اليوم غزت حياتناولغتنا وحدات قياس جديدة....ذات اسماء (طريفة)
مثلا امسك عندك ...
الفيمتو
الفيمتو ده شنو ؟(عصير)
عاين للون الابيض والاسود فى الصفحة البتقرا فيها دى هسه... فرزت اللون الابيض من الاسود خلال اقل من جزء من الثانية صح؟ العملية دى بتستغرق مئات من (الفيمتو ثوانى )..
فى وحدات اصغر من (الفيمتو ) وعندها اسماء عجيبة اطلعت عليها فى واحدة من المواقع منهم وحدة (الزيبتو) يعنى هسى مع الحالة بتاعة الفلس الضاربة العالم دى حالتنا بقت زى (الزيبتو )
الميجا
ودى حوالى المليون وحدة والميجا هى وحدة تخزين المعلومات فى عالم الموبايل والحاسوب
الجيجا ودى وحدة مصدر شعبيتها الحاسوب ( طبعا دى بقت دقة قديمة)
التيرا
مصدر شعبيتها طبعا الاجيال الجديدة (من الحاسوب ومننا نحن زاتو )
عارفين تيرا كيلو جرام ...توزن كم؟ اها .. لا ابدا ..غلط ...( مابتوزن بلد بحالها ولا حاجة ) توزن البشر ديل كلهم على كوكب الارض....(دى التيرا دى)
طيب ....عمو فين ....؟؟
(العمو) دة بقى وحدة اسمها رائع وقوى جدا ترمز لقياس وحدة كتلة الذرة..بس اظرف مابيميزها انه اسمها (عمو) .......
التتامى... دى سجادة يابانية مقاسها حوالى 180 فى 90 بتجى مستطيلة كدة فمن السجادة دى جات وحدة العمران او التصميم العمرانى زى توزيع الفراغات فى الوحدات السكنية..وكدة
والتتامى مابيقرب (للتسونامى) ولا عندهم اى علاقة لامن قريب ولا من بعيد
التتامى كلمة معناها (مطبق ومرصوص) ...
مثلا تيابى (تتامى ) فى الدولاب ومرصوصة ... وعدتى (تتامى ) فى الفضية ....
كل شىء الزمن ده بقى يودى فى داهية ... اسماء اكلاتنا العربيه ... امريكا شايفاها مريبه وحركية ...
عندك
الهريس من هرس المنسف من نسف الكبسة من كبس والطحنية من طحن والسحلب من سحل والحمص من حماس
اما انا فبقول الويكة دى من شنو ؟
من البامية والبامية من (بم) طاااااااخ ...
Post: #8 Title: Re: ( عمو ) فين ؟ Author: خالد العبيد Date: 11-17-2008, 05:00 AM Parent: #1
اول حاجة انتي ذاتك فين؟ متابع بوستك الجميل بي هناك وسلمي على الناس المعاك كان هنا ولا هناك !
Post: #9 Title: Re: ( عمو ) فين ؟ Author: على محمد على بشير Date: 11-17-2008, 08:38 AM Parent: #8
Post: #10 Title: Re: ( عمو ) فين ؟ Author: جمال السنوسي Date: 11-17-2008, 10:53 AM Parent: #9
ناهد
والاحلام المسافرة
عارفة لو قعدتي جنب (شفع) الزمن ديل
عندهم مفردات جميلة وجديدة وما بنعرفا
هسه من ناسنا ديل لو في واد قلت ليهو (تيرا) يزعل منك ويشاكلك
هناك فرق كبير بين العلم والمعلومة زي ما قال د. الحاج موسى في التلفزيون قبل كده قال: الجيل القديم أكثر علما من الجيل الحالي ولكن الجيل الحالي اكثر معلوماتىة من الجيل القديم
وتيرا تيرا يا تيارة
مودتي
تسلل : الاعمام الهنا اليومين ديل ممنوعين من الصرف ( لزوم الازمة الاقتصادية العالمية)
يقال أنه أثقل من ( الماء المهدْرَج ) و يمكن أن يدخل في تركيبة سلاح فتاك ...
كما أنه يشترك مع ( البنْج ) في خاصيتيْن : الأولى أنهما يشتركان في نطق حرف الجيم الأخيرة بنفس التعطيش الثانية : أنهما يشتركان في خاصية التخدير
و هناك خوف آخر
حيث أن الحرب العالمية القادمة هي حرب مياه .. و التركينج يجعل آكله يشرب ماءا كأنه قد إبتلع عدة بشاكير أو كأنه أصبح حوض رملة مما يهدد بإستعمال مياه كثيرة و بالتالي يتناقص المخزون العالمي من المياه ...
يقال أنه أثقل من ( الماء المهدْرَج ) و يمكن أن يدخل في تركيبة سلاح فتاك ...
والله ياابو جهينة دى بالغت فيها ...وتحليل كى جدا جدا ...
التركينج ده لما ناكلوا بنعاين حوالينا ونتاكد انه مافى زول بيشوفنا لانه (كبريائنا)بيتاثر بأداءنا (القراصى الصحنى )
Quote:
كما أنه يشترك مع ( البنْج ) في خاصيتيْن : الأولى أنهما يشتركان في نطق حرف الجيم الأخيرة بنفس التعطيش الثانية : أنهما يشتركان في خاصية التخدير
عشان كدة قالوا بعد ماناكل (التركينج) ده لازم نشرب شاى حار... عشان تقوم تصحصح ..
Quote: و هناك خوف آخر
حيث أن الحرب العالمية القادمة هي حرب مياه .. و التركينج يجعل آكله يشرب ماءا كأنه قد إبتلع عدة بشاكير أو كأنه أصبح حوض رملة مما يهدد بإستعمال مياه كثيرة و بالتالي يتناقص المخزون العالمي من المياه ...
إرهاب
عشان كدة حسنى مبارك جاء يأمن وضعوا ...اكيد اهلنا ناس الشمالية ضوقوة مادة (التركينج ) دى .....وماشربوه بعدها الشاى ...
نشوف الحوار الارتجالى واللحظوى ده ....
(عارف ياعلاء ياابنى ..جماعتنا بتوع السودان دول عندهم اسلحة دمار شامل ازاى يابابا دول عندهم حاجة كدة بياكلوها زى الجمرة الخبيثة ازاى يابابا تقدر تجيبلى عينة من البتاع دة الاسمو (تر كين) تر ..ايه يابابا ... تركييييييييين ياابنى حاجة كدة زى الفسيخ بس مشبعة بغاز ثانى اوكسيد التركينيا ... طيب المشكلة فين... المشكلة فى المية ازاى مالبتاع دة لما تتهبب بيه بتشرب مية النيل دى كلها... دول ماحيسبوش ولا نقطة مية لينا .......
كملوا انتوا انا خلاص فترت
_______________ شكرا استاذنا ابو جهينة ... هى فقط بعض التلاطيف ...اردنا بها استدعاء ذاكرتنا ومناقشتها ....
عمو ده مقياس كتلة الذرة وخليك منه انتى عمتو انعام حيمورة وينها ماشايفاها
انعام
الرقم 59 هو رقم زيه وزى الارقام صح لكنه رقم تعبان مابيقبل القسمة الا على نفسه وعلى الرقم واحد عاينى للرقم 60 اللى بعده طوالى بيقبل القسمة ماشاءالله عليه على الواحد والاتنين والتلاته والاربعه والخمسة والعشرة يلا هنا الرقم 59 (مابيفلهم ويشوف نفسه حاجة كبيرة على الارقام وخاصة جاره ال 60
Quote: يا ناهد اصلها الويكه لاول مره ياكلها خواجه لصقت في ايدو وابت الرجوع الي البيت فقال قولته الشهيره " wicked" فندلعت ثورة الويكات من ذلك الزمان.
عارف يااخ طارق ذكرتنى بالقصة بتاعة الزول الاعتقلوه قبل كم سنة فى بيتهفى المانيا ولا وين ماعارفة لقوا عنده كمية من مادة عشبية___ حسب كلامهم__ واخدوه واخدوا المادة طبعا ... واتهموه بانه شايل اسلحة دمار شامل ...فحصوا طبعا المادة ....لقوها ملوخية ناشفة (منشفاها ليه الحاجة امه وكدة)
هسى مدمنى الويكة او عائلة (الويكاب) اللى خاتين المادة دى عليهم انهم يحتاطوا جدا بالذات الويكة دى ماعندها ريحة وحلك دايرة ليها شهر عشان تتعرف هى شنو ....
_________________________
غايتوا الواحد فى الزمن ده ...يتقى الشبهات ...والويكات ...
Post: #27 Title: Re: ( عمو ) فين ؟ Author: محمد عثمان Date: 11-18-2008, 10:34 PM Parent: #26
Post: #34 Title: Re: ( عمو ) فين ؟ Author: Ali Sirelkhatim Date: 11-19-2008, 01:23 AM Parent: #33
لدى سؤال يا استاذة ناهد
ماهى العلاقة بين التركينج واسلحة الدمار الشامل؟
عمو فين؟
عمو شما ريحة التركينج وقام طفش زمان لما كنت بقرى فى مدرسة حلفا الثانوية فى التمانينات اكلت التركينج ده لقمة واااااااااحدة بس لكن كل ما اتذكره بقطع لى كوز موية.
Quote: ثم تعال ده مابياكلوه ساااااااكت كده ....عنده (كتلوج ).... يجيك ايو جهينة وطارق ميرغنى (يفتو ليك هنا )
نصائح لآكلي التركينج ..
1. يا حبذا لو كان أكله صباحاً .. ( ما بين الساعة الثامنة و العاشرة صباحاً ) 2. قال سيد أحمد السماكي الصعيدي الساكن في قريتنا بالشمال ( إذا إسْتسْمكْتُم فأسْتحْلوا ) بمعنى لا بد من أكل شيء حلو مباشرة بعد وجبة التركينج ( يا حبذا عجوة من عجو المحس التقيل الفدع العراجين .. و لو مافي صباع من الإسنكرز 3. لا تشرب الماء مباشرة بعد التحلية .. لأن شراب الماء مباشرة يتسبب في فصل التركينج عن بقية مكونات الطبخة .. مما يعجل بحاجات لا يمكن ذكرها في هذا البوست .......
أما بعد
ذات سفرية إلى جنيف ... طلب مني السفير عبد المجيد على حسن أن أحضر له تركينجا وارد ( كلاكلة لفة ) .. فأخذت معي برطمانية ماكنة مليئة بهذا الصنف الفيراني اللون .. في المطار إجتمع حولي كل ضباط الجمارك و أخذوا عينة بخشبة مثل الخشبة التي يدخلونها في فم مريض اللوزتين .. بعد أن لبس الضابط قفازاً في يديه و إحتجزوني في غرفة ضيقة و هم يبحلقون في .. لم ينقذني إلا حضور السفير فأعطوه البرطمانية المشبوهة