Post: #1
Title: نانسي عجاج ...غدا في أول حفل لها بالدوحة
Author: nadus2000
Date: 11-09-2008, 12:15 PM
أن الأستاذة نانسي عجاج ستلتقي جمهورها في حفل عام بسينما الخليج حسب الموعد المعلن من قبل.....
والتزاما وحرصا على تجويد أعمالها، فسيكون كل جهدها مركز للخروج بما يرضي تطلعات جمهورها.
وأعتذر عن أي لبس..
..
|
Post: #2
Title: Re: نانسي عجاج ...غدا في أول حفل لها بالدوحة
Author: محمد عبد الماجد الصايم
Date: 11-09-2008, 12:21 PM
Parent: #1
حضور يا عمكـ
بس التذاكر على منو
|
Post: #3
Title: Re: نانسي عجاج ...غدا في أول حفل لها بالدوحة
Author: nadus2000
Date: 11-09-2008, 01:14 PM
Parent: #2
ودالصايم
كيف حالك
يازول حرم تذاكر الحفلة علينا بس تذاكر الطيارة علييييك.
|
Post: #4
Title: Re: نانسي عجاج ...غدا في أول حفل لها بالدوحة
Author: ودالعباسية
Date: 11-09-2008, 01:37 PM
Parent: #3
يا عبدالجليل ياخ طوالى شغالين معانا بى المقلوب ،،
وقت نكون شغالين صباح وبالمساء ما عندنا حاجة تلبدو ،،
نقوم نشتغل بى المساء تقومى تفرنبو ،،
معقول لكن ،،
كدي هسى الحفلة دي من الساعة كم لى كم عشان نحن بنجى بعد الشحاده وبتها ،،
يعنى من 11 وانت طالع ،، كيف معاكم بنحصل ولا يفتح الله ،،
اول شئ ،، ازيك ،،
|
Post: #5
Title: Re: نانسي عجاج ...غدا في أول حفل لها بالدوحة
Author: nadus2000
Date: 11-09-2008, 02:03 PM
Parent: #4
[lueB]نكرر أنه لا يوجد أي اتجاه لحفل قبل الحفل الجماهيري المعلن.
|
Post: #6
Title: Re: نانسي عجاج ...غدا في أول حفل لها بالدوحة
Author: Faisal Al Zubeir
Date: 11-09-2008, 02:11 PM
Parent: #5
الزميل : نادوس:
اتحفونابـ"جلسة" استماع في صالون ابنوسة.
|
Post: #7
Title: Re: نانسي عجاج ...غدا في أول حفل لها بالدوحة
Author: عزام حسن فرح
Date: 11-09-2008, 02:12 PM
Parent: #1
نادوس ... كتر خيرك يا خوي ... نبهتنا قُبال الحدث ... أها الليلة بمِش السوق المركزي وبخُم تموين الإعتِكاف ... ناكُل في البليلة ونشرب فوق الجبنه ولا خسانا ... قال نانسي عجاج قال ... إتو دايرين ليكُم قتيل ولا شنو يعني ... البتسووا فوقو ده ... ما كتير ... حمدنا الله ما في الفات قريب ... ما شقي عمرو طويل سلبه ... لكِن الحِكاية كمان بعد وجع القلُب تجيب ليها قِله منام ...
أكان عينا لاقت قليبي الما معاي ...
وأكان نانسي نضمت بس حداي ...
أكان بِالغلط لِمست يداي ...
بتدوا بِت إبراهيم ديتي ولا ساي ...
يا زول وحات سيدي ماني جاي ...
في صقيعتي مُصنقِر مرة قهوة مرة شاي ...
بس بلِغوني يوم مشيها لله ساي ...
أمرُق مِن جحيري بعد ذلِك عندي راي ...
مِحنك والله يا ود الزين يتحجوبا ... تجري جري الوحوش وفوق رِزقك تحوش ... أمانة ما وقع راجِل وردُلوب ... أنا أخوك يا السارة
|
Post: #8
Title: Re: نانسي عجاج ...غدا في أول حفل لها بالدوحة
Author: معتز القريش
Date: 11-09-2008, 04:39 PM
Parent: #1
أولا نرحب لافنانة المبدعة نانسي في الدوحة
كما أرحب بالأخ الفنان عازف الأورديون الرائع
اسماعيل عبد الجبار ... وجميع أعضاء الفرقة الموسيقية
.
.
يا نادوس كيف حالك وان شاء الله تكون بخير
أولا حدائق الخليج دي وين
ومواعيد الحفلة الساعة كم لأنو نحنا شغالين مساء
التذاكر ما مشكلة بعد الترطيبة 
الله يعلي مراتبك يا صلاح عبد الله كمان وكمان
وربنا يديك قدر ما يرضيك ..
|
Post: #9
Title: Re: نانسي عجاج ...غدا في أول حفل لها بالدوحة
Author: Tragie Mustafa
Date: 11-09-2008, 05:28 PM
Parent: #8
يا بختكم يا ناس الدوحه بنانسي عجاج
شكرا نادوس.
ابو ساندرا اعمل حسابك الكهرباء الجايكم دي فوق مقدراتك على التحمل
بعرفك قليبك رهيف وما بتقدر على الهباباي في عز الصيف. ربنا يعينك
وكل زوي القلوب الضعيفه.معتز قريش اقيف بعيد واعمل شخيت على قول مياده كمال.
|
Post: #10
Title: Re: نانسي عجاج ...غدا في أول حفل لها بالدوحة
Author: خالد عبد الله محمود
Date: 11-09-2008, 05:41 PM
Parent: #1
وأنا أقول كيكي لابد ليهو كم يوم مالو ؟؟؟
بختكم يا ناس الدوحة والله
|
Post: #11
Title: Re: نانسي عجاج ...غدا في أول حفل لها بالدوحة
Author: nadus2000
Date: 11-10-2008, 01:15 PM
Parent: #10
تعالوا نعمل جميعا لانجاح حفلها المقام على مسرح سينما الخليج يوم 13/11/2008م
|
Post: #13
Title: Re: نانسي عجاج ...غدا في أول حفل لها بالدوحة
Author: شكرى سليمان ماطوس
Date: 11-11-2008, 05:53 AM
Parent: #1
عبدالجليل، لك التحية و التقدير،،
الحفل الأول فاتنـــا، لأننا لم نسمع بهQuote:
تعالوا نعمل جميعا لانجاح حفلها المقام على مسرح سينما الخليج يوم 13/11/2008م
|
أم حفلة الخميس البعد بكرة
نزل تفاصيل أكثر
المواعيد، مكان تواجد التذاكر؟
و قيمتها؟ كبار كم؟ صغار كم؟
و كل ما تجود بيه يا خيِّر
ش
|
|