ولدنا مبارك حسين...

عملتها
و..

غيّرت التاريخ









التعديل لحرف الحاء

عدولي

سلامات

عملها عشان ما اتنكر لأصله ولا فصله .. عشان ما قال أن أمريكي أبا عن جد زي ما بنقول نحنافي السودان

نحن عرب أحرار وما عدانا باطل .. عشان زار جدته الزنجية فباركت خطواته وعشان أحب جدته اللاتينية

فدعت له .. عشان إنسان نبيل وأصيل .. هذا درس مجاني لكل من ..

ومشتاقين يا مان ..

الرائعة عواطف
تحية بقدر المد الجياش الذي انداح على الانسانية اليوم..

Quote: عملها عشان ما اتنكر لأصله ولا فصله .. عشان ما قال أن أمريكي أبا عن جد زي ما بنقول نحنافي السودان نحن عرب أحرار وما عدانا باطل .. عشان زار جدته الزنجية فباركت خطواته وعشان أحب جدته اللاتينية فدعت له .. عشان إنسان نبيل وأصيل .. هذا درس مجاني لكل من

شكراً عواطف..

اهديت الانسانية اليوم (5/11) املاً كبيراً

... في أن "التغيير" قادم..
بعد أن اثبت أن الحلم حق مشروع للمسحوقين والمنبوذين
و..
أهل الهامش

يا ولدنا مبارك حسين..
قبيل زي الساعة 7 كدة بي توقيت ابو حمامة كان في واحد اسمو مارتن لوثر كنج..كان بضحك في قبره
ضحكة صافية ومتسامحة..
وبعد داك انقلب علي جنبتو اليمين..
وهسي نايم مرتاح

عدولة ..

Quote: غيّرت التاريخ

حتى انت يا بروتس ..!!

يا ناذر
ان لم تكن فعلة ولدنا مبارك حسين هي تغيير للتأريخ
فيجب علينا ان نفرك عيوننا وآذاننا
و
مفاهيمنا
.
.
.
.
حتى نفهم ما يدور من حولنا
هذا أمر لا علاقة له بمن نحب او نكره..

Quote: ولدنا مبارك حسين...

خلاص قمتو على صلبطتكم يا ناس السودان؟
الليلة الكيزان زعلانين من صباح الرحمن،
قالوا كييييييف أمريكا يحكمها ود قرف..
لأنهم خايفين بعد كده ممكن برضو يحكم السودان.
الراجل رفضوهو لأنو جاء بانتخاب حر،
لكنو لو جاء بانقلاب حر، لكانوا أول من أيد..

سلام مربع ليك ولمن معك يا عادل..




حكمة اليوم:
علمتني التجربة.. أن أكون زول بتاع ناسات

نصر الدين
سلامات يا جميل
وليك وحشة

Quote: خلاص قمتو على صلبطتكم يا ناس السودان؟

يا حلبي عاين في الاسم دا
مبارك حسين
عليك الله لو لقيتو مكتوب في مزيرة او في صفحة ويب.. غير سوداني تقول شنو..؟
ياخ دا حبوبتو اسما السارة يكون شنو غير سوداني
في ذمتك هسي انت بتعرف كم واحد حبوبتن اسما السارة..
ثم..
الكيزان يدقوا راسهم في حيطة ولو اتفلعوا الزول دا جا جا..
وبعدين هم لو ما دايرنو يبقوا غلطانيين، يعني فاكرين الجمهوريين احسن من الديمقراطيين..؟
صحيح بوش ساعد في اتفاقية السلام بتاعة الجنوب، لكن ساط ليهم دارفور سواطة، لحدي هسي ما عارفين يتخارجوا منها كيف..؟
ثم بعدين
ولدنا مبارك حسين دا جايي يصلح الخراب العملوا بوش، عشان كدا حيركز على ان يكون التفاوض هو الطريقة الوحيدة لحل القضايا المزمنة.

يا ولدنا مبارك
لو كان عمنا المرحوم الحاج حسين يدري انه مكلف بـ (توصيل) النطفة المباركة الى مستقرها الآمن لما انتظر حتى تتعطف عليه الحكومية الكينية ببعثة دراسية، اجل لو كان يدري وقتها، وهو يتأنق بالنظارة البيرسول، لارتدى لبس خمسة وجاب البحار والانهار والمحيطات والغابات والسهول والجبال والويدان حبواً للقاء المرحومة،آن دانهام، والدتك. أجل فانت (أمانة) وامانة غالية جدا ومصانة ومحفوظة لأجل هذا اليوم الذي رفض فيه المسلمي الذهاب الى المدرسة حتى يعرف (النتيجة)
ويا لها من نتيجة..

على سبيل التحية

العزيز طارق

Quote: على سبيل التحية

ولك بأفضل منها يا رائع
ثم..
التحية موصولة للاستاذ طلحة في هذا (المولد) الدسم
وقد شبعنا من تقاريره الرائعة وتحليلاته العميقة
وقد اثبتت ادارة جريدة الشرق الاوسط انها (شوافة) بعد اسناد مكتب واشنطن للاستاذ طلحة

الدكتور شهاب
تسلم يا غالي
شكراً على المرور والتحية (الديمقراطية)

صديقنا عادل
لا استطيع ان اصف لك احساس المهاجرين والسود هنا بهذا الفوز التاريخي الكبير
الذي يفتح باب الامل اكثر على مصراعية في هذه البلاد للمهاجرين ويثبت انه لا يوجد سقف يحد
طموحاتهم في بلاد العم سام.
قطعا الاغلبية البيضاء والنساء والشباب هم الذين ساهموا في فوز اوباما بالاضافة لبرنامجه
الانتخابي الذي لامس الاوتار الحساسة لغالبية الشعب الامريكي الذي سئم الحروب والتدخلات الغير
مبررة في شئون الغير.

لك وللاولاد التحايا

كسرة:
لم يصلنا طلب العريس في الوقت المناسب وعليه انتهت فرصتكم... انتظروا الجاية.

صديقنا عادل
لا استطيع ان اصف لك احساس المهاجرين والسود هنا بهذا الفوز التاريخي الكبير
الذي يفتح باب الامل اكثر على مصراعية في هذه البلاد للمهاجرين ويثبت انه لا يوجد سقف يحد
طموحاتهم في بلاد العم سام.
قطعا الاغلبية البيضاء والنساء والشباب هم الذين ساهموا في فوز اوباما بالاضافة لبرنامجه
الانتخابي الذي لامس الاوتار الحساسة لغالبية الشعب الامريكي الذي سئم الحروب والتدخلات الغير
مبررة في شئون الغير.

لك وللاولاد التحايا

كسرة:
لم يصلنا طلب العريس في الوقت المناسب وعليه انتهت فرصتكم... انتظروا الجاية.

اشوف التفاؤل غلب عليك
اظنك نسيت المنظراتية الكبار داخل اسوار البيت الابيض
اقصد السواقيين العموميين بتاعين امريكا
والله نحن ذاتنا بفينا ما عارفين الصالح من الطالح
من احتمال يكرهنا ويكره افريقيا لانها بتذكروا لون بشرته
والضمان شنو الكينين يجونا من ورانا وياخدوا ليهم مدينة مدينتين من جنوبنا الحبوب
وطبعا ضهرهم مسنود والراجل افتح خشموا
نتمني ان يكون مجيئه نصرا للحرية والديمقراطية
وانت مع الصائمين ياربي ولا جالدوا (الاعتصام )
تحياتي لمحمود واخوانه وامهم

الحبيب معاذ ابومنصور
سلامات ياشفيف
كيف اخبار والعيال
ثم

Quote: اشوف التفاؤل غلب عليك

ياخ العالم (الانساني) كله غلب عليه التفاؤل بفوز ولدنا مبارك
لأنو زول جيد،
وبعدين المتوقع انو الادارة الامريكية تفتش لي اجابة عن السؤال الراهن ( الحصل شنو لى امريكا حتى تصل الى ما وصلت اليه، وحتى باتت مضرب المثل في الكراهية عند كثير من شعوب العالم (الانساني)..
امريكا تحتاج الى عنلية مراجعة شاملة حتى تزيل التشوهات التي ارتبطت بصورتها، لذلك فإن التوقع من(المنظرين) داخل الادارة المحالة باقصى جهد وضع سياسات لا تعيد انتاج الازمات الماثلة..
واوباما من خلال خطابه وبرنامجه الانتخابي كشف عن اتجاهات عقلانية في سياسته التي سينتهجها من أجل التغيير..

Quote: وانت مع الصائمين ياربي ولا جالدوا (الاعتصام )

فاتنا شرف الاعتصام..

العمدة ابو نوف
اطيب وانبل التحايا يا حبيب
ومليار مبروك لفوز ولدنا مبارك التاريخي
طبعاً الواحد ما قادر يتصور حجم الفرحة وسطكم لكن كتر خير القنوات ما قصرت في نقل الكثير من مظاهر الفرحة منذ اعلان النتيجة عند الساعة السابعة بتوقيت السودان..
وطبعا الناس هنا فرحانيين واتبادلوا التهاني زي كأنوا الزول دا سوداني (وهو قطعاً كذلك)

Quote: قطعا الاغلبية البيضاء والنساء والشباب هم الذين ساهموا في فوز اوباما بالاضافة لبرنامجه الانتخابي الذي لامس الاوتار الحساسة لغالبية الشعب الامريكي الذي سئم الحروب والتدخلات الغير مبررة في شئون الغير.

شكراً على ايراد هذا التوضيح فهناك من يعتقد ان هذه الانتخابات جرت على اساس عرقي عنصري وطبعاً هذا زعم غير صحيح ومثلما ما اوردت فإن الاغلبية البيضاء هي التي ساندته اقتناعاً ببرنامجه وشخصيته، ولغة الارقام تؤكد التوضيح الذي تفضلت به..حيث ان اوباما نال حوالي (51.5) مليون صوتا جاءت (61%) منها من اصوات البيض بينما كانت اصوات السود بنسبة (23%) لكن الثابت ان (96.5%) من اصوات السود ذهبت لاوباما، ولوكانت هناك عنصرية، كما ادعى البعض هنا، لذهبت اصوات البيض لمكين ولفاز بسهولة لان الفرق بينه وبين اوباما حوالي 3 ملايين صوت فقط في المجموع الكلي.
فلك الشكر على ايراد التوضيح .
++++

Quote: لم يصلنا طلب العريس في الوقت المناسب وعليه انتهت فرصتكم... انتظروا الجاية.

طلب العريس..؟
الكلام دا خلي بعدين
لأنو الشاب أحمد طول الليل في الشات مع الآنسة نوف
عشان كدا حقو نمرق منها
"معليش انا قلت الكلام دا عشان تعرف انو الاولاد حددوا خياراتهم وعليه اوعى تقوم تتهور وتغلط في حق الآنسة.. وبراك عارف القوانين"
وعاطر التحايا لنوف ووالدتها العزيزة

تحياتى يا عادل...

أصدقائى أهل اللغة السواحلية أكدوا لى أن Barack تعنى بركة

و برضوا ولدنا...

ابو ذر عمر
سلامات يا حبيب

Quote: أصدقائى أهل اللغة السواحلية أكدوا لى أن Barack تعنى بركة

شكراً لهذه الافادة المهمة
وبركة = مبارك
مش كدة؟

يا ولدنا مبارك حسين ..
فيك شيء لله
ايوة حاجة كدة مزيج ما بين الصلاح والبركة
عشان كدة الناس احبوك..
حبوا فيك هذا الشيء
ولو في واحد عايز يجي يقول انك صنيعة لآلة اعلامية غريبة رهيبة..فكلامه مردود عليه
الاعلام قدمك للناس لكن الناس بدورهم احسوا انك فيك شيئ مختلف..عشان كدا ايدوك ووفقوا معاك
ومن هنا نشكر الاخت تراجي لأنها اول ما اوردت صورتك في المنبر..
المهم انو اي زول يشوف صورتك دي بجيهو احساس كدا بي السكينة
"هسي عليك الله شايف تراجي دي جنبك مبسوطة كيف..؟

نواصل..

اها يا ولدنا مبارك حسين
انت عملت حاجة كبيرة في الدنيا دي
الناس - زي ما قلنا فوق - شافت فيك شيئ مختلف وحبوك وبقيت ليهم ملهم ومخلّص
وأي اقلية بقت تفتش لي اوبامها، واي شعب نظاموا خانقوا ولى فاشل، بقي يتفتش لي اوباما حقوا حتى باتت صرعة اطلق عليها الاعلام مصطلح (الاوبامية)،
والاوبامية باتت رديف المنقذ والمنقذ في زمنا دا اسموا المسيح... فهل انت المسيح..؟
بعض المحليين السياسيين استنكروا محبة الناس لك وانتظارهم ان يتم "التغيير" - هذه الكلمة تصلح ان تكون مرادفاً للخلاص - عليك فقالوا انك لست المسيح..مكابرة منهم..نعم يعلم الجميع انك لم تأتي بوصفك داعية دينيا، لكنك سياسي وتصلح ببساطة ان تكون المسيح (السياسي) المنتظر، الذي يعيد الأمل للإنسانية في تعايش سلمي بعد ان اذاقها سلفك بوش الويل والعذاب..؟
هل سترفض الدعوة لأن تكون المسيح السياسي، لا اظنك فانت تتمتع بصفات قل ما توجد في البشر العادي..وبعض هذه الصفات كان سابقاً لدخولك الغمار السياسي بمراحل..
من هذه الصفات الاعتزاز بالاصل..فانت لم تتنكر لاصلك الافريقي فقد ذهبت تبحث عن جذورك



(اوباما مع حبوبته حاجة السارة في كينيا وهو شايل شوال القش لي البقرة..)
ولنترك الصورة تتحدث عن ذلك..
نواصل

فوق
لأجل الحاجة السارة التي ذبحت ثوراً يوم فوز لودنا مبارك حسين