Post: #1
Title: بتعرف تطير يالمشير
Author: singawi
Date: 11-17-2008, 10:18 AM
Parent: #0
يحكى أن الحيوانات كانت في رحلة جوية على رحلة الخطوط الجوية الحيوانية ، وصادف أن جلس الصقر بجوار الحمار ، طالت الرحلة وشعر الصقر بالملل فأراد أن يتسلى بمشاكسة المضيفة الحسناء . مد جناحه وضغط على زر طلب الخدمة . جاءت الحسناء تسأل عن طلباته فأجاب ( ولا شيء ... بتمنتش ) كرر العملية مراراً وأجاب نفس الإجابة ( ولا شيء .. بتمنتش ) . أعجب جاره الحمار بالفكرة وضغط على الزر واستجابت المضيفة وكرر نفس الإجابة ( ولا شيء .. بتمنتش ) تضجرت المضيفة ولجأت لقائد الطائرة الأسد الغضنفر ، فشهق وزفر ، وهمهم وزمجر ، وبدون مقدمات فتح باب الطائرة آمراً بقذف المتمنتشين منها ... ضحك الصقر حتى وقعت سيجارته وفي طريقهما للباب التفت للحمار متسائلاً : بتعرف تطير يا حمار .. ؟ أجاب الحمار : لا .. فأردف الصقر : أحييييييييي أنا .. وكت ما بتعرف تطير بتتمنتش ليييييييييييييييييه ؟.
|
Post: #2
Title: Re: بتعرف تطير يالمشير
Author: أيمن الطيب
Date: 11-17-2008, 11:13 AM
سلامات يا سنجاوى,,,,,
ياخ النكات دى عندها أهل وحقوق ملكية أدبية وفكرية وهلم جرا وكد
النكتة لما تتغير مفرداتها تصبح ممسوخة وغير ذات نفس الطعم وكدا
فبالله عليك ما تفير من طبيعة الأشياء وأصل النكتة لأن ذلك يضر بها!!
وهو إنتا زاتك وكت ما بتقدر تحكيها زى ما هى ما كان وكدا
هسة النكتة دى بقت ممنتشة خالس خالس...
تحياتى......
|
Post: #4
Title: Re: بتعرف تطير يالمشير
Author: singawi
Date: 11-17-2008, 12:28 PM
Parent: #2
| Quote: وهو إنتا زاتك وكت ما بتقدر تحكيها زى ما هى ما كان |
أيمن ود الطيب
سلمك الله وبارك في أيامك
إلا شكيت محنك على الله ... أنا زوغتي خليها
أديتك الإذن .. قولها انت بي ضبانتها
عشان يبقى موعدنا في خور بكري
المهم الرسالة تكون وصلت .. وما شرط السماحة
كفاي طيبة أخلاقو
تحياتي وأطيب أمنياتي
|
Post: #3
Title: Re: بتعرف تطير يالمشير
Author: ود الخليفه
Date: 11-17-2008, 12:23 PM
بالله
ولي علي الطريقه التمبسيه بلاي
|
Post: #5
Title: Re: بتعرف تطير يالمشير
Author: ود الخليفه
Date: 11-17-2008, 12:39 PM
في واحد عاجباهو النكته وداير يحكيها لبنت معاه في الجامعه
والبنت شفته ومفتحه
قام غيرها لي (بتتعاور مالك؟)
بعد ما انتهي قالت ليه(باللـــــــــــــــــــــــــــــــــــــــــــــه) فصارت مثلا
|
Post: #6
Title: Re: بتعرف تطير يالمشير
Author: singawi
Date: 11-17-2008, 01:04 PM
| Quote: بعد ما انتهي قالت ليه(باللـــــــــــــــــــــــــــــــــــــــــــــه) فصارت مثلا |
لوووووووووووووول
يسترنا المولى مع الناقشين والناقشات
|
Post: #7
Title: Re: بتعرف تطير يالمشير
Author: dardiri satti
Date: 11-17-2008, 01:56 PM
Parent: #6
فعلاً
المابِعرِف ،
ما يغرِف،
بِكِسْر الكاس ،
ويعطِّش الناس.
الله لا رواه المابعرف.
كان ماله ومال الكاس؟؟
ووقت ما بيعرف يطير،
المنتشة العليهو شنو.
تحياتي.
|
|