Post: #1 Title: اهلا بيهو الهلال هلا Author: Mutwali Malik Date: 11-07-2008, 06:07 AM
شفنا حبيب بنريدو غير علة اهلا بيهو الهلال هلا سوف نوثق ونكتب كل الشعر الذي يمجد ويذكر سيد البلد الموج الازرق عشقنا هلال الملايين
Post: #2 Title: Re: اهلا بيهو الهلال هلا Author: Nasser Mousa Date: 11-07-2008, 06:16 AM Parent: #1
الله الوطن
الهلال
Post: #14 Title: Re: اهلا بيهو الهلال هلا Author: ياسر عبدالكريم محمد Date: 11-09-2008, 02:06 AM Parent: #2
الاخ متولى لك التحية وهلالنا فوق ودائما فوق ياسر عبد الكريم
Post: #3 Title: Re: اهلا بيهو الهلال هلا Author: عبدالوهاب علي الحاج Date: 11-07-2008, 06:36 AM Parent: #1
فوووووق
لحدي ما نجي بمزاج
Post: #4 Title: Re: اهلا بيهو الهلال هلا Author: Mutwali Malik Date: 11-07-2008, 07:08 AM Parent: #3
مشكورين علي سرعة الاستجابة وحقيقة الامر ان هنالك الكثير من الشعر كتب ولم يوثق له او يدون وللحقيبة القدح المعلي
زهر الروضة
زهر الروضة نوّر في فصل الربيع والنسام يقسم للأرياح يبيع زي تبسيم سناك النّوره يقيد فظيع تبسيمان زهور البين النيل يبيع فرعها زي قوامك النادى يميل فريع حامل لي نهوره هل هلال ربيع من مهدك مكمل من جهلك رضيع مفتون بي هواك الرفيع والوضيع قل له عزيز في قومه لمحاسنك خديع لو ترسل محياك للبرق يضيع بي ذكرة محاسنك قد جل السميع بي ذكرة محاسنك قمري الدوح سجيع حرك زاد شجوني في الليل الهجيع ساهل وبالي وافي لا خل لا وجيع ومن بعدك حبيبي إخترت النجيع في تصوير محاسنك قد جل السميع وضع الماء والنار في خديك جميع والراح بين فاهك يالخدك لميع نوره سطع وهلّ دمعي نزل هميع أرجعي لي سلامي يا قمري الفريع قول للسادة بعدك زي السم جريع حظي سواده يشبه شعرك دا البريع غيثني ولو منا ما بي قربك سريع
Post: #5 Title: Re: اهلا بيهو الهلال هلا Author: عبدالوهاب علي الحاج Date: 11-07-2008, 08:13 AM Parent: #1
Post: #6 Title: Re: اهلا بيهو الهلال هلا Author: عامر تيتاوى Date: 11-07-2008, 12:12 PM Parent: #5
الهلال هلا -
Post: #7 Title: Re: اهلا بيهو الهلال هلا Author: Mutwali Malik Date: 11-08-2008, 00:14 AM Parent: #6
ناصر - عبدالوهاب - تيتا والتقيا في عشق هلال الملايين مشكورين علي المشاركة كم نظرنا هلال ماشاقنا غير هلالو و ما اظنو زلال يروينا غير زلالو اذا ادار لحظو على جبل دكالو اذا بسم انزل دم السحاب بكالو قلبو ما بيشفق على عاشقو مهما شكالو حبيبى طبع الطير ينزل على اشكالو لى حبيب يا ليل نوم العيون قلالو لى حبيب ياليل قتل النفوس حلالو لى حبيب يا ليل تشوف خدودو يلالو مع الظلام تشتاق الزهرة تتدلالو
Post: #8 Title: Re: اهلا بيهو الهلال هلا Author: نادر الفضلى Date: 11-08-2008, 02:33 AM Parent: #7
الأخ متولى وضيوفه
بوست ظريف يا رشاشات
أغنية كم نظرنا هلال أغنية سمحة فى خشم سيدا أتمنى من الأخ محمد عثمان يتحفنا بها فى هذا البوست
Post: #9 Title: Re: اهلا بيهو الهلال هلا Author: الفاتح خليل الفكي Date: 11-08-2008, 07:43 AM Parent: #8
وكانت ساعة النصر اكتمال الهلال مع تمنياتي لعشقنا الموج الازرق بالانتصار
أبو كريم
Post: #10 Title: Re: اهلا بيهو الهلال هلا Author: haroon diyab Date: 11-08-2008, 07:44 AM Parent: #1
متولي ياعمكـ لكن مااستعجلت جماعتك كلهم ادسوا لامن يوم 18 يجي تجي تجيب ليهم الهواء .....!! حسع يعرفوك انك صفوة ضل الطريق وعاوز تحرجهم ساااااااكت مع سيد البلد الزعيم ....الصفوة ولا ماكدي يارشاشات......؟
المهم.... راجياكم جنس ضبيحة اريته ضبيحة السرور
Post: #11 Title: Re: اهلا بيهو الهلال هلا Author: abas Date: 11-08-2008, 09:01 AM Parent: #1
اللــــــــــــــــــه
الهلالــــــــــــــــــ
و بـــــــــــــــس
Post: #12 Title: Re: اهلا بيهو الهلال هلا Author: عبود عبد الرحيم Date: 11-08-2008, 10:01 AM Parent: #1
الاخ متولي سلام
هــلالاب والحمد لله
Post: #13 Title: Re: اهلا بيهو الهلال هلا Author: Mutwali Malik Date: 11-08-2008, 11:08 PM Parent: #12
نادر - هارون- الفاتح - عباس - عبود سلامات هلالاب ورشاشات وانتم تشاركون في بوست هلال الملايين ودي هدية لهارون دياب ونادر الفضلي بمناسبة فوز الثلاثة كتب الشاعر زكريا سمساعة هذه الابيات بالفن فاز هلالنا والجدعنة واجاد توزيع الكرات بحرفنة والهيثم الفنان ابدع لوحة سحرت عيون الناظرين ملونة وتالق المعتز ليلة عرسه هز الشباك وهز بيت الانطنة لو كان تحكيم الثلاثة عادلا السبعة في المريخ كانت ممكنة
Post: #15 Title: Re: اهلا بيهو الهلال هلا Author: Mutwali Malik Date: 11-12-2008, 04:50 AM Parent: #13
مشكور اخي ياسر عبد الكريم علي المشاركة معنا في بوست ابوالهل الموج الازرق من غيرنا يعطي لهذا الشعب معني ان يعيش وينتصر هل تذكرون كاس الدهب ايام قاقا وعزو وتخليدا لتلك الذكري كتب الشاعر زكريا سمساعة هذه القصيدة ماشفت الهلال ماشفتو قاقا وعزو اقوان كالمطر مهما العتاولة يهزو كل مايجيبو قون مسئول الشبك لي يهزو في المقصورة ديك تلقي الجماعة يفزو مهداه الي هارون دياب
Post: #16 Title: Re: اهلا بيهو الهلال هلا Author: دبس Date: 11-12-2008, 05:10 AM Parent: #1
اهلا بيهو الهلال هلا
يا ولى
انشاء المولى سوف ندحرهم كما دحرنا د/ دبذ
في امدر
هاههههههههههاييييييي
Post: #17 Title: Re: اهلا بيهو الهلال هلا Author: Mutwali Malik Date: 11-13-2008, 06:52 AM Parent: #16
دبذ سوف ندحرهم دحر غرائب الابل هم ديل منو قصيدة: حور الجنان سيد عبد العزيز
مـن حـور الـجنان أم أنـت إنسان الكمال هـل أنـت الملاك جيت تورى الناس الجمال
سـبحان مـن نشاك حسنه وفى غاية الكمال يـهـواك الـجنوب وإلـيك يـنقاد الـشمال وما أظن يحصوا حسنك لو يحصوا عدد الرمال بـى إيه يقدروك يا ملك ملوك عصر الجمال
سـلطان بـهجتك مـحروس بجيوش الجلال ويـغار مـن صـفا حسنك صفا ماء الزلال فـى مراية خدودك أشوف تأكيد سحر الحلال وأشـوف فى سما حسنك كل يوم يسطع هلال صفا ماء الجمال فى مجال جمالك راق وجال زى مـاء الـحياء فـى عيون ربات الحجال مـا فـعل الـسلاح تـفعل عـيناك الـنجال مـكسور الـطريف كـسر قـلوب الـرجال
Post: #18 Title: Re: اهلا بيهو الهلال هلا Author: Mutwali Malik Date: 11-14-2008, 06:15 AM Parent: #17
كيف لا اعشق جمالك
ما رأت عيناى مثالك.. و كيف لا اعشق جمالك كيف لا اعشق جمالك ..و انت مغرى زنت بى ادبك جمالك..و انت سحرى فيك اجمل شي خصالك..و انت بدرى و ابعد الغايات منالك لو رنيت ترسل نبالك قلبى لاعب بيهو مالك ليهو حق لو كان هوالك و كيف لا اعشق جمالك بسمتك توحى الاغانى و اسمى ايات المعانى فى هواك لاقيت هوانى..و بيهو راضى معتلى قلبى و لسان انت ذى زهر الخميلة تزدهر فى روح جميلة و عاليه اخلاقك نبيلة و يخجل البدرين هلالك و كيف لا اعشق جمالك.. انت رافل فى نعيمك و بس انال منك جحيمك و قول لى كيف اظفر بليمك نارى تطفا..روحى ترفا فى سما العز ذى كمالك كيف لا اعشق جمالك
