Post: #1
Title: تمبس..وعموم بورداب الحجاز ..(بما لايدع مجالاً للشك)
Author: حاتم الياس
Date: 11-12-2008, 08:28 PM
الموجة هذه الأيام فى المنبر (أوباما) وجمهوريين وديمقراطيين وأرتفع النقاش ودخل فى (راندوك) لاقبل لكم به..لذا فان ملاحظة غيابكم عن الساحة العامة قطع شك لاعلاقة له بمشاغلكم واشغالكم (وكفايلكم) ومواسم الحجيج..وظهر البون واسعاً بين أهتماماتكم وكتاباتكم التى تقطع شوارع هذا البورد بالضجيج (مثل ركشه عادمه مفكوك) تقلق منام الحوارى الهادئة..وبين كتابات (أخوة لنا هنا) فى تلك البلاد الجميلة أمريكا لطالما (داقرتوهم) بلاسبب حسداً منكم.... تنعشنا ألأن برزاز الديمقراطية المعطر وأهتمامات واخبار ماكان لنا أبداً أن نجدها عندكم (اوباما قال) (هيلارى صرحت) (ماكين ضحك) (بالين طقمت) نقلتنا لفضاءات بعيدة فكرياً وثقافياً بكل برستيج العالم الحر السياسى الذى أصبح متاحاً لنا هنا فرجاءاً تانى ماتجو تزحموا لينا المنبر ده دكين تمبس ود الباوقة منو منو..ببوستاتكم الوهمية لانو (نحن هسع قاعدين نتطور فنياً) والمشهد هنا اصبح كأنه لوحة بديعة للفنان (جورج أدوارد)!!
ملحوظة..ناس (قطر) مامعاكم.
|
Post: #2
Title: Re: تمبس..وعموم بورداب الحجاز ..(بما لايدع مجالاً للشك)
Author: انعام عبد الحفيظ
Date: 11-12-2008, 08:43 PM
Parent: #1
ملحوظة..ناس (قطر) مامعاكم.
ليه عشان فيها قاعدة ولا عشان شنو؟
|
Post: #3
Title: Re: تمبس..وعموم بورداب الحجاز ..(بما لايدع مجالاً للشك)
Author: Rawia
Date: 11-12-2008, 08:53 PM
Parent: #2
خــــــاتي....
خاتي يا انت
____________________
|
Post: #4
Title: Re: تمبس..وعموم بورداب الحجاز ..(بما لايدع مجالاً للشك)
Author: إيمان أحمد
Date: 11-12-2008, 08:59 PM
Parent: #1
| Quote: تمبس ود الباوقة منو منو..ببوستاتكم الوهمية لانو (نحن هسع قاعدين نتطور فنياً) والمشهد هنا اصبح كأنه لوحة بديعة للفنان (جورج أدوارد)!! |
حاتم الياس والختا المطلوق
سلامات
الله يديك العافية، تطاقش ساااي، يمين شمال.
مخير الله
|
Post: #5
Title: Re: تمبس..وعموم بورداب الحجاز ..(بما لايدع مجالاً للشك)
Author: Yassir Tayfour
Date: 11-12-2008, 09:06 PM
Parent: #1
loooooooooooooooool@you
ya couzin
___
my next post will be" Obama found the right puppy for Sasha and Malia"
|
Post: #7
Title: Re: تمبس..وعموم بورداب الحجاز ..(بما لايدع مجالاً للشك)
Author: حاتم الياس
Date: 11-13-2008, 09:22 AM
Parent: #6
أنعام..بلغة المثقفاتية (ناس قطر ديل ناس متجاوزين ياااخ) لكن عملياً قطر يمكن أن تعتبر تتحول لولاية أمريكية وهده بالمناسبة واحدة من أحلامها الكبرى (رغم أنف قناة الجزيرة) التى تقوم بتغطية هده التحولات (أستخدم الدال فى هده لأن الكيبورد به علة)
راوية..أبداً مافى ختا لكن كمان المستويات لازم تنفرز (هسع تراجى اليومين ديل مافى زول لاقيها ولاحتى ناس دارفور زاتم) الكلام بقه كبير عليهم..
اْيمان أحمد..الجعلى جا لقى شكلة مسك الناس كلها لفخم ولابعهم الطرفين. ..بعدين مسكو وسألو أنت مع منو ياأخونا..(أبدا مامع زول بس دا أطرق عصاتى ساكت..باقى جديدة)..ومع دلك أحتمالات (الخرف) وارده
..ياسر طيفور..أنت ممثلنا الرسمى ياشقيق هناك مابنقبل تبقالنا (زول مكرفون ساى) مرشح راسك عديل ولا القصة دى أختاها
تراجى...فكرتك وفرحتك الأساسية بأوباما وماتعملى لينا نفسك (مفتحة) هو أنو بتفتكرى أنو ملف دارفور مع أوباما حايكون أكثر شراسة وحزما ودعماً لحركات دارفور المناوئة للحكومة لكن فى الوقت الأنتى بتساهمى فيه بتطوير الديمقراطية الأمريكية سلمياً وتتخدى كل تدابير التحضر فى الممارسة والعقلانية وبتفتكرى أنو ده جزء من تطور حركة الحقوق المدنية (للمهمشين فى أمريكا) عايزه لمهمشى السودان لاأن يبحثوا عن حقوقهم فقط ويناضلو من أجلهابل أن يقضوا على الأخضر واليابس وينسفوا المقومات الهشة لدولة بتباصر قى أمر وجودها من (ناحية الشعب لامن ناحية الحكومة) وأنشاء الله ماحدش حوش.... دحين يابت الناس المطلوب منك هو أن تمررى هده الروح الأمريكية (الصبورة) لمشروعك السياسى بدلاً من..فرتك فرتك..هدم هدم[/B]..لجن لجن
|
Post: #8
Title: Re: تمبس..وعموم بورداب الحجاز ..(بما لايدع مجالاً للشك)
Author: عبدالكريم الامين احمد
Date: 11-13-2008, 09:29 AM
Parent: #7
| Quote: ملحوظة..ناس (قطر) مامعاكم. |
الحمد الله الطلعنا بره
كان ياحاتم الليلة جنس جديع واحتمال نجيب سيرة النملية تااااني
|
|
