Post: #1
Title: الردحي .. والرادحون .. والرادحات ..
Author: عبدالله كع
Date: 11-17-2008, 01:28 PM
( الرَدَحِى ) ....
لمن لا يعرفونه هو طريقة من الطرق الكثيرة التى تستخدمها النسوان فى حروبهن و نزاعاتهن .. وهى طريقة تعتمد أساساً على إستخدام فنون اللغة من سجع و طباق و مقابلة لإعطاء الكلمات معنىً أكثر قوة ...... و هذه الكلمات بدورها منتقاة بعناية من قِبل (الرادحة) لتؤكد علو مكانتها أو لِتحط من قدر رادحة أخرى ...وهو ما يجعله ضرباً من ضروب الفنون تشتهر به الرادحات و يتميزن به عن باقى (النسوان) اللآتى لا يستطعن الدفاع عن أنفسهن
حنك ... عجيب جايكم بالحنك زاااااااااتو"
|
Post: #2
Title: Re: الردحي .. والرادحون .. والرادحات ..
Author: ناذر محمد الخليفة
Date: 11-17-2008, 01:38 PM
Parent: #1
يعني زي :
هييييييييييييييييييييي ترا ترا واللستك الورا ..!!
ناس ناس وناس أناناس ..!
ما بنركب ركشة ورا ولا بناكل باسطة سلا ...!!
بندورة وكشفنا دورا ..!!
وكدة .!!!
|
Post: #3
Title: Re: الردحي .. والرادحون .. والرادحات ..
Author: عبدالله كع
Date: 11-17-2008, 02:46 PM
Parent: #1
نن
ايييييييييي كدا يا قريبك
ناذر ردحي الضكور بي ختلف من ردحي الجنس اللطيف ؟؟
و أذكر فيما أذكر قديماً أنه كانت تسكن فى حىّ قريب من حيّنا رادحة من فطاحل الرادحات .. و فوق كونها كذلك فقد كانت كثيرة الجثة سميكة الجلد وافرة اللحم كثيفة العظم واسعة الحلقوم كبيرة البلعوم لها جنازير صوتية بدلاً من الحبال الصوتية .. كانت هذه المرأة (فتوة) النساء فى ذلك الحى فكثيراً ما يلجأن لها لتأخذ بثأرهن
بستله وحايمه بالحله ...
|
Post: #4
Title: Re: الردحي .. والرادحون .. والرادحات ..
Author: محمد البشرى الخضر
Date: 11-17-2008, 02:48 PM
Parent: #1
كع يا عمك ...
بالله قبل ما تجي بالحنك العجيب زااااااتو
الشي دا كان جاك بالإيميل و لا لاقاك في حتة لا تنسى تخت ايقونة الـ 
عشان قبل كدة نفس الردحي دا حصل فيه حادث حركة هنا
وكمان إن بقى حقك قشة لا تعتر لك
اتفضل اردح
أبو حتوت - الألفة المرشح
|
Post: #5
Title: Re: الردحي .. والرادحون .. والرادحات ..
Author: عبدالله كع
Date: 11-17-2008, 03:00 PM
Parent: #1
ود البشري ..
Quote: بالله قبل ما تجي بالحنك العجيب زااااااتو
الشي دا كان جاك بالإيميل و لا لاقاك في حتة لا تنسى تخت ايقونة الـمنقول
عشان قبل كدة نفس الردحي دا حصل فيه حادث حركة هنا
وكمان إن بقى حقك قشة لا تعتر لك |
حقي وين يا مان ..........
اخوك مادح ومااااااا رادح
النت بحر يا قريبك .. ونحنا بنبلبط فوقوووووو !!!
لو عند ردحي حديث وخفيف .. .. كبو ؟
|
Post: #6
Title: Re: الردحي .. والرادحون .. والرادحات ..
Author: omar arbab
Date: 11-17-2008, 03:25 PM
Parent: #5
كع
.هيييييييييييييييييييييييى ...
لا كرعيننا رقاق و لا مولودين فى زقاق ..
أولاد عوااااااااايل و عندنا فايل ....
ولدونا فى الإمتداد و حبّينا فى البلاط ..
.نححححححححححححمدو..... البنريدو بنولع ليو اللمبة.. و الما بنريدو بنحرش ليو الكلبة !!
.. عشان كدا أعملى لاين و أقيفى بهايند.... و أفهميها... أعملى شخيط و اقيفى بعيد ..
سجم و كمان عدم فهم ؟!!
|
|