Post: #1
Title: الاحساس بالوصافة احساس صعب ياخ ...
Author: محمد عبدالرحمن
Date: 11-18-2008, 03:45 PM
Parent: #0
بالله مستحملنو كيف خمسة سنة ؟!
|
Post: #2
Title: Re: الاحساس بالوصافة احساس صعب ياخ ...
Author: haroon diyab
Date: 11-18-2008, 04:30 PM
محمد عبد الرحمن
ازيك ياعمكـ
والجاتك في الممتاز سامحتك
كدي خلي الاحساس وتعال بي جاي
بارك وماتنسي تجيب معاك كبير
الرشاشات بهاء بكري وعمر بوب
ومن لف لفهم امثال.....!!!!
هنا نتلقي التهاني والتبريكات يامريخاب......
|
Post: #4
Title: Re: الاحساس بالوصافة احساس صعب ياخ ...
Author: محمد عبدالرحمن
Date: 11-18-2008, 05:51 PM
Parent: #2
ياهارون ..
مبروك ياخ ..لكن انتو (فتو) ايوب بغادى ..هل تعلم ان آخر
كابتن استلم كاس الممتاز من المريخ كان ابراهومة ..ابراهومة
اعتزل واشتغل فى سوق الله اكبر ورجع تانى بقى مدرب ..واسى مدرب
اظنو ليهو سنتين ..حتى الله فتح عليك امبارح القريبة دى ..
سيبك من الممتاز انت الزول ببقى مريخابى كيف ؟! ياخ
دى اصعب من الاولى ..
|
Post: #3
Title: Re: الاحساس بالوصافة احساس صعب ياخ ...
Author: kamalabas
Date: 11-18-2008, 04:51 PM
والله صدقت يا محمد دا يوم واحد ماقادر أتحملوا ماعارف الجماعة ماتحملنوا
خمسة سنة كيف? بس إحتمال كلامهم عن أنو الدوري الممتاز ما مهم وهم ماناس
محلي دا كان ينم عن الضيق وعدم التحمل وعن حال الكديسة "الغبلها" تحصل اللحمة قامت قالت عليها عفنة!!!
.........يا أخي الوصافة المتكررة تديك أحساس قاهر بالتهميش والدونية
وركام من عقد النقص!!
...... نجي للجد
الهلال لم يكن مؤهلا لأي بطولة هذا العام وبه ثغرات تحتاج لترميم وبعض المعالجات
الجذرية...
كمال
|
Post: #5
Title: Re: الاحساس بالوصافة احساس صعب ياخ ...
Author: على محمد على بشير
Date: 11-18-2008, 05:55 PM
Parent: #3
| Quote: بالله مستحملنو كيف خمسة سنة ؟! |
اتعلمنا الصبر منكم
لانكم استحملتوهو من قبلنا تلاته سنين عجاف
والا عاملين فيها رايح ليكم الدرب
النسى قديمه تاه يا ود عبد الرحمن
|
Post: #6
Title: Re: الاحساس بالوصافة احساس صعب ياخ ...
Author: محمد عبدالرحمن
Date: 11-18-2008, 05:57 PM
Parent: #3
Quote: .........يا أخي الوصافة المتكررة تديك أحساس قاهر بالتهميش والدونية
وركام من عقد النقص!!
...... نجي للجد
الهلال لم يكن مؤهلا لأي بطولة هذا العام وبه ثغرات تحتاج لترميم وبعض المعالجات
الجذرية... |
كمال اخبارك ..
صاحبك مزمل ليهو قريب شهر يكتب عن لقاء القمة ..والله حننى ..زول
عندو بكالوريوس فى الاعلام من التشنج والقهر بقى زى الجماعة
البقيفوا فى ميدان الامم المتحدة ديك ..تحول الى مشجع يتعامل بردود
الافعال ..هستريا (راسا عديل ) ..
الهلال فعلا يحتاج الكثير ليعود اكثر عافية ..,خاصة فى ظل تدفق
اموال المؤتمر الوطنى على المريخ ومحاولة تلغيب الكفة ..
ربك بعين
|
Post: #7
Title: Re: الاحساس بالوصافة احساس صعب ياخ ...
Author: بهاء بكري
Date: 11-18-2008, 07:05 PM
الانصاري حبابك
جماعة المؤتمر الوطني قالوا يوم 17 نوفمبر يوم وطني لانو دي الحاجة الوحيدة الفي مواطنين غير جبهجية مشاركين فيها .......... القصة طولت والقروش قربت تكمل وخمسة سنةت بلا فائدة ....... اها مجلس الشوري بتاعهم اجتمع امبارح وقالوا الموضوع بستحق اجازة لكل الشعب السوداني الذي يمثل المريح والمؤتمر الوطني تلاتة في الماية منو وطبعا السبعة وتسعين ديل اهل البلد ......... انت هسع مافرحان لفرحة اخونا هارون دي ؟ الزول يشيل ويعمل في الصور اتاري زولك كان ممكون وصابر .... نحن اليوم ده غلبنا نكملوا ديل صبروا خمسة سنين كيف ؟.
|
|