ميشيل أوباما تهاجم أوبرا .. (يا بريمة)

و العهدة على الراوي .. مجلة GLOBE





first lady Michelle Obama is telling Oprah to "back off" and trying to reduce the TV titan's influence in Barack Obama's White House, insiders say. This week's GLOBE exclusive reveals all the shocking details of what friends are calling a nasty feud between the two powerful women who have the next president's ear. It's must reading for every American!

حرام عليهم
مجرد حركات لتحميش النيران
ميشيل انسانه وفيه ولا يمكن ان ترد الجميل هكذا لاوبرا وينفري.




شكر ,معز وهذا نموذج للاعلام اليمين البدأ يصوت من حسه.

رجاء من من بامكانه/ها الحصول على عدد هذا الأسبوع من هذه المجلة الشمارجية , أن يواافينا/توافينا بالحاصل ..
بدوري لم أجد الفرصة لشراء هذا العدد للمرة الأولى و الأخيرة منذ أن وطأت قدماي أرض هذا البلد
فقلت أجرب الإنترنت لكن دون جدوى لأنهم عاوزين الناس تشتري طبعا و لأنه الموضوع فيما يشاع "جد جد و دخل
الحوش" ..
ملخص المسألة حسب رواية تلفونية لصديق:
1- ميشيل عاوزة أوبرا ترجع للوراء حبتين و تكف عن أن تصحى و تمسي بموضوع رئاسة زوج الأولى خاصة عبر
برنامجها التلفزيوني الشهير أو من خلال وسائل الإعلام الأخرى ..
2- ميشيل ترى أن أوبرا بذلك إنما تسعى لأن تكون في "دائرة الضوء" المختصة بموضوع الفوز برئاسة الدولة ..
3- ميشيل تؤيد "و في الحتة دي هناك إشاعة قوية بأن أوبرا قد يتم تنصيبها سفيرة لأميريكا في لندن" لذلك فميشيل
ترد على الإشاعة بدوبلوماسية بأنه: مهما يكن من أمر فأنها تحبذ وجود أوبرا بعيدا في العالم .. أي بعيدا عن زوجها أوباما
و عن البيت الأبيض ..!

ما يهمني في الموضوع ده هو قلقي من خطط و محاولات التشويه الكثيرة المتوقع لفها حول هذا الظفر اللإستثنائي التاريخي و غيرها
من "مؤامرات" ..
هل ذلك هو جزاء أوبرا يا بريمة !!!

Quote: هل ذلك هو جزاء أوبرا يا بريمة !!!

وبريمه دخله هنا شنو يا معز ؟
نورنا الله ينور عليك

اوبرا امبراطورة فعلا
ودفعت ثمن على فكره مقابل دعمها لاوباما
حيث حرص اليمين على الكتابة لناس مؤسستها
وتصويرها فقدت بريقها ولم تعد محبوبه لانحيازها لاوباما!!


حملة اوباما ايضا طلبت من الملايين ليكتبوا ايميلات مضادة للحديث عن
انها محبوبه ولا يمكن التفريط فيها.

اوبرا اكبر سنا من اوباما....ولا اعتقد ميشيل تغار من سطوتها
او تأثيرها عليه,ولو استغلت نجاحه لدعم بارمجها فمن حقها فان
ما قدمت له من دعم قيل ان ملايين العالم لا تعادله.

و الله يا تراجي قالوا الزولة دي بسلامتك لغاية ما الموضوع ده ممرضها
عموما سبقتيني بمداخلتك و أهو يبدو أننا متفقين ..

تحياتي,

بريمة مقدر جهود أوبرا في دعم أوباما , بشدة , يا علي

Quote: وبريمه دخله هنا شنو يا معز ؟

المعز ... مساك خير وبركة


غيرة نسوان ليس إلا
و ممكن تقول ردحى حريم ...

ولا انا غلطان يا أم حازم ..؟..

http://www.whosdatedwho.com/celebrities/people/dating/oprah-winfrey.htm

يا تراجى أختى قالوا فى المثل الدارفورى المرفعين بعرف جعير أخوهو!
وديل ستات وبعرفوا بعض!
خشى اللنك حق الشمشرة وشيل الحال الفوق دا عشان تشوفى واى زول ممكن يقاضى الموقع بتهمة القذف حتى جورج بوش لم يستطع ان يطلب منهم حذف اسم كوندليزا احتراما للورا بالرغم من تزامن العلاقة!
http://www.whosdatedwho.com/celebrities/people/dating/george-w-bush.htm
وقال محافظ ومسيحى!
جنى

المعز اخوي الموقف دا بينطبق فيهو مثل سري (مصري)
ارييييت لو بقدر اقوله









_____________
اول مرة في التاريخ اعرف انه فرق السن بين مرة وراجل لصالح المرة بيمنع الانجذاب او الريدة او حتى الزواج

تراجي هوي نظرياتك ودجلك دا امشي بيهو بعيد
احنا* بننجذب ونحب ونتزوج من رجال اصغر مننا

*انا واوبرا قصدي

Globe!!!
يا راجل


دي مجلة بتاعت النسوان البمشوا يجيبوا الطايوق من الجزارة صباحا.

Quote: 3- ميشيل تؤيد "و في الحتة دي هناك إشاعة قوية بأن أوبرا قد يتم تنصيبها سفيرة لأميريكا في لندن" لذلك فميشيل ترد على الإشاعة بدوبلوماسية بأنه: مهما يكن من أمر فأنها تحبذ وجود أوبرا بعيدا في العالم .. أي بعيدا عن زوجها أوباما و عن البيت الأبيض ..!

قلنا مابين ميشيل وأوبرا غيرة وشغل حريم

أها أوبرا مرشحة سفيرة فى لندن ليه .. وين أفركا المذر لاند!
نيروبى مالا .. تاخد بالا وتطور البلد التى تنحدر جزور أوباما منها
وبالمرة تطور الدول المجاورة لها.. خاصة شمالها..

يا تراجى
اوبرا عمرها 54 سنة والبشوف بيديها 45 سنة ويمكن تبدو احلى واشيك من ميشيل!
والاسباب الباقية عارفاها ميشيل ما فى دخان بدون نار!
جنى

Quote: أها أوبرا مرشحة سفيرة فى لندن ليه .. وين أفركا المذر لاند! نيروبى مالا .. تاخد بالا وتطور البلد التى تنحدر جزور أوباما منها وبالمرة تطور الدول المجاورة لها.. خاصة شمالها..

نادر الفضلي سلام
كدا تبقى سخرة وخم تراب

عاوز تبعدها من اوباما ومن الحضارة كمان


لندن حلوة وقريبة كلها سبعة ساعات من امريكا

يجازي محنك يا جني كتلتني بالضحك

Quote: يا تراجى اوبرا عمرها 54 سنة والبشوف بيديها 45 سنة ويمكن تبدو احلى واشيك من ميشيل!والاسباب الباقية عارفاها ميشيل ما فى دخان بدون نار! جنى

يا اخوي بتنا العامله محمد ولد دي شن قدرها على تضاريس اوبرا الخرافيه
مرتفاعتها وغابتها وسهلوها وبحارها لوووووووودي غايتو شمار محتاج دوما تحجي تفتي
واوع ولدنا اوباما يطلع ذوقه زي الامير شارلز ويفضل الصمغ الفي الشجر الكبار
قول الله يكضب الشينه.

غايتو الشاف ميشل في صف الشيخ الياقوت ما كذب تطالب بتوثيق عروق المحبه

..
.

Quote: يا اخوي بتنا العامله محمد ولد دي شن قدرها على تضاريس اوبرا الخرافيه مرتفاعتها وغابتها وسهلوها وبحارها لوووووووودي غايتو شمار محتاج دوما تحجي تفتي واوع ولدنا اوباما يطلع ذوقه زي الامير شارلز ويفضل الصمغ الفي الشجر الكبار

عليكم الله يا تامبا ووليد تعالو من بهناكـ ورونى
السهل دى شافوها كيف ؟؟


____________

تأكدت تماما أن رأيكم لا يخيب

أهم إشاعة , نتمنى من الله أن تصدق , هي تعيين الزول ده سفيرا لأمريكا في السودان

قولوا لي ( نافع ) خم و صر..

.


.

.

.


.

Obama coming between Oprah and Stedman?

http://www.msnbc.msn.com/id/22302620/

لحسب تقديري ... فكلا المرأتين أبعد
عن الإنزلاق فى ترهات إعلام التابلويد.
فلا المؤهل ولا الخبرة ولا السمت الإجتماعي
ولا المطرح السياسي ولا العشم المبذول فيهما
ليشي بما تقولون.

لكن ... إتونسوا.

شكرا يا معز يا شمار يا أخضر

وييينك إنت ياخ

Quote: نادر الفضلي سلام كدا تبقى سخرة وخم تراب عاوز تبعدها من اوباما ومن الحضارة كمان لندن حلوة وقريبة كلها سبعة ساعات من امريكا

اوبرا لم ولن تستبدل مجده والاضواء بمنصب سفير هزيل ومرتب هزيل هذه زوبعة فى فنجان!
أوبرا لن تستبدل دفء امريكا بضباب انجلترا وشتاءها القارس!
اوبرا مرتبها لساعة واحدة فقط يساوى مرتب سفير بمخصصاته لمدة ستة اشهر!
ولا موش كدة يا راوية!!
جنى

الاخ جني كلامك عين الحقيقه فاوبرا حسب علمي دخلها واحد مليون دولار في اليوم، ايه تعني سفيره في انجلترا او وزيرة خارجيه حتي فتاثيرها علي المجتمع

داخل وخارج الولايات المتحدة اكير من ذلك.

شكرا المعز.

Quote: تراجي هوي نظرياتك ودجلك دا امشي بيهو بعيد احنا* بننجذب ونحب ونتزوج من رجال اصغر مننا *انا واوبرا قصدي

راوية ما تفكرى بى صوت عالى!
بدوكى عين
جنى

Quote: غايتو الشاف ميشل في صف الشيخ الياقوت ما كذب تطالب بتوثيق عروق المحبه

أها والرجال بمشوا وين!
ود بدر ولا المكاشفى ! !
جنى

جني و طارق ميرغني , أوبرا دي ما بكون عندها مانع تتوغل داخل التاريخ أكتر و أكتر و بصورة عندها معنى أكبر

أكان لي ماهيتها مافي مشكلة, ممكن تواصل تقديم برنامجها من لندن و تكون سفيرة في آن و كده بكون وضعها

حاجة خطيرة جدا و سوف تسعى ليها الشركات هناك سعيا حثيثا و ممكن تنقل شركتها هناك مؤقتا .. إنتو قايلنها

متعاقدة في السعودية !!

تحصلت على العدد المعني من مجلة GLOBE exclusive

و بطبع ليكم الشمار اللخدر يا حيدر , كيفك يا حبوب !

تراجي وراوية وجني ..







كتلتونا بالضحك

تراجي الكلام دا لو صحي

صورتك المع أوباما دي شوفي ليها صرفة
لأنو شكلو كدا الدور جاي عليك ..





دورك في نجاح أوباما لا يقل عن دور أوبرا

تيسير يا بت امي النشوف لي صرفة فعلا....

Quote: تراجي الكلام دا لو صحي صورتك المع أوباما دي شوفي ليها صرفة لأنو شكلو كدا الدور جاي عليك ..

..
.

Quote: صورتك المع أوباما دي شوفي ليها صرفة لأنو شكلو كدا الدور جاي عليك ..

مع تطابق تضاريس القارتين

__________

وتظل هناكـ نظرية ثابتة فى المتزوجات

Quote: تراجي الكلام دا لو صحي صورتك المع أوباما دي شوفي ليها صرفة لأنو شكلو كدا الدور جاي عليك ..

الهروب الى الأمام
جنى

لو طلع الموضوع حقيقة , و "غيرة"

زي ده فعلا كلام ( لا يحتمل):

تبلدينا إزيك,

لو جينا للحق (أكرر الحق) فأنت من بادر .. بقولك:
(مع تطابق تضاريس القارتين)

.

ما يهمني في اللحظة دي هو أن لا يتطور التنابذ بينك و بين تراجي هنا ..

أرجوك !!

.

تراجي لا عليك !!

الأخ العزيز المعز

سلامات ..

يا أخى كيف هذا البوست لم أره .. تمنيت لو استطعت متابعة مادته ..

بريمة

dear mouez,GLOBE is one of the tabloid magazine or the yello press it is not even a reliable source,readers of such magazines all of them are very uneducated and always rely on thrilling and excitement so they can increase their revenues