Post: #1
Title: تجي تشتري وله تتفرج وتدفع حق الباركنج
Author: الطاهر عثمان
Date: 11-10-2008, 09:46 PM
بدون اي إخطار او تنبيه تدخل وتوقف سيارتك في عفراء مول
وبعد ان تقضي الخدمة التي اتيت من اجلها والتي من المفترض ان يحرص المول وإدارته علي جذبك للحضور مرة اخرى لنفس الخدمة او لخدمات آخرى ..
تفاجا وانت مغادر لمواقف المول بكشك صغير وعليه حاجز وعدد من الشباب يقومون بتحصيل رسوم الموقف (واحد جنيه بالجديد) (الف بالقديم)
وعند سؤال احد الشبان عن ماهية هذه القيمة افاد بان احدي شركات الهندسة والمقاولات قد فازت بعطاء الموقف وقامت بفرض هذه الرسوم في خطوة اعتبرها غير موفقة بالمرة من جانب إدارة المول ...
فالمتسوق سيفكر كثيرا قبل الحضور للمول مرة اخرى ليس لضخامة المبلغ وانما للاسلوب القهري في تحصيل رسوم انت غير راض عنها.. ولم تقدم لك اي خدمة في نظيرها فليس هناك مثلا مكان ظليل للسيارات وليس هناك حماية من السرقة او شي من هذا القبيل ... فما هي الخدمة التي تتحصل بها علي مبلغ وما هي المغريات التي ستغري المتسوق بالحضور لعفراء بالرغم من فرض هذه الرسوم ...
|
Post: #2
Title: Re: تجي تشتري وله تتفرج وتدفع حق الباركنج
Author: ناهد بشير الطيب
Date: 11-11-2008, 01:55 AM
Parent: #1
الاخ الطاهر
سلامات والاسرة
ايضا فى موقف صغير فى جهاز المغتربين يتم تحصيل هذا المبلغ ....ولا ادرى الجهة التى تقوم بالتحصيل ....
|
Post: #3
Title: Re: تجي تشتري وله تتفرج وتدفع حق الباركنج
Author: Salahaldeen Nadir
Date: 11-11-2008, 02:11 AM
Parent: #2
الممتع في الامر انك مكن تدخل وما تلقى parking و برضو تدفع
طيب الشركة الهندسية إياها بتقدم خدمات شنو مقابل الرسوم دي؟
!
|
Post: #5
Title: Re: تجي تشتري وله تتفرج وتدفع حق الباركنج
Author: الطاهر عثمان
Date: 11-11-2008, 04:19 PM
Parent: #3
تحياتي اخ صلاح الدين
من الطبيعي جدا ان تدفع نظير خدمة
فخدمة المواقف متاحة دائما في المناطق العامة شديدة الزحام
والخدمة دائما هي ضمان وجود موقف مع ضمان حفظ السيارة من السرقة
والمطالبة او الاخطار بقيمة الخدمة يكون في كوبون يقدم لك وانت علي باب الموقف
موضح به قيمة الساعة انتظار مثلا ... ولايسمح لك بالخروج من الموقف دون إبراز الكوبون..
اما هنا فلا احد يخطرك بانه يتوجب عليك دفع مبلغ نظير الموقف وانما تتفاجا وانت علي بوابة الخروج
وليس هناك اي ضمان من السرقة فيمكن ان يسرق سيارتك اي شخص ويدفع المبلغ
وليس هناك اي خدمة إضافية اخرى
|
Post: #4
Title: Re: تجي تشتري وله تتفرج وتدفع حق الباركنج
Author: الطاهر عثمان
Date: 11-11-2008, 07:01 AM
Parent: #2
كيفك يا ناهد - مشتاقين والله
جهاز المغتربين فيه الكثير المحزن المبكي
مثلا رسوم فورم تاشيرة الخروج
عبارة عن ورقة عادية جدا واعتقد مصورة كمان او سيئة الطباعة وعليها كم دمغة وتدفع فيها مبلغ كبير وان كنت لا اذكره الان .... ده غير مبلغ رسوم التاشيرة وايضا مبالغ فيه ...
في الخدمة الوطنية وبعد دفع الرسوم المقررة يطلب منك الموظف المسئول (50 قرش) بالجديد 500 جنيه بالقديم وبدون اي إيصالات وتخيلي المبالغ دي قدر شنو وبتمشي وين ولمنو ؟؟ وليس من حقك السؤال وانما الدفع فقط ...
|
Post: #6
Title: Re: تجي تشتري وله تتفرج وتدفع حق الباركنج
Author: ASHRAF MUSTAFA
Date: 11-11-2008, 09:25 PM
Parent: #4
الطاهر يا ملك
تحياتي
انت قاعد في السودان لمتين؟؟؟؟
|
Post: #7
Title: Re: تجي تشتري وله تتفرج وتدفع حق الباركنج
Author: الطاهر عثمان
Date: 11-11-2008, 10:13 PM
Parent: #6
اشرف كيفك
انا باذن الله لحدي 18 نوفمبر
|
Post: #8
Title: Re: تجي تشتري وله تتفرج وتدفع حق الباركنج
Author: ALMURADABI
Date: 11-12-2008, 06:20 AM
Parent: #7
الأخ الطاهر،، تحياتي..
السودان دولة مبنية على الجبايات
وليتها تكون للخزينة العامة ، ولكن كل ينهب ما يعتبره حق من حقوقه بدون أي وازع من ضمير أو أخلاق
وتحت حماية الدولة بتقنينها لأشياء غريبة للبعض منهم فيها مآرب
ولن تقوم لنا قائمة ما لم تتعدل هذه الأشياء
ما قادني لذلك قولك:
Quote: جهاز المغتربين فيه الكثير المحزن المبكي
مثلا رسوم فورم تاشيرة الخروج
عبارة عن ورقة عادية جدا واعتقد مصورة كمان او سيئة الطباعة وعليها كم دمغة وتدفع فيها مبلغ كبير وان كنت لا اذكره الان |
الورقة فيها دمغات لا تتجاوز قيمتها 2 الف بالقديم ويتم تحصيل 22.500 والبت بتقول ليك 23.000 وإن لم تقلها فإنها تقوم بتحصيلها فعلياً 23 (وعليك تخيل كم الأموال التي يتم تحصيلها احتيالاً بياناً عياناً(1000 فورم يومياً تعني 500 الف،، وبرضو تقول لي مغتربين) ما المغتربين قاعدين هناك في أروقة دواوين الدولة التي تسهل لهم مثل هذا الاستهبال في كل مدينة كل حي كل فريق أو قرية..
مرة - كنت رايق وسألت البت لماذ النموذج ليس به إلا قيمة الدمغات 2000 ويتم تحصيل 22.500 فقالت إنو بحاسبوهم بالورقة (يعني اللبع من فوق) ، وعلى فكرة هذا هو اليوم الوحيد الشلت فيهم الباقي (الخمسمائة)
يلا نجي لرسوم التأشيرة والتي هي 26.500 ولكن يتم فعلياً تحصيل 27 الف (يعني 500 برضو كسب غير مشروع وحرام عديل كده) وطبعاً دي حتت اللبع الجد لأنو دي (للعامل عليها) ولا مستند عليها ليتقاسمها معه آخر أو هامور كبير (يعني لو لقيت الحتة دي بلا اغتراب والطيب النص ذاتو ما بسأل فيك)
والغريب أن الدولة تساهم بتشريعاتها في مثل هذه الفوضى وسماحها بتحصيل مبالغ مالية خارج ولاية وزارة المالية أي أورنيك 15 المالي والمبرئ الوحيد للذمة ويجو يقولو ليك (أزمة في الميزانية) وبرضو مع ده المراجع العام يلقى لبع فيهو بالمليارات..
يا خي ما تحصله جهات عديدة بالدولة يفوق ميزانية الولايات المتحدة ودول الخليج مجتمعين،، وطبعاً بس ربعة للدولة والباقي للعاملين عليها.. (لذا تزايدت الأسعار وتباعدت الشقة الإجتماعية بابلاد ولا أحد يسأل من أين لك هذا)
وود حلال افتح الباب (بوسست حار) عشان نحصر الرسوم التي يتم تحصيلها بدون أورنيك 15 وسيصاب عندها عوض الجاز بالذهول..
تاني شئ اورنيك 15 ذاتو يتم تحريره يدويا ولن تستطيع بعد استلامه قراءة أو تبين أي من تفاصيل ما دفعته وحتى المبلغ في كثير من الاحيان يكون مدغمس (أي غير واضح) وتتوكل على الله عشان تكسب زمنك..
معذرة للشرفاء من من سيصيبهم رشاش من كلامي الدراب ده.. ولكني صادفت هولاءً
|
Post: #9
Title: Re: تجي تشتري وله تتفرج وتدفع حق الباركنج
Author: الطاهر عثمان
Date: 12-03-2008, 11:02 AM
Parent: #8
الاخ الموردابي تحياتي وتقديري
| Quote: وليتها تكون للخزينة العامة |
طبعا لا وعندي نسخة من الايصال - ورق مطبوع والسلام وما معروف داخل وين
طبعا كلامك عن جهاز المغتربين واقع والاجمل فيه انك متذكر المبالغ التي ندفعها
انا حقيقة بنسى كل ما دفعته بمجرد استلامي تاشيرة الخروج
لاني ما بحب اعيش كتير في الحتة دي والا حتتعب جدا
لك كامل الاحترام والتقدير
|
Post: #10
Title: Re: تجي تشتري وله تتفرج وتدفع حق الباركنج
Author: Hala Hassan
Date: 12-03-2008, 12:00 PM
Parent: #1
أخى الطاهر،
كلنا سالنا عن جدوى ذلك،
و ما هى الخدمات التى تقدم فى المقابل؟
و من المستفيد؟؟
واحد زميلناحكى لى: أستلم تذكرتو و لقاها رقم 65000،
فأتخيلو المبلغ الذى تم جمعه حتى الان،،،
|
Post: #13
Title: Re: تجي تشتري وله تتفرج وتدفع حق الباركنج
Author: الطاهر عثمان
Date: 12-05-2008, 11:09 AM
Parent: #10
شكرا يا هالة للمرور
انا ما عارف هل الشركة دي تابعة لادارة المول
وله مفروضة عليهم برضو
يعني بصورة اخرى هل تؤثر هذه الجباية علي عدد من يرتادون المول
غايتو لو بقت من ناس المول نكون علمنا الاتراك حاجة جديدة
|
Post: #11
Title: Re: تجي تشتري وله تتفرج وتدفع حق الباركنج
Author: Tabaldina
Date: 12-04-2008, 07:27 AM
Parent: #1
..
.
طبعا نسيتو اهم مركز جباية تحصيل رسوم
وهو الميناء البري للبصات ..
يعنى حقيقة نهب شركة النفيدى مع المحلية يفوق التصور
اولاًلو جاى تقطع تذكرة سفر ليك او لعائلتك قبل يوم او اكثر
لازم تعبر بوابة وتقطع تذكرة وكمان بوابة حديدة ما شفتها الا فى مواقف الاندرغراوند
تجى اليوم التانى تودعهم او توصلهم للبص او الصالة الداخلية برضو تقطع تذكرة والمسافر يرضو يقطع
ولو فى اى فرد اضافى خاشى يتونس معاهم او يوصلهم برضو يقطع ..
ان شاء الله ولدك العمرو 10 سنوات .. اتخيلو ؟؟
يعنى نهب ونصب واحتيال نسال الله ان يدخل عليهم بالساحق والبلاء المتلاحق ..
_____________
ناس عفراء ديل حلهم بسيط وانت طالع بقول ليك الرسوم
تقول ليهو ما بدفع ..!!
ليه ..؟؟
كدا .. بياتو حق وما اديتونا اعلان وكان ممكن اوقف بره ( يعنى تدق جرس صغير كدا )  ..
بتلفت يمين شمال ولانو فيها زنقة وتعطيل عربات بقول ليك بزعل .. ياخى مر
شخصيا انا قاعد اتعامل معاهم بنفس التحايل بتاعهم وسأستمر ..
بس النفيدى دا ؟؟ اعبر البوابة دى كيف ؟؟ والبقدم لى الحاجة منو ؟؟
|
Post: #15
Title: Re: تجي تشتري وله تتفرج وتدفع حق الباركنج
Author: الطاهر عثمان
Date: 12-06-2008, 06:04 AM
Parent: #11
تبلدينا
ازيك يا حبيب
والله الميناء البري فعلا امره محير
اخر زيارة لي فعلا جينا قطعنا تذاكر للقضارف قبل يوم ودفعنا
وجيت يوم السفر وانا موصل الجماعة بعربية
دفعت حق العربية
ودفعت حق دخول الميناء
حتى قدرنا ندخل الباب الحديدي المخيف (كانك داخل سجن)
الغريبة جوه الصالة مافي مكان تقعد فيهو من الزحمة
زول ساي يرد علي سؤالك عن الباص وين ما تلقاهو
الا تسال مساعدين الباصات
والطريقة الترجعك تاني لعربيتك ما تعرفها بوين
غايتو محن....
لكن جرسك قوي مع ناس عفراء
ياخي ديل ناس عكاليت
انا دفعت وعفراء دي زاتها خليتها
|
Post: #12
Title: Re: تجي تشتري وله تتفرج وتدفع حق الباركنج
Author: معتز الامين
Date: 12-04-2008, 10:17 AM
Parent: #1
الاخ الطاهر
كل عام وانتم والجميع بخير
حدث لى هذا الامر قبل ايام رفضت الدفع
قفلو الحاجز بطلتا العربيه قدام الحاجز ونزلتا منها
استدعو البوليس رفضتا الدفع وحذرت من التعرض لسيارتى
كل السيارات التى كانت خلفى من موقفى لم تدفع
لذا اصبحنا نعانى كثيرا من مثل هذه التصرفات
ونظل صامتين الى ان يبادر احدنا ويدافع عن حقه
لذا ...
انا شخصيا حقى تانى بقاويهو
لان السكوت اصبح يفسر على انه خوف
فالسكوت على جنيه بدايه لعثرات اخرى اكبر
تحياتى
|
Post: #14
Title: Re: تجي تشتري وله تتفرج وتدفع حق الباركنج
Author: Frankly
Date: 12-06-2008, 01:27 AM
Parent: #12
|
Post: #17
Title: Re: تجي تشتري وله تتفرج وتدفع حق الباركنج
Author: الطاهر عثمان
Date: 12-22-2008, 11:19 AM
Parent: #14
شكرا يا كمال للمرور
|
Post: #16
Title: Re: تجي تشتري وله تتفرج وتدفع حق الباركنج
Author: الطاهر عثمان
Date: 12-13-2008, 07:57 AM
Parent: #12
معتز والله موقفك عجبني
وحقيقة ما قدرته اعمل كده
يمكن لاني كنته مستعجل
ويمكن لاننا اتعودنا السكوت
بالفعل لو الناس وقفت في اول مرة ما كان حصل البيحصل الان
لك كل الود والتقدير
|
|