إلى السودانيين في السعودية المنطقة الجنوبية افيدونا عن كمال الحاج حامد

نداء عاجل وهام
إلى الأخوة السودانيين المقيمين بالمملكة العربية السعودية

زميلي بالجريدة عصام الحاج حامد طلب مني مساعدته في مناشدة الاخوة في
سودانيز اونلاين دوت كوم وخاصة المقيمين بالمنطقة الجنوبية بإفادته عن
شقيقه المتغيب هناك منذ عام 1993 بدون أي خبر..

الاسم: كمال الحاج حامد
عمره: 38 سنة
سافر إلى السعودية بدون إقامة وذهب إلى العمل بمنطقة الدرب بعسير
بعد 10 أشهر فقط من ذهابه انقطع خبره عن أهله..
غير متزوج
توفى والده قبل مدة
لا يعلم أهله إن كان سمع بوفاة والده أم لا..
أحيانا تأتيهم أخبار بأن أحدهم رآه في الشرقية وفي الجنوب
لكنها أخبار غير مؤكدة

حاولت تحميل صورته لنشره هنا ولم أستطع
سأحاول مرة أخرى

أرجو منكم التكرم برفع البوست عاليا

أتمنى أن نسمع خبرا عنه
ولكم الشكر




للاتصال تلفون: 00249912623585 عبد الحليم
أو إيميل ageed12(at)yahoo.com

شكرا يا ود الباقر على التنبيه

الصورة التي لدي تبدو كبيرة.. الموقع لم يستجب لتحميلها

حباب ابن العم

اهلا حباب ابن العم
كيفك يا حبّوب
ولعلك طيب والأولاد

الاخ عبد الله عقيد ...

المنطقة الجنوبية كما تعلم منطقة كبيرة .. تحديد المكان الذي ذهب اليه اول مرة مسالة مهمة في الحصول على معلومات عنه ...

يا جامع يا رقيب ...



ود الباوقة

عبد الله ليك وحشة والله
كيف الدنيا معاك ..؟
ربنا يجمع بالزول دا .. ويطمن اهلو عليهو

Quote: الصورة التي لدي تبدو كبيرة.. الموقع لم يستجب لتحميلها

رسله لي في الايميل دا يا عبد الله .. بسرعة
tmbisco(at)hotmail.com
أو
alaa.tmbis(at)gmail.com

عبدالله عقيد..
تحياتي..



فوق إلى حين عودة..

أحباب الرياض
اخوانّا زمان
ود الباوقة وتميس وأبو رزقة
مشتاقين والله
وفاقدنكم

المنطقة اسمها (الدرب) يا ود الباوقة

تمبس.. الصورة في الإيميل زاتو ابت تطلع .. سأواصل المحاولة

ابو رزقة.. عليك الله ترفع البوست دا مع الجماعة

وكلم صاحبك بكري ابو بكر يثبتو لينا فوق


يا ناس انا ما عندي طريقة ارفع البوست دا
ارفعووووووووووووه تكسبو اجر

نسأل الله أن يجمع شتات كل أسرة سودانية
وإن شاء الله تسمعوا كل خير عن كمال الحاج حامد

Quote: وكلم صاحبك بكري ابو بكر يثبتو لينا فوق

هو غايتو ما صاحبي..
بس شهامتو السودانية خليها تشتغل حيعلقو ليك فوق..

بس ما يرخى عضانو للخواجات ناس كوستاوي وتراجي..

بدورو ليك حنانو وعجاجة كتاحتو بتلحق السماء..



بس كمال من أي منطقة في السودان في السودان..
إذا كان ما بتسبب حساسية..
علشان الناس هنا بنعرفو بالمناطق أكتر وإنت سيد العارفين..



فوق..

شكرا يا شباب

هو من أولاد الجزيرة يا ابو رزقة

احد المغتربين اخبر اهله قبل فترة أنه رآه في الدمام
لكنه غير متأكد


يا تامبا الصورة رسلتها ليك

Quote: يا تامبا الصورة رسلتها ليك

سلامات يا عقيد .. يظهر انو الصورة فيها مشكلة طريقة الحفظ للملف ما بتفتح معاي في الايميل جربتها بعدة طرق ..
عايز منك حاجة سريعة ..
أعمل الآتي:
1- أضغط على الصورة Right Click
2- أختار من القائمة Open with واختار خيار Paint
بعدما تفتح الصورة امشي لي File أختار Save As
بتفتح معاك نافذة من تحت فيها خيارين:
الأول:
File name
وممكن تسمي الملف بي اي اسم
التاني:
Save as type
وهنا تختار من القائمة المنسدلة بعدما تضغط على السهم الخيار بتاع تعديل الفورمات السهلة جدا ومريحة في التعامل:
JPEG
وهو الخيار رقم خمسة تقريبا في القائمة..
احفظ الصورة بالفورمات دي وبي كدا بتكون ساهلة جدا ويمكن انك تدخله الايميل وترسله وانا بتصرف ليك فيها ..
في انتظارك .

يا جامع يارقيب يا الله....اللهم يسر ألأمر

يا جامع يا رقيب نسألك باسمك العظيم الاعظم الاجل الاكرم


ان تجمع بأخونا الى اهله ...قادر يا كريم

يا جامع يا رقيب يارب


يارب تبرد حشا امه

يا جامع يا رقيب نسألك


باسمك العظيم الاعظم الاجل الاكرم


ان تجمع أخونا باهله ...قادر يا كريم

يا جامع يا رقيب

ربنا يطمن اهلة وصحبه عليه عاجلا

اللهم يا جامع الناس ليوم لا ريب فيه ، اجمع كمال الحاج بأهله



__________________________

سلامات ود عقيد

يا جامع يا رقيب

ربنا يطمن اهلة وصحبه عليه عاجلا

انشاء الله نقوم بالواجب و نذهب للدرب لمقابلة السودانيين هناك ونديهم النداء وهي منطقة قريبة من ابها .
اتمنى من الأخوان ناس البشير دفع الله ايضا المساعدة
و ربنا يجمع

يا لطيف يا جامع أجمع كمال الحاج بأهله يااااااااااااارب...

هو غايتو ما صاحبي..
بس شهامتو السودانية خليها تشتغل حيعلقو ليك فوق..

بس ما يرخى عضانو للخواجات ناس كوستاوي وتراجي..

بدورو ليك حنانو وعجاجة كتاحتو بتلحق السماء..



بس كمال من أي منطقة في السودان في السودان..
إذا كان ما بتسبب حساسية..
علشان الناس هنا بنعرفو بالمناطق أكتر وإنت سيد العارفين..

هو غايتو ما صاحبي..
بس شهامتو السودانية خليها تشتغل حيعلقو ليك فوق..

بس ما يرخى عضانو للخواجات ناس كوستاوي وتراجي..

بدورو ليك حنانو وعجاجة كتاحتو بتلحق السماء..



بس كمال من أي منطقة في السودان في السودان..
إذا كان ما بتسبب حساسية..
علشان الناس هنا بنعرفو بالمناطق أكتر وإنت سيد العارفين..

هو غايتو ما صاحبي..
بس شهامتو السودانية خليها تشتغل حيعلقو ليك فوق..

بس ما يرخى عضانو للخواجات ناس كوستاوي وتراجي..

بدورو ليك حنانو وعجاجة كتاحتو بتلحق السماء..



بس كمال من أي منطقة في السودان في السودان..
إذا كان ما بتسبب حساسية..
علشان الناس هنا بنعرفو بالمناطق أكتر وإنت سيد العارفين..

هو غايتو ما صاحبي..
بس شهامتو السودانية خليها تشتغل حيعلقو ليك فوق..

بس ما يرخى عضانو للخواجات ناس كوستاوي وتراجي..

بدورو ليك حنانو وعجاجة كتاحتو بتلحق السماء..



بس كمال من أي منطقة في السودان في السودان..
إذا كان ما بتسبب حساسية..
علشان الناس هنا بنعرفو بالمناطق أكتر وإنت سيد العارفين..

الاخ A.razek Althalib
الاخ عبد الله عقيد فتح بوست انساني يطلب فيه مساعدة بالبحث عن شخص انقطعت صلته بأهله في السودان وهذا البوست بعيد كل البعد عن أي مهاترات او غمز أو لمز تأتي انت ومن صياغ ردك أعلاه تحاول ان تزج بأسماء أشخاص بعيدين كل البعد عن موضوع هذا البوست
اخي اترك البوست يأخذ مجراه الطبيعي هداك الله
اللهم اجمع كمال بأهله
اسامة

الأخ/ عبدالله عقيد..
تحياتي..
الإتصالات جارية بالمنطقة الشرقية..
--

اسامة دفع الله ابوالحسن

Quote: وهذا البوست بعيد كل البعد عن أي مهاترات او غمز أو لمز تأتي انت ومن صياغ ردك أعلاه

سياق يا وهم بدون غمز ولمز..



الفهم قسم..

سياق يا وهم بدون غمز ولمز..

A.Razek Althalib
شكرا على التصحيح اللغوي
وبالله هو قول النصيحة يمكن ان يؤدي الى مزيد من المهاترات ولأنني انسان أعرف قدر نفسي لا يمكن أنزل الى هذا المستوى من الانحطاط.
هداك الله
أسامة

Quote: وبالله هو قول النصيحة

ياخي ما تخلينا نشوف الزول الرايح ده وين..
قال نصيحة قال..
طيب ما تحتفظ بيها لنفسك نصيحتك دي..
شوف يا إسامة إذا عندك حاجة حارقاك في حشاكـ تعال ختها دبر عنزاية في السهلة..
علشان أحتها معاك قرض للنهاية..

توب فضيلة الصايغو ده ما مقاسكـ..
أطلع من دورك يا إسامة..
ما بيني وبين الصحفي عبدالله عقيد رحلة عمر منبرية منذ أول لقاء لي معه في الرياض..

سيد الحوش بكرى ما صاحبي..



حارق رزكـ مالك..؟
ناس عجيبة بشكل..

A.Razek Althalib
ياخوي شكلك كدا انت زول فاضي وماعندك اي موضوع وقاعد في الرياض في جمعية من الجمعيات السودانية بمنفوحة ولا غبيرة ومبروكة عليك الرياض الفرحان بيها دي والله نحن لو ادونا الفيصلية ولا برج المملكة ولا اقول ليك شارع العليا العام كله مابلأ عيونا
وأنا بقيف لحد هنا عشان الزول الرايح دا (والايام بيننا دول)
فتك بعافية
اسامة

Quote: A.Razek Althalib ياخوي شكلك كدا انت زول فاضي وماعندك اي موضوع وقاعد في الرياض في جمعية من الجمعيات السودانية بمنفوحة ولا غبيرة ومبروكة عليك الرياض الفرحان بيها دي والله نحن لو ادونا الفيصلية ولا برج المملكة ولا اقول ليك شارع العليا العام كله مابلأ عيونا وأنا بقيف لحد هنا عشان الزول الرايح دا (والايام بيننا دول) فتك بعافية اسامة

سيد النصيحة ما بيابا النصيحة..

هاك النصيحة دي..



لا تدخل فيما لا يعنيك فتسمع ما لا يرضيكـ..

تشكر يا عبد الله عقيد .. على الصورة بالرغم من قدمها.. وأتمنى بنشرها يتعرف الأخوة الزملاء داخل وخارج هذه المساحة على الأخ كمال الحاج وأتمنى أن يكون بخير ..

يا جامع يا رقيب تجمعه بأهله

الحبيب جعفر اسماعيل
والأخوين
نور الدين حسن نمر
ياسر الامير ابو جكة


لكم وافر الشكر والتقدير

تقبل الله الدعوات وجمع كمال بأهله

الأخوة الأعزاء

جعفر محي الدين
اسماعيل عباس
بدر الدين اسحاق احمد
انعام حيمورة
ابراهيم قناوي
عادل عبدالعزيز عبد الرحيم
فرح
ابو الحسن
اسامة دفع الله ابو الحسن


لك الشكر والتقدير
وتقبل الله دعواتكم

كمال الحاج حامد



الشكر كل الشكر للباشمهندس تمبس

الأخ عبدالله عقيد..
تحياتي..

نسأل الله أن يلم الشمل

ثبت الله أجرك

أخبارك يا عقيد
مشتاقين

الأخوة والأحباب جمعيا لكم خالص الشكر والتقدير

الأخ محمد الشيخ ما دمت قريبا من (الدرب) فإليك هذه التفاصيل
التي أمدني بها عصام شقيق المفقود..

يقول لك
اسأل عنه في مجمع بن نازح التجاري بمنطقة الدرب
تلفون 3460095
اسأل عن عابدين من أبناء منطقة مهلة بالجزيرة
المفقود من أبناء منطقة السريحة بالكاملين..

احد المقيمين سابقا بتلك المنطقة اتصل بأهل (كمال) وأخبرهم
أنه رآه مع أحد السودانيين اسمه حمزة من أولاد الباوقة يعملان في مطعم معا..
واتصل بعابدين وأكد له أنه رأى كمال مع همزة وقال إنه ذهب للمنطقة الشرقية..

ارجو منك وأخوتك متابعة هذا الخيط


تقديرنا..
ولكم تحيات الأخ عصام شقيق المفقود

سيد الحوش ابو بيان

لك التحايا والشكر الجزيل على تمييز البوست ووضعه في الأعلى

و ياريت لو تديني اسم حمزةزميل المفقود بالكامل لأنو انا أيضا من الباوقةو استطيع الوصول لعنوان همزةحتى ولو كان في الباوقة و يمكن التواصل معي على تلفوني المسجل بالبروفايل

يا اخواننا مافي خبر؟!













ارفعو البوست بالله عسى ربّك يجيب من يتعرف على المفقود

تحياتى ود عقيد
ارجوا تعديل مداخلتك فى اول البوست (فى ألأعلى) لأيضافة بريد الكترونى (e-mail) حتى يتمكن القراء من المشاركة
عسى ولعلى

يا جامع يا رقيب

من يمتلك أي معلومة حتى ولو كانت ضعيفا نرجو أن يبلغ أهله بها

للاتصال تلفون: 00249912623585 عبد الحليم
أو إيميل ageed12(at)yahoo.com





شكرا يا ود الباقر على التنبيه
عملنا اللازم
حفظك الله

********

اسأل عنه في مجمع بن نازح التجاري بمنطقة الدرب
تلفون 3460095

اخي عبد الله عقيد ..

اتصلت على الرقم المذكور ورد على احد العمال الهنود ممن يعملون بالمركز واخبرني بان السوداني المسؤول سياتي صباح الغد .. سنتصل به غدا ان شاء الله ..

ما تشيل هم ..



ود الباوقة

يا جامع يا رقيب تجمع

ياجامع يارقيب تجمع كمال الحاج حامد بأهله وتصبر والدته

up

ود العقيد

مشتاقين يا زول .. طولنا منك .. عسى كل الأمور تمام

كمال دة لو لسع في المنطقة الجنوبية ( الدرب ) بنجيبلك خبرو قبال العيد

نتمنى أن يكون بخير و يطمن أهله.


بعض المغتربين إذا ضاقت بعم سبل الأرزاق هنا ، و لم يستطيعوا الوفاء بإلتزاماتهم نحو أسرهم أو لم يستطيعوا تحقيق أحلامهم و أهدافهم فإنهم ينكمشون على أنفسهم و يتابعون الأخبار من بعيد لبعيد ..
رغم أنها حالة نفسية إلا أنها تجعل الأهل بالسودان بين كماشة القلق و الوساوس.

ربنا يجمع

نسال الله ان يجمع

ونسال الله التوفيق بايجاده

وعودته سالما لاهله ,,,

ولك ودي الذي تعلمه اخي عبدالله عقيد

الأخ عبد الله عقيد

سلام

تحدثت الأىن قبل دقائق مع الأخ عابدين في جنوب المملكة ( درب ) 0500066930
قال أنه إستلم صورة كمال حامد من الأخ عصام
و بمقارنتها مع شكل الأخ ( كمال ) الذي كان بالدرب إتضح أنه ليس ( كمال حامد صاحب الصورة المرسلة له )
و لكن بعض الإخوة هناك قالوا أنهم رأوه بنفس المنطقة قبل مدة طويلة

لذا سنقوم بتوجيه البحث شرقا بالدمام و الخبر و نناشد الإخوة البورداب هناك بالمشاركة بالبحث أيضاً.

ربنا يجمع

مع تحياتي للأخ عصام

Quote: لذا سنقوم بتوجيه البحث شرقا بالدمام و الخبر و نناشد الإخوة البورداب هناك بالمشاركة بالبحث أيضاً.

يا جامع..

الأحباء الأجلاء
محمد الحسن الحبشي
العوض المسلمي
الريس ود الباوقة
الريس ابو جهينة
الحبوب عاطف عمر
وبقية الأحباب لكم التشكرات


بالنسبة لأبو جهينة وود الباوقة
هذا تكليف مباشر من مرؤوس إلى رؤسائه
انقلو الموضوع دا لي ناس السفارة
خليهم يشيلو حيلم ويتحركو
يتصلو بالسلطات السعودية بالصورة والمعلومات
ويستفسرو عن مصير كمال الحاج..


محبتي وتقديري


ملاحظة: الصورة قديمة عمرها يقارب العشرين سنة،
وبالتأكيد تغيرت ملامح كمال منذ التقاط هذه الصورة حتى الآن

وصينا واحد في الدرب لكي يذهب للمركز التجاري و يشوف الخبر بنفسو و ياجاااامع يارقيب

هيلا هوب