ليه مانعمل تأشيرة عودة (الزول) السمح الى طباعه الاولى .......

لاشك ان عامل اهتزاز الثقة فى اوساط اية مجموعة هو مسبب حقيقى للكثير من المشكلات الاخرى ومايحدث الان فى اوساطنا ينبىء بالخلل الذى نتج عن
هذا الاختلال وغياب حسن الظن والحضور الكثيف لسوء التقدير ......من خلال تواجدى داخل تلك المجتمعات لاحظت ولاحظ بالطبع غيرى ان هنالك الكثير من السلبيات
على مستوى العلاقات العملية والعلاقات الاجتماعية وهناك خلط بين العام والخاص ...


اين هو ذلك (الزول ) السودانى السمح ... الاصيل ....
الا يمكننا ا لحصول له على تأشيرة عودة الى طباعه الاولى ..و.التى خرجت خروجا نهائيا .....





______________________________________________


ووين الزول السودانى السمح بتاع زماااااااااااااااااااااااااااااااااااااااان داك وينو ......

ليه لو واحد فينا طبق نظام عمله بالصورة المطلوبة منه على اكمل وجه ... بل تنفيذ لااوامر ادارية .......
لية بنلقى واحد ولا اتنين من الشغالين معاك ......زعلانين منك وكأنك بتقصده هو شخصيا ...

ده اهتزاز ثقة وااااااضح ماداير اتنين تلاته......

سيدتي الفاضلة

يختلف الناس في العمل علي حسب ملكاتهم فهناك شخص مبادر واخر محاور واخر مفاوض

واخر لحل المشاكل

وغالبا نوع البيئة التي تعمل بها هي التي تحدد مهاراتك وشكل العطاء

فاذا عملت في مكان ووجدت التشجيع المعنوي والمادي من مديرك حتما ستبدع ويبدع

معك كل الزملاء والعكس تماما

ساعود

Quote: غالبا نوع البيئة التي تعمل بها هي التي تحدد مهاراتك وشكل العطاء فاذا عملت في مكان ووجدت التشجيع المعنوي والمادي من مديرك حتما ستبدع ويبدع معك كل الزملاء والعكس تماما

اخونا خليل
عارف

فى الاصل لابد من معرفة الظروف المحيطة بالشخص ......
يعنى بالعربى كدة انت تاخد الزول بظروفه كدة...... طقة واحدة .....
يعنى فى زمنا ده مابتقدر تتعامل مع زول براه كدة ......يستحيل .....لازم تتعامل معاه ومع الظروف المحيطة بيه
حتسأل وتقول ليه ...
ولا ليه ولا حاجة ... لانه ببساطة زول زمان ما زى زول هسه .....
زول هسة ان ساكت كوركت معاه بيطب ساكت ويقع من طوله ...مع امراض وهموم العصر النحنا شايفنها دى ...
لكن زول زمان ...............يمرق معاك للخلا ....ويجيك صاغ سليم ....

اولا نحن شعب جميل ......بيجمعنا وطن (رائع القسمات).(ممشوق القوام)..........ولابد ان تكون نظرة كل واحد فينا للتانى على الاساس ده
نظرة مليانة ثقة وتفاؤل وحتى لو اخطأ ا واحد فينا فيجب ان ناخد فى الاعتبار دائما ان هدوءه قاعدة .....وغضبه استثناء والمعروف سيكلوجيا ان غضب المرء
منا لايكون وليد لحظته وانما هو تراكم لمواقف اخرى......... ماعلينا فعله هو ان نبحث فى الظروف المحيطة بالشخص الزعلان ده بدون مانذيد من حدة زعله
فمامعناه مثلا...نقول مثلا.... انى زعلان من الزول الاتصل على بالتلفون فى مكان العمل او البيت وقام حس بانه صوتى( ماياهو )او فيه نبرة غاضبة ف....معناها
انى زعلانه منه هو ............قد اكون فى حالة غضب قبل اتصاله .......دى انا بااسميها (بارنويا اضطهاد)

وقس على ذلك من سوء فهم قد يحدث .....

عارفين مشكلتنا وين ....(انا مادارسة علم نفس ولاحاجة .)..


مشكلتنا تكمن فى نظرتنا الخاطئة للاخرين وتوقع الشر قبل حدوثه(هو طبعا مرات الشر بيحدث ....ومرات لأ ....على حسب)
توقع الشر بيولد احتكاكات ومشاحنات وشيل غبينة بتكبر الغبينة دى وبتبقى (دبل غبينة) ومن هنا بتبدأ المشكلة لاقل سبب ...

فى تعاملنا مع الاخرين وابداء حسن النية هى اساس العلاقات الجميلة
وياريت لو تم الجمع بين هاتين الصفتين اللى هى التعامل الطيب وابدا حسن النية
لانه الشك قاااااااااااتل وكفيل بنسف كل الاحلام الجميلة

املى ان نعود الى سودانيوتنا ...الى الشهامة وكرم الاخلاق والطيبة

_________________________________________



حاجة خارج النص


مابغيظنى الا الراجل البيعمل لى مسكول .........ويقفل ......

حينما تتقافز الطيبة على وجوهننا نحن السودانيون عنده ستلتمع نجمة الوطن فى جباهنا ...............


















_____________________

حاجة خارج النص برضو

انتوا المسكول ده حلال ولا حرام ......