Post: #1
Title: تراجي بنت خال أوباما
Author: علاء الدين يوسف علي محمد
Date: 11-06-2008, 10:01 PM
تراجي لي زمن ما فتحت ليك بوست بإسمك من بقينا أصحاب 
لاقاني واحد الليلة من الناس البيقرو الأون لاين قال لي :
إنت تعال تراجي دي بت خال أوباما ولا شنو ياخ؟
يعني يا تراجي قديتينا عدييييييييييل كدة
كفاية ياخ
فكرة واحدة و مليون بوست !!!!؟
حرام و ما ممكن
أركزي و خلينا نركِّز معاك
|
Post: #2
Title: Re: تراجي بنت خال أوباما
Author: عبدالوهاب علي الحاج
Date: 11-06-2008, 10:16 PM
Parent: #1
اخونا علاء
كيفك
| Quote: أركزي و خلينا نركِّز معاك |
استعجالها دا اصلها ما بتخليهو
المفروض من بوست قتيل الفاشر داك
تكون اتعلمت انها لازم تتريث ولو شوية
وانا متأكد يوم من الايام بتجي تقول
والله نحن اوباما دا ما قايلنو ببقى كدا
الامريكان ديل ملة واحدة ولا فرق بين ابيضهم ولا اسودهم
وبكرة بنقعد جنب الحيطة ونسمع الزيطة
|
Post: #3
Title: Re: تراجي بنت خال أوباما
Author: Tragie Mustafa
Date: 11-07-2008, 00:37 AM
Parent: #2
جاك الموت يا تارك الصلاة
اليوم الا تقووووول الرووووووب.
|
Post: #5
Title: Re: تراجي بنت خال أوباما
Author: علاء الدين يوسف علي محمد
Date: 11-07-2008, 06:00 AM
Parent: #3
تراجي
عارفة أوباما دة مفروض كان يشغِّلك معاهو مدير بالإنابة لحملته الإنتخابية
يعجبني إصراراك و كنكشتك في الأمور
لكن ما لدرجة القد يا فردة
يبدو إنو أصابع كيبورديك عايزة ليها (فلاجيل) عاجل (أمندازول)
بس زي ما قلت ليك قبل كدة
كلا فرحنا لأوباما
لكنه فرح بتحفظ
لأنو ماما أمريكا ستظل ماما أمريكا دولة يحكمها لوبي
و بكرة أوباما تشيفيهو قاعد في عِلبو زي سمك التونة
|
Post: #4
Title: Re: تراجي بنت خال أوباما
Author: علاء الدين يوسف علي محمد
Date: 11-07-2008, 05:54 AM
Parent: #2
العزيز عبد الوهاب
تارجي أكتر زول كان متواتيها و مُتّلِحة العبد لله
لكن فتّرتني عديييييييييييييييل
و زي ما قلتة
بكرة أوباما الأمريكي حيبقى أوباما أمريكا
و شتان ما بين المسميين
أمريكا لا و لم و لن يحكمها شخص
هم عارفين و نحن عارفين
و تجوا عايدين يا تراجي للكسرة و التركين يا الله
و تجوا عايدين لبلدنا و النيلين يا الله
و نشوف و تشوفوا و يشوفوا
و العرجا لي مراحا
|
|