بينما جرت العادة ان يجعل الازواج نسيباتهم او امهات زوجاتهم مادة للتندر اوباما يعلن محبته لوالدة ميشيل ويصر بان ترحل معهم للبيت الابيض. في سابقة فريدة من نوعها!!
جيت لي انا يا ود الهنا.
انا ارى اهمية الامر هو عكس مدى تباين ثقافة ال Black القال عليها كمال عباس وكيف يحرص البعض على ايضا ان ثقافتهم وعادتهم وتقاليدهم تختلف وليس الموضوع بمدى غمقان بشرتك او انها افتح.
اوباما فعلا بهذه الخطوة يثبت انه رجل مختلف واكيد هذه الحبوبه الفاضله سيعني وجودها رغم (طاقم الموظفين الممكن يتخصص في رعاية البنات) الا ان الحبوبه بركه في البيت و الحبوبه هي مجموعة القيم الطيبه. واوباما يضحي بحريته الشخصيه ,(وان كان الله اعلم في ذلك البيت توجد حرية شخصيه) ويرى ان وجود الجدة مع بناته في غياب والدتهن وهو في اسفارهم الكثيره المتوقعه هو صمصام الامان الوحيد.
التحيه له هذا الرجل الفلته وهو يكرمنا كنساء في شكل تعامله الراقي هذا مع زوجته ومع حماته. والتحيه له وهو يعلمنا بانه الما عنده كبير اليفتش له كبير. اوباما الرجل المهذب الحريص ان يعلم بناته باننا لا نلقي بعجائزنا لبيوت المسنين هذه فعلا قيم مختلفه.
ام والدة ميشيل فانا اسعد واحدة لاجلها. لانها وجدت التكريم الذي يليق بها وبكل تضحياتها. ولانها من الجيل الذي فعلا عرف معنى العبوديه وعانى وشقي وتعب,وهذا هو البيت الذي بناه العبيد هاهي تدخله مكرمه لتعيش فيه كاميره يخدمها كثير من البيض كموظفين بالبيت الابيض.
اها عندي تعليق...زمان امهاتنا بيقولوا الما ولدت بنت ما ولدت لانه الوليدات بهجوا وخيرهم كله للنسابتهم اها انا ام الوليدات دي من دربي ده ماشه اشوف لي طريقة بنيه تبقى لي هديه ورضيه وكان مشت للبيت الابيض ما بتفوتني. ناس حازم وسند ديل باقيلكم ما بيسوقوا امهات زوجاتهم بكره ويفتحوا لي
وحاتك مذيعات ال CNN لمن اعلن حسادتن لمشيل وعارفهم الخواجات ما بيدسوا وحدة قالت للثاني راجلي لو قلت امي ترحل معانا بيرحل هو ذاته الثانيه كانت مهذبه وقالت لها كل ناس وظروفهم وراجلك يمكن عنده ظروق موضعيه
سمعت بهذا الخبر من أمبارح وأخضعته لدائرة التأمل فى ذهني المتواضع, لأعيد إخراجه إعلاميا على منبرنا هذا, وهاأنت تفعلين.
كثير من الأشياء سوف تتغير داخل البيت الأبيض وخارجه, بس ليس من بينها طلاء البيت الأبيض بلون أسود كما زعم أخونا نوريت. فالتغييرات مرتبطة بطبيعة أو تركيبة أسرة أوباما, وحيث أضحى الحديث عن بنات أوباما ومستقبلهن ومستوى النقلة الحاصلة وسبل تعليمهم ... إضافة لسلامتهم ... هي محط نقاش فى أروقة المجتمع الأعلامية وربما على النطاقات المجتمعية الأخرى كذلك.
أوباما ... أظنه سوف يتخلص بذكاء من فكرة وجود حيوان أليف في البيت الأبيض, فهذا إرث ثقيل ليس بالضرورة إستمراره, كما أن أوباما سوف يستقدم نسيبته إلى البيت الأبيض, لدوافع إنسانية قبل أن تكون لتربية أطفاله, وهذه نمطية أفريقية/شرقية إن جاز التعبير, كما أخاله سوف يتمسك بإرتباط بناته بجيلهن وأقرانهن فى واشنطون دي سي ... بما في ذلك إلتحاقهن بمدارس عامة ... رغم تعليمهن السابق في مدارس خاصة ... وإن ما فرقت شديد.
إستجلاء ما يميز أوباما ثقافة ومسلكا, ليس بالضرورة أن يكون خصما على ثقافة ملل أخرى أو الهزء منها, ولعل بعض إشارات من مداخلاتك أعلاه تؤكد زعمي, وكده طبعا ما كويس ... لأنه ربما يتم تفسيره على أن أوباما إقصائي وعايز أفرض ثقافتو وطريقة حياتو على الناس. ولعلمك ... فأوباما لم يصل إلى السلطة إلى من خلال أكبر مساومة حدثت فى تاريخ أمريكا ... وحيث تداخلت مركبات تلك المساومة وضمت العرقي إلى الديني إلى الثقافي, وكانت النتيجة فوز أوباما ... بمعنى أنه يمثل الجميع, بتجريد قومي قائم على شعاب متعددة, فأي محاولة لنسب أوباما لقطاع أو فئة أو كيان ما ... ستعود بالضرر على أوباما وعلى مستقبل حركته الإجتماعية التي ما زال يقودها , وإلى الآن بنجاح منقطع النظير.
يا أم حازم وسند.. خالتى حبوبتى (طبعا السواكنية بنادو أكبر امرأة فى الأسرة بلقب خالتى )..حتى لو كانت حبوبة.. خالتى الله يرحمها كانت تقول : (الماعندها بنية مدفونة حية )..
غايتو يا يمة الما ناسب أوباما ما ناسب..
ولكن كنت أتمنى أن يضم اليه حبوبته الكينية المرة الطيبة ديك ووشها كلو بركة .
Quote: ... فأوباما لم يصل إلى السلطة إلى من خلال أكبر مساومة حدثت فى تاريخ أمريكا ... وحيث تداخلت مركبات تلك المساومة وضمت العرقي إلى الديني إلى الثقافي, وكانت النتيجة فوز أوباما ... بمعنى أنه يمثل الجميع, بتجريد قومي قائم على شعاب متعددة, فأي محاولة لنسب أوباما لقطاع أو فئة أو كيان ما ... ستعود بالضرر على أوباما وعلى مستقبل حركته الإجتماعية التي ما زال يقودها , وإلى الآن بنجاح منقطع النظير.
صدقت يا حيدر قاسم.. كانت مساومة تاريخية...وضارية .
يا تراجى سلامات كتيرة و الله كتلتينى بالضحك غايتو قصتك مع اوباما دى عجيبة، مفروض يشوف ليك اوضتين و برنده فى البيت الابيض ليك انتى زاتك و العيال، و الله تستحقيهن.
لكن ياخ وكت اصلك متابعة الموضوع شديد بعد ما وصّلتيهو البيت الابيض و كمان شفتى موضوع نسيبتو الله عندى طلب ياخ، انا بصراحة كده مكسّر فى بت اوباما الكبيرة اٍسمها "مــاليا"، البنية شديده و الله، و اوباما راجل بركة و الله ود قبائل و الزول يتمنى يناسبوا، اهو بتشوفى لى طريقة للموضوع، عشان بعدين نمشى السيرة للبيت الابيض، و يجينا فطور العريس فى حلتنا بالطائرة الرئاسية.
ايميلك الحصل فيهو شنو رجع و لسه مهكر، اذا لسه مهكر راسلينى ضرورى انا داير اليوسر نيم و الباسويرد حقينى فى منبر السودان الجديد ضاعوا منى فى الزحمة.
معروف سند وابوبكر صالح فعلا حالتكم تحنن واحد بيخطب في بنات اوباما وواحد في حبوبتهم؟؟!!
عسل انتو يا شباب حاجيب لكم اقتباس من منبر ثاني حتموتوا من الضحك.
Post: #23 Title: Re: (OBAMA)اريته راجل البنيات لحدهن مرحل( نسيبته) معاه للبيت الابيض! Author: خالد عبد الله محمود Date: 11-13-2008, 04:00 PM Parent: #13
أبوبكر صالح ....
Quote: لكن ياخ وكت اصلك متابعة الموضوع شديد بعد ما وصّلتيهو البيت الابيض و كمان شفتى موضوع نسيبتو الله عندى طلب ياخ، انا بصراحة كده مكسّر فى بت اوباما الكبيرة اٍسمها "مــاليا"، البنية شديده و الله، و اوباما راجل بركة و الله ود قبائل و الزول يتمنى يناسبوا، اهو بتشوفى لى طريقة للموضوع، عشان بعدين نمشى السيرة للبيت الابيض، و يجينا فطور العريس فى حلتنا بالطائرة الرئاسية.
يا زول أحمد ربكـ أنكـ مافي أمريكا .. الكلام ده كا ن يوديكـ التوج هناكـ .. ياخ الشافعة عمرها عشرة سنة يادوب
Quote: ام والدة ميشيل فانا اسعد واحدة لاجلها. لانها وجدت التكريم الذي يليق بها وبكل تضحياتها. ولانها من الجيل الذي فعلا عرف معنى العبوديه وعانى وشقي وتعب,وهذا هو البيت الذي بناه العبيد هاهي تدخله مكرمه لتعيش فيه كاميره يخدمها كثير من البيض كموظفين بالبيت الابيض.
Quote: الا ان الحبوبه بركه في البيت و الحبوبه هي مجموعة القيم الطيبه.واوباما يضحي بحريته الشخصيه , (وان كان الله اعلم في ذلك البيت توجد حرية شخصيه) ويرى ان وجود الجدة مع بناته في غياب والدتهن وهو في اسفارهم الكثيره المتوقعه هو صمصام الامان الوحيد.
التحيه له هذا الرجل الفلته وهو يكرمنا كنساء في شكل تعامله الراقي هذا مع زوجته ومع حماته. والتحيه له وهو يعلمنا بانه الما عنده كبير اليفتش له كبير. اوباما الرجل المهذب الحريص ان يعلم بناته باننا لا نلقي بعجائزنا لبيوت المسنين هذه فعلا قيم مختلفه.
تراجي سلامات وكتر خيرك والله
لكن انا غايتو نسيبتي كان بقوني رئيس الكون تمشي معاي قبل زوجتي زاتا لانها نسيبة زي الرصاص والله وما بوزنا بالدهب
Quote: يا اخونا ما تلحقونا بصورة لاشهر نسيبه في التاريخ
استلموا
والموضوع ما قصة يخدموها البيض لأنو البيض ديل زاتم الجابوها يا استاذة تراجي ......ولو الموضوع صفا على يا ابيض يا اسود زولكم ده ما كان لما في البيت الأبيض
Quote: والموضوع ما قصة يخدموها البيض لأنو البيض ديل زاتم الجابوها يا استاذة تراجي ......ولو الموضوع صفا على يا ابيض يا اسود زولكم ده ما كان لما في البيت الأبيض
مودتي
اسامة
لا يا حبيب نفس البيض الجابوا اوباما يفهمون جيدا ان الاولان لم تخلق ليتم التفريق بها للاعمال وانما المؤهلات.
يبقى زي ما ناضلوا لانه اوباما يصل للبيت الابيض لانه مؤهل فعلا يبقى في دلالت آخرى لان يخدم بيض السيده النسيبه.
سؤال: افرض الاطاقم الزي يخدم البشير كله شمالين الآن هل هم من سيخدم سلفاكير لو جاء ام لا؟؟؟؟
دلالة هذا على اقرباء سلفاكير وابنائه الذين سينشأون في القصر ماهو؟؟؟؟ لا شيئ سلبي كل الايجابيه ولكنه تحطم كل اصنام العنصريه. وقع لك ولا ارجع اشرح؟؟؟
النبي الليلة مادام اتجمعتوا "انشاء الله جمعة في الحرم" يااخي ماتهدوا وليدكم محمد سليمان ده شوية خلي يهدي اللعب شغال شلاليت تحير؟؟؟؟
كدي اول شيئ ولدنا ده جحيبوهوا لينا هنا ده كل من الشوق لناس المنبر خلوه يجي يشلت هنا ويقرر هناكز لكن قاعد لا اسرته لا وليدات ويتبرلم في مدن جديده في العمر ده طبعا يتفشى فيكم
كدي لمونا فيه وحياتك مشتاقين له
وبعدين ما سمعتي بدق الحبيب الزي اكل الزبيب
اها ولدنا ده نحن بمنوت في شلاليته بالله قولي له جماهير الهامش تشتاقك موت يا محمد سليمان وبيقول لك المنبر بقى كوم تراب من غيرك.
والله يا تراجي تفكر في حاجة تلقى واحد سبقك عليها وخطفها الناس ديل مالهم مستعجلين كدا صدقي أنا كنت عاوز أوسطك لي بنت أوباما الكبيرة لقيت أبو بكر صالح سبقني عليها الزول دا مالو معاي الظاهر قاصدني .. أنصحيني يا تراجي أنافسو ولا أتنازل ليهو دا شاكوش عديل يا أبوبكر
