Post: #1
Title: كونداليزا رايس ... أما ان لك ان تشهدي ألا اله الا لله ؟!
Author: ابراهيم بقال سراج
Date: 11-09-2008, 07:45 AM
Parent: #0
كونداليزا رايس ... أما ان لك ان تشهدي ألا اله الا لله ؟!
قراتها كمانشيت كبير في صحيفة حكايات عنوان مضحك بالجد وعشان العنوان دا اشتريت الجريدة
لكن للاسف ما لقيت تفاصيل العنوان 
|
Post: #2
Title: Re: كونداليزا رايس ... أما ان لك ان تشهدي ألا اله الا لله ؟!
Author: علاء الدين حيموره
Date: 11-09-2008, 08:03 AM
Parent: #1
ما قالوا ليها زوجناك احد احفاد ود دكيم ؟؟
|
Post: #3
Title: Re: كونداليزا رايس ... أما ان لك ان تشهدي ألا اله الا لله ؟!
Author: HAYDER GASIM
Date: 11-09-2008, 08:11 AM
Parent: #2
| Quote: ما قالوا ليها زوجناك احد احفاد ود دكيم ؟؟ |
أها ... والحصل شنو؟
... ثم ...
ما يميز ودكيم ... وأحفاده؟
|
Post: #4
Title: Re: كونداليزا رايس ... أما ان لك ان تشهدي ألا اله الا لله ؟!
Author: علاء الدين حيموره
Date: 11-09-2008, 08:20 AM
Parent: #3
الزعيم حيدر
كيفك يا رائع
Quote: أها ... والحصل شنو؟
... ثم ...
ما يميز ودكيم ... وأحفاده؟ |
ان ود دكيم واحفاده عرفوا من زمن عبد الله التعايشي بانهم ناس دين وعبادة ووقتها ارسل عبد الله التعايشي لملكة بريطانيا يدعوها للاسلام وان انصاعت للدعوة زوجها ود دكيم ..
والان يعيد التاريخ نفسه ..
دي الفكرة ..
|
Post: #5
Title: Re: كونداليزا رايس ... أما ان لك ان تشهدي ألا اله الا لله ؟!
Author: ابراهيم بقال سراج
Date: 11-09-2008, 08:35 AM
Parent: #2
| Quote: ما قالوا ليها زوجناك احد احفاد ود دكيم ؟؟ |
علاء الدين
لو زواج كوندي بو دكيم تجعلها ان تشهد ان لا اله الا الله فليتم الزواج اليوم قبل غداً
|
Post: #7
Title: Re: كونداليزا رايس ... أما ان لك ان تشهدي ألا اله الا لله ؟!
Author: محي الدين جبريل
Date: 11-09-2008, 09:56 AM
Parent: #5
بقة
كيفك يازول
مشتاقين
العيد الجاب الناس لينا ماجابك
|
Post: #6
Title: Re: كونداليزا رايس ... أما ان لك ان تشهدي ألا اله الا لله ؟!
Author: خالد عبد الله محمود
Date: 11-09-2008, 09:55 AM
Parent: #1
ود دكيم شنو ؟؟؟
هو الرئيس ظااااتو ما يشوف ليه توب حايم إلا عايزو لنفسو 
|
Post: #8
Title: Re: كونداليزا رايس ... أما ان لك ان تشهدي ألا اله الا لله ؟!
Author: اساسي
Date: 11-09-2008, 10:27 AM
Parent: #6
هوس السودانين بغزو بريطانيا قديم منذ عهد الخليفة عبد الله التعايشي الي عهد مصطفي سعيد بطل موسم الهجرة الي الشمال للطيب صالح وكل اراد ان يغزو بريطانيا عبر نسائها .... هذا مشهد تخيلته لفكرة غزو بريطانيا الاول والذي فكر فيه الخليفة عبد الله وارجو من الاخوة في حزب الامة ان لا يغضبوا فانا احب الانصار والمهدية ولكن هذه رؤية للامر بمنظور تاريخي كوميدي سرقت فكرتها مع سبق الاصرار من قصيدة لشاعرنا الطيب برير
الخليفة عبد الله التعايشي مع الامير يونس ود الدكيم يجلسان في مجلس الخليفة يتسامران ويقزقزان فول مدمس وتسالي ..
الامير: اتا يا ابوي الخليفة دحين ملكة الخواجات الكفار ديل معرسة ولا عزبة..؟
الخليفة : والله يا ود دكيم ماني خابرها لكن !!؟ عندك فوقها راي ولا شنو؟
الامير: والله بيني وبينك يا ابوي الخليفة كان عزبة حرم باخدها..
الخليفة : يازول خير بجيب ليك خبرها تب ...بس اصبر لي اتا ..
الخليفة ينادي علي كبير الكتبة في دار الخلافة في بيت المال ..
الكاتب : ايوا يا ابوي الخليفة بتدورني انا ؟
الخليفة ايوا بالحيل .. دوايتك وورقك جاهزات ..؟
الكاتب : بالحيل ابوي الخليفة بدور ترسلك مرسول ؟
الخليفة ايوا يا جنا .. امسك اكتب ...
من الخليفة عبد الله التعايشي خليفة المهدي الي فيكتوريا ملكة بريطانيا ..سلمي تسلمي .. ونعرض عليك الدخول في الاسلام فان قبلت وامنت ودخلت في دين الله ..طهرناك ( ختناك ) وزوجناك الامير يونس ود الدكيم ان هو قبل بهذا ..والسلام علي من اتبع الهدي .
وهكذا ارسلت الرسالة الي ملكة انجلترا اعظم ابراطورية في ذلك التاريخ ولما قرأتها كانت جالسة علي كرسي الملك ..وقفت فجأة ووضعت يدها اليسري في وسطها وفزرت اليد اليمني الي الوراء وقالت : اجي يا بُري!!؟ واسترسلت ..
سجمي يا كتشنر ما يكون الدرويش دا جادي ؟؟ وواصلت ... بعدين انا بايرة ولا بايرة !!؟
هو زاتو القال ليهو انا عزبة منو..؟
بعدين عليك الله شوفوا قال شنو (يطهروني ) بعد العمر دا كله يطهروني ؟؟
سجمك يا فكتوريا يا الامك ما شافت جديدك بقيتي لبانة في خشم اليسوي والمايسوي ؟
مييييش اييييش جنس دروشة لكن !!
ومنذ ذلك التاريخ لم يهدأ لكتشنر (الجكس بتاعها ) بال الا بعد ان حسم امر المهدية في ام دبيكرات .
علي ان مصطفي سعيد حفيد ود الدكيم لم يخيب ظن جده عندما غزا بريطانيا عبر البوابة التي ارادها جده وفعلها مع صديقته الانجليزية حفيدة وصيفة الملكة فكتوريا وخالة مارغريت تاتشر لزم .
السودانين بتكسروا في الخواجيات
|
|