وتخليني كمان أدفع مصاريف الفرح كله حتى الصالة لأنها قدرت تقنعني إنه أبوها أرغمها
على هذا الزواج
شكلك يا عواطف قنبلتيها قنبله قويه !! معقول واحد يصل مرحلة يدفع كل مصاريف الزواج ولا حتي يشرب شوربه ؟؟؟
Post: #5 Title: Re: حلوة وكذابة ... إحذروا هكر القلوب !!! Author: حسن مضوي Date: 11-12-2008, 08:51 AM Parent: #3
أستاذتنا العزيزة / عواطف بت إدريس السلام عليكم ورحمة الله وبركاته أولاً : نشكر جزيل الشكر على دورك الإنساني تجاه القضايا الاجتماعية وحمل هموم الآخرين ونشيد بإسلوب معالجتك لتلك القضايا .
ثانياً : هذا الشاب أنا لدي إحساس إنو هو السبب فيما حصل له لأنه ارتبط بهذه الفتاة لمدة أربعة سنوات دون علم أهلها والأحرى من ذلك يصرف عليها طيلة هذه المدة ولو اعتبرنا أن والد الفتاة رفضه زوجاً لبنته لماذا وافق على دفع نفقات الزواج للرجل الثاني الذي أصلاً لا يعرفه .... ودفعها على أي أساس وهل هذه النفقات هي أصلاً على حساب العريس ولا العروس إذا كانت على حساب العروس فملزم بدفعها والد العروس الذي رفضه وإذا كانت على حساب العريس فملزم بدفعها العريس الجديد الذي حل محله .
على العموم سامحيني في ردي ولكن أنا أعتبر هذا الشاب رجل هش في تعامله مع مخطوبته التي خدعته لأنه طيلة هذه السنوات لم يقنعها بأنه الأفضل في حياتها أو احتمال هي اكتشفت فيه بعض الأشياء التي تجعلها تستغله
بالتوفيق لكم في تغطية فعاليات مؤتمر المرأة العربية وسؤالي : ميشيل أوباما ما شرفتكم ؟ ولا نسيت والله معليش هي غير عربية
الموضوع دة مطروح ليس للتعاطف مع الضحية ولكن لتنوير الناس بوجود نوع آخر من الهكر ..
معليش قلوبنا معاك في كمبيوترك اللي إتهكر , برضه أفضل من يتهكر قلبك ومشاعرك والجاتك
في كمبيوترك سامحتك .. بالفعل ولا في الأحلام ..
محبتي ..
Post: #7 Title: Re: حلوة وكذابة ... إحذروا هكر القلوب !!! Author: جعفر محي الدين Date: 11-12-2008, 09:00 AM Parent: #4
لو قصة من خيالك حلوة !! لو قصة من الواقع مرة مرتين مرة لتصرف بت الناس دي حرام عليها تقتل القتيل وتدفعه حق الكفن وتمشي في جنازته وهي متأبطة يد واحد تاني ومرة لتصرف صاحبنا الأنيق الساذج على أقل تقدير ... هو القلب بشيل اتنين ؟؟!! بس عزائي في إنه صاحبك أنيق أكيد حيحصل واحدة مريشة كده يعوض فيها حبه الضاع.
Post: #8 Title: Re: حلوة وكذابة ... إحذروا هكر القلوب !!! Author: خالد عبد الله محمود Date: 11-12-2008, 09:42 AM Parent: #1
عواطف صباح الخير .... أنا ما عارف الزول ده عايز يصل لي شنو؟؟ تعاطفنا و لا شفقتنا و لا شنو ؟؟ ياخ والله أنا لو في مكانو أخجل و أختشي و حتى ناس بيتنا ما يعرفو الموضوع .. خليك من أن أطلب نشر الموضوع في أكبر منبر سوداني.. لا تلوم إلا نفسك يا مان .... أنا متأكد مليون في المية و خلال الأربعة سنوات كان في مليون دليل على إنك زول مستغل ( بفتح الغين).. شوف يا عمك العلاقة من يبقي فيها صرف مادي مبالغ فيهو أعرف إنو الموضوع موضوع إستغلال وبس ده الدرس الأول في قانون العلاقات الإجتماعية و أنا درستو و أنا لسه في الثانوي
لا أشعر بأي نوع من التعاطف معكـ ... فأنت من قبلت على نفسك هذا الوضع و بإختيارك و ما تظلم بت الناس ساكت فحتى القانون لا يحمي المغفلين..
وبرضو على مضض لأنو الاستغلال واضح والمساعدة والفنجرة واضحة.
لكن.. اصرف على الزواج بهذه الحجة الواهية فلولا إنو بعرفك كان سمع كلام مو سمح
والخلاصة في فيما أورده خالد عبد الله:
Quote: شوف يا عمك العلاقة من يبقي فيها صرف مادي مبالغ فيهو أعرف إنو الموضوع موضوع إستغلال وبس ده الدرس الأول في قانون العلاقات الإجتماعية و أنا درستو و أنا لسه في الثانوي ]
الاستاذة عواطف تحياتي ما حأقول يستاهل او غشيم .. لكن حتى لو كانت صادقة معه وتنوي الطلاق بعد العقد مباشرة .. الا ان مجرد تفكيره فيها بعد خطوبتها هو خطأ فاحش .. لو ما من منطلق الباعك بيعو .. لكن عملا بالمبدأ لا يصح لاحدكم ان يخطب فوق خطبة اخيه وبعدين حكاية الخطوبة دي 4 سنين يصرف على انسانة لايدري ان كانت من نصيبه .. وكمان ما يحس بصدق او كذب احاسيسها تجاهه .. وبعدين يصرف عليها بصفته شنو ? خطيبها ? ما قال لينا انو خطيبها .. بيحبها..ووعدته بالزواج?! .. طوالي يمشي يوثق الوعد بالخطوبة الرسمية .. عشان لما يصرف يكون الصرف نحو تأثيث البيت مش عشان سهرات المحروسة وفساتينها و.. الخ وبعدين ابوها ارغمها ليه اذا كان العريس عريس الهنا ما قادر يصرف علي تكاليف الزواج .. وصاحب القصة رجل مقتدر بدليل انو بيصرف عليها من الالف للياء .. فلماذا فضله الاب عليه? ونصيحة اخيرة لجميع الشباب .. اذا وجدت الفتاة تهتم بما تنفقه عليها اكثر مما تهتم بما تنفقه على المستقبل .. فاعلم انها ليست زوجة للمستقبل .. واكثر ما تريده منك هو زواج متعة او زواج فريند او عرفي .. لكن المرأة التي تريد الزواج الشرعي .. لن تطلب من الرجل الا عدتها وعتادها الشرعي .. يعني البدع بتاعت الشيلة والشبكة وفتح الخشم دي كلها عادات وتقاليد يجب محاربتها لتيسير الزواج وعشان ندي الشباب فرصة يبنو مستقبلهم بدل ما نقطع جيوبهم في يومين ويقعدوا بعد داك يفتشوا في التلاجة والتلفزيون بالاقساط .. الظاهر اني خرجت برة الموضوع.. وللا شنو?!
Quote: الاستاذة عواطف تحياتي ما حأقول يستاهل او غشيم .. لكن حتى لو كانت صادقة معه وتنوي الطلاق بعد العقد مباشرة .. الا ان مجرد تفكيره فيها بعد خطوبتها هو خطأ فاحش .. لو ما من منطلق الباعك بيعو .. لكن عملا بالمبدأ لا يصح لاحدكم ان يخطب فوق خطبة اخيه وبعدين حكاية الخطوبة دي 4 سنين يصرف على انسانة لايدري ان كانت من نصيبه .. وكمان ما يحس بصدق او كذب احاسيسها تجاهه .. وبعدين يصرف عليها بصفته شنو ? خطيبها ? ما قال لينا انو خطيبها .. بيحبها..ووعدته بالزواج?! .. طوالي يمشي يوثق الوعد بالخطوبة الرسمية .. عشان لما يصرف يكون الصرف نحو تأثيث البيت مش عشان سهرات المحروسة وفساتينها و.. الخ وبعدين ابوها ارغمها ليه اذا كان العريس عريس الهنا ما قادر يصرف علي تكاليف الزواج .. وصاحب القصة رجل مقتدر بدليل انو بيصرف عليها من الالف للياء .. فلماذا فضله الاب عليه? ونصيحة اخيرة لجميع الشباب .. اذا وجدت الفتاة تهتم بما تنفقه عليها اكثر مما تهتم بما تنفقه على المستقبل .. فاعلم انها ليست زوجة للمستقبل .. واكثر ما تريده منك هو زواج متعة او زواج فريند او عرفي .. لكن المرأة التي تريد الزواج الشرعي .. لن تطلب من الرجل الا عدتها وعتادها الشرعي .. يعني البدع بتاعت الشيلة والشبكة وفتح الخشم دي كلها عادات وتقاليد يجب محاربتها لتيسير الزواج وعشان ندي الشباب فرصة يبنو مستقبلهم بدل ما نقطع جيوبهم في يومين ويقعدوا بعد داك يفتشوا في التلاجة والتلفزيون بالاقساط .. الظاهر اني خرجت برة الموضوع.. وللا شنو?!
لا والله يا فاضل لم تخرج عن الموضوع بل سبرت أغواره وأديتنا درس عصر مجاني نحن في أمس الحاجة إليه
بتصدق البت دي كل هدفها إنها تلبس أحسن لبس وتمشي الكوفير وتطلع سهرات وصاحبنا المسكين ما عارف
الحكاية دي حتى قصة أبوها أرغمها على الزواج وإنه خطيبها مفلس وما قادر يكمل مراسيم الزواج
قد تكون حبكة منها برضو لأنه النوع دة خطير جدا حماك الله .. بتصدق أنا لاقيتها كم مرة وما قايلاها
اتزوجت لكن شعرت إنها بتزوغ مني .. أتاريها عاملة عملة منيلة بستين نيلة ..
عندما وصل لهذا الحد كان قد إستغنى لدرجة أنه ممكن يوديها في 60 داهية
ثم :
Quote: ولكن قدرت تضحك عليّ وتخليني كمان أدفع مصاريف الفرح كله حتى الصالة لأنها قدرت تقنعني إنه أبوها أرغمهاعلى هذا الزواج وسوف تتزوج به إرضاء له ثم تكّره العريس عيشته من اليوم الأول لكي يطلقها في اليوم التاني لأنها من المستحيل تكون لشخص تاني .
هنا هو يبكي على ما صرفه عليها ...
دة قلبو ما مهكر .. دة مخو معمول ليهو غسيل كامل .. أو منوم مغناطيسيا ... معقول أنا أعمل كمين لخطيبتي بتزويجها لواحد تاني ؟
تعرفي لو قام بإختطافها و تزوجها كان بيلقى تعاطف أكبر بكتير ..
بلغيه إستيائنا التام من غفْلته التي لم تخطر على بال.
Quote: عارف يا الطيب قبل كدة عملت موضوع عن التلاعب بمشاعر الفتيات , وقابلت شاب اعترف إنه متخصص تلاعب
وإنه عامل بحب عشرة بنات في وقت واحد وإنهن لا يعرفن بعضهن لذلك كان يرسل لهن نفس المسج بس يعمل
SEND 4 ALL أها زي دة يقولو عليه شنو ؟
اعتقد هذا انسان مريض نفسيا ولكن يجب الا يكون التحامل على الرجال فقط يا طوفي فهنالك الكثيرات اللائي يتلاعبن بمشاعر الرجال بل سمعت احداهن تتفاخر علنا بانها تجيد فن ال diversification وأخريات يتحدثن عن الحبيب الاحتياطي عديل كدا .
Quote: وتخليني كمان أدفع مصاريف الفرح كله حتى الصالة لأنها قدرت تقنعني إنه أبوها أرغمها
على هذا الزواج وسوف تتزوج به إرضاء له ثم تكّره العريس عيشته من
اليوم الأول لكي يطلقها في اليوم التاني لأنها من المستحيل تكون لشخص
تاني .
قانون الحُب...لا يحمى المغفلين....! على الحرام(!!!) يا عواطف...البت من عيونها ووشها بعرفها ليك تماماً أكان فيها شق ولا طق... قال يدفع مصاريف زواجها من شخص تانى..... قال! *** تخريمه: الله يجازيكم يا ناس س.اونلاين....الواحد يجى خاشى مستعجل...تانى ما يعرف درب المرقه بى وين؟؟؟؟!
عطوف حبيبى مشتاااقين شديد احنا عارفه احترت شديد الحاصل علينا شنو كل يوم بقينا نسمع لينا عن سقوط جديد فى قيمنا هسه الزولة دى يقولو عليها شنو، كيف اومخها قال ليها شنو وبعدين ياعطوف حقتو انتى برضو تحاولى تعرفى منهاالحاصل احتمال زميلك ماقال ليك كل الحقيقة واى حقيقة علشان تكون كاملة لازم نسمع الطرفين، عارفه احتمال كبير هى فعلا مااتزوجت برضاها يعنى برضو ضحية، لانى ماداخلة لى فى راسى حكاية تمشى تتزوج وتتطلق وتجيهو راجعة كلام غريب واعوج والاعوج منو هو موافقته عليه وبصراحة انا شايفة انه متساوى معاها فى الغلط وابدا ماضحية ، لانو قبل على نفسو انو يشارك فى خادع انسان اخر ماعندو ذنب فى كل البيحصل الهو زوجها، عن نفسى ماعندى اى شك فى انك كتبتى القالو ليك لكن شكى فى انو صاحب القصة ماقال ليك كل الحقيقة غايتو فى ناس نفسيتا خربانه خلاص ، الله يحفظ الجميع . تسلمى حبيبة كتير يارب ...
شكرا على مداخلتك الأنيقة كالعادة وأنا والله زيك تعاطفت معه ولا زلت لأني بعرفه معرفة شخصية وعارفة
إنه إنسان على نياته لأبعد الحدود يعني الغنماية تاكل عشاه على الرغم من إنه في شغله بروفيشنال
وماخد جوائز عديدة ولكن غلطة الشاطر بألف وهي كمان ملهاش في الطيب نصيب ..
بس المحيرني يا محيو التمثيل المبالغ فيه من قبل بعض الشبان والشابات يعني تمثيل وإدعاء العواطف
دة حاجة قاتلة وتدل على عدم الأخلاق والضمير .. تعرف هذه ليست القصة الأولى والأخيرة خصوصا بعد أن
تغيرت الطموحات والمفاهيم .. أما الشاب المسكين فصدقني لو كان تطلقت من زوجها كان عرسها وربنا
يستر بعد ما اتفنش وقعد في البيت !!! المستقبل أصبح بالنسبة ليها كتير مظلم ..
Post: #54 Title: Re: حلوة وكذابة ... إحذروا هكر القلوب !!! Author: جعفر محي الدين Date: 11-15-2008, 08:53 AM Parent: #52
القصة برضو لا يمكن إخراجها من سياق التحول الاجتماعي الهائل الذي حدث في السودان لأنه طغت على مجتمعنا مفاهيم ما كانت مقبولة في أوقات سابقة واصبحت النظرة المادية هي التي تحكم وتقرر علاقاتنا الاجتماعية ولم تعد الفتاة تنظر إلى الرجل الشهم أخو البنات ومقنع الكاشفات ولكنها صارت تنظر للوضع المادي بدون إعطاء المعايير الإنسانية الأخرى أي دور في تحديد شريك المستقبل صدقوني خط الرجعة بعيد جداً جداً ما علينا سوى التأقلم adaptation مع أوضاع كهذه
الاستاذة عواطف اعود للموضوع فقد كان من البداية يحمل عدة محاور بالنسبة لي اولا حكاية الخطوبة الطويلة المدي لابد من وضع اسس وقواعد اجتماعية لتلافيها .. يعني مثلا طلبة الجامعات من الجنسين الواحد في الجامعة وبدل ما تكون فرصة لتامين مستقبله الاكاديمي نراهم يستغلونها لتأمين مستقبلهم السياسي والعاطفي.. لا بأس من ان تكون الجامعة بوابة لاستكشاف الجنس الاخر لكن المستقبل امامه طويل لتحديد الشريك المناسب .. كما ان امامه خطوات لا بد له ان يقوم بها قبل مجرد التفكير في الزواج .. وكمان مافي داعي يربط الطرف الثاني معاه 4 او 5 سنين .. لا يعلم احد بمجريات احداثها انا ضد الارتباط المطول .. وحتى حكاية الحب دي ما مقنعة .. لانو الزواج تدخل فيه عدة عناصر ليست كلها حبا .. والانسان لازم بعد ان يصاب بالحب يجب ان يستشير عقله .. والذي قد لا يؤيد ذلك الحب .. وحتى الحب نفسه يجب ان يكون عملية متكاملة .. ما كل واحد او واحدة شكلو مقبول ويأسر القلوب بوسامته او خفة دمه يكون صالحا لملء وظيفة الزوج او الزوجة.. اذ لا بد ان يكون مهيئا اخلاقيا لتلك الخطوة هذا بالنسبة للخطوبة اما اذا كانت علاقة هامشية يعني حب بوعد الزواج فهي اولا علاقة غير سوية .. ولما تطول الفترة كمان غالبا ما تكون مؤشر نحو عدم جدية احد الطرفين .. الخلاصة اي علاقة حب يجب ان تقنن بالخطوبة .. عشان الانسان يعرف الطرف الاخر .. لازم يتعرف على الاسرة .. ويعرفوه .. فرؤيتهم ورأيهم له وزنه في هذه المسائل والموضوع لازال ينقصه محور دور الاسرة .. الذي ساتناوله في مداخلة اخرى ان شاء الله
Post: #58 Title: Re: حلوة وكذابة ... إحذروا هكر القلوب !!! Author: احمد سردوب Date: 11-15-2008, 11:31 AM Parent: #56
عواطف ازيك انا مصدقك تماما لانو في ناس كدة والحب صعيب الراجل دة الشاكوش شكلوا لخبطو علي الاخر لما مشي مؤتمر المرأة
أعرف إنه في ناس أقوياء لا يمكن ينكسروا أو يلينوا مش كدة ؟؟
Post: #74 Title: Re: حلوة وكذابة ... إحذروا هكر القلوب !!! Author: محمد سنى دفع الله Date: 11-15-2008, 12:13 PM Parent: #69
عوووواطف تنفع تمثيلية سهرة احسن اكتبيها في مشاهد وانا بخرجها عوووواطف لكم اشتاق اليك بس خايفين من الهكر كلما اجي بي جنب البوست ده بفتكرو هكر تدخل اقفل على الجهاز بقينا نخاف من جر الحبل تحياتي ليك ولي كل كازنوفا وكازنوفايا
Post: #83 Title: Re: حلوة وكذابة ... إحذروا هكر القلوب !!! Author: سيف الدين علي محمد الفاضل Date: 11-15-2008, 04:10 PM Parent: #82
الأخت/ عواطف إدريس أولا : سلام عليك والله مشتاقين شديد . فأنا من الذين يحرصون على قراءة مواضيعكم ومداخلاتكم لأنني أرى فيها الصدق والواقعية ، وآخر ما كتبتينه عن ذلك الشاب الذي أوهن عظمه الحب وأوجعه ذلك الشاكوش الذي وقع على رأسهمن تلك التي تدعي بحبها له المهم في الأمر . لقد أطلعت على مداخلات عدة حول هذا الموضوع وأحب أن أرد على أصحاب تلك المداخلات الذين وصفوك بالكاتبة المسرحية والمخرجة البارعة . أقول لهم حتى ولو كانت هذه مسرحية من تأليف الأخت عواطف فهذا لا ينفي وجود مثل هذه الحالات في السودان خاصة وكثير منها حدث فلماذا الإستغراب يا سادة على ما نقلته الأخت عواطف . والله أنا جيت من السودان قبل أسبوع تقريبا سمعت وشفت ما لم تصدقونه ناهيكم عن ما نقلته الأخت عواطف .. على العموم هذا الشاب الذي دفع ودفع لتلك المحروسة إتغشى فيها لكن مهما كان حبه لها فهذا لا يعني أن يصل إلى حد أن يقوم بدفع تكاليف الزواج فإنني في هذه الحالة أصفه بالجنون والغباء ..
بالنسبة للشباب هي عادة قديمة قدم حواء وادم وكانه ما زال ينتقم بالبحث عن ما برضيه ولو لحين والتهكير يحدث في اليوم عشرات المرات
وبالنسبة للشابات ظاهرة قديمة قدم يوسف وزوجة الفرعون
لاحظي ظاهرة ...
يعني مش سيادة لمظهر يصبح جزء من الفعل العام ...
ولكن ما حدش احسن من حد والمعايش ... سوري أقصد المظاهر .. جبارة
وكل شئ جائز وممكن
ولكــــــــــــــــــــــن
صديقك الذي احترمه كثيرا وارى ان لا ذنب له في أنه صديق وقع فيمن يعرف من أين تؤكل الكتف ..... وهو أمـــــــــــــــــــــــــر كان يحتاجه بشدة وتجربة الله بعلم انه يحتاجها لمجابهة الدنيا وسؤاتها
ومعظم من يقرا هنا لا يحتاج نشر قصتها على الرغم من عدم بلع الجزء الاخير .....
لكن نحتاج نشر قصته هـــــــــــــــــــــــــــــــــــو
فالعبرة في كم الغفلة لانسان عاش منغلقا
مودتي وشوقي
والله يا عواطف وقتي صعب ومشاركتي لمواصلة الحبل الذي انقطع لسنين
الاستاذة عواطف فقط لانني وعدت ان اعود لموضوع الاسرة .. حيث اومن بأهمية دورها وليس كما كتب احد كتاب القصة الافارقة Marriage is a private matter اي ان الزواج مسألة شخصية وعلاقة بين رجل وامرأة قررا الزواج .. واقصد الاسرة من الناحيتين اولا اسرة كل طرف لازم تكون مقتنعة وفي نفس الوقت مقبولة بالنسبة للطرف الثاني انا شخصيا لو كان عندي بت فسأظل ابحث لها عن العريس في سن مبكرة .. وسأختار لها من أظن انه سيكرمها حسب معرفتي بمعادن الرجال .. ولو ما عجبها .. مالو .. نشوف غيرو .. ولو عندها زول في راسها .. برضو ممكن .. بس لازم اختبر مدى استحقاقه لها .. وكمان اسرتو لازم تكون ذات خلفية اخلاقية طيبة.. بس دي كل مواصفات العريس .. حتى بعدها نشوف مقدراته المادية .. بدون ما نضع تكاليف باهظة ..
بصراحة عجبتني مداخلتك جدا لأنها يفترض أن تكون قاعدة ثابتة لكل من ينشد لإبنته أو أبنه حياة
زوجية كريمة تقوم على أسس متينة .. أم صاحبك القال إنه الزواج مسألة خاصة دة صراح المفروض
يبل الكتاب دة ويشرب مويته لأنه بالنسبة لينا أصبح ما برايفت متر بل فاميلي متر أليس كذلك
شكرا فاضل أوجزت فأحسنت ..
Post: #91 Title: Re: حلوة وكذابة ... إحذروا هكر القلوب !!! Author: عبد الدائم سيد أحمد Date: 11-17-2008, 10:15 AM Parent: #1
الجاتك فى مالك سامحتك يا اخينا مش احسن من ما ترتبط بوحدة ذى دى كان حتسود عيشتك والمصيبة انها شحادة ومن عيلة تعبانة اخلاقيا" امال لو كانت بت عز على حق وحقيقى كان عملت شنو
صحيح العز عزة النفس ، دى انساها وامسحها من حياتك نهائي وشوف بنات الرجال راقدات .
Quote: بالنسبة لينا أصبح ما برايفت متر بل فاميلي متر أليس كذلك
المشكلة البنات كيف يقتنعن ? ماخدين المسألة تحدي للهيمنة الذكورية والهيمنة الابوية .. ويقول ليك حريات شخصية وحقوق ما عارف شنو .. والمسألة ابسط من ذلك بكثير .. وقبل ايام في صحيفة هندية عرض كتاب لمؤلفة هندية عن ما يسمى بالزواج المرتب .. وقالت ان نسبة الطلاق في مثل هذه الحالات لا تزيد عن 7% ولكنها ذكرت انه زواج arranged and not forced ما عارف اقولها كيف دي انا طبعا لا اقصد كل البنات .. ولكن هناك اتجاه الى قيادة المرأة نحو هذا الطريق من التمرد على القيم التربوية .. والرجل كذلك .. لكن الرجل سايقنو في اتجاه اخر