عليك يا بكري أبو بكر " عمدة سودانيز أون لاين " منحنا خمس بطاقات !

باسم بورداب " طوكيو " حاضرة اليابان ،
نرجو تفضلكم الكريم بمنحنا خمس بطاقات اِشتراكٍ في بوردنا ( سودانيز أون لاين ) ،
فهلا استجبتَ عزيزنا الباشمهندس ( العمدة ) بكري أبو بكر ؟




منوت

شكراً جميلاً عزيزنا ،
أسامه أحمد المصطفى على المداخلة " المدحرجة " للبوست !
" يا منوت
سلام
يازول خمسة عديل كده ؟؟
يا زول انت طماع كده مالك
الناس بتحنس لي بطاقة واحدة وما لاقية !! " .

* واللهِ ،
لولا الاستحياء ،
لطلبتُ خمسين بطاقة !!
فطوكيو تذخر بما هو جديرٌ بالتناول على لسانِ قاطنيها!!!




لك الود أصفاه يا أصيل .

منوت ..

كيف يا بورداب طوكيو


اوعى بس يكون الخمسة ديل ليك برااك

ولا داير تكون جالية ههههههههههه

اسمع لحقت بورداب المغرب وطارق جبريل


يا بكري عليك الله ادي منوت دا خمسة عضويات (حنني) ياخ


منوت مودة وشوق

الجميلة ،
إنعام حيمورة .

" منوت ..
كيف يا بورداب طوكيو
اوعى بس يكون الخمسة ديل ليك برااك
ولا داير تكون جالية ههههههههههه
اسمع لحقت بورداب المغرب وطارق جبريل
يا بكري عليك الله ادي منوت دا خمسة عضويات (حنني) ياخ
منوت مودة وشوق " .
* لك الود أصفاه .
يا ريت يكون عندي خمسه بطاقات في سودانيز أون لاين !
و الحق يقال : في طوكيو نفر كريم يتابع بوردنا منذ وقت طويل ،
و لهم الرغبة في المساهمة - كتابياً - عن تجاربهم ببلاد الشمس ،
و التي تعد مجهولةً للكثيرين منا .

* شكراً بكري على منح العمدة ( أبو الزهور ) بطاقة اشتراك ، فقد بشرنا بذلك أبو المر ( ديامي ) .
* أها يا جميلة ( إنعام ) ما تجي نعمل لينا جالية برانا بالبطاقات الباقية دي ؟ !! هههههههههههههه.
شكراً مجدداً لك.

يا منوت سلام

اولآ تضامني معكم


ثانيآ لو عاوز تعمل اقتباس فما عليك الا ان تعمل نسخ

للجملة المعنية و تلصقها في خانة الرد ثم تظليلها و ثم

تضغط على كلمة اقتباس سو ف تظهر لك صفحة عليها الجملة المقتبسة

فما عليك الا ان تضغط على ok وبذا تكون قد تمت العملية بنجاح


مع تحيات حلفا دغيم

كامل تضامني معك
اليابان بلد الحكمة والعلم والإتقان
وبكل تأكيد سنستفيد كثيراً من تجارب وخبرات من عاشروا أهل هذا البلد الذي يقدس العلم والعمل
هناك مئات العضويات الغير مفعله وأنصح بكري بإعلان سحب أي عضويه لم يسطر كاتبها حرفاً لمدة 6 أشهر .

مؤونة عام من الود

يا جماعه ،
البوست دا إتهكر ،
و لا شنو ؟

* أين مداخلة الأخ أسامه أحمد المصطفي القائلة :
" يا منوت
سلام
يازول خمسة عديل كده ؟؟
يا زول انت طماع كده مالك
الناس بتحنس لي بطاقة واحدة وما لاقية !! ".


* شكراً على النصيحة أستاذنا فيصل محمد خليل.

ربنا يوفقكم وينال كل الشباب بطرفكم العضوية



_________________________

Quote: يا جماعه ، البوست دا إتهكر ، و لا شنو ؟ * أين مداخلة الأخ أسامه أحمد المصطفي القائلة :

انت قاعد في مكان صناعة الكمبيوتر و الهندسة و التكنولوجيا
والهكر زاتوا ياباني سوداني منكم حسب ما سمعنا فكيف ما يتهكر بوست؟؟


انشاء الله دا ما يكون تهكير ومناورات و
انزارات من الجماعة الراجيين البطاقات..

منوت يا راقي

أخباركـ ياخ!

أنت عاوز تجيب الناس الكانوا في مراسي الشوق كلهم ولا شنو؟

أقول ليكـ: كلهم يستاهلوا!

Quote: يا جماعه ، البوست دا إتهكر ، و لا شنو ؟

دستوركم يا اولاد ماما
جاي ادعم ساي


دكتور منوت
سلامات ياستاذنا
ما اظنو هكر الشي دا

ندعم طلبك . . . و حباب الجو لحدي اسي

Quote: * شكراً على النصيحة أستاذنا فيصل محمد خليل.

شكرآ للتعديل

كتا عاوز اكتب زمرناهو لله




مع تحيات حلفا دغيم

شكراً الأخ محمد فرح ،

" كامل تضامني معك
اليابان بلد الحكمة والعلم والإتقان
وبكل تأكيد سنستفيد كثيراً من تجارب وخبرات من عاشروا أهل هذا البلد الذي يقدس العلم والعمل
هناك مئات العضويات الغير مفعله وأنصح بكري بإعلان سحب أي عضويه لم يسطر كاتبها حرفاً لمدة 6 أشهر .
مؤونة عام من الود "

* ولك منا التحيات الطيبات على تضامنك .
و لا داعي لسحب عضوية من لم تسمح ظروفه بالتواصل ،
لأن الناس ظروف ،
و أنا مررت بمثل هذه الظروف وتوقفت عن الكتابة هنا ما يقارب العم .
و البورد واسع سعة المليون ميل مربع !

عزيزنا الصايم ،
صديق سودانييِّ طوكيو ،

" منوت يا راقي
أخباركـ ياخ!
أنت عاوز تجيب الناس الكانوا في مراسي الشوق كلهم ولا شنو؟
أقول ليكـ: كلهم يستاهلوا! "

* كلامك " عنكوليب " لذيذ واللهِ ،
و نتمنى أن تكون محطتك التالية طوكيو !
حتى و لو زياره .
لك الود ما وسعت مواعينك ،
و نلتقي .

قيقراوي ،
يابن عمي ،
و حلتي ،
و شقيق رفيقي " طرمبه " في دروبِ الجمال!

" Quote: يا جماعه ،
البوست دا إتهكر ،
و لا شنو ؟
دستوركم يا اولاد ماما
جاي ادعم ساي
دكتور منوت
سلامات ياستاذنا
ما اظنو هكر الشي دا
ندعم طلبك . . . و حباب الجو لحدي اسي "

* و لك منا دعمُ الدعمِ يا أصيل .
حدّثنا عن قيقرنا باللهِ !

Quote: قيقراوي ، يابن عمي ، و حلتي ، و شقيق رفيقي " طرمبه " في دروبِ الجمال!

يا قريبي قول حِللي . . . هي القيقر براها ؟
بمناسبة " طرمبة " اتلاقينا في كوستي العيد الفات و الزول دا بسأل منك



ايميلي [email protected]

أستاذنا الجميل ،
كامل الأصالة والألق المهيل،
فيصل محمد خليل .

" Quote: * شكراً على النصيحة أستاذنا فيصل محمد خليل.
شكرآ للتعديل
كتا عاوز اكتب زمرناهو لله
مع تحيات حلفا دغيم " .

* لك مني مجمل مقاصد الإعتذارِ على كلمةٍ قلتُها ظانَّاً أن هناك من يريد " تهكير " البوست !
و نجدد شكرنا على روحك " الدغيمة " الحلوة ،
و لنا منكم التلمذة ،
و التواصل الجميل .
كُن و حلفانا " دغيم " بمليون خيرٍ يا نبيل .


و دعمكم لهذا البوست له أبعاده الآسرات !!

الحبيب العنكولويبي منوت
شـــكرا جزيلا على سعيكم الحثيث على دعم بورداب طوكيو

الحبيب بكري
د. عاطف صديق الأمين من أميز وأظرف كُتّاب طوكيو .. أرجو التكرم بمنحه عضويةالمنبر.. راجع بريدك لمعرفة عنوان بريده.

تحياتي وصادق مودتي

وأنا بدوري أرشح الأخوين

عثمان بركية

وسيف جعفر

الحبيب ابو المر
كامل تأييدي لطلب العضوية للجار العزيز عثمان بركية والإبن سيف

تشكر أستاذنا الجميل ،
جعفر إسماعيل .

" الحبيب العنكولويبي منوت
شـــكرا جزيلا على سعيكم الحثيث على دعم بورداب طوكيو
الحبيب بكري
د. عاطف صديق الأمين من أميز وأظرف كُتّاب طوكيو .. أرجو التكرم بمنحه عضويةالمنبر.. راجع بريدك لمعرفة عنوان بريده.

تحياتي وصادق مودتي " .


* و نتمنى أن يستجيب الباشمهندس لمنج صديقنا سيف اليزل جعفر تأشيرة دخول المنبر .

شكراً جميلاً عمدتنا بكري أبو بكر ،
على منح صديقنا " الطوكيويِّ " سيف اليزل جعفر ،
بطاقةَ سودانيز أون لاين .
لك الود ما بقيَ في العمرِ قضيّة !