Post: #1
Title: ده قطن لحاف ولا مخده
Author: almulaomar
Date: 11-16-2008, 03:37 PM
الدقيقة 36 من الشوط الأول والكورة درون صفر صفر بين الأهلي المصري والقطن الكاميروني وبصراحة الأهلي المصري لو شال الكأس - هسي الجاب سيرة المريخ منو - حا يكون سيد أفريقيا عديل كده. وفي واحد تعبان هنا بشجع في القطن الكاميروني ولمن زهج قال لي والله ده قطن عاوز يتنفش عشان تحشيهو في مرتبه أو مخده وإحتمال يحتاج ليهو رطلين زيادة عشان يظبط معاك
أحمد حسن ظبط الجماعه وجاب قون في الدقيقة 37 وحرباشات
|
Post: #2
Title: Re: ده قطن لحاف ولا مخده
Author: Tragie Mustafa
Date: 11-16-2008, 04:12 PM
Parent: #1
العزيز الملا عمر
بعيد عن القطن الكاميروني و الاسفنج المصري.
ياريت ترجع للبوست البن و الحبش وتعدل الفيديو الوضعته لانه قفل البوست.
تحياتي ودعواتي للقطن الكاميروني.
|
Post: #3
Title: Re: ده قطن لحاف ولا مخده
Author: عمران حسن صالح
Date: 11-16-2008, 04:53 PM
Parent: #2
| Quote: تحياتي ودعواتي للقطن الكاميروني. |
|
Post: #4
Title: Re: ده قطن لحاف ولا مخده
Author: almulaomar
Date: 11-17-2008, 04:20 PM
Parent: #2
العزيزة تراجي
تحية الصحة والعافية
علاقتي بالكمبيوتر تماثل علاقة أهل العوض ببيتزا هت ، وقد دخلت ذلكم البوست رغبة مني في إضفاء شئ من الألق والجمال حيث أنني شاهدت فيديو للمطربة الأثيوبية لكين ومع شديد الأسف وبعد أن رفعت الفيديو مكاناً عليا نسيتو لم أقرأ تعليمات بكري أبوبكر والمنظمة لمثل هذه الأمور والتي تحدد حجم الملف المراد إدراجه وأسفي الشديد لصاحب البوست فقد جيت أكحلها وعميتها فلكي وله العتبى ، والخبر الجيد أنني أحاول أن أعمل بنصيحة الصحافة ذلكم الممسك بتلابيب الكيبورد والعارف للشاشة الغشاشة وخلينا نحددها مع الفيرفوكس براوزر يمكن أقدر ألغي المصيبة السويتها في بوست الناس دي. ويا صاحب البوست السماح.
==
دعواتك فشلت في أن يفعلها القطن الكميروني ويهزم الفراعنة لأن القطن المصري طويل التيله كسب المعركة وشال الكأس ومن الكاميرون وبذلك يصبح أقوي الفرق الأفريقية على الإطلاق at least لغاية الآن.
|
Post: #5
Title: Re: ده قطن لحاف ولا مخده
Author: almulaomar
Date: 11-17-2008, 04:45 PM
Parent: #1
تراجي ألحقي القمرية قبال ما تطير رجعتها زي ما كانت بفضل علم الصحافة 30 وصبر أخونا صاحب البوست وبعد كده أظن أنا برئ ولي حق أفرح مع الجماعه في ستاد الكلية الحربية ببطولة الأندية الأفريقية. من ياوندي مراسلكم الملا
|
|