يانور ليالينا الحالكة دروب آمالنا ومسالكة فيك روح جميلة وكذلك عشاق غرامك هالكة
أطياف سعودي قربي وطيفه ليّ أجلبي كما قميص يوسف النبي أسعديني وطببي
شفيف وزاهي يا ألق يالفاح نسيمك عطّر عبق أهي الحقائق من غير ملق علي حسودك رب الفلق (كلمات محمد السمري)
تعديل لإضافة بيت سقط سهواً
Post: #2 Title: Re: الفنان محمد السمري ..محاسنك حقائق.. Author: عبد المنعم سيد احمد Date: 11-16-2008, 06:28 PM Parent: #1
Quote: ألبوم تجريبي للفنان محمد السمري بالتعاون مع عازف الأورغ الماهر ياسر محمود..
التحية للفنان المبدع محمد السمرى وللعازف المدهش ياسر محمود جميل هذا العمل الفنى..فقد كان الاداء والموسيقى فى قمة الابداعية ومزيد من الاعمال الناجحة..نقدم لهم التهنئة لهذا النجاح المبهر شكرا ودطيفور..لاهداءنا هذا العمل المميز
Post: #3 Title: Re: الفنان محمد السمري ..محاسنك حقائق.. Author: عبد المنعم سيد احمد Date: 11-27-2008, 10:44 PM Parent: #2
السمرى والاداء المبهر
Post: #4 Title: Re: الفنان محمد السمري ..محاسنك حقائق.. Author: Yassir Tayfour Date: 11-28-2008, 00:30 AM
صديقنا الشاعر عبدالمنعم سيد أحمد سلامات، اخبار والأسرة الكريمة
_____ كن بصحبة محمدالسمري وياسر محمود، فأنتم أهل الفن وأدرى بشعابه
Post: #5 Title: Re: الفنان محمد السمري ..محاسنك حقائق.. Author: نادية عثمان Date: 11-28-2008, 02:31 AM Parent: #4
ياسر سلامات
عساك بخير يارب
قول للسمري نادية بتسلم عليك وقالت ليك ( ضجة) نازلة في الالبوم ده إن شاء الله ؟!
Post: #11 Title: Re: الفنان محمد السمري ..محاسنك حقائق.. Author: Yassir Tayfour Date: 11-29-2008, 06:42 PM Parent: #5
Quote: قول للسمري نادية بتسلم عليك وقالت ليك ( ضجة) نازلة في الالبوم ده إن شاء الله ؟!
يا ندوية السمري متابع للمنبر، وبالتأكيد قد إطلع على مكتوبك.. ___ أكتبي ليهو بالرطانة لو عندك رسالة من البلد
Post: #6 Title: Re: الفنان محمد السمري ..محاسنك حقائق.. Author: Hadia Mohamed Date: 11-28-2008, 02:31 AM Parent: #1
صوت السمرى جميل وعزفه للعود اجمل كويس أن السمرى اتخارج من صوت احمد المصطفى وبقينا نسمع صوت السمرى .
Post: #12 Title: Re: الفنان محمد السمري ..محاسنك حقائق.. Author: Yassir Tayfour Date: 11-29-2008, 06:53 PM Parent: #6
Quote: صوت السمرى جميل وعزفه للعود اجمل كويس أن السمرى اتخارج من صوت احمد المصطفى وبقينا نسمع صوت السمرى .
يا بت بدر الدين سلام جاك، يا قول ناس بهناك أجل يا الهادية السمري صاحب صوت جميل وقوي وصاحب انامل عابثة بالأوتار بلا ملل، والسمري فنان.. ___ وأضم صوتي لصوتك، وبالتحديد يركز لينا علي إبراهيم عوض، عثمان حسين ويعمل jump عركي، جاويش
Post: #7 Title: Re: الفنان محمد السمري ..محاسنك حقائق.. Author: شهاب الفاتح عثمان Date: 11-28-2008, 03:22 AM Parent: #1
ليتهم يعلمون ان عمر اللحظـه في بعـدك يا خـرطـوم سنين طـوال. د شهـاب الفاتح ـ كـوالالمبور
Post: #14 Title: Re: الفنان محمد السمري ..محاسنك حقائق.. Author: Yassir Tayfour Date: 11-29-2008, 07:01 PM Parent: #7
دكتورنا شهاب سلامات،
___ لا شك، مرورك يسعد السمري لأنه صاحب خُلق مثلك..
Post: #8 Title: Re: الفنان محمد السمري ..محاسنك حقائق.. Author: اسامة كمال الخولي Date: 11-28-2008, 07:28 AM Parent: #1
الرائع/ ياسر
والله الموقع دة عجيب جداً وانت اعجب الزول دة لقيتو وين والله كل ما اجي السودان اجازة اسال عنو سؤوال الضهبان من اين لك بهذا المنجم؟ سألنا عنه موج البحر وفيروز الشطآن المبدع السمري قضى معنا اياماً جميلة في ربوع الحلفاية واشاع الجمال هو مبدع بحق واستغرب بل اتعجب في انه لم يجد فرصته الكافية او نصيبه كالاخرين والذين يتربعون على الساحة الان من الفنانين الشباب ولا يمتلكون حتى اليسير مما لديه من مقومات وابداع الفنـــــان السمري فنان متكامل واتمنى له كل تقدم وان يكون في احسن حال واتمنى لو تزودنا بتلفونه او شوف رقمي في البروفايل وبلغه تحياتي وتحيات الاسرة
ولك كل تحية ومودة فانت بحق فنان
Post: #9 Title: Re: الفنان محمد السمري ..محاسنك حقائق.. Author: اسامة كمال الخولي Date: 11-29-2008, 12:37 PM Parent: #1
ويييييييييين يا زول
Post: #10 Title: Re: الفنان محمد السمري ..محاسنك حقائق.. Author: Yassir Tayfour Date: 11-29-2008, 06:29 PM Parent: #9
الأخ أسامة سلامات، الفنان السمري عازف عود مجنون و صاحب صوت أجَنّ.. كندا يا صاحبي تقتل الإبداع وتقتل الفنانين، ولكنهم رغم ذلك باقون.. __ أترك له بريد الإلكتروني، السمري متابع للبورد، وكن بخير..
Post: #15 Title: Re: الفنان محمد السمري ..محاسنك حقائق.. Author: عبد المنعم سيد احمد Date: 11-29-2008, 07:06 PM Parent: #10
اشجان احببتك ياذات الصوت الرنان حبك علمنى ان اللون الاسمر لون النيل الماثل فى الوجدان احببتك اكثر حين سبحت بروحى مثل الطيف الناعس فى الاجفان يا انقى من ياقوت العمر مسافر فى دنيا الاحلام كم كنت اناجيك صباحا ومساء فتسامى حبك بالشريان ورسمتك فى قلبى ازهى من لوحة مغزولة بالاشجان هفهف شعرك مثل الليل انسدل جدائل نخل وسنان وعيون القمر الضاحك تلهمنا فيضىء الحرف الولهان يا اجمل من انجم بالدنيا بل من نور الاكوان والصبح المشرق ذاك الذهبى الالوان يتماهى اصفى من لون التبر
اهديك جدائله بعناقيد الرمان وعميقا هذى الوردة تهدينا انفاس العطر الريان ياذات الصوت الرنان اللون الاسمر لون النيل الماثل فى الوجدان
....
اهداء للفنان المدهش محمد السمرى
Post: #18 Title: Re: الفنان محمد السمري ..محاسنك حقائق.. Author: عبد المنعم سيد احمد Date: 12-05-2008, 11:58 PM Parent: #9
مع الاداء الراقى
Post: #13 Title: Re: الفنان محمد السمري ..محاسنك حقائق.. Author: haroon diyab Date: 11-29-2008, 06:57 PM Parent: #1
ياسر ياجميل والله زولك ده اول مره اسمعه ماياها غربة ....علي ....غربة المهم صوت دافئ وجميل له التحية طبعا اخوك اضانوا نضييييييييييفة والجميل بنعرفه من اول مره. اسمع.... ماتخليك مركب المكنة دي شوية... بالمناسبة... رشحتك نجم الموسم لله في لله
Post: #16 Title: Re: الفنان محمد السمري ..محاسنك حقائق.. Author: Yassir Tayfour Date: 11-29-2008, 07:32 PM Parent: #13
يا بن دياب ياصاحبٌ لا يصدأ يُقال- والقول لقصير لا يسُمع-: إن وردت مورداً فلا تتركه حتى تُدرك نهايته.. وقيل أيضاً في دين محمد بن عبد الله (ص): السن بالسن والعين بمثلها.. __ وقال هواة المعصيّة- أعاذنا الله- سيئة مضمونة ولا حسنة مجهجهة لا يثاب صاحبها..
Post: #17 Title: Re: الفنان محمد السمري ..محاسنك حقائق.. Author: اسامة كمال الخولي Date: 11-30-2008, 10:03 PM Parent: #1
