اعتذار للحاج وراق ..

مافى اعتذار ولاحاجة ، بس صاحبنا دا دى المرة
التانية ينسى انو يعمل (ساين اوت ) قبل مايطلع
المرة ا لفاتت اديناهو قرصة خفيفة ، واسى بنكرر
القرصة، مع انو يحدونا الامل فى اعتذر رقيق لاستاذنا
الحاج وراق

قد اضطر لمصادرة الباسوورد اذا لم يظهر
صاحب اليوزرنيم خلال ربع ساعة ..

وقد اعذر من انذر ..

كلمو ادوهو تلفون

انت ياهكر الدوحة
ياكافي البلاء ما عندك الا الاعتذارات

لو صاح هكر شفت اسرق باصوريد بدر الدين الامير
واعمل بوست بعنوان
اعتذار لنانسي عجاج
المكرسح بجي شايل العميان

ياكيكى ..

الاعتذارات دى مافيها (الدهشة)و(الشمار)وكترة الزوار
ودالامير دا ياخوى حاجة حريصة ، باسوردو الا يسرقا معتز القريش

تعرف ياهكر
انا امس قربت اهكرك انت ذااااتك
وكنت بفكر في اعتذار لكن ما لقيت خصيم قريب
وفي النهاية فكرت اعمل بوست عن تعلن فيهو انضمامك للموتمر الوطني
لكن تاني لعنت الشيطان وخفت علي مستقبلك الهكري

بينى وبينك امس دقست دقسة عمرى
ويدى فى قلبى الليل كلو ، لكن جات
سليمة ،ياخ دى كانت تكون ضربة العمر ..

تعرف ياكيكى بهاء بكرى دا مامشهور
مانجم جماهيرى ، البوست لى اسى مالقى
اى اقبال ، لو كان اعتذار لنانسى عجاج
باسم بدرالدين الامير كان الاعمى شال
المكسر .

ياخوانا علينا جاى بهاء بكرى يعتذر
للحاج وراق ..

Quote: ياخوانا علينا جاى بهاء بكرى يعتذر للحاج وراق

قلت لي بوستيك بار يا هكر

ياخ والله انت محظوظ وحقو تضبح خروف مع باقي الليل ده
كان الليلة الجماعة طلعوك من الدوحة

Quote: قلت لي بوستيك بار يا هكر

بار بورة عدوك ، تعرف ابيعو ليك براسمالو
واتخارج ، انا مالى ومال دقو وشالو قروشو
زى مابقول عمر الفاروق

(مافيك ) تشترى منى ياكيكى ، فيك دى طبعا
بلغة بدرالدين بعد (اللبننة)

Quote: (مافيك ) تشترى منى ياكيكى ، فيك دى طبعا بلغة بدرالدين بعد (اللبننة)

شايفو قادينا بيها..

داير تتخارج من البوست ده صلحوا انا ما بشتري لكن ممكن اسمسر ليك فيهو
صلحوا جيب صور...اعمل شكلة..اعمل اي حركة في شكلة وردة انا بلقي ليك مشترين
حتي لو ملاسي..
باقي القصة الفيها الحاج وراق دي حتي لو طاقة بكون حسع مريل للبوست ده وعاوز ليهو فرقة

Quote: اعمل شكلة..اعمل اي حركة في شكلة وردة انا بلقي ليك مشترين حتي لو ملاسي..

الراجل مش لى بتاع المطعم وطلب كوارع ، بتاع
المطعم جاب الطلب ، الزبون قال ليهو ياخى صلحو
بتاع المطعم قال ليهو هى كوارع اصلحا كيف ؟
البسا ليك شرابات يعنى؟!

اسوى ليك شنو بعد العنوان المثير دا ياكيكى ،
عموما مبدئيا كدا ، الخزى والعار لخليل المرجف
وبكرى الامين الهارب وودالامير المفترىء

دا الله بقدرنى عليهو ، ملاسى دا مابقدر (اساكو)
بجهجه على غربتى ساكت

يااخوي باقي بوستيك ده لو وديتو الحراج
مافي زول بقول ليك الكوم بكم..

بوست مافيهو رجة مع ملاسي ده شن نفعو


خلاااص جووووطا لي مع معتز قريش بلقي ليك ليهو بيعة حتي لو باالاقساط

Quote: اسوى ليك شنو بعد العنوان المثير دا ياكيكى ، عموما مبدئيا كدا ، الخزى والعار لخليل المرجف وبكرى الامين الهارب وودالامير المفترىء

انت اصلو مافيك خير كده مالك
يعزموك غداء يوم الجمعة تقعد للسبت وتسرق الباسوورد كمان
لكن فى الاخر الغلط غلط بهاء
انت زاااتك ياخوى فى كف عفريت فترقب المنبر العام قريبا
بهاء فى زمتك دى عينة بدوها نسب من امدرمان

ياخي

دها هكر وفاقي

وبحب الموتمرات الجامعة

مرة كيكي وملاسي مرة بهاء ووراق

انا بحب الهكر دها والله

لكن قول خليل قال ليك (ايداهور والضبح بالدور)

بها يازو ها بوستيك ده نحررو يك نبز في خي وكيكي


زقاق
مشتاقييييييييييييييين

Quote: داير تتخارج من البوست ده صلحوا

قلنا نساهم









ــــــــــــ
خلى بالك يا بهاء انت بقيت (ويك بوينت) فى التأمين

كنت متأكدة إنو مافي إعتذار ولا حاجة

بس حيرني العنوان شديد والله

وأتاريهو تاني بهاء ينسى يعمل ساين اوت

والله يا بهاء باين تركيزك خلاص قلّ

يكون من شنو يا ربي؟

!!!!

لوووول
زي ما اتوقعت


ياناس الدوحة أفقدوا لينا بهاء, بعنوان البوست دا بتكون جاته حمى

تكتبو ساكت وبعدين يبقى ليكم صعب
معليش ..وماكنت قاصد ..واسمح لى ..انت لو عايز تتعتذر
نحن بنتوسط ليك ..بقيتو زى صحفيين الكورة ..الواحد يكون عايز يتعرف ليهو على
ادارى يقوم (يتلحو) ليك (نبش حال) فى الجريدة بتاعتو ..وبعد داك
يجى الاعتذار والمعرفة و(تكبير الكيمان ) ..

يااخوانا الكلام الفوق دا موجه (لصاحب البوست ) ..عشان ناس الامر بالمعروف مايجونى ..

ياكافى البلا بوست طلع شواطين الدنيا والعالمين ..بكرى الامين دا ماقالوا
قطع وشو ومشى على اهلو ..(بعين الله ) على قول الفلسطينى المعاى