بلا هلال بلا مريخ بلا بطيخ ... وأنا ماشى أشترى عكاز ....

ديل شنون ديل بس ما يصدقوا المريخ يغلب الهلال أو الهلال يغلب المريخ



يقوموا يتعاوروا فى الشوارع ... ويوقفوا الحركة ومصالح الناس ..


وياريت لو بيقيفوا على قفيل الشوارع ... يطلعوا فى العربات ويفجخوها ولو إحتجيت ربما تفقد زجاج سيارتك



لكن المرة دى



أصبروا لى ساكت


بالله إنتو عندكم كورة تستاهل ده كلوا



بلا لمة بلا كلام فاضى

ألأخ/محى الدين

السلام عليكم ولك التحية

يا أخى العكاز بعور صوت عنج افضل بحرق وببقى

بس عليك الله لو لقيتنى حايم بهناك خليك رحيم بأخوك..

فعلآ ظاهرة مؤذية..لكن بعض المواطنين بقوا واعيين يوم الكورة ده بغيروا الشوارع..لكن تخيل فى إسعاف طالع من هناك والله إلا هيلكوبتر ولا المريض يموت الله يستر
مودتى//إسماعيل محمد احمد عباس...

Quote: يا أخى العكاز بعور صوت عنج افضل بحرق وببقى

إسماعيل أخوى قبل كده يوم مباراة الهلال والاهلى إستخدمت إستخدمت الحزام دون جدى


عشان كده المرة دى العكاز واجب

Quote: لكن بعض المواطنين بقوا واعيين يوم الكورة ده بغيروا الشوارع

والزينا معايشوا بتجيبوا البيت المساء يبطلا ولا شنو


يا أخى إنت تعال بس شوف فى صينية الأزهرى والقماير وتقاطعات الثورات بيحصل شنو



اخشى تقول لى جهز لى عكاز معاك

بالله يا محي الدين

في شي بيفرح غير الكورة

الناس تغني وترقص وتفرق الهموم

والسوق يشتغل

والجرايد تبيع

وعمر النقي ينبسط

وتطلع تسميات جديدة

بالله في احلى من لمة الركن الجنوبي الشرقي في مديان الامم المتحدة والتحليل والنقاش هناك

ياخي انت حقو تشيل ليك عكاز ابو كاميرا

ترفع عكازك ده فوق وتصور لينا اهلنا الغبش
وهم يترزقون من الكورة ( قبلها وبعدها)
وهم يغنون ويرقصون ( قبلها وبعدها)
وهم يتناكفون (قلها وبعدها)
وهم يرجفون ( أثناءها)

اها قلت شنو


مودتي لك ولصديقي عبادي محجوب ( السلام ده امانة عليك توصلوا لي سيدو)

Quote: بالله في احلى من لمة الركن الجنوبي الشرقي في مديان الامم المتحدة والتحليل والنقاش هناك

جمال أخوى لعلك بخير

وإنت لو خشيت فى زنقة القماير الخشيت فيها يوم هزيمة الهلال للأهلى القاهرى فى الخرطوم ، كسروا لى زجاج عربيتى وطلعوا لى فى الكابينة وفجخوها ....


أها



تحياتك ح تصل ونص لصديقى وأستاذى عبادى



محي الدين

Quote: بلا لمة بلا كلام فاضى

والمليان شنو يا ورع ..
قوم لف كدا واللا كدا بلا عربتي بلا طيارتي
عربيتك همر ..

ياطلحة


برااحة يا أخى ، حاسب على صحتك


وبعدين البخليك شنو تقوم سدارى كدى .... فكر كويس خليها عربيتى


يا أخى بلا الفضايح ماشفنا لينا حاجة ... قال كورة قال ...


بس رجالتكم فى الهلال والمريخ على المستوى المحلى


لكن تانى مستوى وااااااطة


قوم بلا لمة بلا بطيخ تانى


ولو ماعاجبك أشرب موية البحر( لسان برا معاه غمزة عين شمال )



_____________________________

من أجل مجتمع خال من هلال مريخ وجع دماغ

وانت عايز تشوف شنو تاني يا بروف ..؟؟؟؟؟؟؟؟
والما فضائح شنو الفي البلد دي يا لبد ..؟؟؟؟؟؟
وبعدين القائم سداري أنا واللا انت
الشبكتنا عربيتي وقرعتي ..
عربيتك بي ام دبليو ..؟

Quote: الشبكتنا عربيتي وقرعتي .. عربيتك بي ام دبليو ..؟

طلحة إنت ليش ركزت على حتة العربية دى


فكر فى الطريقة البدائية للتشجيع عندنا


وأنا مرتين بيحصل لى تلف فى العربية بتاعتى بسبب التشجيع الغير مشرف والإحتفالات الغير مشرف بنتائج الكورة عندنا


والمشكلة وين فى إنى أقول عربيتى



______________________________________

من أجل مجتمع خال من هلال مريخ وجع دماغ


بررررررررررررررررر

محي الدين يا صاحبك
لما تجىء تصف نشاط بهتم بيهو كل الشعب السوداني بكلام فارغ دي تبقي مشكلة عويصة ..
روق شوية يا بوي ..
الكلام الفارغ دا الناس عاملين ليهو صحف وقنوات تلفزيونية وبيأكلوا منو عيش ..
ارتاح وجر نفسك ..

شوف ياطلحة


لو الكورة هى أن نحتفى ونحتفل بها بطريقة إغلاق الطرق


وتهشيم سيارات الناس


فلتذهب للجحيم


وإنت قايل دى كورة


نحن عميانين



الفضائيات دى بتنقل فى شنو


إختلاف فى كل شى


بلا لمة بلا وجع دماغ



وبعدين ياطلحة الانا بتكلم عنو دا زمان كان مافى


لكن وووالله ماتتتخيل ، وأنا واثق لو مريت بالبنمر بيهو نحن فى الشوارع العامة عقب النتائج المابتدوم كتير دى


كنت وافقتنى الرأى



شنو يعنى نقفل شوارع ويطلبوا منك تنزل من عربيتك وتحتفل معاهم وإلا يكسروها ليك


دا كلام فارغ وألف مرة فارغ

وبعدين ياخي معقول تقول لكورة مريخ هلال كلام فارغ لأنو ( عربيتك ) بتتلف ..؟؟
طيب ياخ قول المشجعين البتلفوا العربية وخليك دقيق شوية .

محي
ركز علي التصرفات بتاعت ( بعض المشجعين) ..
كلام فارغ المعممة دي بتجيب هوا
أسمع كلام اخوك
انت زول مذيع

طلحة


هواء شنو


ومذيع شنو


القصة كلها زول متضايق من حاجة إسما كورة فى بلدو




فى شنو



________________________


من أجل مجتمع خال من هلال مريخ وجع دماغ

يا زول انت مصر تغرق في الغلط دا واللا شنو ..
ياخي زهجان من الكورة في بلدك دي حاجة تانية
لكن ما تجيء تقول كلام فارغ لمجرد انك خايف علي (عربيتك )
معني كلامك دا أنو الجنرالات والبروفسورات والصحفيين ورجال الإعلام والجمهور العريض دا كلو كلام فارغ ..
يا حكيم أهدا شوية وروق في بطن الواطة دي بلاي .

Quote: معني كلامك دا أنو الجنرالات والبروفسورات والصحفيين ورجال الإعلام والجمهور العريض دا كلو كلام فارغ ..

أفتكر كلامى واضح وما عاوز تأويل زى تأويلك دى وده الوصل كورتنا للمستوى البخلى الناس يقرفوا منو



أرجوك أنا دربى واضح فى طرح موضوعى أما إذا داير تسوقوا فى إطار بتعرفوا إنت براك


وبعدين أنا ناقشت للمرة المليون بقول ليك بطريقة بتعترض على اسلوب تشجيع كرهنا الكورة


ماتلف وتدور


أنت داير تودينى فى سكة ح تعانى لو دايرنى أدخلا معاك


فتش الدرب دا فى حتاتة الضيعت كورتنا




بلا لمة بلامريخ بلاهلال بلاوجع دماغ

الحبيب محي الدين سلام

يا اخي الكريم بدات المساله دي فعليا بدات ايام مباريات الهلال في الدوره العربيه ,,
وقد اخذت ذلك الجانب الذي ذكرته ,,ولكنها قلت تدريجيا حتي اقتربت من ان تنتهي ,,,
نعم هو اسلوب جديد ,, ولكنه يعبر عن كتمان يريد الكثيرين تفريغه ,,
ويا اخوي انت مريخابي ولا شنو ؟؟؟
عربيتك دي تتكسر يوم هلال اهلي ,,الاخ من حلايب ولا شنو
اخي طول بالك شويه وخليك رياضي

كل الود

Quote: عربيتك دي تتكسر يوم هلال اهلي

العوض أخوى اليوم داك بالتحديد أنا كنت مغطى الكورة ، وجيت من الإستاد للمكتب فى تلات ساعات من الزحمة وده عادى


لكن اول مامرقت من المكتب للبيت يلاقوك البلطجية ويقفلو ليك الشارع ، طبعا لو ما شجعت زيهم بطريقتم الهبلة ديك مابيخلوك تمشى وبعد شوية طلعوا فى كابينة العربية وبقوا يعرضو ، الكابينة نزلت فى راسى ، المهم جو ناس شوية عاقيلن ونزلو الناس من رأس العربية ، شركة التأمين رفضت الصيانة وهذا من حقهم لان التأمين الشامل لايشمل الشغب

ودفعت دم قلبى فى صيانة العربية وطبعا ده نقص قيمتا


وبعد ده طلحة عاوزنى أقول ياسلام على جمهورنا ، ومية زول واجهتم وبتواجهم تلك الحركات فى الشوارع أيام الكورة





وبالمناسبة أنا بطلت أشجع أي فريق من زمن لاهلال ولا مريخ




__________________________

من أجل مجتمع خال من هلال مريخ وجع دماغ

معذور اخي فتجربتك كانت قاسيه ,,,

وقسوتك علي الجمهور ككل برضو صعب قبولها ,,

والعبد لله يوم كورة الهلال بمشي مع ولدي ونرفع علمنا الكبير ,,ونهتف باعلي

صوتنا بان فوق فوق هلالنا فوق ,,,

وبالمناسبه اصبحت حتي بناتي يردن الذهاب للتشجيع يوم فوز الهلال ,,

ياعمك ده يوم بهجه ,,,

بس حظك ,,رماك اليوم داك في شله شماشه ,, وربنا خارجك منهم ,,

ولكن غالبية المشجعين الذين يقفون علي الشوارع خرجوا من بيوتهم او من الاستاد عقب المباراه ,,

وطول بالك ,, وماعهدناك تنفعل ,,

كل الود

Quote: ماتلف وتدور أنت داير تودينى فى سكة ح تعانى لو دايرنى أدخلا معاك

دا شنو دا يا محي دا ..؟؟؟؟؟؟؟؟؟؟
بقيت تهدد كمان ..
انت غلطان يا زول ..
قلت الكورة كلام فارغ لانو الجمهور بكسر ليك (عربيتك ) وح اشيل عكازي وأفعل واترك والكواريك الكتيرة القلتها فوق دي
عليك الله روووووووووق شوية وخليك عادي زيك وزي الباقين ..

Quote: Quote: ماتلف وتدور أنت داير تودينى فى سكة ح تعانى لو دايرنى أدخلا معاك دا شنو دا يا محي دا ..؟؟؟؟؟؟؟؟؟؟ بقيت تهدد كمان ..

طلحة أنا هنا ماقصدى أهدد ، طبعا لازم تخت كلامى فى غير مكانه اللى قاصدوا


أنا قصدى ح تعانى لانك ح تتعب ساكت ما أدخل نفسى معاك فى دروب زى دى لانها ضيعت كورتنا


وقع ليك ولا أوقعوا ليك

طيب خلاص انسي يا محي الدين
اهددك وتهددني دا ذاتو ما بيناتنا
المهم
انت قلت الكورة كلام فارغ ( ما يفهم من سياق كلامك )
لشنو ..؟؟
قلت الجمهور بكسر لي عربيتي
طيب ..
الجمهور دا اكيد ما ال40 مليون البشجعوا الكورة ديل
إذن (بعض) الجمهور المنفلت ..
هل دا بخليك تقول الكورة كلام فارغ .. ؟؟؟؟؟
جاوب يا حكيم .

Quote: الجمهور دا اكيد ما ال40 مليون البشجعوا الكورة ديل إذن (بعض) الجمهور المنفلت .. هل دا بخليك تقول الكورة كلام فارغ .. ؟؟؟؟؟

الجمهور البشجع الكورة بكون من الاستاد للبيت وبحتفل بطريقة موضوعية


لكن الان البيحتفل بالطريقة الموضوعية ماشايفنو فى الشارع



شايفين زى البنحكيهو دا

السودان - الهلال = صفر
الهلال + وردى = ابداع زاااااااتو




ــــــــــــــــــــــــــــــ

من اجل مجتمع يكسر العربات لما يغلب الهلال

السودان - وردى = صفر


السودان - الهلا- المريخ=100%




__________________________________________


معا من أجل مجتمع خال من الهلال والمريخ ووجع الدماغ

Quote: يلاقوك البلطجية ويقفلو ليك الشارع ، طبعا لو ما شجعت زيهم بطريقتم الهبلة ديك مابيخلوك تمشى

لا اطمئن يا محى يا اخوى

بكره انشاء الله النصر للصفوه
تجى ماشى بى عربيتك بعد المباراه تجيك مطره جوه العربيه
شئ بلح وشئ حلاوه وشئ مرات قروووش عديل كدا
دا فرح الصفوه ياعمك محى الدين

اما واذا لا قدر الله حصل شئ خارق لطبيعة الاشياء
فارجو انك بكره تعمل فيها عندك ملاريا وتوم فى البيت
وكفى الله المؤمنين شر القتال وكفاك الله شر البلطجيه

Quote: دا فرح الصفوه ياعمك محى الدين

نحيا ونشوف



صفوة شنو وبطيخ شنو


أنا بؤمن بجمهور ساردية فقط

الخلاصة يا محي الدين اخوي
اذا بعض المنفلتين علموا شغب فمن الظلم التعميم علي كل الجمهور لدرجة ان تصف الكورة بانها كلام فارغ وحاشاها أن تكون كذلك ..
وبعدين بيني وبينك بعض الجمهور المشاغب دا ( جمهور الهلال ) والدليل ما حدث بعد مباراة الاهلي القاهري ..
وكذلك ما حدث خلال مباراة الرجاء البيضاوي المغربي .
عموما الكورة ما كلام فارغ يا محي اخوي
الكورة عمل وعلم ونشاط إجتماعي وإقتصادي وسياسي .

ابو محمد
سلام
والمرة دي طولت الغيبة
المهم نصيحة من اخوك بكره ماتطلع بالعربية
لانو الجماعة ديل لامن يتغلبوا غير كسير عربات
الناس ماعندهم شغلة.
بعدين ياعمكـ مادام انت في امدرمان
كدي امسك لينا الرشاشة القاعد يرجف قبل الكورة ماتبداء ده....!!!



لكن لسان الحال غلب....
غرقتنا ياالارباب...!!!

هارون ياملك


أنا شخصيا الليلة ح أحوم مخصوص مادام مشيت من الصباح سوق امدرمان وإشتريت عكاز مضبب


مارق ليهم الليلة وأرخ أضانك بكسرم ليك كلهم



قال بعرفوا كورة

ود الشبلى


الزول ده قوليهو أمش شوف ليك شغلة تنفعك

Quote: عموما الكورة ما كلام فارغ يا محي اخوي الكورة عمل وعلم ونشاط إجتماعي وإقتصادي وسياسي .

ده فى بلدنا دى

بلا هلال بلا مريخ بلا بطيخ ... وأنا ماشى أشترى عكاز

ــــــــــــــــــــــــــــــــــــــــــــــــــــــــ

من اجل مجتمع خالى من البطيخ

محي الدين

خليك طبيعي كما يقول الفاتح المندوب

بديل الكورة هو العرقي

واخير الكورة من العرقي

خليل





فيك الخير أخوى

طارق الكوتش


من أجل مجتمع خال من هلال مريخ بطيخ وجع دماغ



تانى فى شنو