باركي ليهو هيلاري .. العمرو ما قام جاري .. العجبنا ليهو ..

أتخيلتك يا تراجي ..

شايلة دلوكتك

و السيرة مرقت عصر ..

و راكبة برينسة شغالة خط هامليتون ـ ألينوي و ما بالعكس ..


و الربة قاجة قج ..

ــ


الليلة ساير ..
من هامش هامبشاير
لي البندوره ليهو ..

باركي ليهو هيلاري
عمرو ما قام جاري
العجبنا ليه

من الهامش كداري
ما بشوت ضفاري

حنينهو يا نانسي
حٍتي ليهو ( الدانسي ) ..


ــــ

حاجة لذيذة مش كدة ..

و كمان ..

يا الله يا معين
فوزتو على ماكين
و حيات كتاب الدين
حتفرحوا يا المهمشين

مهمشين هنا و أنا مالي
الخدار مرق لوداري ..

أوباما أوباما
ووب علي ..
أوباما
يا خاتي الملامة
ووب علي ..
أوباما يا الحارسنا
ووب علي
يا الفي العلم دارسنا
ووب علي ..

دة اليوم الدايرنو ليك
يا أوباما
مبروك عليك
..
تراجي سوت قُدرتا ..
يا أوباما ..
مبروك عليك ..
و جمبك أخدت صورتا ..
يا أوباما
مبروك عليك

و في المنبر
لقت راحتا ..
و الهناها
هنى جماعتا

يا أوباما ..


ــ

زغرتي يا ميشيل ..

سعدة المُستشار ود دهب
لاتستبعد أن تجد ماكتبته هنا بعد يومين علي شريط كاسيت وواحده من الفنانات البروس اللاتي يظهرن يومياً أكثر من مذيعي نشرة الاحوال الجويه..
** وقبل أن يتم تسجيل هذا الشريط _ اشهد معك بتسجيل حقك الادبي ..ً

سعادة المستشار / عبد الكريم
تحياتي

Quote: لاتستبعد أن تجد ماكتبته هنا بعد يومين علي شريط كاسيت وواحده من الفنانات البروس اللاتي يظهرن يومياً أكثر من مذيعي نشرة الاحوال الجويه..

ما طمنتني سعادتك أنا بهزر ساكت ، مالك داير تقوم علينا ناس النظام العام .. ما سمعت الفنانة الخترية البتقول .. ( الطارة جات و الطرحة وينا ) ..

Quote: وقبل أن يتم تسجيل هذا الشريط _ اشهد معك بتسجيل حقك الادبي ..ً

و أنا متنازل عنو من هسع دي لكل من هبت و دبت و أشهدك على ذلك ..