Post: #1
Title: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: الرشيد البصيلى
Date: 11-12-2008, 09:36 AM
Parent: #0
أولا يا جماعة روقو المنقة شوية ... وبعدين معاكم الرجالة طولة بال.... وأخوك ان سوّالك الشين سوّيلو السمح وخلو ... هكذا يقول اهلنا العرب
والآن لمن يرغب فى الخير .... سيجده ... والصلح مكانه قائمة الخير وليس الشر .... والتمادى فى الخطأ ليس من شيم العقلاء من الرجال .... عشان كدا ربنا سيوفق من يريد الخير
اولا : يا فرانكلى ، بقال و فيصل نوبى ...نرجو التكرم بوقف العدائيات .
ثانيا : نرجو من ادارة موقعنا الكريمة بالتفضل بحذف كل بوستات العدائيات لأخواننا الكرماء .
ثالثا : على الأخوة الكرام من اعضاء المنبر التكرم بتوفير روابط هذه البوستات حتى يسهل على ادارة الموقع التعامل معها .....
إنما المؤمنون إخوة .... فعلينا إحترام كلام الله وتطبيقه....
والله الموفق لما فيه الخير والسداد ...
...
....
|
Post: #2
Title: Re: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: العوض المسلمي
Date: 11-12-2008, 10:33 AM
Parent: #1
شكرا اخي الرشيد
واياها المحريه ,,
ولاخير فينا ان لم نقول كلمة الحق ,,
ولاخير في من يرفض الانصياع لصوت اخوانه ,,
معاك يا شيخ العرب ,,,
|
Post: #3
Title: Re: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: عصام دهب
Date: 11-12-2008, 10:37 AM
Parent: #2
غايتو ( نحنا ) مقاطعين الملتقى دة نهائي ..
لأنو عارفين إنو كل التوصيات بتاعتو تم إعدادها مسبقاً و مع ذلك ما حتتنفذ ..
و ما حنكون تمومة عدد ..
و ما بنثق في أي مبادرة ..
ــ
يلا يا ناس ( الدوحة ) ألحقونا ..
|
Post: #4
Title: Re: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: Hassan Makkawi
Date: 11-12-2008, 01:36 PM
Parent: #3
الجماعة ديل أعلنوا وقف اطلاق الحجار من جانب واحد
لكن بقال رافض
|
Post: #8
Title: Re: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: الرشيد البصيلى
Date: 11-12-2008, 02:15 PM
Parent: #4
Quote: الجماعة ديل أعلنوا وقف اطلاق الحجار من جانب واحد
لكن بقال رافض |
شكرا على المرور الأخ حسن مكاوى ..
الأخ بقال زول قلبو طيب والجماعة الشانين عليهو الحرب ليس إلا من قبيل التسلية فى ظنى لكن التسلية بين الفريقين سارت ابعد ودخلت فى الخطوط الحمراء فى تقديرى لكن يمكن تسوية ذلك .... والمابى الصلح ندمان لكن نتأكد أولا من وقف اطلاق النار من جانب واحد وبقال بنقنعو .... لانو اى شى له نهاية حتى هذه الحياة الدنيا التى نحن فيها لها نهاية وما دام الأمر كذلك فلابد من الوصول لنهاية عبر تسوية ومن ثم تسامح لان هذه هى عادة أهل السودان ... وأبن السودان الأصيل لا يعادى اى سودانى ....مهما آختلف معه ... والحارة دائما بتجمع السودانيين فأحسن نكون أخوة.... ويدا واحدة
|
Post: #6
Title: Re: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: الرشيد البصيلى
Date: 11-12-2008, 02:05 PM
Parent: #3
Quote: و ما حنكون تمومة عدد ..
و ما بنثق في أي مبادرة .. |
يا عصام دهب ياخى انتا العدد كلو ... ولا أقول ليك خلاص خلينا كل المقترحات الواردة فى المبادرة ومسحناها جت !!!!!! وخليناها نقعة ..... يلا تعال ادينا شى .... لانو دا صلح ولابد من المشاركة .....
... لازم تشارك بمقترحاتك ..... وما تكون قاعد وراء الحيطة وبتوزع فى الدرقة والحراب ..
|
Post: #5
Title: Re: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: الرشيد البصيلى
Date: 11-12-2008, 01:58 PM
Parent: #2
Quote: شكرا اخي الرشيد
واياها المحريه ,,
ولاخير فينا ان لم نقول كلمة الحق ,,
ولاخير في من يرفض الانصياع لصوت اخوانه ,,
معاك يا شيخ العرب ,,, |
أولا الف سلام يا ود المسلمى والله ليك وحشة انتا يا زول خليت الطلة بجاى ولا شنو؟؟؟؟ الظاهر عليك ناس سامسونغ ديل فتحت ليهم !!
تانى شئى والله ياك شيخ عرب وان شاء الله الناس ديل بوستاتكم تشاببك بالأيدى وتتصافح رضاء لله والنفس .... ولك التحية اخى الكريم
|
Post: #7
Title: Re: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: عبود عبد الرحيم
Date: 11-12-2008, 02:06 PM
Parent: #1
الاخ الكريم
الرشيد البصيلي
سلام
Quote: اولا : يا فرانكلى ، بقال و فيصل نوبى ...نرجو التكرم بوقف العدائيات .
ثانيا : نرجو من ادارة موقعنا الكريمة بالتفضل بحذف كل بوستات العدائيات لأخواننا الكرماء .
ثالثا : على الأخوة الكرام من اعضاء المنبر التكرم بتوفير روابط هذه البوستات حتى يسهل على ادارة الموقع التعامل معها .....
إنما المؤمنون إخوة .... فعلينا إحترام كلام الله وتطبيقه.... |
100%
دعما لهذه المبادرة الي أن تحظي بموافقة جميع الأطراف
نأمل في استجابة سريعة
|
Post: #14
Title: Re: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: الرشيد البصيلى
Date: 11-12-2008, 02:53 PM
Parent: #7
شكرا اخى الجنرال عبود وأشكرك على الدعم .... وشفت كيف اصعب حاجة العربية الجرار تكون طالعةالعقبة بورتسودان ويقوم الراجل يتأخر فى التعشيقة وبعد داك تبدأ عملية نطة لقدام ورمى الكُتلة وراء اللستك لحدى ما الجرار يعدى .... ونحنا جاهزين بالكُتل لدعم هذه المبادرة .... شوية شوية لانو بقال وفيصل نوبى وفرانكلى ناس مو ساهلين ومفروض يدهم تكون واحدة ....والواحد فيهم يخت راسو فى مخدتو فى آخر الليل وليس فى قلبه غل او شى على أحد وهكذا كان الصحابى الذى قال فيه رسول الله صلى الله عليه وسلم وهو مع صحابته : سيدخل عليكم رجل من اهل الجنة فدخل الرجل وتكرر ذات المشهد فى اليوم الثانى والثالث ولما كان كلهم يرغبون فى الجنة اى الصحابة أرادوان يعلمو ما يقوم به هذا الرجل من عمل ..... فكان ينام مبكرا عندما تابعه احدهم .... ولما لم يرى منه كثير صلاة وقيام ليل سأله عن سر اللعبة .... فقال انه يضع رأسه فى نهاية يومه على وسادته لينام وليس فى قلبه شئ على أحد .....
اللهم لا تجعل في قلوبنا غلا للذين آمنوا
وصفاء القلوب والتسامح من صفات أهل الجنة فقد قال الله عز وجل
في وصف أهل الجنة وماانعم عليهم به :
((ونزعنا مافي صدورهم من غل إخوانا على سرر متقابلين
))
هذه احدى نعم الله على أهل الجنة
وقال الامام الشافعي رحمه الله ..
لما عفوت ولم أحقد على أحد ..... أرحت نفسي من هم العداوات
إني أحيي عدوي عند رؤيته ..... لأدفع الــــــــــــشر عني بالتحيات
وأظهر البشر للإنسان أبغضه ..... كما إن قد حــشى قلبي مودات
وفوق كل ذلك :
إن شئت ان تحيا سليماً مـــن الأذى .. و حظًك موفورٌ و عرضك صَيــــــــــنُ
لسانك لا تذكر به عورة أمـــــرئٍ .. فكُلك عورات و للناسِ ألسُــــــــنُ
و عينك إن أبدت إليك مســــــاوئاً .. فصُنها و قل يا عينُ للناسِ أعيُـــــــنُ
و عاشر بمعروفٍ و سـامح من إعتدى .. و فارق و لكن بالتى هى أحســـــنُ
...... فالحق أولى يا أولى الألباب
|
Post: #9
Title: Re: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: اسامة دفع الله ابوالحسن
Date: 11-12-2008, 02:25 PM
Parent: #1
اخي البصيلي
الجماعة ديل ربنا يهديهم ويصلح بالهم
أنا موافق علي أقامة هذا المنبر
(وأرشح نفسي مقرر للجان الخمس المنبثقة من اللجنة الرئيسية)
عندك أي اعتراض
|
Post: #11
Title: Re: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: ابراهيم بقال سراج
Date: 11-12-2008, 02:38 PM
Parent: #9
الاخ الرشيد
لك التحية والتقدير والاحترام
شكراً علي هذا البوست الهادف والمبادرة التي اعتقد انها طيبة من نفس طيب وشخص مثلك يستحق الاحترام
والتقدير وبعد كلامك دا ما اظن في زول عاقل وراشد يرفض ما ذهبت اليه ,, من جانبي قبلان بالمبادرة
وانفذ كل البنود التي وردت بالمبادرة دون تحفظ فقط شرطي الوحيد ايقاف العدائيات من الاطراف الاخري
واي خرق لاي بند من طرفهم سأحول المسألة لك كصاحب مبادرة وكطرف محايد
اكرر شكري
|
Post: #13
Title: Re: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: العوض المسلمي
Date: 11-12-2008, 02:46 PM
Parent: #11
بقال
Quote: وبعد كلامك دا ما اظن في زول عاقل وراشد يرفض ما ذهبت اليه ,, من جانبي قبلان بالمبادرة
وانفذ كل البنود التي وردت بالمبادرة دون تحفظ فقط شرطي الوحيد ايقاف العدائيات من الاطراف الاخري |
انت بتنسي بالسرعه دي ؟؟معقوله ؟؟!!!
ماخليت زول سلم من سهامك وتجي تقول مبادره وكلامك الفوق ده ,,,
ارحم نفسك علشان الناس تقدر تقدر انك ممكن تقول ولو مره واحده كلام ماتندم عليه ,,,
اول ما بكري يسحب البوست تجي بهنا وتقول قبلت وكلام ماعنده معني ,,
البوست ده اتفتح من الصباح ,,وقت كنت يتنبذ في الناس ياكلاب وياسفهاء ,,
الناس تامن جانبك ده كيف تاني ,,,
الرشيد لك التحيه ,,كلامي ده لازم بقال يسمعوا كويس ,,
|
Post: #16
Title: Re: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: ابراهيم بقال سراج
Date: 11-12-2008, 02:59 PM
Parent: #13
Quote: انت بتنسي بالسرعه دي ؟؟معقوله ؟؟!!!
ماخليت زول سلم من سهامك وتجي تقول مبادره وكلامك الفوق ده ,,,
ارحم نفسك علشان الناس تقدر تقدر انك ممكن تقول ولو مره واحده كلام ماتندم عليه ,,,
اول ما بكري يسحب البوست تجي بهنا وتقول قبلت وكلام ماعنده معني ,,
البوست ده اتفتح من الصباح ,,وقت كنت يتنبذ في الناس ياكلاب وياسفهاء ,,
الناس تامن جانبك ده كيف تاني ,,,
الرشيد لك التحيه ,,كلامي ده لازم بقال يسمعوا كويس ,, |
قبولي للمبادرة ما عشانك ولا عشان انا اخطأت حتي الان انا لست علي خطأ بل رديت علي خطأ الناس الاخطاؤا
في حقي واساواء لي واتهموني والناس الدافعوا عن الناس الاخطاوا وانت منهم علي العموم لا اورد سرد
تفاصيل ماحدث ولكن احتراماً لصاحب البوست والمبادرة ماداير ارد عليك يا المسلمي باكتر من كدا
|
Post: #17
Title: Re: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: العوض المسلمي
Date: 11-12-2008, 03:02 PM
Parent: #16
Quote: والناس الدافعوا عن الناس الاخطاوا وانت منهم علي العموم لا اورد سرد
تفاصيل ماحدث ولكن احتراماً لصاحب البوست والمبادرة ماداير ارد عليك يا المسلمي باكتر من كدا |
رد يابقال ,,,
مش قلت قبل كده لو رديت علي تبقي انت السفيه ,,,
رد وريني سفاهتي دي وين ,,,علشان الناس دي تعرف السفاهه دي شنو ومعناها شنو ,,,
كله الا زول يسئ لي ,,, عارف انت معني انك تقول لزول ياسفيه ,,,,
|
Post: #18
Title: Re: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: الرشيد البصيلى
Date: 11-12-2008, 03:02 PM
Parent: #11
Quote: الاخ الرشيد
لك التحية والتقدير والاحترام
شكراً علي هذا البوست الهادف والمبادرة التي اعتقد انها طيبة من نفس طيب وشخص مثلك يستحق الاحترام
والتقدير وبعد كلامك دا ما اظن في زول عاقل وراشد يرفض ما ذهبت اليه ,, من جانبي قبلان بالمبادرة
وانفذ كل البنود التي وردت بالمبادرة دون تحفظ فقط شرطي الوحيد ايقاف العدائيات من الاطراف الاخري
واي خرق لاي بند من طرفهم سأحول المسألة لك كصاحب مبادرة وكطرف محايد
اكرر شكري |
لك كل الشكر أخى الكريم بقال وما دام انت قبلت كلام العقل آخوانا فيصل نوبى وفرانكلى كمان حليقبلو كلام العقل .... والله مع الصالح من العمل ..... ونصفى قلوبنا وكلنا نصلى وندعو لبعضنا البعض بحسن العمل ... وانا برجع ليك بس النلم فى الجماعة ....
|
Post: #15
Title: Re: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: الرشيد البصيلى
Date: 11-12-2008, 02:58 PM
Parent: #9
Quote: اخي البصيلي
الجماعة ديل ربنا يهديهم ويصلح بالهم
أنا موافق علي أقامة هذا المنبر
(وأرشح نفسي مقرر للجان الخمس المنبثقة من اللجنة الرئيسية)
عندك أي اعتراض |
شكرا أخى الكريم أسامة ، أنا ما بعترض على راجل متلك وشيخ عرب انا أسمع الأوامر منك بس مادام العمل عمل خير ولك التحية وما بتقصر وكلنا معاك
|
Post: #10
Title: Re: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: بشير أحمد
Date: 11-12-2008, 02:30 PM
Parent: #1
الاخ/الرشيد
تحياتي ياحبيب
تشكر علي المبادرة.
بس الميرغني بجي متين؟
|
Post: #27
Title: Re: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: الرشيد البصيلى
Date: 11-12-2008, 03:30 PM
Parent: #10
Quote: الاخ/الرشيد
تحياتي ياحبيب
تشكر علي المبادرة.
بس الميرغني بجي متين؟ |
فرانكلى سافر القاهرة ولا شنو ؟؟؟؟؟؟؟
أنا ما عندى خبر......دا كان زمان هسى الطيارة بتاعة الشبكة دى ما نزلتا وطلعتا على الماوس .... هسى بجيك والزول قلبو طيب وما حيقصر
|
Post: #12
Title: Re: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: محمد عبد الماجد الصايم
Date: 11-12-2008, 02:42 PM
Parent: #1
أها يا أستاذ الرشيد
بعد دا بقال حيتلزم يمسكـ لسانوا ويتوقف عن شتم وإساءة أعضاء المنبر؟
__________
واحد سفيه حسب تصيف السيد بقال!
|
Post: #19
Title: Re: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: فيصل نوبي
Date: 11-12-2008, 03:02 PM
Parent: #1
مافي مشكلة ..
هو زاتو الهينيكان لونو ازرق
|
Post: #20
Title: Re: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: فيصل نوبي
Date: 11-12-2008, 03:07 PM
Parent: #19
و الكان هنا ده أخدر
|
Post: #21
Title: Re: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: ابراهيم بقال سراج
Date: 11-12-2008, 03:09 PM
Parent: #19
Quote: مافي مشكلة ..
هو زاتو الهينيكان لونو ازرق |
دا اول خرق للمبادرة احترم نفسك يا نوبي وشيل الصورة الجبتها في البوست دا
|
Post: #23
Title: Re: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: فيصل نوبي
Date: 11-12-2008, 03:11 PM
Parent: #21
| Quote: دا اول خرق للمبادرة |
مبادرة شنو !! و العملها منو !!
|
Post: #24
Title: Re: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: ابراهيم بقال سراج
Date: 11-12-2008, 03:12 PM
Parent: #21
فيصل نوبي
لو اساءاتك مستمرة حتي في هذه البوستات التي تدعوا للصلح فلا صلح معك
وانا علي طول ماشي الان افتح بوست ويا انا يا انت في المنبر ونشوف بكري يفصل منو فينا ؟؟
مع احترامي الشديد لصاحب البوست
|
Post: #22
Title: Re: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: الرشيد البصيلى
Date: 11-12-2008, 03:10 PM
Parent: #19
يا أخى فيصل نوبى الكلام دا انتا لما بتعمل فيهو ربنا كان بينظر ليك ...والكلام دا ما فى محلو ونسأل الله ليك الهداية .... وبعدين مثل هذه المسائل قد تكون فى أطار ان العبد ليتفوه بالكلمة من سخط الله تعالى ولا يلقى لها بالا ..... فتهوى به فى جهنم 70 خريفا ... ياخى خليك جادى .... وما تتعمد الخطأ وخليك مسامح ....
انا لم أطلب منك ان تسمع كلامى ... لانى انا أصلا ما عندى كلام دا كلام الله بس مررناه ليك فى مظروف والمظروف دا نحنا ختينا عليهو شوية ألوان .... فما عارف انتا رافض المظروف ولا ما بداخل المظروف .... وإن رافض الألوان خلاص اقبل بالمحتوى ... ونحنا كلنا حشم وخدم لاعانتك على القبول ...
وكلك عقل ..... خالص إحترامى ...
|
Post: #25
Title: Re: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: فيصل نوبي
Date: 11-12-2008, 03:14 PM
Parent: #22
البصيلي
سلامات يا رجل
قبل كل شيء .. قل لي أين أخطأت و بعدين نشوف الباقي ..
_
حدد لي قل لي انت كتبت كده في المكان الفلاني .
|
Post: #26
Title: Re: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: الرشيد البصيلى
Date: 11-12-2008, 03:22 PM
Parent: #25
Quote: البصيلي
سلامات يا رجل
قبل كل شيء .. قل لي أين أخطأت و بعدين نشوف الباقي .. |
نحنا لا نتحدث عن الخطآ يا أخى فيصل ،، فلنفترض جدلا انو مافى خطأ طيب ليه المهاترات والصور دى كلها ....نحنا دايرين قلوبكم تصفى والإنسان يكون صادق مع نفسه ومع الله تعالى قبل كل شئ .... فاذا انت متأكد فعلا ....وأرددها فعلا .... وقبل ان تكتب البوست المقبل للرد تأكد بأن الله يراقبك ... ان تكتب الحقيقة بأنكم كلكم مخطئون ... فالمسلم الذى يخطأ فى حق اخيه عليه ان يعتزر والمعتدى عليه يجب ان لا يجارى ويلبس من الحصافة ثوبا ... ولا يهم الأن ان كنت بادئا أظلما ... أو معتدى عليه .... المهم التسامح وتصحيح الأخطاء .... وكل سند ودعم لك على التسوية والتصالح لا على الخصام والتناطح
|
Post: #28
Title: Re: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: Waeil Elsayid Awad
Date: 11-12-2008, 03:37 PM
Parent: #26
الاخ الرشيد
معاك فى المبادرة
و ادع الله ان تصفو القلوب
|
Post: #31
Title: Re: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: الرشيد البصيلى
Date: 11-12-2008, 03:50 PM
Parent: #19
الأخ فيصل نوبى اسمع القصة دى
قالو فى واحد مات والجماعة ما لاقين الزول العندو خبرة فى صلاة الجنازة ... وانتظروا لعل واحد يطلع عليهم فيكون عنده الحل فلاح لهم عربى على بعير .... وكان لا يعرف فى امور الدين من شئ .... فوصل وسأل الجماعة ... ياناس مالكم .... قالو ليهو الزول دا مات وما لاقين زول يصلى بينا عليهو صلاة الجنازة .... فقام الراجل وقال ليهم استوووووو.... والجماعة استوو للصلاة .... فالراجل دا قام قال كلمات بسيطة .... قال يا ربى اناالزول الهوين دا لو جانى زول متل الزول دا فى بيتى والله اكرمو تب ... فانت رب العزة وصاحب الكرم ...وهو عبدك يوم الليلة دا جاك فنرجو ان تكرمه ...
فاليوم انتا الإنسان الإنسان .... وأنا جاييك عشان تكرمنى ... وطلبى منك حاجة صغيرة جدا بس تعدل فى البوست شوية ... وتشيل الصور ..... يعنى دا طلب من أخو والله يعيننا جميعا ...فالرجاء ان تكرمنا اخى العزيز فيصل نوبى ...... وبعدين نواصل المشوار ....
|
Post: #32
Title: Re: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: الرشيد البصيلى
Date: 11-12-2008, 03:53 PM
Parent: #19
الأخ فيصل نوبى اسمع القصة دى
قالو فى واحد مات والجماعة ما لاقين الزول العندو خبرة فى صلاة الجنازة ... وانتظروا لعل واحد يطلع عليهم فيكون عنده الحل فلاح لهم عربى على بعير .... وكان لا يعرف فى امور الدين من شئ .... فوصل وسأل الجماعة ... ياناس مالكم .... قالو ليهو الزول دا مات وما لاقين زول يصلى بينا عليهو صلاة الجنازة .... فقام الراجل وقال ليهم استوووووو.... والجماعة استوو للصلاة .... فالراجل دا قام قال كلمات بسيطة .... قال يا ربى اناالزول الهوين دا لو جانى زول متل الزول دا فى بيتى والله اكرمو تب ... فانت رب العزة وصاحب الكرم ...وهو عبدك يوم الليلة دا جاك إن اكرمتو أكرمتو وإن ما أكرمتو هو عبدك وانت أولى بيهو
فاليوم انتا الإنسان الإنسان .... وأنا جاييك عشان تكرمنى ... وطلبى منك حاجة صغيرة جدا بس تعدل فى البوست شوية ... وتشيل الصور ..... يعنى دا طلب من أخو والله يعيننا جميعا ...فالرجاء ان تكرمنا اخى العزيز فيصل نوبى ...... وبعدين نواصل المشوار ....
|
Post: #29
Title: Re: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: محمد عبد الماجد الصايم
Date: 11-12-2008, 03:38 PM
Parent: #1
| Quote: فالمسلم الذى يخطئ فى حق أخيه عليه أن يعتذر |
كلامكـ دا لو مشى بيهو بقال
حتلقى الصفحة الأولى كلها اعتذارات!
|
Post: #30
Title: Re: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: haroon diyab
Date: 11-12-2008, 03:48 PM
Parent: #29
Quote: كلامكـ دا لو مشى بيهو بقال
حتلقى الصفحة الأولى كلها اعتذارات! |
يعني لازم تحكوها لامن تجيب الدم
عالم بتاعت كماين بصحيح 
|
Post: #33
Title: Re: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: الرشيد البصيلى
Date: 11-12-2008, 03:57 PM
Parent: #30
Quote: Quote: كلامكـ دا لو مشى بيهو بقال
حتلقى الصفحة الأولى كلها اعتذارات!
يعني لازم تحكوها لامن تجيب الدم
عالم بتاعت كماين بصحيح |
أخى هارون اشدد بك ازرى ......
فى هذا العمل ولك منى التحية
|
Post: #34
Title: Re: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: ombadda
Date: 11-12-2008, 04:09 PM
Parent: #1
| Quote: وأخوك ان سوّالك الشين سوّيلو السمح وخلو ... هكذا يقول اهلنا العرب |
الرشيد البيصلى
طيب. طلعت ود عرب أقصد شيخ عرب.
|
Post: #35
Title: Re: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: الرشيد البصيلى
Date: 11-12-2008, 04:31 PM
Parent: #34
Quote: الرشيد البيصلى
طيب. طلعت ود عرب أقصد شيخ عرب. |
البتجى من الأخو كلها حلوة .... بس انا لا تهمنى الشكليات وكل السودان اهلى ....
عربى على نوبى على دينكاوى ... وكل من حمل الجواز السودانى الأخضر فهو أهلى ...
وود العرب وغير ود العرب يحملون ذات الوثيقة التى نمر بها عبر مطارات العالم ....
وكلنا بنأكل الفول والطعمية والعصيدة والشية وبنلبس الجلابية والعمة والبنطلون والقميص
يبقى بعد داك فى فايدة ود عرب وغير ود عرب .....؟؟؟ بالكلام ممكن لكن عمليا إذا كنت من انصار هذه المدرسة سيستصعب عليك الأمر وساعدنا فى حل الأزمة موضع البوست ....
كل إحترامى وتقديرى لك وقُشها لى فى وشى ان قصدت غير التوضيح....
|
Post: #36
Title: Re: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: baha eassa
Date: 11-12-2008, 06:01 PM
Parent: #35
اخي الرشيد .. والزملاء :
شكرا لهذه المبادرة الطيبة فالنفوس يجب ان تتصافي فهنا نحن اخوة
لاتفرقنا خلافات بسيطة .. ويجب علي كل الزملاء ان لايضيقوا من اختلاف
الراي وان نحمل معنا الود للاخر مهما كان الخلاف كبيرا فالراي
لايؤدي الي الخصومة فنحن كلنا ابناء وطن واحد ..
والله ان نفقد اخ بسبب كلام لايسمن ولايغني لهو منتهي العيب ؟؟
والخلافات لاتصنع كاتبا او بطلا ولكن تترك خلافات نخجل منها فيما
بعد .. وهذا الحوار الدائر لايرقي الي مستوي نقاش هادف وليس
خلافا لذا يجب ان لايكون مكانه المنبر ولايرقي ان يفتح له بوست
بعناوين لاتشبه المنبر ولا السودان؟؟
ياريت نرضي ان نخرج انفسنا من هذا النقاش او العراك الدائر
وللجميع التقدير .. .. ..
|
Post: #37
Title: Re: ملتقى أهل منبر سودانيز أونلاين لحل أزمة بقال ، فيصل نوبى ، فرانكلى .
Author: الرشيد البصيلى
Date: 11-13-2008, 11:45 AM
Parent: #36
شكرا أخى العزيز بهاء عيسى على المرور .... انتا عارف يا بهاء عدم الجدية فى الحياة واحدة من المسائل الحقيقية التى جعلتنا نقف بينما الشعوب تتطور وتنمو .... لك التحية ونسأل الله تعالى أن يصلح الحال.....
|
|