هيثم مصطفى يا ملك الكوراع إياك والملك أمل الأمة ـ توجد صور فقط

استجابة لطلبات الصفوة نغير الصورة بصورة أخرى..
استجابة لطلباتهم التي هي أوامر وليس
تضامنا مع ملك الكوارع والسقوط والقبح
هيثم مصطفى :





هاكم البكاء دا

الصورة أعلاه عيب في خقنا كمريخاب أولا وسودانين ثانيا و مسلمين ثالثا
نرجو سحب الصورة وألا تأخذك العزة بالإثم

الاخ حسين
تحياتي
انا مريخابي قاطع وعلى السكين
لكن الصورة الاخيرة والصورة رقم اتنين لا تعبر عن اي روح رياضية كانت او غيرها
ارجو ان تزيل هذه الصور القبيحة فورا

عزيزي خالد ..
أولا مبروووك ..
ثانيا :
تسترنا وسكوتنا على سقوط هذا الهيثم
جعله يتمادى أكثر وأكثر في جرائمه
الكروية ...
لقد أفسده السكوت زياده على فساده
ودعه يعلم أن هناك من يقول له تلت
التلاتة كم حتى يتأدب ويعرف معنى الأدب
والأخلاق الرياضية ...
تحياتي وتقديري ...

الأخ حسين يوسف
تحية حمراء قانية بلون الدم
مبروووك الكاس ... ومبروك كسر التوالي الذي يهديه الحكم لنادي الهلال
ومبروك كسر طمبل لرقمه السابق وتحقيقه لرقم قياس
مبروك كل شي



القادم مع المريخ أجمل والورغنة والمفاجاءات في الطريق







طلب
-----
مع كامل إمتعاضىي مما أدم عليه سفير النوايا الحسنة
أرجووك إزاله الصورة الأخيرة كما طلب الأخ خالد العبيد
إن كانت الصورة في تقديرك تشبه هيثم مصطفى فهي لا تشبه جمهور الصفوة
دعنا نفرح ونحن أنقياء وكرة القدم فوز وخسارة


كامل مودتي

فى البدء أشهد الله انى أحبك

وأنى من يؤمنون بأن لك اياد و (أرجل) بيضاء

فى مسيرة الهلال .

وانى لآسف كل الأسف على ما رأيت و(كدت) أسمع .

كانت واضحه وجليه يا هيثم

شاهدناها جميعا واستنكرناها جميعا

وكأنك تقول للعالم أن السودان قد عاد الى المربع الأول

وأن العنصريه البغيضه تطل بوجهها من جديد على أرض السودان السمحه


العجب وان كان ندك ، فهو حبيب الملايين

ورفيق دربك فى المنتخب القومى

غير أنه قاتل بجانبك وتحت قيادتك سنينا طوال

من أجل رفعة هذا الوطن الأبى .

قدم اعتذارك يا هيثم ... وارحل

قدم اعتذارك للشعب السودانى أولا

ثم لجماهير المريخ والعجب ثانياً.. وارحل

وليعوض الله الهلال خيراً فى الممتاز القادم ..

فهو من فرط فى طمبل الذى اكتوينا بناره مرتين على (التوالى).

لم يخسر الهلال برأسية طمبل

لكنه خسر حينما فعلت ما فعلت

ارحل يا هيثم واترك لنا الهلال أزرق الامواج ناصع البياض


حسين المقاتل المريخي الهمام عشان عين اكرم الف عين عشان التريكي شيل صوره التوب

عشان توري العالم الفرق بين الصفوة والعامه شيل صورة التوب

أضرب بيد من حديد
مبروك الكاس يا (أنا)

الاخ العزيز حسين ...
لك التحية والاحترام

Quote: الصورة أعلاه عيب في خقنا كمريخاب أولا وسودانين ثانيا و مسلمين ثالثا نرجو سحب الصورة وألا تأخذك العزة بالإثم

Quote: مع كامل إمتعاضىي مما أدم عليه سفير النوايا الحسنة أرجووك إزاله الصورة الأخيرة كما طلب الأخ خالد العبيد إن كانت الصورة في تقديرك تشبه هيثم مصطفى فهي لا تشبه جمهور الصفوة دعنا نفرح ونحن أنقياء وكرة القدم فوز وخسارة

لاننا أصحاب الصفوة في كل شيء فدعنا نفرح بإحترام وأدب جم .. بعيد عن الاستهزاء والسخرية من الغير لأننا كمريخاب أكبر من ذلك .. فلا تدفعك أفعال هيثم لمثل هذه التجنيات .. أرجو شاكراً بالتكرم بسحب الصورتين الاخيرتين والاكتفاء بالاولى فقط ... فضلاً لا أمراً ... لانك من أهل الصفوة والنقاء .... وألف مبروك الكأس ....

مع كامل تضامني مع أخواني المطالبين بسحب الصور ....

مودتي لك حسين وخليك ثابت على الحق ولا تتأثر بأفعال هيثم الصبيانية .


عماد محمود

مبرووووووووووووك يا حسين يا قريبي
بتاع القارورة زاد عليها عنصرية كمان
ربنا يشفيه
مافي حد يقول ليه
أنك لن تخرق الأرض ولن تبلغ الجبال طولا

صاحبك مشعل يا حسين
ما نام وما اتعشى كمان

..
سقوط شنيع يا مريخــــــــــــاب

سقط سفير النوايا الحسنه سقوطا مريعا ..

فقط يا سحس استجيب لحديث الاخوه اعلاه وانا اوافقهم
لطفا وليس امرا ..

رايك شنو انت في كلامو

وخاتي ليك صورة زي دي بتنم عن حاجات كتيره

وطالما بديتو سدو الباب ده

وحركة السعودي ما بعيده عن الازهان

هذا الهيثم يأتي لنا كل يوم بسقوط اخلاقي لا مثيل له !!

والسبب طبعا اعلام الهلال الذي خلق منه الفتي المدلل

هذا الهيثم هو اول من اساء لزعيم الهلال المرحوم الطيب عبدالله

لذا ليس بمستغرب ما فعله امس مع العجب

________________________________

الحبيب حسين

ارجو سحب هذه الصوره ولك شكري

الأخ حسين النجم الزاهي

تضامناً مع الذين سبقوني من أهل القبيلة الحمراء نرجوا تكرما منك أن تستجيب للحزف لطفاً بنا نحن أهل الصفوة ومحبتي لكم جميعاً تحت عرش الرياضة السمحة والمحبه وهذة الندية لا تسقطنا سقوط هولاء.
مودتي لك .
،،،،أبوقصي،،،،

بوست جدير بالمشاهدة والتأمل

ولو بيدي اعلقوا ليكم فووق






____

سجم الصفوة

فعلا البوست جدير بالمشاهدة ليعرف الجميع
حقيقة ملك الكوراع والسقوط الأخلاقي ..
هذه الحقيقة المرة التي تحاولون اخفائها
وتساهمون في ذبح الأخلاق الرياضية التي ينتهكها
هيثمكم كل حين ...
سقطات هيثمكم هذا لا تعد ولا تحصى وسنعيدها لكم كلها
حتى يعرف الجميع كيف أنكم تساهمون في افساده ودلاله ..
دللوه كما تشاؤوو ولكن لن يجد منا إلا ما يستحق ..







ــــــــــــــ
سجم الرشاشات البدافعوا عن سقوط ملك الكوراع

العزيز حسين يوسف

تحياتى ومبروك الممتاز الذى رجع لحضن الزعيم " راعيه" و " حاميه"

هيثم مصطفى اساء الادب و التصرف و ظن انه مانعته " حصانته الاسفيرية الهلامية" عن ما ذهب اليه.
و نحن جماهير الزعيم و الصفويين ببلادنا الحبيبة "لم" نكن مثله و "لن" نكون مثله.
فليذهب هو "و سيذهب" قريبآ بلا شك ...... و لتبقى "لنا" القيم.

سلمت

تعرف يا حسين بتذكرني زمان لما الطلبة يكونوا زهجانين من احد الاساتذة يقوموا يرسموا ليك صورته في السبورة بشكل يعبر عن كرههم ليه وغيظهم منو بالرغم من انهم متاكدين انه المسالة دي ما حا تغير حاجة من انه سيظل الاستاذ استاذ .. والطالب طالب .
نرجع لي موضوعنا الاساسي:
ياخ انت اشتر مريخابي اشوفوه في حياتي ...ياخ حاجاتك كلها شتره كدة ماله ؟؟ الكلام البتقولو اشتر ...الصور المركبة البتجيبة شترة ..والمصيبة الكبيرة عندك انتفاخ في الانا مبالغ فيه وبتتكلم عن نفسك دايما بصيغة التعظيم ..ياخ عليك الله روووووق شوية ..ما الدنيا مليانة مريخاب ومعظمهم ناس عاقلين ورايقين وفاهمين انو الكورة دي يوم ليك ويوم عليك ومافي واحد فيهم قال المريخ ده حقو وجايبو معاه من البيت ..واللعيبة البلعبوا في المريخ ديل زاتهم الموضوع بالنسبة ليهم هواية او اكل عيش في غالب الاحيان والمسالة بتنتهي بعد اي مباراة في الميدان الاتلعبت فيه ..يعني ما ماخدين الموضوع كعقيدة ودين .وتاني رجاء برضو روووق وخليك زي باقي خلق الله مايغشوك الجماعة بتاعين المديدة الحارة وناس البوم البعجبو الخراب ويقولوا ليك والله انت حامي حمى المريخ ودخري الحوبة وانك عملت الما عملوا ابو العائلة او شاخور رحمهما الله واحسن اليهما ...
نصيحة اخيرة اسمع كلام الببكيك .

الحبيب طه

الزول ده راجي ليه يمكن كرامه

الهلالاب اسياد البلد ما بعملو البعملو الزول ده

تخيل فريق برشاوي وحكام

وزي ديل بتكلمو عن الاخلاق

وخليهم انتظرو المفجاءه بتاعت عطبره لامن تظهر بتوديهم التوج لو في اتحاد

Quote: الزول ده راجي ليه يمكن كرامه

هلا بالعباس ..تعرف الزول ده دايما بيجي شايت ضفاري واحيان كتيرة بيديني انطباع بانو عندو مشكلة شخصية مع سيدا وجاي ياخد تارو في حوش بكري ده ..ياخ اخر مرة طلع ليك اي زول بيحب هيثم مصطفى كلب عدييل كدة .. اها زي ده يقولوا عليه شنو ؟؟

حسنا فعل الأخ المريخابي المرعب حسين يوسف وهو يسحب الصورة أياها مستجيبا لصوت الصفوة وأهل القيم والاخلاق في وسط لا قيم له ولا أخلاق ..
ولكن هذا لا يمنع ان نذكر بأن السقوط الاخلاقي بدأه الرشاشات في أبلغ صوره وإنحطاطه حينما دبلجوا صورة ملك الكرة السودانية ومعه البطاح البراش وهما يحملان (هبابتهما) ليهببا ( سيدهم) الذي تمت دبلجته في صورة ملك والتاج علي رأسه وهو أبعد عن ذلك بملايين السنين الضوئية عطفا علي سلوكه الوقح واخلاقه الرعناء ..
وإذا كان القبح لا يتجزأ فلماذا لم ينح هولاء ويتباكوا علي الأخلاق ومثل تلك الصور الكريهة تملأ الأسافير بما فيها هذا المنبر ..
وقديما قيل :
ضربني بكي وسبقني إشتكي .

Quote: السقوط الاخلاقي بدأه الرشاشات في أبلغ صوره وإنحطاطه حينما دبلجوا صورة ملك الكرة السودانية ومعه البطاح البراش وهما يحملان (هبابتهما) ليهببا ( سيدهم) الذي تمت دبلجته في صورة ملك والتاج علي رأسه

طلحة يا صديق :
والله ما عارفه مزعلاكـ كده كان شلتها لو طلبتو .." وش أزرق ضاحكـ "

يا عمران يا عزيزي
والله ما عارف لحدي اللحظة منو الجاب الصورة
لكن قلت الكلام الفوق دا بطريقة عامة ولا أقصد احدا بعينه ..
الود كله ليك يا عمران الجميل .

الأخ حسين النجم الشاهب بتسديداته القوية الموجعه نهنئك بهذة الأستجابه من أهل الصفوة ونحن لا نقع في دركهم مهما حدث الكوكب الأحمر أكبر من ذلك ويوجد به حياة والحياة تحمل الروح الرياضية السمحه لك مودتنا ولا تأبي بمايفعلوه نحن موكبنا يمضي بضياء من وهج الذهب .

،،،،أبوقصي،،،،

الاخ / حسن يوسف
مساء الخير
ومبروك فوز المريخ بالممتاز
وعقبال كاس السودان
---
المهم...
ياصديقي هيثم انسان والانسان خطأ
وخير الخطاؤون التوابين
هذا تشنيع بلاعب قدم الكثير للهلال
والسودان وحق لنا ان نجد له العذر.
لانعلم لماذا تصرف هيثم مصطفي هكذا
ربما تكون ردة فعل لفعل مضاد ارتكبه
معه فيصل العجب او احد لاعبي المريخ
وربما تكون ضغوط المباراة وخوفا من الخسارة
هي ماجعلته ياتي بهذه الالفاظ التي نستهجنها
ونرفضها ....لكن في كرة القدم وعندنا في السودان
علي وجه الخصوص بكل اسف هذه الالفاظ والحركات اصبحت
جزء من اللعبة....
لكن الحقيقة ان الموضوع انتهي بنهائة المباراة بالنسبة
لهيثم والعجب ايضا.
اذا فالنسمو فوق جراحنا وان نعفو ونسامح ونتسامح
ولا يليق بنا ان نعلق المشانق لهيثم.
اتمني ان تنسئ اساءة هيثم للعجب وتقوم بحذف صورة المشنقة
لانها لاتشبهك ولاتشبهنا.
كل الود
هارون دياب

الراقي haroon diyab ياخي بالجد انت راجل تنتمي للجمال والرقي ..لم اكن انتظر منك وامثالك غير ما ذكرت.. اما بالنسبة للاخ حسين يوسف فربنا يهديه ويصلح حاله ولا امتلك ان اقول شيئا اخر ...تحياتي مجددا يا امير

Quote: الأخ حسين النجم الشاهب

دي بصراحة أنا ما فهمتها ...









..