ما بتفقدو الزول مالكم ... نفسنا كان مكتوم ... شكرا ليبكرى ...

من رابع يوم فى العيد ( الفطر ) وانا لم ادخل المنبر العام ومع ذلك لم يسال مننا اى عضو

لعل المانع خير كنا مسافرين وايام الاختراق كنا نتحرق شوقا للدخول ولم نتمكن الا اليوم

شكرا للاخ بكرى الذى كان مغيثا سريعا بعد ان طلبنا منه ان يعدل الحال المائل ولم يقصر

يا شباب دا ما لوم لكن عاوزين نعرف هل هنالك من يسال عننا ام لا وشكرا

اسفين لعدم السؤال وحمدالله علي السلامة.



.
.
.
Rani

شكرا يا رانى الله يعلى شانك

تسال منك العافية

ويسكنك الصافية

قول امين

وين ناس جدة ؟؟؟؟؟

مجموعة من بورداب جده كانت خارج المنبر بسبب الهكر اللعين
واخوك واحد منهم ،، كثر خير صاحب الحوش الكبير الذي
اننقذنا بباسويردات جديدة ، له الشكر وحمدا لله بسلامة العودة

شحاد وعينو قوية لووول
ياخي انت لسع مكتوب بي قلم رصاص ليك خمسة شهور بس يعني تحت التجربة
بعدين لازم تعمل ليك شلة من الاولين وقليل من الاخرين عشان تكون معروف وكده
الناس البيسالو من بعض ديل كل يوم بتكلمو بالتلفونات يا بتلاقو مع بعض يا بالماسنجر يعنش الشغلانة مرتبة يعني اسع في ناس غائبين ومافي زول عارفهم حيين ولا ميتين لووول
انا بتضامن معاك ورايك شنو نعمل شلة انا وانت انا اصلو شلتي موديل الفين واتنين البنات كلهم عرسوا والرجال برضو عرسو ومسكوهم حريمهم لووووووووول يكه
يعني بقيت لايص براي

خلاص اتفقنا نعمل شلة انا وانت بس اول صرفة لي انا

حمد الله على السلامة

زاتوووو

الزول زااتو لنا عظيم الشرف ان نكون فرد

بس اوعى تكون رشاشة

قبلنا العرض بس هات العربون