الاعلان بقول ان صاحب القطة يطلب المساعدة على العثور على قطّته مقابل مبلغ مالي مغر حدده، بعدما فقد هرته "ذات اللون المشمشي والعيون البنية" وإلى آخره من المواصفات المذكورة في الإعلان كالوزن والطول والعمر لتسهيل المهمة على الباحثين. ويبدو من حجم الجائزة أن القطة الضائعة ذات شأن عظيم عند صاحب الإعلان، إضافة إلى المواصفات المكتوبة للدلالة على أنها جميلة ومدللة. وقد خصص صاحب الهرة الضائعة مبلغ 3000 درهم لمن يجدها
فاذا شفتوا القطة دي في اي مكان الرجاء ابلاغ صاحبها لانوا بحبها شديد وزعلان جدا علي فراقها والدليل انو ماخلا وصف ما قالوا عنها ووضع كمان صورتها في الاعلان
طوالي اتزكرت كديستنا او بالاحري كديسة جيرانا الي جايبنا من برة كديستهم او زي ما بقلوا هم (قطوة ) جايبنها بفيزا وعاملين ليها فحص طبي ومطعمنها واخزت وقت طويل من الاجرات حتي سلموها ليهم لمن سمعت قصتها من جيرنا قعدت اضحك بس قالوا القطط الشيرازيا اصلها كدا وعرف اليوم داك انو كمان الكدايس طبقات وكل طبقة عندها مكانتها وناسها المهم الكديسة الشيرازية دي كانت معسكرة عندنا في البيت لي درجة انو بقت تاكل وتشر عندنا قام جارنا بطل يشتري ليها الاكل المخصص للكدايس لانها ما بقت تاكلوا فبقت معانا بس ما اتفقنا ابدا علي اسم كل واحد بناديها باسم الي عاجبوا بس الغريب في الحكاية انوا مافي واحد منناانا واخواني هبشها يوم او لمسها ممكن تقلوا اننا بنحب القطط من بعيد وبس بدون لمسها والشي ده اي زول مستغرب منوا بس ما عارفين ليه انوا الناس ديل ما بيهبشوا الكدايس المهم الكديسة دي قاعدة معانا اغلب اليوم بس في الحلة في كديسة تانية ممكن تقولوا كديسة شوارع ما عندها اهل الكديسة التانية دي الكل اتفق علي تسميتها شرشر (لانها كبيرة وخضراء اللون وشريرة خلاص ) مافي زول بحبها خالص من ما نشوفها في الحيطة نقوم نهرشها وتجري وتهرب المهم شرشر دي كانت دوما بتشاكل كديستنا الحلوة ويوم نتقت ليها صوفها اقوم اشوف اختي الي بتخاف من الكدايس تكورك فيها وتجري وراها ومن اليوم داك اذا جاءت ماشة ساي الكل بيهرشها ويطفشها بس حسع ما عارفة الكديسة حصل ليها شنو لانو نحن رحلنا ويجيرانا كمان رحلوا مكان تاني بس برضوا ما حنسا كديستنا ودوما حتكون في الزاكرة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
salee
فيس بوك
تويتر
انستقرام
يوتيوب
بنتيريست