Post: #1
Title: الى اللقـاء
Author: Abureesh
Date: 11-18-2008, 00:10 AM
Parent: #0
أتغيب لحوالى اسبوعين أو أكثر قليلا لظروف العمل..
نلتقيكم قريبا إن شـاء الله، والعفـو والعافيــة.
|
Post: #2
Title: Re: الى اللقـاء
Author: ناهد بشير الطيب
Date: 11-18-2008, 00:33 AM
Parent: #1
تمشى وترجع بالسلامة يااااارب
_____________________
يعنى ضابح وين ...
|
Post: #3
Title: Re: الى اللقـاء
Author: Yassir Tayfour
Date: 11-18-2008, 02:38 AM
Parent: #1
ق م ت ل
|
Post: #4
Title: Re: الى اللقـاء
Author: محمد نور أحمد
Date: 11-18-2008, 03:17 AM
Parent: #3
ياسر طيفور..
لولا أنه نماإلى علمنا أنك من دار جعل وحفيد العباس وسليل آل هاشم لقلنا أن ذلك "مساخة رباطاب" منك..
-----
الزي أخونا أبوالريش دا يقولوا ليه "قشه ما تعتر ليك"..!!!؟؟
ويحك يا أخا العرب
أبوالريش تضرب أكباد الإبل لقصد موطنه..
و"يحنس" بالبقاء إذا ما أراد التغيب عن البورد لبعض شأنه..
تجي إنت تقول ليه "قطر عجيب"!!!؟؟ عجيب أمرك يا ابن طيفور..
----
دع عنك "خستكة" ياسر جانبا فأنت أحد أركيان المنبر وأعمدته..
تمشي وتجي بالسلامة يا أبوالريش ..
|
Post: #5
Title: Re: الى اللقـاء
Author: Yassir Tayfour
Date: 11-18-2008, 03:27 AM
Parent: #4
يا محمد نور الجلابي
إزيك ياخي..
القاف زائدة
الميم: متى
التاء : تعود
اللام: لنا
___
تحايا وود..
|
Post: #6
Title: Re: الى اللقـاء
Author: محمد نور أحمد
Date: 11-18-2008, 03:37 AM
Parent: #5
هسع أنا جبت سيرة العدل والمساواه ولا قلت إسم د. خليل إبراهيم..
أصلو ديل الحالتين الوحيدات القاعدين يصرفوا لي فيهم اللقب السوداني الجديد دا..
أقول ليك حاجة .. آآآآي جلابي .. جلابي.. لكن جدي أبوجهل
| Quote: القاف زائدة |
قال زائدة قال..
بلا زائدة بلا دسنتاريا معاك..
Quote: الميم: متى
التاء : تعود
اللام: لنا |
لا بالله..
خلاص أبوالريش صدقك
--------
مالك داير تجيب لي تراجي
|
Post: #7
Title: Re: الى اللقـاء
Author: Abureesh
Date: 11-18-2008, 05:20 AM
Parent: #6
لمن شـاء التواصل بالإيميل:
sudanorg at yahoo
شكـرا يا ود طيفـور لأحسن دعاء.. اللهم أمين، وربنا يقبل.. وياريت لو كتبتها كاملة.
يا محمـد نور أحمـد، زول دعا ليك الله أنو يبعد عنك الشرور لدرجـة قشـة ما تعر ليك، هل
فى دعاء أفضل من هـذا؟
|
Post: #8
Title: Re: الى اللقـاء
Author: حنين للبلد
Date: 11-18-2008, 05:23 AM
Parent: #1
اب تفة دي ماسبقك عليها زول...
الاخ ابو الريش ...تجي غانم وسالم...
|
Post: #9
Title: Re: الى اللقـاء
Author: عبدالغفار محمد سعيد
Date: 11-18-2008, 05:41 AM
Parent: #8
العزيز ابو الريش
الظاهر بقيت بزنس مان كبير
انت لسه فى الصين ؟
لا تغيب طويلا
|
Post: #10
Title: Re: الى اللقـاء
Author: محمد نور أحمد
Date: 11-18-2008, 05:46 AM
Parent: #8
Quote: يا محمـد نور أحمـد، زول دعا ليك الله أنو يبعد عنك الشرور لدرجـة قشـة ما تعر ليك، هل
فى دعاء أفضل من هـذا؟ |
كان كدا أنا غلطان ولازم أفتح بوست أعتذر لأبوتفه ياسر طيفور..
طبعا أنا يا أبوالريش يا اخوي لا من العرب العاربة ولا المستعربة ولا من أولاد عمهم ظاااتو..
والعربي القوي داك سمعت بيه في المدرسة..
ومع ذلك مرات كدا قاعد أوهم نفسي إني بتكلم عربي كويس زي العرب يعني وبتكلم دارجي سوداني زي السودانيين أو أفصح شوية من بعضهم..
لكن الأمثال والعبارات الزي الفوق دي قاعدة تغلبني وتقيف لي أحيانا بحكم أني اكتسبت الدارجية السودانية إكتساب خلال سنوات الدراسة..
هسع كان ما كلامك أنا مقتنع أنه "ق م ت ل" دي زيها وزي أو قريبة من "قطر عجيب..." و "سفر البن..." "الباب يفوت..." و....
ولا هي يا ربي تعتمد على السياق البتتقال فيه.. غايتو ما عارف..
عموما تفسير ياسر طيفور الأخير ومحاولته للتلاعب بمدلولات الأحرف الأولى من كلمات العبارة والإستماتة في التخلص منها بتخليني أشك في تفسيرك إنت..
Quote: القاف زائدة
الميم: متى
التاء : تعود
اللام: لنا |
وبرضو مداخلة حنين للبلد بتؤيد مزاعمي أنا إلى حد كبير..
| Quote: اب تفة دي ماسبقك عليها زول... |
سلام يا حنين..
-----------
طبعا حتى لو صحت افتراضاتي أنا عارف أنو ياسر طيفور بيهظر لكن أنا جادي داير أتعلم شئ جديد
|
|