Post: #1
Title: تراجي عاملة فيها أخت العريس ..
Author: عصام دهب
Date: 11-05-2008, 10:03 AM
Parent: #0
تراجي إزيك ..
يعني شنو لو فاز أوباما و للا حتى جورج بوش الأب و الإبن ذاتو ..
كلهم أحمد و حاج أحمد ..
و أمريكا ياها أمريكا ذاتا ..
أوباما ذاتو ( ود راحات ) و قاري في هارفارد و لا بتاع هامش و لا شيئ .
ــ
ما تفرحوا ساكت ..
|
Post: #2
Title: Re: تراجي عاملة فيها أخت العريس ..
Author: العوض المسلمي
Date: 11-05-2008, 10:08 AM
Parent: #1
الاخ عصام سلام
فوز اوباما البعض يريد جعله فوز اسود علي ابيض ,,
وكاننا في السودان فينا ابيض يغضب لفوز اوباما ؟!!!
اوباما مواطن امريكي ليس بعنصري ابدا ,,ولو كان عنصيا لما وجد صوتا واحدا ,,,
|
Post: #8
Title: Re: تراجي عاملة فيها أخت العريس ..
Author: عصام دهب
Date: 11-05-2008, 10:22 AM
Parent: #5
عذراً ..
|
Post: #7
Title: Re: تراجي عاملة فيها أخت العريس ..
Author: اسامه هاشم
Date: 11-05-2008, 10:21 AM
Parent: #2
تراجي بتحلم ساااااااااكت
الماكينة اليهودية شايفة شغلها مع اوباما ولا
يستطيع الفكاك منها هي من مهدت له الطريق للرئاسة
لو حاول الزوغان بيمشي الخور ... احلام زلوط .....
لكن فوزه يجد هوى في نفسي .... على الاقل فيه نقطة
دم اسلامية في عروقه... ننتظره حتى الفراغ من تكوين
طاقمه بعد كدى بنعرف الزول دا شايت مع تراجي ولا شايت
مع يهود بني قريظة
كسرة بسيطة:
تراجي فاكرة اوباما حينتصر لافريقيا؟؟ بالله
|
Post: #11
Title: Re: تراجي عاملة فيها أخت العريس ..
Author: عصام دهب
Date: 11-05-2008, 02:40 PM
Parent: #2
الاخ العوض سلام
| Quote: فوز اوباما البعض يريد جعله فوز اسود علي ابيض ,, |
و لعل هذا البعض لا يعلم أن البيض هم السبب في فوز أوباما لأنهم صوتوا له و لأنهم الأغلبية ، و لو أن المسألة كانت أبيض و أسود لما نجح أوباما في أن يكون سيناتور ناهيك من أن يكون رئيساً ..
| Quote: وكاننا في السودان فينا ابيض يغضب لفوز اوباما ؟!!! |
شخصياً لا يفرحني فوز أوباما و لا تحزنني هزيمة ماكين فهما وجهان لعملة رديئة ..
| Quote: اوباما مواطن امريكي ليس بعنصري ابدا ,,ولو كان عنصيا لما وجد صوتا واحدا ,,, |
بالعكس إن كان عنصرياً لوجد كثير من الأصوات لكنها قطعاً لأن تؤهله للرئاسة ..
شكراً يا العوض ..
|
Post: #6
Title: Re: تراجي عاملة فيها أخت العريس ..
Author: محمد على النقرو
Date: 11-05-2008, 10:19 AM
Parent: #1
أخى دهب سلامات
أولا مبروك لتراجى وكل الاوباميين والاوباميات
بالمنبر وكل أنحاء العالم.
لماذا لا نعتبر فوز أوباما فوز لكل
انسان وتعلو قيم المساواة ؟. تخيل
أخى أمريكا التى أراد بعض الناس تصويرها
عنصرية تجاه الانسان الاسود , ترد عليهم
بفوز ابن مهاجر ...يا له من درس.
|
Post: #12
Title: Re: تراجي عاملة فيها أخت العريس ..
Author: عاصم ابوبكر حامد
Date: 11-05-2008, 03:38 PM
Parent: #1
يا عصام دهب
اخبارك يا زول ...
فوز اوباما يعنى فوز لكل الافارقة ...
ومن حق الجميع ان يحتفل بالطريقة المناسبة التى يراها ...
يعنى من حق تراجئ ان تكتب وتقول ماتريد
ومن حقئ صابر الشريف وبكرى وانت زاتك ...
كدة روقوا شوية وخلوا اوباما يدخل البيت الابيض بعداك ...
|
|