........( القرصنه البذريه).........؟؟؟؟؟!!!!!

للمحتجين دوما....بان المنبر انهار...ولم يكن كما كان
واين الشعر واين الادب واين العلوم واين...واين؟؟؟؟
وخلاص ضقنا والنبرات العنصريه و النبرات البطيخيه....
واوباما وكرهوتنا اوباما وان شاء الله اوباما ينفعكم و...الخ.



كاتب رائع بيننا وبوستاته دوما في الصميم
يفكر في بلادنا ومشاكلها في عضمها ده
بلا مكاسب سياسيه بلا رغبة في تمرير اجندات
هو سوداني وكفى....مهموم....موجوع...ومثقف ...واديب
يكتب لك التقرير العلمي بلغة ادبيه رفيعه فتتحير في نفسك ذاتها
عن عظمة هذه الموهبة......وروعة هذا البسيط المتواضع.


رغم كتابته للقصه القصيره وقرضه للشعر
غير مقالاته الانثربولوجيه وعرضه للحجاوي
الشعبيه باسلوب شيق جميل ورغم ابداعه
الواضح......الا ان بوستاته لا تجد ما تستحقه من احتفاء
لانه خارج مفاهيم الشليله و الحزبيه و العرقيه .
التحيه له وهو مواصل بصمت في النحت حول ما يكتب لاجله.


انه عضو المنبر آدم صيام
هذا الرجل و الذي اتمنى ان اجد زمنا لاقرا له اكثر ولاسمع منه اكثر
واتمناه الا يصمت ولا يكف عن الكتابه.....فهو موسوعي العلم غزير
الثقافه.....و الاهم متواضع النفس....رغم معرفته بقدر نفسه


اقول لكم اعجبني هذا المصطلح......(القرصنه البذريه)...... ببوست له
وهو يبكي وينوح بيننا على البيئه السودانيه بذورها اشجارها
نباتاتها وحيوناتهاو....,و....الخ.


بوست علمي حقيقي
واهمال البيئه بل وتدميرها في ظل الانقاذ احد جرائم الانقاذ التي لا تغتفر
بحق ابناء شعبنا بل واجيال المستقبل منهم ايضا.


فارجوكم اخوتي...لا تظلموا انفسكم قراء واعضاء بتجاهل
كم العلوم و الادب و التلقائيه و البساطه في بوستات آدم صيام.


ليس بوسته هذا فحسب بل كل ما يسطره قلمه.
فالي البوست البيقرع لاجراس خطر كثيره عازفين عن الانتباه لها اغلب ساستنا.


والتحيه لبعض الوجوه التي اعرف انها لا تقل علما ولا ثقافة ولا انضباط بهذا المنبر
من الزوار الدائمين لبوستات آدم صيام.


واقول لهم مشاركاتكم ببوسته المعني كلها قيمه واضافت لي الكثير
وجعلتني اطمأن بانه لازال الخير في شعبنا.

فقد اعجبني ما جمعكم
فلم تجمعكم شلة ولا قبيلة ولا حزب
وانا الوجع الحقيقي بتفاصيل الوطن.
لكم الانحنائة و التقدير.


عيناتنا المعطوبة وثرواتنا المنهوبة

اسهام مقدر للاخ آدم صيام بهذا البوست ايضا
وهي من كتباته القليله بالشان السياسي.
د. محمد جلال هاشم وجدلّية الحرب والسلام وتحديات الهامش**

سلامات يا تراجي

نقراء ونتعلم من يعضنا ونتبادل الاراء وان اختلفنا الابتسام لغة الحوار

اشكرك علي البوست

و

تحية للكاتب

سودانيه شكرا على المرور
وعساك بخير طولتي مختفيه
واعتقد البوست فيه شيئا من
مجال تخصصك....يا ريتي تزيديه بعلمك.
كوني بخير.

Quote: سلامات يا تراجي نقراء ونتعلم من يعضنا ونتبادل الاراء وان اختلفنا الابتسام لغة الحوار اشكرك علي البوست و تحية للكاتب

سلام
غايتو الادب دة شعرا ما عندنا ليه رقبة الا كان نستلف
مكوة ملاسي


لكن غايتو نخش مجاملة ساي

كان لقيتي ليك بوستات جندر حايمةولا هامش ادينا لكزة
سلام
صفية

صفصف كيفنك؟؟؟؟

Quote: سلام غايتو الادب دة شعرا ما عندنا ليه رقبة الا كان نستلف مكوة ملاسي لكن غايتو نخش مجاملة ساي كان لقيتي ليك بوستات جندر حايمةولا هامش ادينا لكزة سلام صفية

لا يا حبيبه لا تظلمي نفسك البوست لا يحكي عن الادب
البوست عن البيئه...ومن غير بيئه لن تستطيعي
الكتابه عن الجندره ذاتها بطريقه جيده
فتحديات النساء الريفيات و المشاريع احيانا
تمسى( محسنه للدخل للنساء)لها آثار سلبيه على البيئه

مثلا منظمات كثيره اجنبيه البتجي لمساعدن النساء

لتحسين دخولهن تقول لك النساء ديل بيشتغوا
نسج بروش خلاص يستمروا ينسوا ان هذا يعني
دمار اشجار الدوم التي تقطع النساء اوراقها لعلم البروش؟؟ّ

ولا رايك شنو؟؟؟

شكرا على مرورك.

.

.

والله دي حاجه كويسه خلاص منك يا تراجي ... انا طبعا شايف انك فتره ساهمت ولو بصورة غير مقصوده في دفع الحوارات لاتجاه عنصري وبحس انو ردودك من نوع "هووي" القريته كم مره ما كانت بتخلي باب الحوار معاك مفتوح او خلت عدد من الناس يتجنب يعرض وجهة نظرو المخالفه لي وجهة نظرك او حتي يقول ليك كلام زي الانا بقولو ليك هسي ده .... علي كل ممكن ترجعي لي بوستاتك القديمه او ردودك وتقيمي يمكن انا وجهة نظري ما دقيقه ....
طبعا زي بوستك ده امر جيد شديد وبتحمدي عليه وبتمني كلنا ندفع الامور بشكل ايجابي زي ما عملتي هسي ونتدارك الفاتنا بصورة غير مقصوده او نسبة لاندفاعنا العاطفي تجاه قضايانا....
كل الشكر والتقدير...

مدثر سلامات

Quote: والله دي حاجه كويسه خلاص منك يا تراجي ... انا طبعا شايف انك فتره ساهمت ولو بصورة غير مقصوده في دفع الحوارات لاتجاه عنصري وبحس انو ردودك من نوع "هووي" القريته كم مره ما كانت بتخلي باب الحوار معاك مفتوح او خلت عدد من الناس يتجنب يعرض وجهة نظرو المخالفه لي وجهة نظرك او حتي يقول ليك كلام زي الانا بقولو ليك هسي ده .... علي كل ممكن ترجعي لي بوستاتك القديمه او ردودك وتقيمي يمكن انا وجهة نظري ما دقيقه .... طبعا زي بوستك ده امر جيد شديد وبتحمدي عليه وبتمني كلنا ندفع الامور بشكل ايجابي زي ما عملتي هسي ونتدارك الفاتنا بصورة غير مقصوده او نسبة لاندفاعنا العاطفي تجاه قضايانا.... كل الشكر والتقدير...

بس شوفته نوع الاندفاع العاطفي ده ياهو البيحر تخيل انا في بحثي اليوم...
وحبيت اعرف آدم صيام بشخصك من خلال احضار اللينك بتاع اعدام قاتل ابيك
لانه شكله اعتبر الفي الصورة ده انت.
المهم لقيت لك مداخلات حيرتني في بوست بريمه عن اوباما واستغرب ان يعتقد
مثلك ان هنالك ما يجمعه ببريمه فكريا او سياسيا.

المهم بفتكر ده من قراياتك الغير حصيفه لبعض الكتاب هنا.
الموضوع للا الستعلاء و لا العروبه الموضوع هو الوعي المشوه
والخلاك رغم شيوعيتك وشيوعية و الدك اي نشأت في بيت ليس عادي
رغم ذلك تمر على فوز اوباما مرور الكرام بل وتدخل للبوست الوحيد
البيتحدث عن اختياره ليهودي !!!شوفته وعيك العروبي ده خلاني انسى موضوعك
وما اكذب عليك بل اشطبك ذاته.زي ما شكلك كنت شاطبني.


المهم التحيه لك واكيد بنتلقي في تقاطعات آخرى.كنت بخير.


بس فكر ظاهرة اوباما تحتاج عمق اكثر منك لفهمها
فلا يمكن الا تكون الاشتراكيه التي وصفه بها الجمهورين
وكانها شتميه له,لا تجمعك به وتجي تعمل فيها قضية فلسطين اولوية لك تفرقك عنه.

إزيك .... قصدت اوضح ليك بعض الامور البسيطه ....
اولاً انا ما شيوعي .... تانياً انا ما بعرف لا بريمه لا غيرو وحريص ما اعرف زول لانو عارف اني ما بقدر اهرب من شراك تقييمي وانطباعيتي كسوداني بسيط ... ولخصت رؤيتي البسيطه للتغيير الممكن يحصل وما ذكرت فلسطين او غيره رغم انو هو كان بيتكلم عن فلسطين لكن انا الموضوع بالنسبه لي شكل فرصه لعرض وجهة نظر بس ....ده شي .. تاني شي انا والله ما عارف نحن قضيتنا مع فلسطين دي شنو ولا اليهود؟؟!! وتبنينا لي قضايا الغير ونحن مشاكلنا ما قادرين نحلها..... فعندي راي في فكرة تبني قضية فلسطين وقضايا العرب وعاطفيا ما بتهمني كتير صدقي؟؟

موضوع اوباما ده بعني لي الكتير لكن يمكن ما نفس البعنيه ليك ... لكن انا مقتنع انو الامور في الدول الزي امريكا دي ما بغيره زول تغيير جذري لانها بتتوجه حسب دوائر مصالح الدوله حسب ما بتشوفه جهات كتيره بتاثر في اتخاذ القرار وما حسب رؤية الرئيس براو يعني في مؤسسية حقيقية .

Quote: !شوفته وعيك العروبي ده خلاني انسى موضوعك وما اكذب عليك بل اشطبك ذاته.زي ما شكلك كنت شاطبني.

انتي سميتيه وعي يعني لو كان عروبي او زنجي فهو شي كويس لانو وعي الا إذا كنا بنختلف في تعريفنا للوعي ....لكن طبعا انا من ما صغير ما مقتنع بفكرة انو نحن هويتنا عربيه لانها هي اصلاً ما كده .....

تختلف مع الزول ما يعني تشطبوا يعني انا ما كنت شاطبك !!!

النقد ما بيعني الاقصاء ولا الشطب ولا انو الزول كعب فما تتوتري من كلامي وما تردي علي بحده ..

حبابك مليون....

Quote: النقد ما بيعني الاقصاء ولا الشطب ولا انو الزول كعب فما تتوتري من كلامي وما تردي علي بحده .. حبابك مليون....

حبابك مليونين


يا حبيب كلام ما كان حول نقدك كلامي تعليق كان على راي الكونته قلت لك لما قرأت ردك على بريمه

لكن لو لسه شاطابك ما كان ريدت عليك,ولا شنو؟؟؟رايك.



عشان كده حكيت لك (القصة المرت في بالي من الصباح لحسه)
وصدقني بشكرك لانك فضفته لي ما بك نحو كتاباتي وانا برضو
علقت على بعض كتاباتك.


لكني رجعت وقلت لك اكيد بيننا تقاطعات كثيره
اي اكيد سنلتقي.....حول الكثير البجمعنا وما بفرقنا.

كن بخير.

شكرا يا تراجي ياخ .... علي قول الصوفيه "كلو مشرب" يعني نحن دايرين نفس الهدف فالناس يخلو النوايا اساس الاختلاف ولازم يصححوا وينقدوا بعض.... خلاص نتلاقي علي راي تاني في حته تانيه وبنفس سعة الصدر....

شكرا يا مدثر ويبقى الود يا اخي

تراجي
كيفنك
مشكورة والله على التقريظ



يا سلام على المؤازرة
لو فتشتي لينا علماء الزراعة والحيوان والبيئة السودانيين يكون ما قصرتي تب


درشنا ذو الحروب الجهوية والقبلية داك هو المشوش بظلاله على التفاعل في الشؤون الوطنية الجامعة

لكم عشاق بلادي المحبة الخالصة

مدثر
شنو يا حبوب ناكرأخوك كده .. تراجى مرات تقتل القتيل وتمشى فى جنازته.

قرات العنوان ولم أفهم البذرية دى تعنى شنو! .. صدق .. من كثرة خطبات تراجى قريتها البظرية .. ولليلة مافاهم حاجة حتى لو بذرية ام بظرية .. وربطت بين الموضوع وموضوع كنت متابعة على الراديو .. شركة ملابس نساء داخلية وضعت فيها جهاز ج.ب.س .. بتاع قيادة العربات ومعرفة الزقاقات .. واحد من المعلقين قال دا حزام إفة الكترونى .. وإمرأة قالت ما تلبسه إلا إذا راجلها لبس سروال فيه نفس الجهاز .. واحد قال لازم كل راجل يجيب جهاز كمبيوتر ويبرمج فيه كل أرقام الملابس الداخلية بتاعته وبتاعت إمراته حتى لا يخون أحدهم ..
صدق يا مدثر السروال أبو جهاز دا أنا عايزه للمرأة السودانية فى الغرب .. وما دام أنا بتاع كمبيوتر مستعد أتابع الحاجات دى مقابل رسوم رمزية .. تظهر بلاوى ..

تراجى هووووووى أبعدى من سكتى .. ورأيك شنو .. أنا كاتب ولا لا ..

وهاك القرصنه البظربة دى .. جابت ليها ج ب س للحماية ..

بريمة

يا بريمه .... إزيك .... ما نكرتك ... حسب متابعتي جزو من الناس هنا بستحسنوا الحاجات الكاتبنها ناس بعرفوهم تربطهم بيهم علاقات شخصية بتأثر الي حد كبير في تقييمهم لكتاباتهم واراءهم وده النفيتو ...

عجبني مقالك جدا عن ثفاقة الدونية ...وما تابعت المداخلات في نفس البوست مع الناس او ردك عليهم الا القليل......

طبعا انا من قرايتي في بعض التفاصيل اللغوية ما بهتم بيها وبهتم بالمحتوي او الفكرة في معظم الاحيان وشايف البوست الاشادت بيه تراجي ده ممكن يكون اعمق من كده ويكتبوا فيه زراعيين ومتخصصين عن مشاكل الزراعه والثروة الحيوانية وهلم جرا زي ما بقول السيد الصادق .....

تحياتي وشكري

شكرا اختنا تراجي علي التنبيه

بعد فوز اوباما مزاجك رايق

ولو حاولتي تعدي مشاكل السودان
ان تحصيها وعشان كده الناس مهتمة بالمشاكل
التي تمس حياتهم مباشرة اليوم
وغدا سوف يكتشفوا ان ان استعمال المبيدات الحشرية
الغير المطابقة للمواصفات و السماد المضروب
هو السبب في عودة السل وعمي الجور الي السودان
بعد ان اصبخ الفشل اكلوي في السودان مثل الصداع

لكن برضوا يلاقوها من وين
يعني اسرة تعتمد الطماطم الطازج كوجبتين رئيستين
في اليوم وجبة بالدكوه والتاني بدون
تفتكري حيسمع لو حد شرح له مخاطر الماواد الكيمائية
المستعمله في زراعة البيوت البلاستيكية ( في السودان)

ليبقى عاليا لمزيد من القراءة للبوست الاصلي لآدم صيام.

العزيز عثمان رغيم
سلامات

Quote: شكرا اختنا تراجي علي التنبيه بعد فوز اوباما مزاجك رايق

كلامك صاح
كلنا ثقة ان بكره افضل للجميع ,باذن الله.


وشكرا لباقي الاضافات
وتابعوا آدم صيام دوما فهو دوما يجيئنا بالجديد.
تحياتي.