ده
|
حلوووووووووووووة ...
يادكتور ....
الغريبة انه المتشوبرين ديل (خبراء بلا حدود)
(بيوت خبرة ) عديل كدة ...
حقو الاستفادة منهم بسرعة .....قبال ماتجى جهة تاخدهم وتحيرنا
التعديل لحذف حرف...
|
Post: #25
Title: Re: الشوبار .....والمتشوبرين بلا حدود
Author: هاشم أحمد خلف الله
Date: 11-19-2008, 06:36 AM
Parent: #1
الجميلة جداً ناهد بشير اسعد الله صباحك
تخيلي موضوع الشوبار ده زاد في الأوانة الأخيرة وبشدة كمان
والقصص فيهو ما بتنتهي وتخيلي اكتر ناس متشوبرين هم الأهل
البوست ده عايز ليهو رجعة تاني يا ناهد موضوع ذو شجون 
|
Post: #40
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-19-2008, 06:24 PM
Parent: #25
| Quote: والقصص فيهو ما بتنتهي وتخيلي اكتر ناس متشوبرين هم الأهل |
طيب وقتين الله جابك مابنخليك الا تحكى لينا ....كدى عن الاهل وتشبرهم...
منتظرين ...
______________
شكرا
|
Post: #27
Title: Re: الشوبار .....والمتشوبرين بلا حدود
Author: Kamal Karrar
Date: 11-19-2008, 09:07 AM
Parent: #1
ناهد أختي...
الموضوع شيق وحاصل...والذاكرة مختزنة الكثير لكن.. ما لاقي معينات إخراجها من الذاكرة..وصياغها بالسهل الممتنع الذي أفترعتي به البوست...وعشان أنت أتشوبرتي براك وفتحتي الموضوع.. أها أديك زي ما بيقولوا CLUE عن نوع من الشوبار كان موجود تقريبا في وسط كل أسرة سودانية.. وأنت استدعي الذاكرة والخيال وأكيد حتطلعي حاجة...
SCENE
بيت بكاء حار.. والجنازة ملفلفة في الديوان وسط سجادة جرتق المرحوم... والحجة والنقة في إنو يمشوا الدفن ولا يتنظروا أخت المرحوم تصل من شندي؟؟؟ يدفنوه في حلة حمد ولا في حلة خوجلي؟؟؟ يغشوه (بتشديد الشين) البيت الكبير ولا ما في داعي... والمرحوم...مسكين ملقح تحت ظلال الشوبار والمتشبرين...
أهي يا ناهد أختي.. محاولة لرسم المشهد والباقي عليك
|
Post: #28
Title: Re: الشوبار .....والمتشوبرين بلا حدود
Author: ابو جهينة
Date: 11-19-2008, 11:07 AM
Parent: #27
ناهد
متشوبرون بلا حدود
شوفي الكلمة Show - Bar
متابع ..
|
Post: #29
Title: Re: الشوبار .....والمتشوبرين بلا حدود
Author: omar arbab
Date: 11-19-2008, 11:44 AM
Parent: #28
سلام
شوبيره واحده
مرة واحد حشري شاف حادثة والناس ملمومين عليها قام رايح وسأل واحد من الموجودين الحاصل هنا شنو يا اخونا...؟؟ قال حادثه وفيها ميت ، قام رايح وقال وسع يا زول انا عم الميت ...افتح الطريق انا عمّ الميت ... الناس عاينو ليهو باستغراب ووسعولو ، الحشري انبسط شديد وراح داخل وفجأة.........شاف لقي الميت حمار!!!!
|
Post: #49
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-19-2008, 09:22 PM
Parent: #29
Quote: .........شاف لقي الميت حمار!!!!
|
اها هسى شوف جنس التشبر ده ....
عارف التشبر الزى ده ...
نتائجه شنو ؟
بيفقد الارض توازنها ..
ويدعم الكونفشوبارية
|
Post: #52
Title: Re: الشوبار .....والمتشوبرين بلا حدود
Author: omar arbab
Date: 11-19-2008, 09:54 PM
Parent: #49
| Quote: ويدعم الكونفشوبارية |
اتنين مساطيل قاعدين بضربو فى سجارة ..قام واحد قال لي التانى امبارح كونتة قاعد في البلكونة... قامت وقعت فيني حلمبشوتة.....قام التاني قاليهو.... يعني شنو بلكونه
الكلام كبير علينا
|
Post: #48
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-19-2008, 09:13 PM
Parent: #28
Quote: متشوبرون بلا حدود
شوفي الكلمة Show - Bar |
اخونا ابو جهينة سلامات ياخى ....
عارف نحن من زمان جدا كلنا كنا متشوبرين
الواحد لسة بيقروه (أ) أسد و(ب) بقر ...
يكون داير يصل لى (نا) نمر ....
والعجب لما كنا فى تانية كان بتين نخلص الابتدائى
عشان نخش المتوسط ....وتلقانا متشوبرين ..نحن فى الابتدائى
نلعب مع ناس المتوسط ...وناس المتوسط مع ناس الثانوى...
|
Post: #54
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-20-2008, 07:35 AM
*******************
|
Post: #42
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-19-2008, 06:49 PM
Parent: #27
Quote: بيت بكاء حار.. والجنازة ملفلفة في الديوان وسط سجادة جرتق المرحوم... والحجة والنقة في إنو يمشوا الدفن ولا يتنظروا أخت المرحوم تصل من شندي؟؟؟ يدفنوه في حلة حمد ولا في حلة خوجلي؟؟؟ يغشوه (بتشديد الشين) البيت الكبير ولا ما في داعي... والمرحوم...مسكين ملقح تحت ظلال الشوبار والمتشبرين...
|
شكرا ليك يااخ كمال كرار .....
(مع احترامنا الخالص لخصوصية الموتى نورد التالى )...
اتنين حريم بيصلوا فى المسجد ....التراويح
واثناء التشهد جوا جماعة شايلين جنازة
وختوها فى الصف القدام...
الحريم بدن فى النقة ...
سجمنا الليلة الحلة جابت ليها موت
منو المات لينا فى رمضان ده
برى ...اتلقى ود الحاجة بت ست نور
صدقتى ياختى باقى تعبان شوية ليه كم يوم كدة
الدوام لله يابت امى
حليلك ياود الحاجة حليلك ياود امى
حليلك يالماغلطت على زول...حليلك ياضرا البيت..
واحدة قاعدة وهى بتصلى نهرتهم
هى يانسوان اسكتن هو ود الحاجة ده.. ود الليلة... الله يدينا عمره ياختى
المهم هم لسة ماعرفوا منو المات وقاعدات على نار الا يعرفوا منو المات
و الصلاة لسه شغالة ...
انت يابت امى ودالشيخ ده الليلة مالو مطول صلاتو كدة
هى ياود الشيخ ماتخلصلنا التراويح دى باقى الضهر يبس
هو يباس نصاح...يبس يباس ناس امى
عاد ياود الشيخ بالغت الليلة..... بندور نعرف المات منو
هو بالغ ساكت قبال كدة ماكانت صلاتو خفييييييييييفة الجد شنو يعنى
الليلة برى مابعرفو مالو ...حراق روح لينا بس ...
خلصت الصلاة وجروا على الرجال فى الشارع وسالوا رجال الحلة...
وهن ينوحن ...
وطلعت الماتت بت شابة....
________________________________________________________________
اما قصتتك فدى... بدايتها...بطلع وبرجع
ونجى نشوف شوبارهم ....
اسمع ...شيل انت وعبده بى هناك وانا ومصطفى بى هنا
قبال نشيل ...اهله جو شافوه ...
خلاص جوا وشالوا الفاتحة ومرقناهم يالله من هنا..كوركن ماخلن شىء...
كدى اصبروا ياجماعة ... لغاية التاية اخته بصها يصل من شندى ...
|
Post: #43
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-19-2008, 06:49 PM
Parent: #27
Quote: بيت بكاء حار.. والجنازة ملفلفة في الديوان وسط سجادة جرتق المرحوم... والحجة والنقة في إنو يمشوا الدفن ولا يتنظروا أخت المرحوم تصل من شندي؟؟؟ يدفنوه في حلة حمد ولا في حلة خوجلي؟؟؟ يغشوه (بتشديد الشين) البيت الكبير ولا ما في داعي... والمرحوم...مسكين ملقح تحت ظلال الشوبار والمتشبرين...
|
شكرا ليك يااخ كمال كرار .....
(مع احترامنا الخالص لخصوصية الموتى نورد التالى )...
اتنين حريم بيصلوا فى المسجد ....التراويح
واثناء التشهد جوا جماعة شايلين جنازة
وختوها فى الصف القدام...
الحريم بدن فى النقة ...
سجمنا الليلة الحلة جابت ليها موت
منو المات لينا فى رمضان ده
برى ...اتلقى ود الحاجة بت ست نور
صدقتى ياختى باقى تعبان شوية ليه كم يوم كدة
الدوام لله يابت امى
حليلك ياود الحاجة حليلك ياود امى
حليلك يالماغلطت على زول...حليلك ياضرا البيت..
واحدة قاعدة وهى بتصلى نهرتهم
هى يانسوان اسكتن هو ود الحاجة ده.. ود الليلة... الله يدينا عمره ياختى
المهم هم لسة ماعرفوا منو المات وقاعدات على نار الا يعرفوا منو المات
و الصلاة لسه شغالة ...
انت يابت امى ودالشيخ ده الليلة مالو مطول صلاتو كدة
هى ياود الشيخ ماتخلصلنا التراويح دى باقى الضهر يبس
هو يباس نصاح...يبس يباس ناس امى
عاد ياود الشيخ بالغت الليلة..... بندور نعرف المات منو
هو بالغ ساكت قبال كدة ماكانت صلاتو خفييييييييييفة الجد شنو يعنى
الليلة برى مابعرفو مالو ...حراق روح لينا بس ...
خلصت الصلاة وجروا على الرجال فى الشارع وسالوا رجال الحلة...
وهن ينوحن ...
وطلعت الماتت بت شابة....
اما قصتك فبديت فيها بجى اكملها ليك بعدين ياكمال ...
اسمع ...شيل انت وعبده بى هناك وانا ومصطفى بى هنا
قبال نشيل ...اهله جو شافوه ...
خلاص جوا وشالوا الفاتحة ومرقناهم يالله من هنا
مالهم كوركوا ولا شنو
__________________
فى الانتظار قريبا وحصريا على بوست الشمار
|
Post: #31
Title: Re: الشوبار .....والمتشوبرين بلا حدود
Author: ismeil abbas
Date: 11-19-2008, 12:01 PM
Parent: #1
المثل بيقول
جاء يكحلها عماها
او
جاء يتفولح جاب ضقلها يتلولح
ألأخ/الراقية ناهد..
لك التحية ولأسرتك
والله قربتى تكركبى ضقلى بالرقم من إنى كنت ضقال فى الكورة((وجا يتفولح قام إتكبكب لما جاب ضقلها يكركب))برضو ده نوع من الشوبير ويا حليل أحمد شوبير حارس مصرنحن الزول البتشوبر بنسميهو على إسمو..
والله ضحكت لما إنبسطت الله يبسطك دنيا وآخره..
الشوبير.والشمار..طاهرتين كثرو فى الفترة ألأخيرة..وصراحة ألأثنين أنا بعملو لى حساسية..يجيك الواحد يقعد معاك وبعد شوية يفتح ليك موضوع فلان وفرتكان وأنت لاتحس به من جرجرة الكلام ويكون هو أشبع غريزته الشمشرية..أما جنس موضوعك ده وزى ماقلتى أغلبنا نحب الشوبير بنعتبرو نوع من الشهامة ولكن نتائجه خليها على ألله..مثال
عندنا واحد قريبناسواق ركشة لكن حمالتك على طبيب ومهندس وميكانيكى وسمسار والحاجة الوحيد الما بعرفها إنو يسوق الطيارة ولو الطيارة دى كانت واقفة قدامو كان نظر فيها.مرة المكيف عطل عمل فيهو عملية ودبهاى فى الشعيرية.
خالص مودتى لك وتشمرى على هذا البوست الجميل.............إسماعيل محمد احمد عباس..
|
Post: #41
Title: Re: الشوبار .....والمتشوبرين بلا حدود
Author: khaleel
Date: 11-19-2008, 06:34 PM
Parent: #31
ناهد
واحدة تركت خطيبها عشان لما عزموهو عندهم والعشاء مجبهز شيات
ما تديك الدرب شي بالجمر وشي بالصاج
قام الراجل (اتشوبر ) واكل لحمة (الملاح)
فسمي باحمد شوبير
|
Post: #47
Title: Re: الشوبار .....والمتشوبرين بلا حدود
Author: محمد عثمان
Date: 11-19-2008, 08:19 PM
Parent: #41
Quote: واحدة تركت خطيبها عشان لما عزموهو عندهم والعشاء مجبهز شيات
ما تديك الدرب شي بالجمر وشي بالصاج
قام الراجل (اتشوبر ) واكل لحمة (الملاح)
فسمي باحمد شوبير |
|
Post: #104
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-24-2008, 05:13 AM
Parent: #41
Quote: ما تديك الدرب شي بالجمر وشي بالصاج
قام الراجل (اتشوبر ) واكل لحمة (الملاح |
اخونا خليل ...
غايتو ده مابسألوا نهائى ...ده عامل زى المثل البيقول ..
يلقى العضمة فى الفشفاش ...عارف ده نوع الناس الماعندهم حظ ..
هو يوم الشبة ده (مااليوم المفترج)
_____________
شكرا .....خليل
|
Post: #50
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-19-2008, 09:33 PM
Parent: #31
*********************
|
Post: #65
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-20-2008, 09:25 PM
Parent: #31
| Quote: والله قربتى تكركبى ضقلى بالرقم من إنى كنت ضقال فى الكورة((وجا يتفولح قام إتكبكب لما جاب ضقلها يكركب |
اخونا اسماعيل عباس ...
قبال كل شىء رجع التوقيع بالله ....
واحدة يااسماعيل ...
معذبة نسوان الحلة ...
عيت رقدت مستشفى ....
جاها الدكتور ومعاه الاخصائى
كيف يابتول
تعبانة
تعبانة شنو انتى شدييييييدة كتبنا ليك خروج
خروج شنو انا لسة عيانه
مالك بتشكى من شى
(سكتت)
مالك يابتول حاسة بشنو هدا الاخصائى معاى
(سكتت)
بتول
اى يادكتور
قومى حضرى نفسك انت حتمرقى
لكن يادكتور مامارقة
كيف مامارقة ...ماخلاص علاج واخدتى والحمدلله
(لسة فى نسوان طالباهم مواجبة ماجونى لى هسة)
الترجمة: يعنى مستنية كم واحدة تجى تواجبها زى ماواجبتهم قبال كدة ...
|
Post: #66
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-20-2008, 09:29 PM
Parent: #31
| Quote: عملية ودبهاى فى الشعيرية |
عمل شنو فى الشعيرية ؟
انا عن نفسى بعوس فيها فسادا
كرا وفرا وبحرا وجوا ....
|
Post: #44
Title: Re: الشوبار .....والمتشوبرين بلا حدود
Author: محمد عثمان
Date: 11-19-2008, 06:54 PM
Parent: #1
و جلوووس فى مقاعد المتفرجين
غايتو كان تذكرتى فازت بالجائزة
بقسم معاك يا نااهد...
|
Post: #46
Title: Re: الشوبار .....والمتشوبرين بلا حدود
Author: osman righeem
Date: 11-19-2008, 08:14 PM
Parent: #44
كان البص يتهادي في السير و بسرع مرة ويفرمل فجأة
وهذه الحالة كان الوكيل عريف عوض ياتبع بعيني صقر
المشبوهين في البص وهولن يتخلي عن الواجب في أي
وقت فجأة شاف بأم عينة النشال يتناول بيديه محفظة
احد الركاب فما كان منه الا ان اعطاه ام دلدوم وفي
نفس اللحظة مسك بجسم الجريمة في جيب النشال وصاح
بنبرة المنتصر وقف البص يا سواق انت ............
جاط الناس و اوقف عوض البص واقتاد النشال بعنف الي
الارض ونادي علي الضحية و الذي بدأت علي ملامحه الدهشة
و خاطب عوض العسكري:-
- دايرني انا .... ليه في شنو
- انت يا زول ميت الحرامي جه ما نشلك
- لا يا جنابو ..... انا ما عندي حاجة اتنشلت
هنا ارتفعت عيني النشال بدهشة الي وجه الضحيه
و صاح عوض العسكري جيب الجزلان ده هنا
و رفع عوض الجزلان في وجه الضحيه
فهز الضحيه رأسه قائلا يا جنابو انا ماهندي جزلان اصلا
شعر عوض بغرابة الموقف
وفجأة احسن عوض ان الجزلان غير طبيعي
وعندما فتح الجزلان أمام الناس
غتساقطت قطع البنقو امام الجميع
وهنا صاح النشال
يا جنابو انت بعينك دي ما شفتني نشلتو.
|
Post: #68
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-20-2008, 09:56 PM
Parent: #46
| Quote: يا جنابو انت بعينك دي ما شفتني نشلتو |
حلوووووووووووووووووة متل اللالوب حق الابيض ..ياعثمان ...
وبعدين الضحية ده الذ زول ...وياهو زاتو (حسب الله الطفشان)
ده احسن حاجة عملها مع بوابة التحصيل المعصلجة مع الشعب كله
ولاشاسل ليه محفظة ولا جزلان ...ومريح باله
|
Post: #67
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-20-2008, 09:48 PM
Parent: #44
Quote: غايتو كان تذكرتى فازت بالجائزة
بقسم معاك يا نااهد... |
مأأظن يامحمد عثمان ....تقسم معاى 
لكن انا بقدم السبت ...(احده بتين؟ مامعروف...اتخيل لى ... الاتنين.. ولا ماكدة )
والاتنين الليلة وين ...ووين ليك مدة مابنت
المهم هاك استلم دى....
اسمعى تذاكرنا الاتنين معاى نكمل الحفلة ونحضر السحب ياناهد...بعدين نمشى
طيب...وكان فزت انت ؟
بقسم معاك
كضااااااااااااااب
بقسم معاك والله بالجد....
طيب كان شىء مابتقسم مثلا (طقم كبابى ولا ترمس)حتعمل شنووووو؟؟؟؟؟
مممممممممم
قلت شنو يامحمد عثمان ؟
ابدا ...طيب كان انتى فزتى ياناهد ...
مأأظن افوز لانه تذكرتى مافيها الرقم 9
يختى انتى من زمن ال9 هسى بقى الحظ بتجييبه انت براك...وتقعديه جنبك
كيف الكلام ده؟
كده....تجيبى حظك ...وماتختيه زى زمان فى شوك وتجى الريح ونثروه والكلام الفارغ ده
اها كيف
نمشى انا وانتى نتفق مع ناس الجوائز...
كيف يعنى
نمشى للشاب المسمسم داك الماسك الارقام شايفاه؟
اها
ونقول ليه وين ياصافى النية...تذكرتكم دودوت بينا...
اها
والله غلبنى تميها انتى
برى يامحمد تمها انت .....جوائزهم دى زاتها قالوا حرام ...
|
Post: #45
Title: Re: الشوبار .....والمتشوبرين بلا حدود
Author: كمال ادريس
Date: 11-19-2008, 08:08 PM
Parent: #1
ناهد كيفك
وكت جبتي سيرة الشوبار اقول ليكي انو الله فكاكي يوم جيتينا في شارع المعونة بتسألي عن اللحمة السمحة... أها بس فوتك كده كان واقف جنبنا وعايز يوصف ليك محل الجزارة السمحة..... ورغم انو زول عاتي وطويل لكن الجماعة مسمنو شبر من الوشبار وهو شمرجي درجة اولى ...... الله فكاك.
كل الود
|
Post: #51
Title: Re: الشوبار .....والمتشوبرين بلا حدود
Author: الطيب شيقوق
Date: 11-19-2008, 09:46 PM
Parent: #45
| Quote: ويدعم الكونفشوبارية |
يجازي محنك يا ناهد بضحك لحدي الجيران جوني يتشوبروا قالوا لي مالك بتضحك قلت ليهم من تشوبركم ده
|
Post: #53
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-19-2008, 10:00 PM
Parent: #51
| Quote: يجازي محنك يا ناهد بضحك لحدي الجيران جوني يتشوبروا قالوا لي مالك بتضحك قلت ليهم من تشوبركم ده |
وقت بيعجبك كلام الكونفوشوبارية ده النذيدك منو ...
الشوبار بيساعد فى حل العقد السياسية ذات الاهتمام المشترك بين المتشوبرين
والشوبار بيعمل على توحيد (لا لا لا ...ماعلى توحيد ولا حاجة) على اختلاف الرؤى
والشوبار بيثبت اللامركزية منه والبحرية ,,واللاماب بحر ابيض..
الشوبار بيحافظ على ثقب الاوزون (هو مثقوب) يحافظوا عليه فى شنو (ده سؤال)
الشوبار بيخفض ميزان الشمارات وميزان البوبار من التلف
|
Post: #55
Title: Re: الشوبار .....والمتشوبرين بلا حدود
Author: محمد عكاشة
Date: 11-20-2008, 07:47 AM
Parent: #53
التاكسى اتعطل فى طريقه من الخرطوم..
المشوار طرحه..
السواق نزل يلكلك فى العربيه..وخته طوبه تحت اللستك
واحد قال ليهو شوف اللديتر
التانى قال البطاريه
التالت قال الجربوكس
....
السواق لكلك بعد شويه دورت..التفت لاحدالركاب وقال ليهو شيل الطوبه دى..
فى واحد كان صامت ساعة التصليح وقاعد فى التاكسى..وتحدث
احتمال العطل يكون من الطوبه دى ذاته
|
Post: #75
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-21-2008, 07:43 PM
Parent: #55
Quote: فى واحد كان صامت ساعة التصليح وقاعد فى التاكسى..وتحدث
|
هههههههههههه
| Quote: احتمال العطل يكون من الطوبه دى ذاته |
واطواب البلد زادت ....
رغم الكماين الغرقها النيل ....
_________________
عكش مشتاقون وللاولاد الحلوين ...سلامنا ليهم ...
|
Post: #56
Title: Re: الشوبار .....والمتشوبرين بلا حدود
Author: محمد سنى دفع الله
Date: 11-20-2008, 07:49 AM
Parent: #53
ناهد مشتاق ليك بالكوم
لي البنيات الفنانات
اي ابو العول وامو الحنينة الفنانة
جاي اتشوبر لقيتك كملتي الشوبار
بجيك بالمهلة
بس اول حاجة عندي مسرحية اخر الشهر
باخد الذن منك في التصرف في كم شوبارة منك وحقك الادبي محفوظ
لكن المادي ولا تتشويري فيها
ولا تفكري
ده بعدك
يازولة ولا عايز معاك ما دام جابت ليها حق مادي
|
Post: #73
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-21-2008, 01:28 PM
Parent: #56
Quote: بس اول حاجة عندي مسرحية اخر الشهر
باخد الذن منك في التصرف في كم شوبارة منك وحقك الادبي محفوظ
لكن المادي ولا تتشويري فيها
ولا تفكري
ده بعدك
يازولة ولا عايز معاك ما دام جابت ليها حق مادي |
استاذنا الرائع صاحب الامكانيات الرائعة السنى ...
احوالك واحوال المدام بالجد مشتاقين ....
هاك دى
ناهد عايز اشيل من شوبارياتك دى واحدة
تدفع كم
ولا حاجة ...بديك الحق الادبى بس
والمادى...ماله (ممنوع من الصرف)؟
دى ماشغلتنى ...شوفى ناس المالية
مالية ايه ياعم ...طيب ادينى حق شوبيرة العربية على الاقل
صعب ...غايتو الحق الادبى بديك ليه..
هو الادبى زاتو مامية المية حقى ...ملقطنو من هنا ومن هنا ....
طيب مادى ماعندى...ادينا شوبيرتك ونديك حقكك الادبى....
لع ...لع..(بخ )لينا انت مادى..
بخ شنو ياناهد ريحة هى ؟
طيب بخ مادى ...الادبى شوف اسياده وين
لع لع لع ادبى بس
لا مادى ودولار كمان...عشان دايره اقسمه مع ناس ...
لاادبى...
مادى
ادبى
مادى
ادبى
وهنا تبدأ الحرب الضروس ....بينهم
|
Post: #57
Title: Re: الشوبار .....والمتشوبرين بلا حدود
Author: الطيب شيقوق
Date: 11-20-2008, 07:56 AM
Parent: #53
الاميرة بت البشير
Quote: الشوبار بيساعد فى حل العقد السياسية ذات الاهتمام المشترك بين المتشوبرين
والشوبار بيعمل على توحيد (لا لا لا ...ماعلى توحيد ولا حاجة) على اختلاف الرؤى
والشوبار بيثبت اللامركزية منه والبحرية ,,واللاماب بحر ابيض..
الشوبار بيحافظ على ثقب الاوزون (هو مثقوب) يحافظوا عليه فى شنو (ده سؤال)
الشوبار بيخفض ميزان الشمارات وميزان البوبار من التلف |
هل ممكن نقول شوبرست؟
وهل ممكن نقول شوبرستي؟
وهل ممكن نقول شوبرايزيشن ؟
وهل نتطاول اكتر لنجعلها اكثر شمولية عشان تصير شوبرزم ؟
هييييييييييييع لقيتيني كيف كدا؟
|
Post: #58
Title: Re: الشوبار .....والمتشوبرين بلا حدود
Author: محمد عثمان
Date: 11-20-2008, 08:36 AM
Parent: #57
| Quote: هييييييييييييع لقيتيني كيف كدا؟ |
خطرى يا ود شيقوق..
بالمناسبة زول مريا وين..؟؟؟
|
Post: #59
Title: Re: الشوبار .....والمتشوبرين بلا حدود
Author: عماد محمود علي
Date: 11-20-2008, 08:42 AM
Parent: #57
| Quote: هييييييييييييع لقيتيني كيف كدا؟ |
يلقاك كلب سعران في زقاق ضيق إنشاء الله ....ممسوخ ومسنوح .
|
Post: #60
Title: Re: الشوبار .....والمتشوبرين بلا حدود
Author: الطيب شيقوق
Date: 11-20-2008, 09:04 AM
Parent: #59
محمد عثمان / الكاتل الجدادة وخامي بيضها كيفك؟ رجعت من دبي؟
Quote: خطرى يا ود شيقوق..
بالمناسبة زول مريا وين..؟؟؟ |
زول مريا انت فعلا عرفتو طاب فعلا زول مريا هو مع (ناسنا) بهناك امشى اترو فاقدك بالحيل
عماد السجم
ناهد
| Quote: يلقاك كلب سعران في زقاق ضيق إنشاء الله ....ممسوخ ومسنوح |
شفتي عزيزتي ده الشوبار الاصلي البطلع زيتي هسع انا قلت ليك انتي ( لقيتيني كيف؟) رائح متشوبر . هسع جاى ناطي من وين يا سجم الرماد الله يملأ خشمك طين نامن يدفق اوع تتشوبر تاني
|
Post: #95
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-22-2008, 11:04 PM
Parent: #57
| Quote: هييييييييييييع لقيتيني كيف كدا؟ |
شيقة اخوى ....
لقيتك كده..مع احتمال هطول امطار خفيفة
شوبرمينت
شوبيريشيص
شوبيرنال
شوبيررررر
اها لقيتنى وين وكيف وليه وعشان شنو ...
|
Post: #69
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-20-2008, 10:27 PM
Parent: #45
| Quote: وكت جبتي سيرة الشوبار اقول ليكي انو الله فكاكي يوم جيتينا في شارع المعونة بتسألي عن اللحمة السمحة... أها بس فوتك كده كان واقف جنبنا وعايز يوصف ليك محل الجزارة السمحة |
وماتقول كنت مستعجلة ....كان هرانى هرى....
اولا كدى حمدلله على سلامتك ياخى
وست بيتك انشاءالله طيبة واولادها ...
نتخيل كدى ونشوف ...
ناهد وكمال وست بيته.... فى شارع المعونة )
ياكمال شارعكم ده قالوا فيه جزار لحمته العجالى سمحة
كمال: والله انا عارفانى جاى من سفر... كدى اسألى المدام.... دى حلتها
اها الجزار ده وين يامدام (.....)
قبال ماترد (صاحبتى) يجى المتشوبر ...وفى السخانة ديك يقول ...
دايرة جزار يابت العم ؟
اى
لحمتك الدايراها ...بتلو ولا ضأن
ناهد  ب) ايه...؟
الجزار :بتلوووووووو....
وده شنو؟
لحمة بتلو مابتعرفيها...طيب الاستيك ؟
لأ...الحقيقة بس بسأل من جزار هنا لحمته كويسة وكده...
دايرة تشترى منه ؟
لأ ...دايرة اديه مصاريف...... اى دايرة اشترى منه طبعا...عجالى
آآآآآآآ عجالى آآآآآآآآآ.
اى عجالى للملاح .....
طيب مااحسن ليك البقرى ..
ياخى وصف لى جزار كويس بس...خليك من البقرى والجزرى..
طيب ملاحك مفروك ولا طبيخ يابت العم
يالله ...تطول الروح ...انا هسى سألتك ...مالك متشوبر...
ابدا قلت اساعدك وكدة..ومنها اتحرك شوية... شهر الرطوبة حاميانى المرقة
والرطوبة دى ماحمتك النضمى والتشبر؟
(يطنطن) بس عليها ....مرة فصيحة خلاس....
|
Post: #61
Title: Re: الشوبار .....والمتشوبرين بلا حدود
Author: أبو الحسين
Date: 11-20-2008, 09:19 AM
Parent: #1
قريبتي ناهد بشير... سلامات وتحايا نواضر...
وعجبني ليك تكالُب المتشوبرين عليك "إتخيلت منظرك وانتي مَزَرزَرة وسُطُن"
وهاكي مني القصة دي...
أبوي حاج أحمد الله يديهو الصحة والعافية ويبارك في عمرو... زمااااااااان أمشي معاهُن بلد بي تِحِت... يعني نندلَّة... وفي مرة من المرات البابُور حق ساقتنا كان خسران جايبينلُو الأُسطى "أحمد محمود" ربنا يديهو الصحة والعافية... أها بابُور ساقة "ود منصوري" التقول كان فيهو ولاد ماما.. أحمد محمود دا قدُر ما يعالج فيهو بي هني وبي هني ما عرف فيهو شي... وأبوي وجدي ود منصوري قاعدين فوق القيف قصاد الأُسطى وهو يكشف علي البابور... أها اللذيذة شنو... أبوي يقوم يقول ليهو:
أنا "إتَّهِم" يا أحمد يا ولدي الفُنية بتاعت البابور دي بايظي...
وأحمد زهجان والواطة حر ومليان جاز ياكلها في حنانُو... ويواصل مجهوداته للبحث عن المشكلة وين... وبعد عمل حقنة للبابُور ولسَّع ما قام... تاني أبوي قال ليهو...
أنا "إتَّهِمْ" يا أحمد يا ولدي الكَبَّاس دا المشكلة فيهو هُو...
وبعد تنهيدة من الأُسطى ومسح جبينه من العرق بيده اليسرى لتضفي على وجهه شئ من الزيت الأسود المشكَّن في أبرولُو الأزرق... تاااااااني أبوي يواصل تخميناتُو...
أنا "إتهِم" يا أحمد يا ولدي الأُوتُوميزر يبقى لي.... أها قبل يتمها...
الأُسطى يجي طالع من لا تحت ويخُت المفكات والمفاتيح قدام أبوي... أها يا عمي أحمد لا تتهم ولا حاجة قُوم بابُوركُن "المسكُون" دا قوم صلِّحُو إنت!!!
لك وللمرور الكريم قواسيب مودتي يا بت البشير...
أبو الحُسين...
|
Post: #62
Title: Re: الشوبار .....والمتشوبرين بلا حدود
Author: Hala Hassan
Date: 11-20-2008, 11:30 AM
Parent: #1
ناهد،
سلامات،
لكن ما شاء الله لقيتك حكاية، و كاتبة سيناريو من الطراز الأول،
و الشوبار عندكم و عند ماجدة خوجلى لكن (تحياتى للأخت ماجدة)،،
Quote: ناهد مشتاق ليك بالكوم
لي البنيات الفنانات
اي ابو العول وامو الحنينة الفنانة
جاي اتشوبر لقيتك كملتي الشوبار
بجيك بالمهلة
بس اول حاجة عندي مسرحية اخر الشهر
باخد الذن منك في التصرف في كم شوبارة منك وحقك الادبي محفوظ
لكن المادي ولا تتشويري فيها
ولا تفكري
ده بعدك
يازولة ولا عايز معاك ما دام جابت ليها حق مادي |
مش قلنا ليكى؟؟؟
|
Post: #63
Title: Re: الشوبار .....والمتشوبرين بلا حدود
Author: عماد الشبلي
Date: 11-20-2008, 03:18 PM
Parent: #62
ماكل الشوبار شوبير
احمد شوبير كان حارس مرمى الاهلى المصرى ..
ومزيع تلغزيونى
وعضو مجلس الشعب
ووكيل اتحاد كرة القدم
والتحية لكى ناهد
|
Post: #78
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-21-2008, 09:31 PM
Parent: #63
ماكل الشوبار شوبير......
استاذنا عماد الشبلى ....
وماكل الشوبير شوبار
فى شوبير ساكت بيجى براه..منه وليه كده
وفى شوبير مقصود... تركب ليه مخصوص تمشى الكلاكلة تتشبر وتجى راجع
وفى شوبير فاهم ...شوبير مركز....سيده بيكون استفاد منه ...
وفى شوبير اى كلام سيده مابيطلع بالتكتح واحتمال ياخد خبطة كمان
وفى شوبير زى شوبيرى الهسى بتاع البوست ده شوبير (بوستاوى)قلة شغلة وزهجة بس
تسلم ياغالى ..
___________________
مستنية التصوير بكاميرتك دى ..وطق طرق طرق ...
|
Post: #84
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-22-2008, 03:48 PM
Parent: #62
Quote: لكن ما شاء الله لقيتك حكاية، و كاتبة سيناريو من الطراز الأول،
و الشوبار عندكم و عند ماجدة خوجلى لكن (تحياتى للأخت ماجدة)،،
|
هلو الجميلة ....سلامات
ماقلنا ليكم كلموا لينا اسامة انور عكاشة ...وشوفوا لينا ليالى
ولا حاجة نكتبها ليكم انشاءالله ليالى زمان ...انتو مابتسمعوا الكلام ساكت..
وماجدة خطيييييييييرة فى الحكاوى ...(اكيد مربياها حبوبتها )
تحاياك وصلت ....
تعالى معاى دقيقة بس .....
محمد مشيت وين
مشيت مشوار
اى وين يعنى
تحقيق هو
تتدخل امها
ماسألتك ماترد براحة عليها ...اجى يايابا
انتى دخلك شنو
دخلى ؟ 2 الف دولار.... فى الشهر عاين ده بالله
مالك انتى هسه محشورة بيى وبين مرتى
انت مرتك دى كان بتقدرها كنت بتخليهاماعارفاك ماشى وين
وانت مالك
(مالى )عند ناس الضرايب
(يطنطن)......ضريبة تشيلك مننا
قلت شنو؟؟؟
قلت الضرايب كتروها عليناالسنة دى
اها ماوريت مرتك هسى انت كنت وين
كنت فى اجتماع
اج تم اع...
اى اجتماع
شوف يامتوكل جنى وجن الرجال البيقولوا عندى اجتماع ديل
يعنى شنو
يعنى حكاية اجتماع دى خلاص بقت قديمة
بالله ...والجديد شنو
الجديد تقول ...طالب لى زول قروش ماشى اجيبها منو
وليه يعنى؟
ماعشان حركاتكم الملولوة دى ...
قال اجتماع قال ...يجمعوك يايابا ويختوك صفر ويطلعوا بالواحد
|
Post: #70
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-20-2008, 10:37 PM
Parent: #1
Quote: وعجبني ليك تكالُب المتشوبرين عليك "إتخيلت منظرك وانتي مَزَرزَرة وسُطُن"
|
ود عمى اخو ابوى ابو الحسين ...
اى ...صدقت ...الله يعلم جنس زرة ...
بس زى المقبوضة بكماشة ...
|
Post: #71
Title: الشوبار
Author: علي الكرار هاشم
Date: 11-20-2008, 10:39 PM
Parent: #1
الاخت / ناهد
تحياتي
بحثت عن اصل الكلمة عند عون الشريف في قاموس العربية فلم يذكرها
عموما
الموضوع متوفر عندنا بصورة غريبة
مثلا
واحد يسأل ؟؟؟
بتعرف بكري ابو بكر شغال وين
تجيك الاجابة الغريبة
.....
بكري منو
بكري؟؟؟
والله يا أخ الاسم ما غريب
كدي اقعد
انت دايرو ليه
لكن قالوا ليك شغال في الشارع دا
بس ما عرفت هو من اولاد وين
اسمع انت سالت منو في الشارع التاني
ما قلت لي انت من الجزيرة والله شايقي
وهكذا يستمر دفتر الاحوال مفتوحا لهذا المسخره والشوبره
تحياتي
|
Post: #72
Title: Re: الشوبار
Author: ناهد بشير الطيب
Date: 11-20-2008, 10:56 PM
Parent: #71
Quote: بكري منو
بكري؟؟؟
والله يا أخ الاسم ما غريب
كدي اقعد
انت دايرو ليه
لكن قالوا ليك شغال في الشارع دا
بس ما عرفت هو من اولاد وين
اسمع انت سالت منو في الشارع التاني
ما قلت لي انت من الجزيرة والله شايقي
وهكذا يستمر دفتر الاحوال مفتوحا لهذا المسخره والشوبره
تحياتي |
اخونا على الكرار...
تحياتى...
واهو انت لاحقنى وجاى...فى الحكى
ولا انا لاحقاك وجاى ماعارفة ...
اها هاك دى ...
بالله بسال من بكرى ؟
بكرى منو ؟
بكرى ابو بكر
شغال وين ؟
شغال فى الهيئة المركزية....
الهيئة المركزية .....الهيئة المركزية ..بيسوق بوكس غمارتين ابيض..؟
ماعارفه لكن قالوا فى مربع 36
وده مربع 36 لكن اصلوا ماسمعنا بيه ..قلت لى سايق شنو؟
ماعارف والله ..
عنده جلحات وشعره مشيب جنبة واحدة
خليته شاب انا والله ماعارف العمل ودواليبه عمل فيه شنو
العمل ودواليبه جهجه عمك القدامك ده ...كبرنى بلا يومى
طيب بيت بكرى وينياحاج مستعجل وكدة...
قلت لى بكرى ابو بكر
اى ...ياحاج ...ماتسأل لى طيب ولدك ده ...
منو؟ معتز ولدى؟ ده مابيعرف غير بكرى ابو بكر بتاع سودانيز اون لاين
______________
الحمدلله كسرت تلج لا اراديا كده لبكرى ...
|
Post: #74
Title: Re: الشوبار .....والمتشوبرين بلا حدود
Author: ismeil abbas
Date: 11-21-2008, 06:24 PM
Parent: #1
أختنا /ناهد...........
السلام عليكم
Quote: Quote: عملية ودبهاى فى الشعيرية
عمل شنو فى الشعيرية ؟
|
الشى السمعنا وما شوبير منى قالوا حمروا ليها البصلة
متابع بمتعة
مودتى...............إسماعيل محمد أحمد عباس.............((مع العلم التوقيع فى ألأول كان موجود.سلامة النظر
|
Post: #76
Title: Re: الشوبار .....والمتشوبرين بلا حدود
Author: Kamal Karrar
Date: 11-21-2008, 07:59 PM
Parent: #1
Quote: أما قصتك فبديت فيها بجى اكملها ليك بعدين ياكمال ...
|
نا هد أختي....
الميت مسولب والعجاج يكتح...
طبعا عجاج الشوبار...
قصتي ده شهادة بحثها ما طلعت
|
Post: #77
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-21-2008, 08:49 PM
Parent: #76
| Quote: قصتي ده شهادة بحثها ما طلعت |
وانت الصادق اخوى كمال
مستنين شهادة الوفاة.......
الصبر الليلة (بندفن)......
|
Post: #82
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-22-2008, 05:16 AM
Parent: #77
الاخ اشرف ..
خالص الود ...
وفى هذا الاحتباس يكمن الفيض .....
وماعليناسوى ازاحة الستائر عن
نوافذ قلوبنا وسنجد اشعة الشمس فى انتظار سانحتها
فحتما ستغمرنا بصباح يوم( ثامن) من ايام الاسبوع يوم
قادم يحلق فى اشراقه واشواقه
_____________
كن بخير
|
Post: #79
Title: Re: الشوبار .....والمتشوبرين بلا حدود
Author: عاطف عمر
Date: 11-21-2008, 11:47 PM
Parent: #1
ركبت ذات يوم ( بوكس ) من المحطة الوسطى الخرطوم للمحطة الوسطى بحري
أوقعني حظي الحسن قرب أحد ( موتشوبري ) ناهد
بدأ حملة ( شوبرته ) من البوكس نفسه ، قديم ومكنتو تعبانة و( دعكو بيهو ) في السعودية عشرة سنين لمن جاب تمنو تلاتة مرات حتين رسلوهو الخرطوم .
وجينا في صينية ( الإتحاد الإشتراكي ) - سابقاً - وبدأ يحدثنا كخبير مصرفي عن المبالغ الوجدوها في حسابات ناس الإتحاد الإشتركي .
واصلنا سيرنا في شارع الجامعة - عندما كانت الحركة في الإتجاهين - وبدأ يحدثنا عن أنو الجامعة بقى مستواها في الواطة وخريجنها ما عارفين الواو الضكر
كان آخرون يشاركونه ، مؤيدين أو مستمتعين أو متسلين
وكنت مع كل قصة من قصصه أتبسم أو أضحك ضحكاً خفيفاً
عندما دخل البوكس كبري النيل الأزرق بلغ قمة الشوبار والطرافة فأعلن
" عشان تعرفوا سبهللية السودان والمسؤولين ، الكوبري دا جابوهو من الهند ، حديدوا دا الهنود كانوا عاملين بيهوا خمسة كباري ، ناسنا من بلادتهم ركبوا الحديد كلوا في الكوبري الضيق زى ( ود اللحد ) دا "
هنا لم أستطع أن أتمالك نفسي فضحكت حتى طفر الدمع من عيني ، ففاجأني الرجل وظن أن ضحكي إعجاباً بمعلومته
" يا أخونا في ذمتك كلامي دا ما صاح ؟؟ "
فتذكرت الليالي الطويلة التي قضيناها ونحن طلبة في كلية الهندسة ونحن نحسب القوى والأحمال لكل قطع هذا الكبري تحديداً . أجبته من بين ضحكي ودموعي
" عارف يا أبو الشباب ما دام الشغلانية ختيتا لى في ذمتي ، الحديد الكتييييير الإنتا شايفو دا ؟؟ يا دووووبك يخلي الكوبري متحمل الحركة الكتيرة الفوقو دي ."
أنقذني من لسانو إنني قلت هذه الجملة وأنا نازل عند لفة المحطة ولم أستمع لرده .
_______________________
سلامات ناهد
|
Post: #85
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-22-2008, 04:43 PM
Parent: #79
Quote: ركبت ذات يوم ( بوكس ) من المحطة الوسطى الخرطوم للمحطة الوسطى بحري
أوقعني حظي الحسن قرب أحد ( موتشوبري ) ناهد
بدأ حملة ( شوبرته ) من البوكس نفسه ، قديم ومكنتو تعبانة و( دعكو بيهو ) في السعودية عشرة سنين لمن جاب تمنو تلاتة مرات حتين رسلوهو الخرطوم .
|
حلو التعبير بتاع دعكو بيهو فى السعودية ده ...
زمان كان المغترب بيتعرف بالبوكس التايوتا
والسمسونايت السوداء
والسجنال...
شكرا اخ عاطف
|
Post: #87
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-22-2008, 05:37 PM
Parent: #79
Quote: وخريجنها ما عارفين الواو الضكر
|
الواو الضكر من واو شنو ....اكيد من واو الجماعة ....
|
Post: #80
Title: Re: الشوبار .....والمتشوبرين بلا حدود
Author: Abuelgassim Gor
Date: 11-21-2008, 11:59 PM
Parent: #1
يا ناهد أمسكى عندك الشوبيره دى
واحد مغترب فى بلاد أوربية
فى حفل عيد راس السنة
الجامعة عملت احتفال كبير
قام قال للخواجات والله نحن فى أفريقيا
نعيش مع الحيونات
الاسود تتمرغ فينا
والثعالب
والافيال
حتى عندنا رقصات نرقصها مع الحيونات
الخواجات ما نا صديقين
قاموا صدقوا كلامو
قالوا ليهو ورينا البيان بالعمل
زولك قام رقص رقصة نجرها من راسو
حركات مثل القرود ، وصرخات ومرماغ
والخوجات صفقوا ليهوا
وهاك يا فتح قزاز بيره
وبشير عديل
أههههههاا
الخواجات طبعا ما بنسوا
مر عام
وجاء راس السنة
وفى نفس الزمان
قال خواجه فى وسط الحفلة
الآن صديقنا فلان من السودان
من قلب أفريقيا يرقص لينا رقصتو الافريقية بتاعت العام الماضى
زولك أتحير
والجماعة يصفقوا ليهو
قدر ما حاول يجيبها ما قدر
بقى ككو عديل لكن فشل
الجماعه جاملوه وصقفوا ليهو
هها شوفى الشبيره دى
العاصرو على ( الضيقه أم وقر شنوه)
|
Post: #88
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-22-2008, 05:53 PM
Parent: #80
Quote: شوفى الشبيره دى
العاصرو على ( الضيقه أم وقر شنوه) |
اخونا ابو القاسم ...خالص الود والتقدير
دى شوبيرة عالمية لكن ...بالجد حلووووووة ...
مسكين شوباره وداه فى داهية والجماعة مابينسوا
غايتو (احييييييييييا ) علينا نحن السودانيين ديل من فشخرتنا ...
لكن الغريبة (بنتخارج) كيف مابعرف
تعال كدى نشوف ياابو القاسم ...
اسمع يامزمل انت متريح بى شنو
متريح بى ريحتى الفى الدولاب
لكن دى مانفس الريحة حقتك
كيف يعنى
كدى تعال جاى اشمك...تعال..
اها ريحتى ولا لأ
لأ طبعا........ ريحتك كمان مابعرفها؟
يازولة ريحتى زاتها البتريح بيها من يوم بقابلك فى الحديقة زمان
اسمع دى ماريحتك وماتغالطنى دى ريحة غريبة اتريحتها وين؟
والله مابتذكر اتريحت لى فى حتة خالص واصلو زاتو ماعندى غير القدامك دى
لا اتريحت ...ماتغالط...
ابدا......... ماتعملى ليك مشكلة من مافى
من مافى كيف ماشامى .....ولا ماشامى؟
يعنى شنو ياشذى...دايرة تولعيها ...
لا لكن كدة بالواااااضح .....انت بتعرف واحدة تانية
وهنا يتلقى الزوج اللطمة كملاكم مبتدىء بيواجه بطل العالم
اسمعى نحن عايشين وين؟
فى (القعودية) اقصد السعودية
طيب سوقها ومولاتهاكيف؟
كويس’
مش قصدى.... قصدى فى السوق مش ناس الريحة ببخبخوك بالريحة عشان تشترى؟
اى....
اتذكرتها دى مالمن مشينا نجيب هدية صاحبتك وقام الولد بخبخنى بيهااتذكرتيها؟
آآآآآآآآآآآآآآآآآآآآآآ اتذكرت اتذكرت...(بس على مخى ده)
|
Post: #81
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-22-2008, 05:00 AM
Parent: #1
مانفسى الا واحد معترب يجى ويحكى لينا عن تشوبر الاهل وناس الحلة والسماسرة لما:
عايز يشترى قطعة واطة
يعمل محل
يشنرى امجاد
يعرس لبته او ولده
شايل قروش ومتحير
الجو نهائى .....يمتنعون
|
Post: #83
Title: Re: الشوبار .....والمتشوبرين بلا حدود
Author: عبدالله كع
Date: 11-22-2008, 07:30 AM
Parent: #1
السلام ..
اخت ناهد بشير..
بوست لاااااااااااحوله .....الم
وحاة النبي مييييت من الضحك لمن كرععععععععععععته
..
اول مرة ادخل هنا.. والزرعنا اليجي يقلعنا .
ما متزحح من هنا..
لكن لقيتك كدا (اشار بالاصبع الكبير المدغلب الي اعلي )
ـــــــــــــــــــــ
بس بوستيك مفروض يكون عنوانه( تعال اتشوبر) ..
عشان كل السودانين متشوبرين وفاهمين اي حاجه
وبتاعين درمات ..
وكمان لو كنت نزلتيهو قبل عيد القربان بي كم يوم كدي
بكون مفعوله قوي وماثر جدا .. وبساعد العالم دي من الخروج
من ازماتهم وحالاتهم النفسيه .. وبمهد للعيد والمعده في وقت واحد ..
وقطع شك بوست زي ده .. سوف يندثر ونزل الي الحضيض ..
ويضيع بين بوستات المريخاب المسهره البلد .
فعليك اخت ناهد .. ان تكوني مثل ابو الحروف اسرع من لمح العين..
في رفعه الي اعلي وبي اي وسيله ممكنه وغير ممكنه .. ولا تكوني كالسكون
هادئه, لابد ان تعافري في المخيخ وتخرجي جميع التشابير التي مرت عليك
ومررتي عليها .. وايضا لابد ان تكوني اقوة من الشده , في شدالزبائن الي
هنا ...... و بشتي السبل .. (كلهم بتاعين نظريات انا عارفهم كوييييس)
والي هنا انا بقعد جمب البوست ده واجايب لي كباية شاي .. واقرقر بس
يلا ..
|
Post: #86
Title: Re: الشوبار .....والمتشوبرين بلا حدود
Author: ismeil abbas
Date: 11-22-2008, 04:44 PM
Parent: #1
Quote: مانفسى الا واحد معترب يجى ويحكى لينا عن تشوبر الاهل وناس الحلة والسماسرة لما:
عايز يشترى قطعة واطة
|
ألأخت/ناهد مافى داعى لقطعة ألآرض نحن ماسكنا فى بيت المتشوبرين بلاحدود ده..الجيران طيبين وستو عاملاهو جمعية خيرية الله يديها العافية.وما بتسألنا من ألأيجار اله يديها العافية..
يالله هاكى دى شوبير السماسرة
ألحمدالله أثمرت سنوات الغربة الخمس بالتفكير فى شراء قطعة أرض.بعد ضغوط من الأهل وخاصة الوالد وبعض الحادبين على مصلحتك من ألأقارب والزوجة التى كلما تتحين السانحة والجو يكون رايق تفاتحنى فى موضوع قطعة ألأرض وألأولاد ماشين كبار واجسن وأحسن زى ألأنا عندى وماعايز..وقايلين القبة تحتها فكى حتى المراة مغشوشة لأنها حسب حساباتها الخاصة وعدد السنين ممكن أن نشترى عمارة..ولكن!
نزلنا ألأجازة وكلنا أمل فى تحقيق طموحاتنا البسيطة..
وصلنا وطننا الحبيب وكأن أهل السودان كلهم عرفوا بخبر شراء إسماعيل لقطعة أرض..أول يوم أصبحت فيه لأقوم بألتزاماتى ألأجتماعية وأنا ساكن مع أبوى الله يمتعو يالصحة والعافية فى البيت..إذا بأخى الأصغر يقول لى فى واحد منتظرك فى الديوان
قلت يافتاح ياعليم..ياربى ده الزول الجايبين ليهو ألأمانة معاى ومعقول بالسرعة دى وأنا الشنط ما فرتكتها.إن شاء الله الله يفرتك راسو ده وقت يجى فيهو زول ..الله يصبرك ياروح
ذهبت وانا أتثاءب لأحسسه بأن الوقت مازال مبكرآ حتى أتخلص واكب الزوغة مبكرآ لآقضى ما على من واجبات
مرحب عليكم السلام والرحمة بادرته مرحبآ..تبادلنا اطراف الحديث ومن ختة العمة فى الكتف والربربة الكثيرة لمحاولة ألأقناع صنفت ألشخصية وكان سهل على.وهناك بعض الشخصيات مقروءة لاتحتاج لعنا لكى تفهمها
قمت لآقوم بواجب الضيافة..ولحاجة فى نفس يعقوب..سألت أخى هل هذا الرجل من الحلة..قال لى أنا لاأعرفه جيدآ ولكن يبدو لى بأنه بشير السمسار بتاع ألأراضى.
طيب الزول ده عرف كيف. إنى عايز أرض
المهم أخذت التصور ورجعت برؤية للتعامل مع بشير..
ظل بشيرالسمسار يلف ويدور .حتى بدأ يوصل لى المعلومة بأنه عرف بأنى اريد شراء قطعة أرض ووصف لى قطع فى غاية الروعة بالقرب من سكن الوالد وألأهل وبصراحة فرحت وإنبسطت وبما إن القطع قريبة عرفت أصحابها وفى دواخلى عاتبت نفسى لقد ظلمت الراجل ومازالت أمة محمد بخير
ودعت الرجل حتى الباب وانا أردد أبلغ كلمات الشكر والثناء ..وحسيت بأن الرجل لايريد إنهاء اللقاء..ولم افهم وقفنا أمام الباب وبدأ يذكر لى صعوبة الحياة والحالة بقت كيف وانتم بعيدين من هذا الوطن..وبجواى فهمت بأنه عايز حاجة كده..
رجعت لأخى وبحكم إنه جالس فى السودان بعرف مثل هذه ألأساليب شرحت له الحاله..وقال لى كح للراجل..قمت قلت لييهو بس أنا ماعندى نزلة..وضحكنا وكحيت بس كحة خفيفة
الراجل حتى ألأن لم نلتقى إلا فى مناسبات واول ما يشوفنى يحاول الزوغان..
البيوت التى عرضت لى حتى ألأن لم تباع..لآن أصحابها لايرغبون فى بيعها
ألأخت ناهد.وألأخوة المتداخلين..ألأعزاء القراء..عفوآ للأطالة..ولكن اتمنى أن تستفيدوا من كلامى هذا.وهناك نصب وأحتيال لايوصف من قبل بعض السماسرة الذين لايخافون الله فى مهنتهم
خالص مودت/إسماعيل محمد احمد عباس......
|
Post: #97
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-23-2008, 00:14 AM
Parent: #86
ألأخت/ناهد مافى داعى لقطعة ألآرض نحن ماسكنا فى بيت المتشوبرين بلاحدود ده..الجيران طيبين وستو عاملاهو جمعية خيرية الله يديها العافية.وما بتسألنا من ألأيجار اله يديها العافية..
اخونا الغالى اسماعيل ...
من ناحية تقعد فى بيت المتشوبرين ده ماعندنا مانع ....الا......
لكن بشروط ميسرة مازى شروط بنك الخرطوم....
تعال ونشوف....ناهد والسيد اسماعيل (الساكن ملح )
ياناهد...... ايجار قعادنا هنا فى البوست ده كم؟
لا مافى ايجار ده ميرى بس....فاتحنه سبيل...
ماحتجى يوم تسألينا من ايجار ...ولا متأخرات ...؟
لا لا لا لا ..معقووووووووووول طبعا لا...
طيب كويس الله يديك العافية...
...بس اهم حاجة تعملوهايااسماعيل هى ...
شنو؟
تفصلوا العداد بتاع الكهرباء...بتاع البوست ده...
ليه ماكدة كويسين ....
ماكويسين ولا حاجة ...انت عندك مكيفين وديب فريزر...وتوقيع ...
ديل ما مابيصرفوا...
الديب فريزر دى بتجر جر كهرباء تقيل ...وكمان اوع يكون عندك مكوة..
مكوة شنو ...قايلانا كمان (بنغسل) ....
لا عارفاكم ...حاشاكم انتو من (الغسيل).....
لكن الفصل والعدادات والجمرة ده ماكلو عليك انتى ياحاجة ناهد ...
على انا ؟ هو انا مقعداكم لا قرش لا تعريفة... كهرباء ماعايزين تفصلوها
طيب مافى مشكلة بشوف الاخوان الدخلوا اجروا هنا ده وبنتفق
وكمان حاجة تانية
شنوووو؟
مكيفكم ده بينقط موية ساقى لى الحيطة الجنب كلمة (والمتشوبرين) قربت تقع
حااااااضر
تانى حاجة
اهااا(اللهم طولك ياروح)تانى كمان شنو ؟
ماتجى متأخر وتقفلنا بعربيتك مانقدر (نرد) اقصدمانقدر نطلع ...
حااااااااضر
وتالت شىء
اهاااا كترتيه ياناهد...بالجد يعنى ...
الزراعة الزارعها دى بترمى لى البير....
اقلعها يعنى ولا شنو؟
مابعرف اتصرف ياسماعين
وتانى شنو تانى شنو ياربى شنووو ؟
خلاص بالله مش بيتك بتاع الشوبار ده مارقين منو (مرة نقناقة خلاص )
فلت شنو؟؟؟
لا ابدا قلت ...المطرة بتنقنق ال
اللحق ادخل المراتب....
_____________________
جاياك لسمسارك بسمسار اعتى وحرامى...
فتك بعافية
|
Post: #100
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-23-2008, 10:15 PM
Parent: #86
البيوت التى عرضت لى حتى ألأن لم تباع..لآن أصحابها لايرغبون فى بيعها
ومرات السمسار بيوريك اراضى هوا ساى ...يعنى يقول ليك ...
شوف دى سيدها داير فيها مابعرفوا كم
والتانية دى تلاته نواصى بنقنع ليك سيدها
والتالتة دى سيدها ماشى الاردن علاج بيدينا ليها رخيصة
وعيييييييييك من الروايات والقصص..يااسماعيل اخوى
|
Post: #89
Title: Re: الشوبار .....والمتشوبرين بلا حدود
Author: Kamal Karrar
Date: 11-22-2008, 06:56 PM
Parent: #1
الشوبار بتاع شراء الأرض ده خليه ساكت... أحد أصدقاء العمر .. أول ما جيت أشتري أرض... قال لي أوعك تفوتني بغشوك خاصة لما قلت ليهو على الأسعار.. اللقيتها عند السماسرة...خت يده في رأسو وقال ليك معقولة أنت هندي بالشكل ده؟؟؟ قلت ليهو هندي شنو وشامي كابور شنو والله دي الأسعار وأنا لفيت السماسرة بتاعين بحري المعروفين والسريين وياها دي الأسعار.. قال لي ما تقول كده بضحكوا عليك وكانت الأسعار تتراوح ما بين 850 ألف ومليون ومائتين...
صاحبي: أنت يا كمال وكت عندك قروش محرقات روحك.. يا أخي أشتري ليك مزرعة وجيب فيها كم بقرة فريزيان... وأنا بساعدك....
أنا: يا زول أنت ماك نصيح بقر شنو .. وجاموس منو.. أقول ليك داير لي قطعة أرض أبنيها لأولادي الدنيا ما معروفة...
صاحبي: ولو يا أخي تجي تشتري ليك أرض بمليون..أنتو لاقيين العرب المواهيم ديل يدويك القريشات ويجو السماسرة يقلعوها منكم في غمضة عين... لكن بس أنت أصبر وأنا أجيب ليك أحسن أرض .. وبربع الكلام البتقولو ده...
أنا: أوع تقول لي أم درمان ولا الخرطوم....أنا بحري ده ما بمرق منها إلا للمطار...
صاحبي: عارفك عشان كده حأشوف ليك أرض في الصافية بأقل من الأسعار البتقول فيها دي...
أنا: يا زول؟؟؟
صاحبي: أسمع بكرة الصباح أنا بأخذ لي أذن بس أنت أغشاني وبطلع معاك..
العربية حقتي... والفطور علي وأنطلقنا في شارع المعونة ..
صاحبي: بس أقيف هنا... مالك جاري كده؟؟؟
أنا: أها وقفت بس ما بنزل معاك...
صاحبي : ليه
أنا: بعدين أوريك...
ونواصل
-----------------
تخريمة ...يا ناهد أختي... البوست ده حقي ولا حقك!
|
Post: #99
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-23-2008, 09:21 PM
Parent: #89
| Quote: ناهد أختي... البوست ده حقي ولا حقك! |
اخونا كمال ...
لا حقى لاحقك ....فاتحنوا كده سبيل ...اى زول يجى يفش فيه غبينته
ويفرق شوية ...وينزل حبة ذكريات ...وكمان ان بقى دايره (البوست)
فى الحالة دى نحن ( بتقوم لينا قايمة )...ونطالب بخلو رجل
| Quote: العربية حقتي... والفطور علي وأنطلقنا في شارع المعونة |
ده سمسار مجيه ...لأ وكمان تعبى ليه رصيد عشان يتصل عليك ...
|
Post: #90
Title: Re: الشوبار .....والمتشوبرين بلا حدود
Author: طلحة عبدالله
Date: 11-22-2008, 08:40 PM
Parent: #1
سلام لناهد بشير وضيوفها الكرام
ياخي من الزحمة الحاصلة هنا من شفت البوست دا إلا لما دعاني ليهو الزميل العزيز عبدالله كع
ودي مناسبة عشان اتوجه ليهو بالتحية عبر هذا البوست المتشوبر
|
Post: #101
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-23-2008, 10:45 PM
Parent: #90
Quote: ياخي من الزحمة الحاصلة هنا من شفت البوست دا إلا لما دعاني ليهو الزميل العزيز عبدالله كع
ودي مناسبة عشان اتوجه ليهو بالتحية عبر هذا البوست المتشوبر |
عبدالله كع : طلحة ماشفت بوست الشوبار بتاع ناهد
طلحة: ابدا ..اتشوبرت فى شنو اوع يكون فى ناس المريخ ولا حاجة
لأ ياطلحة ياخ .....مريخ شنو ....شوبير كدة براه منه وفيه
كدى الندخل ناولنى الفنلة الحمراء الوراك دى
مالصفراء سمحة ياطلحة ادرعا ...وخش...
كدى خلينا من الفنلة ...ناهد دى فهمها فى البوست ده شنو ؟
ماعارف كلو شوبار ولفحى ...
خلاص الواحد يخش ليها بروح رياضية وكدة
كمان ياطلحة لو لبست الصفرا مع الروح الرياضية دى تبقى حاجة كدة ماتخلص
ماانا اصلا ماعايز وماناوى زاتو اخلص ...
___________________________
طلحة ازيك ...وخبارك لعلك طيب /B]
|
Post: #91
Title: Re: الشوبار .....والمتشوبرين بلا حدود
Author: Abuelgassim Gor
Date: 11-22-2008, 09:45 PM
Parent: #1
Quote: اتذكرتها دى مالمن مشينا نجيب هدية صاحبتك وقام الولد بخبخنى بيهااتذكرتيها؟
آآآآآآآآآآآآآآآآآآآآآآ اتذكرت اتذكرت...(بس على مخى ده) |
أها يا ناهد
العاصرو على ( الضيقه الموقر) شنوه
والله غايتو !!
حسى أنا زاتىىىىىىىىىىىىىىىىى
مرة أتشوبرت شوبيره
غايتو مرقنا منها رب العالمين
أصل الحكاية
أخت المدام فى عنبر القاينه
وبعدين طالع يعنى كويس كده أول النهار
لسع الوطأ ما سخنت
جيت داخل المستشفى
طلعت للراجل البطاقة
مكتوب عليها دكتور
طبعا زولك الحكاية مشت عليه
دخلت توش
كمان فى عنبر القانه عديل
رطنت كلمتين أس وفيس
السستر شالت ليك ورق
وهاك يا رطانه وأنا أهز راسى ساى
والله دكتور نساء وولاده عديل ...
طبعا هى ماعرفانى دكتور مسرح وفلسفة ساى
قايلانى دكتور بصحتو
بس جابت الورقة و الغفاز
أها قلتها ليها أنا ما طبيب
أنا دكتور ساى ....
قالت لى وكتين ماك طبيب الشوبار العليك شنوه؟
بس طوالى أنصريت ومرقت زى الكديس
أها رايك شنوه
غايتو الشوبار دا الله يحلنا منو
لكن (أحيانا الواحد بتشوبر رغم أنفه)
رايك شنوه تكتبى ليك مسرحية عنوانها (متشوبر رغم أنفه)
خاصة زى شايفك متشوبره فى الحكى
مع مودتى
قور
|
Post: #102
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-23-2008, 11:11 PM
Parent: #91
Quote: بس طوالى أنصريت ومرقت زى الكديس
أها رايك شنوه
لكن (أحيانا الواحد بتشوبر رغم أنفه)
رايك شنوه تكتبى ليك مسرحية عنوانها (متشوبر رغم أنفه)
خاصة زى شايفك متشوبره فى الحكى |
اخونا اللطيف جدا قور...
بالجد ضحكتنى ...(لكن مالمن وقعت من الكرسى )
غايتو بالغت فى دخولك للمستشفى بالله افقر زول بتاع
باب المستشفى ده ...دخلت كيف دى براها معجزة ...
تعال ياقور ونشوف
واحد مع بواب المستشفى
ماشى وين يازول
داخل جوة اخوى راقد فى العظام
مابتخش
ليه مااخش
الزيارة انتهت
بخش
مابتخش يعنى مابتخش لو اتطبقت السما دى مع الواطة
انت يازول علموك اللئامة دى بتين
من زمان..... من زمن انت فى بطن امك...وتكابس للمروق...
ياخى اخوى تعبان داير اخش ليه مامعاه زول دخلنى شوية وبرجع
لا... قطع ......انت مابتخش جوة ....
ياخ انت ماعندك رحمة ولا رأفة
ولا حتى حب ...يوم سمعت ليك ببواب مستشفى حب؟
لا ما سمعت طبعا....
خلاص لزومه شنو التحانيس ورحمة ورأفة ...
آسف ...بس عليك الله دخلنى دقيقتين الراجل ده تعبان...
نو
عليك الله
نو
لو تكرمت
نو
ياخ انت زول شهم دخلنى
لع
ياخ انت مازى البوابين التانين انت مختلف خالص ذوق وادب
لع
ياخ انت زول ماساهل وبتقدر عملك بس دخلنى
نو
وهنا يقعد صاحب الحاجة بعد مامدح البواب ويغنى ...
(قدر ماسالت عليك صدونى حراسك رد الجواب قاسى مع انى مانى من ناسك )
هنا ممكن البواب يدخله لانه دى أغنية بوابين المستشفى المفضلة
|
Post: #108
Title: Re: الشوبار .....والمتشوبرين بلا حدود
Author: Abuelgassim Gor
Date: 11-24-2008, 01:28 PM
Parent: #102
Quote: ماشى وين يازول
داخل جوة اخوى راقد فى العظام
مابتخش
ليه مااخش
الزيارة انتهت
بخش
مابتخش يعنى مابتخش لو اتطبقت السما دى مع الواطة
انت يازول علموك اللئامة دى بتين
من زمان..... من زمن انت فى بطن امك...وتكابس للمروق...
ياخى اخوى تعبان داير اخش ليه مامعاه زول دخلنى شوية وبرجع
لا... قطع ......انت مابتخش جوة ....
ياخ انت ماعندك رحمة ولا رأفة
ولا حتى حب ...يوم سمعت ليك ببواب مستشفى حب؟
لا ما سمعت طبعا....
خلاص لزومه شنو التحانيس ورحمة ورأفة ...
آسف ...بس عليك الله دخلنى دقيقتين الراجل ده تعبان...
نو
عليك الله
نو
لو تكرمت
نو
ياخ انت زول شهم دخلنى
لع
ياخ انت مازى البوابين التانين انت مختلف خالص ذوق وادب
لع
ياخ انت زول ماساهل وبتقدر عملك بس دخلنى
نو
وهنا يقعد صاحب الحاجة بعد مامدح البواب ويغنى ...
(قدر ماسالت عليك صدونى حراسك رد الجواب قاسى مع انى مانى من ناسك )
هنا ممكن البواب يدخله لانه دى أغنية بوابين المستشفى المفضلة |
الاستاذه ناهد
دى والله مسرحية عديل
حسى كان ما خايف تقومى تتشوبرى
كنت قلت ليك (أنطوان تشيخوف)
عليك النبى الراجل بدأ بالتحنيس
انتهى بالغنى
يعنى حسى أن اقوم أتشوبر نقديا
أقول( كما سال أوديب من قتل لايوس أنتهى بمن أنا...فى مسرحية البواب والمتشوبر بدا المتشوبر بالتحنيس وأنتهى بالغناء)
والله غايتو
الشوبار دا
ألله يحلنا منو ساى
عندى صاحبى من شدة متشوبر لما ينوم طولو ببقى شبر واحد ؟؟
غايتو الله يجازى محنك يا ناهد
انت الكلام دا بتجيبى وين
بعد ساعات ( فلسة الشوبار بين كانط وشوبنهاور)
|
Post: #109
Title: Re: الشوبار .....والمتشوبرين بلا حدود
Author: Abuelgassim Gor
Date: 11-24-2008, 01:29 PM
Parent: #102
Quote: ماشى وين يازول
داخل جوة اخوى راقد فى العظام
مابتخش
ليه مااخش
الزيارة انتهت
بخش
مابتخش يعنى مابتخش لو اتطبقت السما دى مع الواطة
انت يازول علموك اللئامة دى بتين
من زمان..... من زمن انت فى بطن امك...وتكابس للمروق...
ياخى اخوى تعبان داير اخش ليه مامعاه زول دخلنى شوية وبرجع
لا... قطع ......انت مابتخش جوة ....
ياخ انت ماعندك رحمة ولا رأفة
ولا حتى حب ...يوم سمعت ليك ببواب مستشفى حب؟
لا ما سمعت طبعا....
خلاص لزومه شنو التحانيس ورحمة ورأفة ...
آسف ...بس عليك الله دخلنى دقيقتين الراجل ده تعبان...
نو
عليك الله
نو
لو تكرمت
نو
ياخ انت زول شهم دخلنى
لع
ياخ انت مازى البوابين التانين انت مختلف خالص ذوق وادب
لع
ياخ انت زول ماساهل وبتقدر عملك بس دخلنى
نو
وهنا يقعد صاحب الحاجة بعد مامدح البواب ويغنى ...
(قدر ماسالت عليك صدونى حراسك رد الجواب قاسى مع انى مانى من ناسك )
هنا ممكن البواب يدخله لانه دى أغنية بوابين المستشفى المفضلة |
الاستاذه ناهد
دى والله مسرحية عديل
حسى كان ما خايف تقومى تتشوبرى
كنت قلت ليك (أنطوان تشيخوف)
عليك النبى الراجل بدأ بالتحنيس
انتهى بالغنى
يعنى حسى أن اقوم أتشوبر نقديا
أقول( كما سال أوديب من قتل لايوس أنتهى بمن أنا...فى مسرحية البواب والمتشوبر بدا المتشوبر بالتحنيس وأنتهى بالغناء)
والله غايتو
الشوبار دا
ألله يحلنا منو ساى
عندى صاحبى من شدة متشوبر لما ينوم طولو ببقى شبر واحد ؟؟
غايتو الله يجازى محنك يا ناهد
انت الكلام دا بتجيبى وين
بعد ساعات ( فلسة الشوبار بين كانط وشوبنهاور)
|
Post: #92
Title: Re: الشوبار .....والمتشوبرين بلا حدود
Author: Abuelgassim Gor
Date: 11-22-2008, 10:13 PM
Parent: #1
عليك النبى يا ناهد
شوفينى متشوبر كيف
عاينى النخره
والفعمه
ولحميره تقول عاوز أعمل انقلاب
وساى .....النوع من الشوبار أسمو الشوبار الانطلوجى
|
Post: #93
Title: Re: الشوبار .....والمتشوبرين بلا حدود
Author: Abuelgassim Gor
Date: 11-22-2008, 10:36 PM
Parent: #1
أم الشبائر
يا جنى جيب الهمر الليلى
انلحق نبارك لولد عمى أوباما
|
Post: #94
Title: Re: الشوبار .....والمتشوبرين بلا حدود
Author: عبدالله كع
Date: 11-22-2008, 10:43 PM
Parent: #1
Quote: بس بوستيك مفروض يكون عنوانه( تعال اتشوبر) ..
عشان كل السودانين متشوبرين وفاهمين اي حاجه
وبتاعين درمات .. |
مش قلته ليك نحنا اسياد الشي زاااااتا يا ختي
ولسه والناس التقال جاين !!
اه النقوم ننوم !!
لحدي بكر ه نشوف ..
|
Post: #98
Title: Re: الشوبار .....والمتشوبرين بلا حدود
Author: ياسر عبدالكريم محمد
Date: 11-23-2008, 00:39 AM
Parent: #94
الأخت ناهد الشوبار دا ما صناعة سودانية
انا اتشوبرت مرة كدة وما قادر احكم على التجربة
لما اخوى نوى الزواج اتصلت بالبت وقلت ليها
اخوى دا بتاع لولوه ومشاكل ومستهبل ولو الشرع بيسمح ليهو
بزواج ابنتى حا ارفضوا باختصار كدة زول ما بتعاشر
طبعا كلامى دخل بى جاى ومرق بى جاى وبعض الاهل زعلوا
بعد سنة من الزواج قالت لى كلامك فى اخوك ما صاح
لأنه نسيت تقول لى الزول دا شيطان رجيم تقول مربى مع ابليس
ويا ريتنى لو سمعت كلامك
احسن كدة ولا شوبير الموجود فى كل اسرة
ما يسمع بى خبر خطوبة الإ الفح عمتو ويكون فى الاستقبال
ويقترح مدام الولد ولدنا والبت بتنا نعقد هسى
وفى رمشة عين عقدوا ليك يا حنين
|
Post: #103
Title: Re: الشوبار .....والمتشوبرين بلا حدود
Author: ASHRAF MUSTAFA
Date: 11-24-2008, 00:29 AM
Parent: #98
والله يا ناهد بوستاتك كلها جميلة جدا ورائعة
وانا ما انتبهت لبوستاتك الا عندما جيتيني في بوستي الاخير
ما عارف اعلق علي شنو واخلي شنو
راسي فيه مكنة فردة واحدة شغالة بيهناك
لكن يا حبوبة يوم بجيكي برواقة
خلاص عرفتك وعرفت انك احسانة عبد القدوس
والفيكي اتعرفت
اخوكي دوما
اشرف مصطفي
|
Post: #105
Title: Re: الشوبار .....والمتشوبرين بلا حدود
Author: الطيب شيقوق
Date: 11-24-2008, 05:18 AM
Parent: #103
ناهد كيفك
ما عندي موضوع بس جابني الشوبار ساى بهنا خلوني انجم معاكم حبة واسمع شوباركم حبة عشان امشى اتشوبر بيهو في الانجمامة حبة ومحل رهيفة تنقد.
|
Post: #106
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-24-2008, 05:31 AM
Parent: #105
اولا صباح الخير والنور مع بعض كدة....
| Quote: . ومحل رهيفة تنقد. |
ونكمل باقى الشوبير فى الشغل ...
وشوبير الشغل حلووووووووبالذات مع اخونا المحاسب ...
الواحد يتشوبر معاه ويمد راسه لدفتره بتاع
المواهى ويشوف اخبار البونسات والذيادات والبدلات ...
ده احلى شوبير غايتو ...ولا شنو ؟
_____________
شيقة صباح الخير بالليل ....
|
Post: #107
Title: Re: الشوبار .....والمتشوبرين بلا حدود
Author: الطيب شيقوق
Date: 11-24-2008, 07:27 AM
Parent: #106
ناهد
| Quote: ده احلى شوبير غايتو ...ولا شنو ؟ |
آآآآآآآآآآآآآي والله
تكون مستشار مؤسسة وجابوا ليك القهوة قدامك ومزاجك عال العال شفتي كيف ؟ تقوم تجيك بنية عسل بس فاقدة استشارة تقوم تخلف كراع في كراع وتخت يدك في حنكك لزوم الوجاهة عشان تعمل ليها كلام تمهيدي ممزوج بلغة اجنية حلوة كدا وبعد داك تدخل معاها في لب الموضوع وطوالي يجيك واحد متشوبر وشييييين يجلس جنبك بدون اذن يكون هو نفسه طالب استشارة ويسمع الكلام مع البنية العسل ويقوم يحكل كراع في كراع ويسألها ليك اثناء حديثك انت بت منو؟ وجاية من وين؟ وموضوعك شنو ؟ ويا استاذ انا رأيي هو كيت وكيت وكيت ؟
اها زي ده وريني اعمل معاهو شنو؟
|
Post: #110
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-24-2008, 08:16 PM
Parent: #1
Quote: عاينى النخره
والفعمه
ولحميره تقول عاوز أعمل انقلاب
وساى .....النوع من الشوبار أسمو الشوبار الانطلوجى
|
والله ياقور اثريت البوست بشكل حلو جدا يديك العافية
ودائما مابتدى الواحد ثغرة يخش منها...وتحفزو على الرد
والاندياح ....الا الانطلوجيا (مقتطفات من النثر او القصة )
فبنستناك تجى تعمل لينا حوار انطلوجى على اصولو كده ....
__________________
شكرا قور ....والهمر ماعندك ....
وبالله عليك وانت واقف كنت بتقول فى شنو ...
معليش على التشبر)
|
Post: #111
Title: Re: الشوبار .....والمتشوبرين بلا حدود
Author: طلحة عبدالله
Date: 11-24-2008, 08:28 PM
Parent: #1
Quote: عبدالله كع : طلحة ماشفت بوست الشوبار بتاع ناهد
طلحة: ابدا ..اتشوبرت فى شنو اوع يكون فى ناس المريخ ولا حاجة
لأ ياطلحة ياخ .....مريخ شنو ....شوبير كدة براه منه وفيه
كدى الندخل ناولنى الفنلة الحمراء الوراك دى
مالصفراء سمحة ياطلحة ادرعا ...وخش...
كدى خلينا من الفنلة ...ناهد دى فهمها فى البوست ده شنو ؟
ماعارف كلو شوبار ولفحى ...
خلاص الواحد يخش ليها بروح رياضية وكدة
كمان ياطلحة لو لبست الصفرا مع الروح الرياضية دى تبقى حاجة كدة ماتخلص
ماانا اصلا ماعايز وماناوى زاتو اخلص |
عليك الطلاق بالتلاتة أكلتينا حنك ساي يا ناهد شوبار ..
|
Post: #112
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-24-2008, 09:28 PM
Parent: #111
| Quote: عليك الطلاق بالتلاتة أكلتينا حنك ساي يا ناهد شوبار |
(حنكتكم حنكتكم....دى مادايرة ليها اتنين تلاته...نقفل القوس )
_______________
طلحة ....اهلنا قالوا جاور السعيد تسعد ....مبروك للمريخ
|
Post: #113
Title: Re: الشوبار .....والمتشوبرين بلا حدود
Author: طلحة عبدالله
Date: 11-24-2008, 09:41 PM
Parent: #112
ناهد Quote:
اهلنا قالوا جاور السعيد تسعد
|
حبوبتي متابعة معاي وقالت ليك :
تجاوري النبي ..
|
Post: #114
Title: Re: الشوبار .....والمتشوبرين بلا حدود
Author: الطيب شيقوق
Date: 11-24-2008, 09:45 PM
Parent: #113
خلاص لصقت يا ناهد شوبار الله يحلك منها
|
Post: #116
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-24-2008, 09:59 PM
Parent: #113
Quote: حبوبتي متابعة معاي وقالت ليك :
تجاوري النبي |
يسمع منك رب العالمنين يااارب اصلوا باقى اقل من طاشر يوم للحج
وكلها فردة كعب من عندنا ...اريتو بس المنادى ينادى ...
_______________
سلامى لحبوبتك ...
انت ياطلحة ياولدى ...بت بشير دى مالها
مالها ياحبوبة
شايفاها جابت سيرة الحج
اى ياحبوبة جابتها .....هى نان خلت سيرة ماجابتها
يعنى انت وادينى السنة دى الحج انشاءالله؟؟؟
ان الله اراد بنوديك...
طيب اضرب لى تلفون لعمك فى البلد يرسل لى قروشى العنده
ياحبوبة ...الناس شالوهم وسافروا
طيب نان مالها بت بشير جايبة سيرتى؟
هسى هى ماجابت سيرتك ولا حاجة ... هى قالت الحج وماالحج...موضوع تانى
تانى كيف ؟ ماياهو الحج الواحد ده ياطلحة ياولدى ؟
_____________
بس كدة تمام درعنا حبوبتك فيك ...اها كمل معاها ووديها الحج
|
Post: #115
Title: Re: الشوبار .....والمتشوبرين بلا حدود
Author: طلحة عبدالله
Date: 11-24-2008, 09:53 PM
Parent: #1
الطيب يا طيب
ناهد زولة فنانة وما كتير عليها الاسم الفني دا ..
|
Post: #117
Title: Re: الشوبار .....والمتشوبرين بلا حدود
Author: الطيب شيقوق
Date: 11-25-2008, 04:55 AM
Parent: #115
طلحة ( اجمل اسم)
| Quote: ناهد زولة فنانة وما كتير عليها الاسم الفني دا .. |
ناهد اها انت رايك شنو ؟ ممكن من اليوم نقول الاخت العزيزة ناهد شوبار؟ ولا الشغلانية بتجيب ليها حمرة عين وكدا؟
|
Post: #119
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-25-2008, 11:57 AM
Parent: #117
| Quote: ولا الشغلانية بتجيب ليها حمرة عين وكدا؟ |
بتجيب طبعا ....
|
Post: #118
Title: Re: الشوبار .....والمتشوبرين بلا حدود
Author: ناهد بشير الطيب
Date: 11-25-2008, 11:54 AM
Parent: #115
| Quote: ناهد زولة فنانة وما كتير عليها الاسم الفني دا .. |
لا والله كتير على ...كيف ماكتير..
حذاراك ياطلحة انت وشيقة ...
طلحة سمعت بحمادة جوعار...؟
___________________
نواصل الشوبار ....
|
Post: #120
Title: Re: الشوبار .....والمتشوبرين بلا حدود
Author: طلحة عبدالله
Date: 11-25-2008, 12:17 PM
Parent: #118
| Quote: سمعت بحمادة جوعار... |
أيوة دا أخو صفية سنار الماخد بت علي الحمار ..
دا البقول :
الله علي الخدار الولع قلبي نار ..
|
Post: #122
Title: Re: الشوبار .....والمتشوبرين بلا حدود
Author: الطيب شيقوق
Date: 11-27-2008, 07:42 AM
Parent: #120
| Quote: حذاراك ياطلحة انت وشيقة ... |
كدا حنقوم ننزوي بعيد ونتحكر بطرف بوستيك ده ونشوبر برااااااااااااااااانا اها تاني عندك حكي؟
|
|
|