اترك الاحلام يا جميل.......واصحي

في البداية......... مافي اجمل من انك يقبلوك في كلية الطب ....في النص......مراجع من جيبك تقيلة ,حجم وسعر,مصاريف السكن والترحيل

حتى لو بالطايرة السودانية برضو من جيبك واللى هو في الاصل طبعا جيب ابوك وابو اهلك.....في النهاية........وبالمناسبة النهاية هنا

بتجى سريع خلاص نهايةمافيها جزء تاني زى ليالي الحلمية ولابعد 300 حلقة زى(نور ومهند).......ابدااااا

تتفاجأ بالنهاية القريبة والغريبة انك... قبضتا الريح,تلبس البالطو في بيتكم بس خصوصا بعد ماتكمل فترة الامتياز والتي يكون

الامتياز الوحيدفيها انك بالجد بتحس بسعادة انك بالرغم الوضع السيئ لمستشفياتنا(حتى الخاص منها!!!),تحس بسعادة خدمة الغير والتى

تكون بدون مقابل برغبتك اوبعدم رغبتك في هذا المقابل.

وتبدأ مرحلة الاحلام الجميلة بالتخصص والعربية وتحت تحت العرس ,دا طبعا بعدتطرطش البيت عشان الناس تحس انك اتخرجتا وتحجج امك

وابوك.......


وما تصحي الا في الوزارة في مكتب (الطب العلاجي!!!)وانتا اصلا ما عارف الصلة شنو بين الطب العلاجي وتوظيف

الطبيب العمومى المغضوب عليه ....تصحي فجأة مخلوع زى الكشحو فيك موية وانت نايم في الحوش نهاية شهر 12

البصحيك شنو؟؟؟تصحيك نظرات الدهشةو(الاذدراء...اى والله علي قول العمدة سليمان غانم عمدةالحلمية)انك جاي

بكل عفوية و(عبط)بسبب ايمانك انك كائن منتج ويمكن الاستفادة منك علي الاقل في طعن الحقن ,جاي تسأل وتقول

(آل إيه)انا طبيب عمومي خلصتا الخدمة وجاي عايز رقم وظيفي ....دا شنو دا ؟؟؟جاى من وين انتا.

انتا تمشي تقعد (تتستت) في بيتكم عشان انت خريج 2005 واحنا لسه ماعينا خريجين.....(2000)

كتبت دكتورة سلافا العاقب

Quote: (آل إيه)انا طبيب عمومي خلصتا الخدمة وجاي عايز رقم وظيفي ....دا شنو دا ؟؟؟جاى من وين انتا. انتا تمشي تقعد (تتستت) في بيتكم عشان انت خريج 2005 واحنا لسه ماعينا خريجين.....(2000)

أهلا يا دكتورة
حاولتي تكتبي بطريقة ظريفة وبسيطة
موضوع مؤلم ومعقد ، وكأنك تحاولي تخفيف وطأته
على ذاتك لكي لا تحبطي وعلى القرآء لكي لايفقدوا
الأمل في وطنهم
وأي وطن هو الذي يوفر الميزانيات الضخمة وبلا حسيب او رقيب
لأجهزة الأمن ، التي لا يأمنها أحد ولاتعمل من أجل الوطن والمواطن
تصرف عليها الأموال الطائلة ، أموال الشعب لتسوم الشعب العذاب
وبامواله
دولة تنفق الملايين لشراء الطائرات الحربية من روسيا
وهي تعلم إنها لن تخوض حربآ خارجية لحماية الوطن
وأن حروبها فقط داخلية لقهر المواطن وإخضاع الحركات المسلحة
التي ما تسلحت إلا بسبب الظلم الذي حاق بها من النظام وسدنته

تفعل دولة الكيزان هذا
ولاتعتمد في ميزانياتها المتعاقبة
أي مبالغ تذكر على توظيف الخريجين
خاصة خريجو كليات الطب
تفعل ذلك والوطن والمواطن في أمس الحاجة لالآف الأطباء

لو إختصرت سلطة الكيزان 20% من ميزانية أجهزة الأمن
و20% من ميزانية شراء الطائرات الحربية
ووفرتها لأجل تعيين الخريجين
لما بقى عاطل في الوطن

صباحك نور اخي ابوساندرا...

ما تخفيف لكن كل الحاصل اننا اتعودنا لدرجة عدم الاحساس...يعنى كترت علينا الهموم لكن غالبنا النوم

ولما نقول ..ملعون ابوها بلد....يقولوا علينا معارضة


شكرا علي مرورك الذي اسعدنى بالجدجد

د:سلافا

كتبت الدكتورة سلافا

Quote: ولما نقول ..ملعون ابوها بلد....يقولوا علينا معارضة

يسعد الله صباحك وايامك
بلدنا ما بنلعنها ، بلدنا حنينة وحبيبة
البيستحق اللعن هو النظام الحاكم
الذي جعل بلدنا الرحيبة ضيقة علينا
وياريت يقولوا عليكم معارضة
فمعارضة هذا النظام الظالم الفاشل شرف لايدانيه شرف
وواجب مفروض يقوم به كل مواطن غيور على وطنه

Quote: ما تخفيف لكن كل الحاصل اننا اتعودنا لدرجة عدم الاحساس.. .يعنى كترت علينا الهموم لكن غالبنا النوم

صاح المهموم ما بينوم
لكن يجب أن يكون إحساسكم عالي ويقظ
حتى تهتموا بقضيتكم وتسعوا لإرغام السلطة
على تعيين الخريجين ، وهذا بيستلزم ان تتنظموا
وتبحثوا عن الوسائل التي تجعل السلطة تلفت لقضيتكم

ويجب أن تعوا أن القضية لاتعنيكم أنتم أصحابها والمكتوين بنارها فقط
بل ، كذلك هي قضية وطنية بتهم كل الناس ، كل بيت فيه خريج عاطل
وبتهم المجتمع الذي يرغب في أن يرى ابنائه يطبقون ماحصلوا عليه من علم
في الواقع العملي
بلدنا تحتاج لألآف الأطباء وآلآف المهندسين
وحرام ان يتعلم الناس ليجلسوا في البيت

تكاليف التوظيف وإعتماداتها المالية مقدور عليها
لو قللت ميزانية جهاز الأمن فقط
ولو كفت الدولة عن إستيراد السلع والمعدات التي لا نحتاجها
مثل صفقة الطائات المشتراة من روسيا بملايين الدولارات
والبلد لاتواجه حربآ خارجية تحتاج بسببها لسلاح طيران مكلف
كما ان ازماتنا الداخلية لاتحل بالحروب

Quote: شكرا علي مرورك الذي اسعدنى بالجدجد

ويارب تدوم لك السعادة والصحة
والشكر لك وان تفتحي موضوع مهم جدآ